वयक्तिक कर्ज वाटप करणाऱ्या फायनान्शियल कंपनीत कर्मचाऱ्यांनीच केला ६ लाखांचा अपहार

-

प्रशांत चंदनखेडे वणी 

वयक्तिक कर्ज देणाऱ्या एका फायनान्शियल कंपनीतील कर्मचाऱ्यांनीच या कंपनीत आर्थिक गैरव्यवहार केल्याची घटना उघडकीस आली आहे. याबाबत फायनान्शियल कंपनीच्या वरिष्ठ अधिकाऱ्यांनी न्यायालयात खटला दाखल केल्यानंतर न्यायालयाने संबधीतांवर गुन्हे नोंदविण्याचे पोलिसांना आदेश दिले. न्यायालयाच्या आदेशावरून पोलिसांनी फायनान्शियल कंपनीच्या शाखा व्यवस्थापकासह तीन जणांवर कंपनीच्या रक्कमेत अफरातफर केल्या प्रकरणी विविध कलमान्वये गुन्हे दाखल केले आहे. ही घटना १५ फेब्रुवारी २०२२ ते २५ एप्रिल २०२२ दरम्यान घडली. २७ व २८ डिसेंबर २०२३ रोजी देण्यात आलेल्या दोन वेगवेगळ्या तक्रारी वरून पोलिसांनी या अपरातफ़र प्रकरणात गुन्हे दाखल केले आहेत. 

शहरातील एका अपार्टमेंटमध्ये भारत फायनान्शियल इंक्लूजन लिमिटेड या कंपनीचे कार्यालय आहे. ही फायनान्शियल कंपनी कर्जदारांना मर्यादित कर्ज वाटप करते. वयक्तिक कर्ज देणाऱ्या या फायनान्शियल कंपनीत तेथे कार्यरत असलेल्या अधिकारी व कर्मचाऱ्यांनीच आर्थिक घोळ केल्याचे प्रकरण समोर आले आहे. ही फायनान्शियल कंपनी ईडसइंड कंपनीची उपशाखा आहे. या फायनान्शियल कंपनीच्या शाखा व्यवस्थापक व संगम मॅनेजर यांनी कंपनीच्या रक्कमेत अफरातफर करून रक्कमेची परस्पर विल्हेवाट लावली. भारत फायनान्शियल इंक्लूजन ली. या कंपनीत  वैभव किसन ठाकरे (२५) रा. सावळा पो. वडगाव जि. यवतमाळ हा शाखा व्यवस्थापक असून ऋषिकेश रामदास जांभुऱे रा. मदनी ता. बाभुळगाव जि. यवतमाळ हा या ठिकाणी संगम मॅनेजर म्हणून कार्यरत आहे. या दोन्ही आरोपींनी फायनान्शियल कंपनीत जमा असलेल्या २ लाख ९७ हजार ९५० रुपयांच्या रक्कमेची परस्पर विल्हेवाट लावली. कर्जदारांनी कर्जापोटी कंपनीत जमा केलेली रक्कम आरोपींनी आपल्या घशात घातली. तर दुसऱ्या प्रकरणात कंपनीतच कार्यरत असलेल्या अक्षय महादेव सिडाम (२२) रा. झटाळा ता. घाटंजी जि यवतमाळ याने ६४ कर्जदारांकडून वसूल केलेली ३ लाख ३ हजार ५४ रुपयांची रक्कम कंपनीच्या लॉकरमध्ये जमा न ती स्वतःच गिळंकृत केली. या तीनही आरोपींनी भारत फायनान्शियल कंपनीत ६ लाख रुपयांचा अपहार केल्याची तक्रार कंपनीच्या वरिष्ठ अधिकाऱ्यांनी केली आहे. राजेंद्र धनराज दारुदासरे रा. दामले फैल वणी यांच्या तक्रारी वरून पोलिसांनी तिनही आरोपींवर भादंवि च्या कलम ४०३, ४०६, ४०८, ४२०, ३४ नुसार गुन्हा दाखल केला आहे. मात्र अद्याप कुणालाही अटक करण्यात आलेली नाही. पुढील तपास पोलिस करीत आहे. 



Comments

Post a Comment

Popular posts from this blog

(Breaking News) वणी वरोरा महामार्गावर भीषण अपघात, दुचाकीस्वार तरुण जागीच ठार

-
Image
प्रशांत चंदनखेडे वणी  मालवाहू ट्रकने मोटारसायकलला जोरदार धडक दिल्याने झालेल्या भीषण अपघातात दुचाकीस्वार तरुण जागीच ठार झाल्याची घटना वणी वरोरा महामार्गावरील संविधान चौक येथे ५ फेब्रुवारीला सकाळी १०.३० वाजताच्या सुमारास घडली. गणेश हरिचंद्र बदकी (२९) रा. मारेगाव असे या अपघातात ठार झालेल्या तरुणाचे नाव आहे.  अपघाताच्या घटना प्रचंड वाढल्या आहेत. अपघातात निष्पाप जीवांचे बळी जाऊ लागले आहेत. वणी वरोरा महामार्गावरील संविधान चौकात मालवाहू ट्रकने (CG ०४ PH ०५२०) दुचाकीला (MH २९ AB १५६३) जोरदार धडक दिल्याने झालेल्या अपघातात दुचाकीस्वार तरुण जागीच ठार झाला. अपघात झाल्यानंतर वाहन चालक हा वाहनासह पोलिस स्टेशनमध्ये स्वतःहून हजर झाला. दुचाकी चालक गणेश बदकी हा मारेगाव येथील रहिवाशी असल्याचे सांगण्यात येत आहे. तो काही काम निमित्त चंद्रपूरला गेला होता. चंद्रपूर वरून वरोरा मार्गे मारेगाव येथे जात असतांना त्याच्या दुचाकीला वरोरा मार्गावरील संविधान चौकात भरधाव ट्रकने जोरदार धडक दिली. यात गणेश बदकी या दुचाकीस्वार तरुणाचा जागीच मृत्यू झाला. अपघाताची माहिती पोलिसांना मिळताच पोलिसांनी तात्काळ घटनास्थळ ...
Read more

नंदीग्राम एक्सप्रेसने कटून तरुणीचा मृत्यू, तरुणीने आत्महत्या केल्याचा संशय

-
Image
प्रशांत चंदनखेडे वणी   प्रवासी रेल्वेने कटून एका तरुणीचा दुर्दैवी मृत्यू झाल्याची घटना सोमवार दि. ५ मे ला दुपारी ११ ते ११.३० वाजताच्या सुमारास वणी रेल्वे स्टेशन जवळ घडली. तरुणीने रेल्वेखाली स्वतःला झोकून देत आत्महत्या केल्याची शक्यता वर्तविण्यात येत आहे. रश्मी धनराज पराते (२०) रा. शास्त्रीनगर असे या मृत तरुणीचे नाव आहे. ही तरुणी अनेक दिवसांपासून आजारी असल्याचे सांगण्यात येते. तिच्यावर वेगवेगळ्या रुग्णालयांमध्ये उपचार करण्यात आल्याचेही आई वडिलांचे म्हणणे आहे. नुकताच तिच्यावर नागपूर येथील एम्स रुग्णालयात उपचार करून तिला घरी आणले होते. रुग्णालयात उपचार घेतल्यानंतर तिला कुठलाही गंभीर आजार नसल्याचे डॉक्टरांकडून सांगण्यात येत होते, असे तिच्या आई वडिलांचे म्हणणे आहे. मात्र ती अतिशय अशक्त होती. ती २० वर्ष वयाची असतांनाही तिचे वजन अवघे २० ते २१ किलो होते. त्यामुळे ती मानसिक तणावात राहायची. अशातच आज तिने बल्लारशा मुंबई नंदीग्राम एक्सप्रेस खाली येऊन आत्महत्या केल्याचा प्राथमिक अंदाज वर्तविण्यात येत आहे. मृतक रश्मीच्या वडिलांचे टी-स्टाल असून तिला एक बहीण देखील आहे. आज बहिणीचा पेपर असतांना तिच्...
Read more

वाहन चालकाचे नियंत्रण सुटले आणि झाला अपघात, एक महिला ठार तर आठ जण जखमी

-
Image
प्रशांत चंदनखेडे वणी   मालवाहू वाहनाला झालेल्या भीषण अपघातात वाहनातून प्रवास करणारी एक महिला मृत्युमुखी पडली तर वाहन चालकासह इतर आठ प्रवासी जखमी झाल्याची घटना शिरपूर मार्गावरील नदीच्या पुलाजवळ सोमवार दि. ३ फेब्रुवारीला सायंकाळी ६.३० वाजताच्या सुमारास घडली. सुमन वासुदेव नागपुरे (५५) रा. शिरपूर ता. वणी असे या अपघातात मृत्युमुखी पडलेल्या महिलेचे नाव आहे. जखमींपैकी एका महिलेचीही प्रकृती चिंताजनक असल्याचे सांगण्यात येत आहे. याबतात पोलीस स्टेशनला दिलेल्या तक्रारी वरून पोलिसांनी वाहन चालक संदीप पंढरी काकडे याच्यावर गुन्हा दाखल केला आहे.  शिरपूर येथील रहिवाशी असलेल्या शेतमजूर महिला पुरड (पुनवट) येथून शिरपूरला जाण्याकरिता टाटा एस (छोटा हाथी MH ३४ BG ३९९७) या मालवाहू वाहनात बसल्या. वाहन चारगाव चौकी वरून वळण घेत शिरपूरकडे जात असतांना नदी वरील पुलापासून काही अंतरावर वाहन चालकाचे वाहनावरील नियंत्रण सुटले व वाहन रस्त्याच्या कडेला खोलगट भागात उतरले. रस्त्याच्या कडेला असलेल्या राजू बोदाडकर यांच्या शेताजवळ उतरलेले हे वाहन नाल्याच्या काठावरील एका झाडाला अडकले. या अपघातात मालवाहू वाहनाने प्रवास ...
Read more