यावर्षीही अनुभवायला मिळणार विदर्भातील सर्वात उंच दहीहंडी फोडण्याचा थरार, मनसे कडून दहीहंडी उत्सवाची जय्यत तयारी

प्रशांत चंदनखेडे वणी 

नागरिकांना आनंद व उत्साहाचं वातावरण निर्माण करून देण्यात महाराष्ट्र नवनिर्माण सेना नेहमीच अग्रेसर राहिली आहे. युवावर्गासह जेष्ठांनाही भक्तिमय वातावरणातून उत्साह भरण्याचं काम मनसेकडून सदैव करण्यात आलं आहे. शहरवासीयांना आनंद साजरा करण्याची पर्वणी देण्याला मनसे नेहमी उत्साही राहिली आहे. श्रीकृष्ण जन्माष्टमी निमित्तही शहरवासीयांना आनंदोत्सव व दहीहंडीचा थरार अनुभवण्याचा योग यावर्षीही मनसेने जुळवून आणला आहे. मनसेकडून दहीहंडी उत्सवाची जय्यत तयारी करण्यात आली आहे. सर्वात उंच अशी दहीहंडी फोडण्याकरिता महाराष्ट्रातील ठिकठिकाणचे गोविंदा पथकं या स्पर्धेत सहभागी होणार आहेत. ही दहीहंडी फोडण्याकरिता गोविंदा पथकांकडून आपलं कौशल्य पणाला लावलं जाणार आहे. उंच मानवी मनोरे तयार करून दहीहंडी फोडतांनाचा थरार शहरवासीयांना अनुभवायला मिळणार आहे. ३० ऑगस्टला भव्य शासकीय मैदानावर (पाण्याची टांकी) हा दहीहंडीचा उत्सव रंगणार आहे. या दहीहंडी उत्सवाचे खास आकर्षण असणार आहे सिने अभिनेत्री माधुरी पवार. माधुरी पवार या सिने अभिनेत्रीला या दहीहंडी उत्सवाकरिता मनसे कडून खास आमंत्रित करण्यात आले आहे. मनसे नेते राजू उंबरकर यांच्या संकल्पनेतून यावर्षीही भव्य असा दहीहंडी उत्सव साजरा होणार आहे. 

मोठ्या शहरांबरोबरच आता ग्रामीण भागातही दहीहंडी उत्सवाची प्रथा सुरु झाली आहे. ठिकठिकाणी दहीहंडी फोडण्याचे कार्यक्रम घेतले जातात. मनसेच्या वतीने यावर्षीही शासकीय मैदानाच्या भव्य पटांगणावर दहीहंडी उत्सवाचे आयोजन करण्यात आले आहे. मनसे नेते राजू उंबरकर यांच्या पुढाकारातून हा उत्सव साजरा होणार आहे. या उत्सवाचे खास आकर्षण माधुरी पवार ही सिनेतारका असणार आहे. माधुरी पवार या सिने अभिनेत्रीला दहीहंडी उत्सवाकरिता मनसे कडून खास आमंत्रित करण्यात आले आहे. दहीहंडी स्पर्धेत भाग घेण्याकरिता महाराष्ट्रातून गोविंदा पथकं वणी येथे येणार आहेत. सर्वात उंच अशी दही हंडी फोडतांनाचा थरार शहरवासीयांना यावर्षी परत एकदा अनुभवायला मिळणार आहे. मनसेकडून दहीहंडी उत्सवाची जय्यत तयारी करण्यात आली आहे. सायंकाळी ४ ते रात्री १० वाजेपर्यंत हा दहीहंडी उत्सव साजरा करण्यात येणार आहे. विदर्भातील सर्वात उंच अशी दहीहंडी फोडतांनाचा थरार अनुभवण्याकरिता व आनंदाच्या वातावरणात सहभागी होण्याकरिता उत्साहीप्रेमी नागरिकांनी मोठ्या संख्येने उपस्थित राहण्याचे आवाहन मनसे नेते राजू उंबरकर यांनी केले आहे.