जबरी चोरी करण्याच्या तयारीत असलेल्या चार अट्टल चोरट्यांच्या पोलिसांनी आवळल्या मुसक्या

-
प्रशांत चंदनखेडे वणी 

गोकुलनगर परिसरातील पीर दर्ग्याजवळ जबरी चोरी करण्याच्या उद्देशाने दडून बसलेल्या चार अट्टल चोरट्यांना पोलिसांनी काल मध्यरात्री मोठ्या शिताफीने अटक केली. काल १८ मे ला जिल्हा पोलिस अधीक्षकांच्या आदेशानुसार अमावस्या नाकाबंदी मोहीम शहरात राबविण्यात आली. सपोनि दत्ता पेंडकर यांच्या नेतृत्वात १० ते १५ पोलिसांचे पथक शहरात नाकाबंदी व गस्त घालत असतांना पीर दर्ग्याजवळ मध्यरात्री चार युवक संशयितरित्या आढळून आले. हे चारही जन जबरी चोरी करण्याच्या उद्देशाने दर्ग्याजवळ लपून बसले होते. पोलिसांनी त्यांना मोठ्या शिताफीने अटक केली. हे चारही जन अट्टल चोरटे असून त्यांच्यावर पोलिस स्टेशनमध्ये विविध गुन्हे नोंद आहेत. या चारही आरोपींना आज न्यायालयात हजर केले असता न्यायालयाने त्यांची न्यायालयीन कोठडीत रवानगी केली. 

शहरातील गुन्हेगारी प्रवृत्तीला आळा बसावा म्हणून पोलिसांनी शहरात गस्त वाढविली आहे. पोलिसांनी गुन्हेगारांच्या कुंडल्या तयार केल्या असून गुन्हेगारी प्रवृत्तीवर लक्ष केंद्रित केलं आहे. गुन्हेगारी कारवायांवर बारीक लक्ष ठेऊन असलेल्या पोलिसांनी काल मध्यरात्री जबरी चोरी करण्याच्या तयारीत असलेल्या चार अट्टल चोरट्यांना बेड्या ठोकल्या. जिल्हा पोलिस अधीक्षकांकडून अमावस्या नाकाबंदीचे आदेश असल्याने पोलिसांचा मोठा फौजफाटा काल शहरात नाकाबंदी करून गस्त घालत असतांना पीर दर्ग्याजवळ चार जन संशयितरित्या आढळून आले. हे चारही जन जबरी चोरी करण्याच्या उद्देशाने दर्ग्याजवळ लपून बसले होते. पोलिसांनी मोठ्या शिताफीने या चारही जनांना अटक केली. संतोष उर्फ डोमा दिलीप मेश्राम (३३), शेख शाहरुख शेख सलिम (२२), शेख इरफान शेख सलिम (२४) व अनिल विनायक यमूलवार (२२) अशी पोलिसांनी अटक केलेल्या या अट्टल चोरट्यांची नावे आहेत. त्यांच्यावर पोलिस स्टेशनमध्ये विविध चोरीच्या गुन्हांची नोंद आहे. या चारही आरोपींवर पोलिसांनी भादंवि च्या कलम ३९९ व सह. १३५ नुसार गुन्हा दाखल केला आहे. त्यांना आज न्यायालयात हजर केले असता न्यायालयाने त्यांची न्यायालयीन कोठडीत रवानगी केली आहे.  

सदर कार्यवाही जिल्हा पोलिस अधीक्षक डॉ. पवन बन्सोड, अप्पर पोलिस अधीक्षक पियुष जगताप, एसडीपीओ संजय पुज्जलवार यांच्या मार्गदर्शनात ठाणेदार प्रदीप शिरस्कर, सपोनि दत्ता पेंडकर व पोलिस पथकाने केली. पुढील तपास पोलिस करीत आहे. 

Comments

Post a Comment

Popular posts from this blog

(Breaking News) वणी वरोरा महामार्गावर भीषण अपघात, दुचाकीस्वार तरुण जागीच ठार

-
Image
प्रशांत चंदनखेडे वणी  मालवाहू ट्रकने मोटारसायकलला जोरदार धडक दिल्याने झालेल्या भीषण अपघातात दुचाकीस्वार तरुण जागीच ठार झाल्याची घटना वणी वरोरा महामार्गावरील संविधान चौक येथे ५ फेब्रुवारीला सकाळी १०.३० वाजताच्या सुमारास घडली. गणेश हरिचंद्र बदकी (२९) रा. मारेगाव असे या अपघातात ठार झालेल्या तरुणाचे नाव आहे.  अपघाताच्या घटना प्रचंड वाढल्या आहेत. अपघातात निष्पाप जीवांचे बळी जाऊ लागले आहेत. वणी वरोरा महामार्गावरील संविधान चौकात मालवाहू ट्रकने (CG ०४ PH ०५२०) दुचाकीला (MH २९ AB १५६३) जोरदार धडक दिल्याने झालेल्या अपघातात दुचाकीस्वार तरुण जागीच ठार झाला. अपघात झाल्यानंतर वाहन चालक हा वाहनासह पोलिस स्टेशनमध्ये स्वतःहून हजर झाला. दुचाकी चालक गणेश बदकी हा मारेगाव येथील रहिवाशी असल्याचे सांगण्यात येत आहे. तो काही काम निमित्त चंद्रपूरला गेला होता. चंद्रपूर वरून वरोरा मार्गे मारेगाव येथे जात असतांना त्याच्या दुचाकीला वरोरा मार्गावरील संविधान चौकात भरधाव ट्रकने जोरदार धडक दिली. यात गणेश बदकी या दुचाकीस्वार तरुणाचा जागीच मृत्यू झाला. अपघाताची माहिती पोलिसांना मिळताच पोलिसांनी तात्काळ घटनास्थळ ...
Read more

नंदीग्राम एक्सप्रेसने कटून तरुणीचा मृत्यू, तरुणीने आत्महत्या केल्याचा संशय

-
Image
प्रशांत चंदनखेडे वणी   प्रवासी रेल्वेने कटून एका तरुणीचा दुर्दैवी मृत्यू झाल्याची घटना सोमवार दि. ५ मे ला दुपारी ११ ते ११.३० वाजताच्या सुमारास वणी रेल्वे स्टेशन जवळ घडली. तरुणीने रेल्वेखाली स्वतःला झोकून देत आत्महत्या केल्याची शक्यता वर्तविण्यात येत आहे. रश्मी धनराज पराते (२०) रा. शास्त्रीनगर असे या मृत तरुणीचे नाव आहे. ही तरुणी अनेक दिवसांपासून आजारी असल्याचे सांगण्यात येते. तिच्यावर वेगवेगळ्या रुग्णालयांमध्ये उपचार करण्यात आल्याचेही आई वडिलांचे म्हणणे आहे. नुकताच तिच्यावर नागपूर येथील एम्स रुग्णालयात उपचार करून तिला घरी आणले होते. रुग्णालयात उपचार घेतल्यानंतर तिला कुठलाही गंभीर आजार नसल्याचे डॉक्टरांकडून सांगण्यात येत होते, असे तिच्या आई वडिलांचे म्हणणे आहे. मात्र ती अतिशय अशक्त होती. ती २० वर्ष वयाची असतांनाही तिचे वजन अवघे २० ते २१ किलो होते. त्यामुळे ती मानसिक तणावात राहायची. अशातच आज तिने बल्लारशा मुंबई नंदीग्राम एक्सप्रेस खाली येऊन आत्महत्या केल्याचा प्राथमिक अंदाज वर्तविण्यात येत आहे. मृतक रश्मीच्या वडिलांचे टी-स्टाल असून तिला एक बहीण देखील आहे. आज बहिणीचा पेपर असतांना तिच्...
Read more

वाहन चालकाचे नियंत्रण सुटले आणि झाला अपघात, एक महिला ठार तर आठ जण जखमी

-
Image
प्रशांत चंदनखेडे वणी   मालवाहू वाहनाला झालेल्या भीषण अपघातात वाहनातून प्रवास करणारी एक महिला मृत्युमुखी पडली तर वाहन चालकासह इतर आठ प्रवासी जखमी झाल्याची घटना शिरपूर मार्गावरील नदीच्या पुलाजवळ सोमवार दि. ३ फेब्रुवारीला सायंकाळी ६.३० वाजताच्या सुमारास घडली. सुमन वासुदेव नागपुरे (५५) रा. शिरपूर ता. वणी असे या अपघातात मृत्युमुखी पडलेल्या महिलेचे नाव आहे. जखमींपैकी एका महिलेचीही प्रकृती चिंताजनक असल्याचे सांगण्यात येत आहे. याबतात पोलीस स्टेशनला दिलेल्या तक्रारी वरून पोलिसांनी वाहन चालक संदीप पंढरी काकडे याच्यावर गुन्हा दाखल केला आहे.  शिरपूर येथील रहिवाशी असलेल्या शेतमजूर महिला पुरड (पुनवट) येथून शिरपूरला जाण्याकरिता टाटा एस (छोटा हाथी MH ३४ BG ३९९७) या मालवाहू वाहनात बसल्या. वाहन चारगाव चौकी वरून वळण घेत शिरपूरकडे जात असतांना नदी वरील पुलापासून काही अंतरावर वाहन चालकाचे वाहनावरील नियंत्रण सुटले व वाहन रस्त्याच्या कडेला खोलगट भागात उतरले. रस्त्याच्या कडेला असलेल्या राजू बोदाडकर यांच्या शेताजवळ उतरलेले हे वाहन नाल्याच्या काठावरील एका झाडाला अडकले. या अपघातात मालवाहू वाहनाने प्रवास ...
Read more