LOKSANDESH

प्रशांत चंदनखेडे वणी   तालुक्यातील कोलेरा (पिंपरी) या गावात पूर परिस्थिती निर्माण झाली आहे. मागील तिने ते चार दिवसांपासून तालुक्यात पावसाचा जोर कायम आहे. कधी संततधार तर कधी मुसळधार पाऊस पडत असल्याने कोलेरा या गावात मोठ्या प्रमाणात पाणी साचले आहे. वेकोलिच्या ढिसाळ नियोजनामुळे गावाला पावसाच्या पाण्याने वेढा घातला असून नागरिकांच्या घरातही पाणी शिरले आहे. गावातील काही घरांना तर पावसाच्या पाण्याचा मोठ्या प्रमाणात फटका बसला आहे. घरांमध्ये प्रचंड पाणी शिरल्याने काही कुटुंबं उघड्यावर आली आहेत. त्यांना मिळेल तेथे आसरा घ्यावा लागत आहे. वेकोलिने डंप केलेल्या मातीच्या ढिगाऱ्यांमुळे कोलेरा या गावात ही परिस्थिती उद्भवली आहे. भूस्खलनामुळे गावातील पाणी वाहवून नेणारा नाला अरुंद झाला असून नाल्यातील पाण्याचा प्रवाह पूर्णपणे खुंटला आहे. त्यामुळे कोलेरा गाववासीयांवर पूर परिस्थितीचा सामना करण्याची वेळ आली आहे. तालुक्यात पावसाने थैमान घातले आहे. मागील तीन ते चार दिवसांपासून सारखा पाऊस सुरु आहे. कधी तीव्र तर कधी माध्यम स्वरूपाचा पाऊस पडत आहे. संततधार व मुसळधार पडणाऱ्या या पावसामुळे कोलेरा या गावात मोठ्या ...

प्रशांत चंदनखेडे वणी  शासकीय कार्यालयांमध्ये विविध प्रतिज्ञापत्रांसाठी लागणारे मुद्रांक शुल्क (Stamp Duty) न आकारण्याचा निर्णय संभाजी नगर उच्च न्यायालयाने जाहीर केल्यानंतर महाराष्ट्र शासनाकडूनही तसे आदेश देण्यात आले आहेत. प्रतिज्ञापत्रांसाठी जोडावे लागणारे मुद्रांक शुल्क माफ करण्याचे शासनाचे आदेश असतांनाही वणी नगर पालिकेने मुद्रांक शुल्क आकारून शासनाच्या आदेशाची अवहेलना केली आहे. शासनाच्या आदेशानंतरही मुद्रांक शुल्काची मागणी करणाऱ्या न.प. उपमुख्याधिकारी यांच्यावर कायदेशीर कार्यवाही करण्याची लेखी तक्रार सामाजिक कार्यकर्ते रविंद्र कांबळे यांनी जिल्हाधिकाऱ्यांकडे केली होती. मात्र ७५ दिवस लोटूनही यासंदर्भात कुठलीही कार्यवाही करण्यात आली नाही. किंवा विभागातील शासकीय कार्यालयांना मुद्रांक शुल्क न आकारण्याबाबत पत्रही देण्यात आले नाही. ही अत्यंत गंभीर बाब असतांनाही याकडे दुर्लक्ष करण्यात आल्याने रविंद्र कांबळे यांनी या प्रकरणाकडे लक्ष वेधण्याकरिता परत उपविभागीय अधिकारी यांना स्मरणपत्र दिले आहे. शासकीय प्रतिज्ञापत्रांसाठी जोडावे लागणारे मुद्रांक शुल्क माफ करण्याचा निर्णय संभाजी नगर उच्च न्य...

प्रशांत चंदनखेडे वणी   आंतरराष्ट्रीय सहकार वर्ष २०२५ व सहकार मंत्रालय स्थापना दिन सहकार क्षेत्रात उत्साहात साजरा करण्यात आला. शहरातील सर्व सहकारी संस्था व पतसंस्थांनी एकत्र येत आंतरराष्ट्रीय सहकार वर्षानिमित्त शहरात सहकार सप्ताह साजरा केला. यावेळी विविध सामाजिक उपक्रमांसह भरगच्च कार्यक्रमही घेण्यात आले. या निमित्ताने शहरातील सर्व सहकारी संस्था व पतसंस्थांचे पदाधिकारी व अधिकारी एकाच मंचावर एकत्र आल्याचे पाहायला मिळाले.   आंतरराष्ट्रीय सहकार वर्षानिमित्त शहरात ३० जून ते ६ जुलै पर्यंत सहकार सप्ताह  साजरा करण्यात आला. शहरातील सहकारी संस्था, पतसंस्था व सहाय्यक निबंधक यांच्या संयुक्त विद्यमाने शहरात सामाजिक उपक्रम व विविध कार्यक्रमांचं आयोजन करण्यात आलं होतं. २ जुलैला सहाय्यक निबंधक सहकारी संस्था कार्यालयात आयोजित कार्यक्रमात सहाय्यक निबंधक सचिन कुळमेथे यांनी ई.क्यु.जे. ट्रेनिंग व सहकार कायद्याच्या कलम १०१ अंतर्गत ऑनलाईन दावा कसा दाखल करावा या संदर्भात पतसंस्थांना विस्तृत मार्गदर्शन केले. तसेच केशव नागरी पतसंस्थेचे कार्यकारी अधिकारी दिपक दिकुंडवार यांनी सहकार आयुक्त व निब...

प्रशांत चंदनखेडे वणी  केंद्र सरकारच्या अन्यायकारक धोरणांमुळे व्यक्ती स्वातंत्र्य धोक्यात येऊ लागलं आहे. सरकारने अनेक कामगार व शेतकरी विरोधी कायदे केले आहेत. उद्योगपतींसाठी पूरक ठरेल असे कायदे करून सरकार कामगारांच्या हक्क अधिकारांचं हनन करू पाहत आहे. केंद्र सरकारचे जनहित विरोधी धोरण आणि कामगार विरोधी कायद्यांच्या विरोधात केंद्रीय कामगार संघटनांनी पुकारलेल्या देशव्यापी संपाला मार्क्सवादी कम्युनिस्ट पक्ष व अखिल भारतीय किसान सभेने पाठिंबा दर्शविला आहे. मार्क्सवादी कम्युनिस्ट पक्ष व किसान सभेच्या संयुक्त विद्यमाने ९ जुलैला दुपारी १२ वाजता वणी व पाटणबोरी येथेही भव्य काढण्यात येणार आहे. वणी येथे शासकीय मैदानावरून (पाण्याची टांकी) तर पाटणबोरी येथे राम मंदिर येथून हा मोर्चा निघणार आहे. पाटणबोरी येथे मुख्य महामार्गावर रस्ता रोको देखील करण्यात येणार असल्याचे सांगण्यात येत आहे.  केंद्र सरकार उद्योगपतींना फायदेमंद ठरणारं धोरण राबवत असून भांडवलशाही पुरस्कृत कायदे करीत आहे. त्यामुळे केंद्र सरकारच्या अन्यायकारक धोरणांत सर्वसामान्य नागरिक भरडले जात आहे. कामगारांच्या हक्क अधिकारांवर गदा आणणारे ...

प्रशांत चंदनखेडे वणी  वणी नांदेपेरा रोड वरील लॉयन्स कॉलेज जवळ झालेल्या अपघातात राजूर (कॉ.) येथील व्यक्तीचा दुर्दवी मृत्यू झाल्याची घटना ४ जुलैला रात्री ९.१० वाजताच्या सुमारास घडली. ईश्वर किशन गाडगे (५१) रा. राजूर (कॉ.) ह.मु. वणी असे या अपघातात मृत्युमुखी पडलेल्या व्यक्तीचे नाव आहे.  मूळचे राजूर (कॉ.) येथील रहिवाशी असलेले ईश्वर गाडगे हे हल्ली वणी येथील साधनकरवाडी येथे कुटुंबासह राहत होते. त्यांचा नांदेपेरा रोडवर अपघात होऊन मृत्यू झाल्याची माहिती मिळाली आहे. ईश्वर गाडगे यांचे नांदेपेरा रोडवरील गुप्ता ले-आऊट येथे नवीन घराचे बांधकाम सुरु आहे. ते रोज बांधकामाची पाहणी करण्याकरिता त्याठिकाणी जायचे. ४ जुलैला रात्री ८.३० वाजता नेहमी प्रमाणे ते बांधकामाची पाहणी करण्याकरिता नांदेपेरा रोडने पायदळ जात असतांना त्यांना लॉयन्स कॉलेज जवळ अज्ञात वाहनाने धडक दिली. यात त्यांच्या डोक्याला गंभीर मार लागून त्यांचा मृत्यू झाला. अज्ञात वाहनाच्या धडकेत वडिलांचा मृत्यू झाल्याची तक्रार मृतक ईश्वर गाडगे यांचा मुलगा तुषार ईश्वर गाडगे (२४) याने पोलिस स्टेशनला नोंदविली. त्याच्या तक्रारी वरून पोलिसांनी अज्ञात...

प्रशांत चंदनखेडे वणी  शहरातील एका चायनीज स्टॉलवर शुल्लक कारणावरून झालेल्या वादाचे रूपांतर मारहाणीत झाले. चायनीज विक्रेत्याला तेथे ग्राहक म्हणून आलेल्या चौघांनी थापडा बुक्क्यांनी मारहाण केली. तसेच मध्यस्थी करण्यास गेलेल्या त्याच्या चुलत भावाच्या हातावर चाकू मारून त्याला जखमी केले. ही घटना ३ जुलैला सायंकाळी ७ वाजता साई मंदिर परिसरातील एसबीआय बँक जवळील चायनीज स्टालवर घडली. याबाबत पोलिस स्टेशनला तक्रार देण्यात आल्याने पोलिसांनी चार आरोपींवर गुन्हे दाखल केले आहे.  शहरातील साई मंदिर परिसरातील एसबीआय बॅंकेजवळ तेली फैल येथे राहणाऱ्या कुणाल रमेश लोहकरे (३२) याचे चायनीज खाद्य विक्रीचे दुकान आहे. कुणालचा भाऊ रोहित हा देखील त्याला या व्यवसायात मदत करतो. ३ जूनला सायंकाळी ७ वाजता चार जण कुणालच्या चायनीज स्टॉलवर आले. त्यांनी चायनीज खाद्याची ऑर्डर दिली. मात्र दुकानात ग्राहकांची गर्दी असल्याने त्यांची ऑर्डर लावण्याला उशीर झाला. यावर त्यांनी चायनीज दुकानदाराला ऑर्डर लावण्याला एवढा उशीर का, असे म्हणत त्याला शिवीगाळ करण्यास सुरुवात केली. तेंव्हा कुणालने येथे महिला बसलेल्या आहेत, शिव्या कशाला देतो...

प्रशांत चंदनखेडे वणी  मुंबई येथे सुरु असलेल्या पावसाळी अधिवेशनाच्या तिसऱ्या दिवशी वणी विधानसभा क्षेत्राचे आमदार संजय देरकर यांनी वणी येथील कोलडेपोमुळे निर्माण झालेल्या समस्या प्रखरपणे मांडल्या. औचित्याचे मुद्दे या सदरात त्यांनी वणी येथील प्रदूषण वाढीचा मुद्दा उपस्थित केला. कोलडेपोमुळे प्रदूषणात झालेली वाढ आणि कोळसा वाहतुकीमुळे वाढलेले अपघात या समस्येकडे त्यांनी विधिमंडळाचे लक्ष वेधले. कोळशाच्या प्रदूषणामुळे निर्माण झालेल्या समस्या आणि त्याचे जनतेच्या आरोग्यावर होणारे दुरोगामी परिणाम याचा त्यांनी विधिमंडळात पाढाच वाचला. वणी येथील प्रदूषणाच्या समस्येला घेऊन ते विधिमंडळात गरजले. वणी येथील लालपुलिया परिसरात अनधिकृतपणे कोलडेपो थाटण्यात आले आहे. त्यामुळे या कोलडेपोची चौकशी व कोलडेपो धारकांवर कार्यवाही करण्याकरिता चौकशी समिती नेमण्याचीही मागणी त्यांनी विधिमंडळात केली. मुंबई येथे विधानसभेचे पावसाळी अधिवेशन सुरु आहे. या अधिवेशनात आमदार संजय देरकर यांनी वणी विधानसभा क्षेत्रातील मुद्दे मांडतांना लालपुलिया परिसरातील कोलडेपोमुळे निर्माण झालेल्या समस्यांचा पाऊस पाडला. कोलडेपो हे वणी यवतमाळ या मु...

प्रशांत चंदनखेडे वणी   शहरातील एमआयडीसी परिसरातील दुकान फोडून दुकानातील वस्तू व साहित्य लंपास करणाऱ्या चोरट्याला स्थानिक गुन्हे शाखा पथकाने अवघ्या दोन तासांत अटक केली. त्याच्या जवळून पथकाने १८ हजार ५०० रुपयांचा मुद्देमाल जप्त केला आहे. शेख सलीम शेख इस्माईल (४९) रा. खडबडा मोहल्ला असे या एलसीबी पथकाने अटक केलेल्या चोरट्याचे नाव आहे.  एमआयडीसी परिसरातील गजानन फर्निचर या दुकानात ३० जूनच्या रात्री चोरी झाली. चोरट्याने दुकानाचे कुलूप तोडून दुकानातील वस्तू व साहित्य लंपास केले. १ जुलैला सकाळी ९ वाजता ही चोरीची घटना उघडकीस आली. दुकानात चोरी झाल्याचे लक्षात आल्यानंतर दुकान मालक अनिकेत गजानन गहुकर (२५) यांनी दुपारी १.३० वाजताच्या सुमारास पोलिस स्टेशनला तक्रार नोंदविली. तक्रार दाखल होताच गुन्हेगारांचा शोध लावण्यात तरबेज असलेल्या एलसीबी पथकाने शीघ्र तपासचक्रे फिरवून व खबऱ्यांना अलर्ट करून अवघ्या दोन तासांत या चोरी प्रकरणाचा छडा लावला. दुकान फोडणाऱ्या शेख सलीम शेख इस्माईल याच्या मुसक्या आवळून त्याने चोरी केलेला मुद्देमाल एलसीबी पथकाने जप्त केला.  कौशल्यपूर्ण तपास करून एलसीबी पथकाने अव...

प्रशांत चंदनखेडे वणी  शहरात नियमबाह्य पद्धतीने चालविण्यात येणाऱ्या स्कुल बस व ऑटोवर कायदेशीर कार्यवाही करण्याची मागणी महाराष्ट्र नवनिर्माण वाहतूक सेनेचे राज्य उपाध्यक्ष इरशाद खान यांनी वणी वाहतूक उपशाखेचे सहाय्यक पोलिस निरीक्षक यांना दिलेल्या निवेदनातून केली आहे.  शहरात व शहरालगत अनेक इंग्रजी माध्यमिक शाळा आहेत. येथे शिक्षण घेणाऱ्या विद्यार्थ्यांना ने-आन करण्याकरिता मोठ्या प्रमाणात स्कुल बस लावण्यात आल्या आहेत. तसेच काही विद्यार्थी ऑटोने सुद्धा शाळेत जाणे येणे करतात. स्कुल बस व ऑटोचा खर्च पालकांनाच उचलावा लागतो. पण स्कुल बस व ऑटोतुन शाळेचा प्रवास करणारे विद्यार्थी सुरक्षित आहेत, याकडे मात्र कुणीही लक्ष द्यायला तयार नाही. शाळा व्यवस्थापन केवळ पालकांकडून स्कुल बसची फी वसूलण्याचं काम करते.  पण विद्यार्थ्यांच्या सुरक्षेच्या दृष्टीने शाळा व्यवस्थापन गंभीर असल्याचे दिसत नाही. स्कुल बसमध्ये क्षमतेपेक्षा जास्त विद्यार्थी भरले जातात. ऑटो मधूनही विद्यार्थ्यांचा धोकादायक प्रवास सुरु आहे. स्कुल बसचे परमिट तपासले जात नाही. फिटनेस तपासले जात नाही. अनेक ऑटोचे परमिट कालबाह्य झाले आहेत. त...

प्रशांत चंदनखेडे वणी  शहरातील एका अट्टल गुन्हेगाराला उपविभागीय अधिकारी यांच्या आदेशाने हद्दपार करण्यात आले आहे. या गुन्हेगाराच्या शिरावर अनेक गंभीर गुन्हे नोंद आहेत. अतिशय कमी वयात त्याने गुन्हेगारीचे धडे घेऊन तो अट्टल गुन्हेगार बनला. त्याच्या गुन्ह्यांचा वाढता आलेख बघता त्याला तडीपार करण्यात आले आहे. साहिल कैलाश पुरी (२०) रा. सेवानगर असे या तडीपारीचे आदेश निघालेल्या अट्टल गुन्हेगाराचे नाव आहे. त्याला यवतमाळ जिल्ह्यासह आसपासच्या तालुक्यातही सहा महिन्यांपर्यंत वावरता येणार नाही. पोलिसांनी त्याला उमरेड पोलिस स्टेशन हद्दीत त्याच्या नातेवाईकाकडे सोडले आहे.  साहिल पुरी हा अट्टल गुन्हेगार असून त्याच्या शिरावर चोरी, जबरी चोरी व जीवे मारण्याचा प्रयत्न यासह अनेक गंभीर गुन्हे नोंद आहेत. त्याच्या वर्तनात कुठलाही सुधार होत नसल्याचे पाहून उपविभागीय अधिकारी यांच्या आदेशाने त्याला सहा महिन्यांकरिता तडीपार करण्यात आले आहे. त्याला सहा महिन्यांपर्यंत जिल्हाबंदी राहणार असून वरोरा, भद्रावती व कोरपना या आसपासच्या तालुक्यातही त्याला ताडीपारीचा कालावधी पूर्ण होईपर्यंत वावरता येणार नाही. अतिशय कमी वय...

प्रशांत चंदनखेडे वणी   तालुक्यातील राजूर (कॉ.) येथील राष्ट्रीय विद्यालयात एकेकाळी शिक्षण घेणाऱ्या विद्यार्थ्यांनी तब्बल ३१ वर्षानंतर शाळेत एकत्र येऊन भन्नाट स्नेहमिलन सोहळा साजरा केला. १९९३-९४ च्या बॅचचे विद्यार्थी असलेल्या व आता विविध क्षेत्रात कार्यरत असलेल्या या वर्ग मित्रांनी आपल्या व्यस्त जीवनातून थोडी उसंत काढून विद्यार्थी दशेतील त्या आठवणींना उजाळा दिला. शालेय जीवनातील तो निरागसपणा परत एकदा या वर्ग मित्रांनी अनुभवाला. हे सर्व वर्ग मित्र परत शाळेच्या वातावरणात रमले. विद्यार्थी जीवनातील त्या आठवणी त्यांनी एकमेकांशी शेअर केल्या. शालेय जीवनातील आठवणीत ते लिन झाले. एवढ्या वर्षानंतर शाळेत एकत्र येण्याचा योग जुळून आल्याने  तो आनंद या  वर्ग मित्रांच्या चेहऱ्यावर ओसंडून वाहत होता. भन्नाट हास्य विनोद व गप्पा गोष्टींमध्ये रममाण झालेल्या या वर्ग मित्रांनी मनमोकळेपणाने एकमेकांशी संवाद साधले. परत एकदा विद्यार्थी होऊन ते शालेय जीवनातील त्या आठवणीत रमले. शाळेत शिक्षण घेतांना अलगद निघून गेलेलं बालपण स्नेहमिलन सोहळ्याच्या निमित्ताने का होईना या वर्ग मित्रांनी परत एकदा भरभरून जगलं. ह...

प्रशांत चंदनखेडे वणी  शहरात चोरी व घरफोडीच्या घटनांमध्ये प्रचंड वाढ झाली आहे. बंद घर आणि घरफोडी हे आता समीकरणच बनलं आहे. बंद घर चोरट्यांना चोरीची पर्वणी देण्यासारखं झालं आहे. बंद घरांना टार्गेट करून चोरटे घरातील मुद्देमालावर हातसाफ करू लागले आहेत. मोटारसायकल चोरीच्या घटना तर नित्याच्याच झाल्या आहेत. त्यामुळे मोटारसायकल चोरीच्या घटनांकडे आता पोलिसही दुर्लक्ष करू लागले की काय, असे वाटू लागले आहे. चोरट्यांचा शोध घेण्याची पोलिसांची दृष्टी कमकुवत झाली असल्याच्या चर्चा आता शहरात रंगू लागल्या आहेत. शहर चोरट्यांसाठी खुलं रान बनलं असून चोरटे पोलिसांना खुलं आव्हान देत असल्याचे चित्र शहरात पाहायला मिळत आहे. एकाच रात्री घर व दुकान फोडून चोरट्यांनी घरातील सोन्याचांदीच्या वस्तू व रोख रक्कम आणि दुकानातील वस्तू व साहित्य लंपास केले. या दोनही चोरीच्या घटना १ जुलैला सकाळी उघडकीस आल्या.  शहरातील जैन ले-आऊट येथे वास्तव्यास असलेल्या गुरुनाथ सखाराम पिदूरकर (६८) यांच्या घरी सुरेंद्र मुडय्या कल्लुरी (२९) हे वेकोलि कर्मचारी किरायाने राहतात. ३० जूनला घरमालक व भाडेकरू हे दोघेही घराबाहेर गेल्याने त्यांच्...