प्रशांत चंदनखेडे वणी
दुचाकी चोरीच्या वाढत्या घटनांनी लोकांमध्ये चिंतेचं वातावरण निर्माण झालेलं असतांनाच पोलिसांनी दुचाकी चोरट्यांवर शिकंजा कसला आहे. पोलिसांनी तब्बल सात दुचाकी चोरट्यांना जेरबंद केले आहे. त्यांच्याकडून चोरीच्या दोन दुचाक्या जप्त करण्यात आल्या आहेत. दुचाकी चोरट्यांनी शहर व तालुक्यात अक्षरशः धुमाकूळ घातल्याने नागरिकांनी या दुचाकी चोरट्यांची चांगलीच धास्ती घेतली होती. त्यामुळे पोलिसांनी शोध मोहीम राबवून वेगगवेगळ्या ठिकाणांवरून सात दुचाकी चोरट्यांना अटक केली आहे. त्यांना आज न्यायालयात हजर केले असता न्यायालयाने त्यांना एक दिवसांची पोलिस कोठडी सुनावली आहे. पोलिस त्यांच्याकडून त्यांच्या अन्य साथीदारांची नावे जाणून घेण्याचा प्रयत्न करीत आहे. दुचाकी चोरट्यांच्या रॅकेटचा पर्दाफाश करण्याच्या दिशेने पोलिसांची कार्यवाही सुरु आहे.
दुचाकी चोरी प्रकरणातच डीबी पथकाने पाच आरोपींना अटक केली आहे. तालुक्यातील उमरी येथील पुंडलिक बाळकृष्ण माथनकर या कास्तकाराची शेतासमोरील रोडवर उभी असलेली दुचाकी चोरीला गेल्याची तक्रार प्राप्त झाल्यानंतर डीबी पथकाने तपास आरंभला. मुकुटबन पोलिस स्टेशनमध्ये चोरीच्या गुन्ह्यात अटक करण्यात आलेल्या आरोपींना डीबी पथकाने ताब्यात घेऊन त्यांची कसून चौकशी केली असता त्यांनी २ जुलैला शेतासमोरून दुचाकी (MH २९ Q ५०४२) चोरी केल्याची कबुली दिली. पोलिसांनी राहुल मारोती दुर्गे (२७), राजेश संतोष चिंतावार (२१), अक्षय अशोक चेलपेलवार (२०) तिघेही रा. मुकुटबन, रितिक किशोर कन्नाके (२३) रा. पांढरकवडा, शुभम विठ्ठल राऊत (२३) रा. कोसारा ता. झरी, हा.मु. पांढरकवडा या पाचही आरोपींना दुचाकी चोरीच्या गुन्ह्याखाली अटक केली असून त्यांच्यावर कलम ३७९ नुसार गुन्हा दाखल केला आहे. त्यांच्या जवळून २० हजार रुपये किंमतीची दुचाकी जप्त करण्यात आली आहे. या सातही दुचाकी चोरट्यांना आज ११ जुलैला न्यायालयात हजर केले असता न्यायालयाने त्यांना एक दिवसांची पोलिस कोठडी सुनावली आहे.
सदर कार्यवाही उपविभागीय पोलिस अधिकारी गणेश किंद्रे यांच्या मार्गदर्शनात ठाणेदार अजित जाधव, डीबी पथकाचे सुदर्शन वानोळे, दिगांबर किनाके, सुहास मंदावार, हरिन्द्रकुमार भारती, विशाल गेडाम, पुरुषोत्तम डडमल यांनी केली.
.jpg)
No comments: