कोंबड बाजारावर एलसीबी पथकाची धडक कार्यवाही, सात आरोपींना अटक व सव्वा दोन लाखांचा मुद्देमाल जप्त

-

प्रशांत चंदनखेडे वणी 

गुन्हेगारी क्षेत्रावर बारीक लक्ष ठेऊन असलेल्या स्थानिक गुन्हे शाखा पथकाने पाटण पोलिस स्टेशन हद्दीत सुरु असलेल्या कोंबड बाजारावर धाड टाकून कोंबड्यांच्या झुंजीवर पैशाचा जुगार खेळणाऱ्या सात आरोपींना अटक केली आहे. तसेच घटनास्थळावरून पोलिस पथकाने २ लाख २५ हजार ८६० रुपयांचा मुद्देमाल जप्त केला आहे. ही धडक कार्यवाही १४ जानेवारीला सायंकाळच्या सुमारास करण्यात आली. 

यवतमाळ गुन्हे शाखेचे पथक वणी येथे अवैध धंद्यांबाबत माहिती गोळा करीत असतांना त्यांना पाटण पोलिस स्टेशन हद्दीत येणाऱ्या कोडपा खिंडी गावालगत असलेल्या जंगल परिसरात मोठा कोंबड बाजार भरवला जात असल्याची गोपनीय माहिती मिळाली. एलसीबी पथकाने मिळालेल्या माहितीच्या आधारे कुणाला सुगावाही न लागू देता मोठ्या शिताफीने त्याठिकाणी धाड टाकली. तेथे कोंबड्याच्या झुंजीवर पैशाची बाजी खेळतांना काही इसम पोलिस पथकाला रंगेहात सापडून आले. कोंबडे भांडवून पैशाची हारजीत खेळणाऱ्या सात आरोपींना पोलिसांनी घटनास्थळावरून अटक केली. तसेच चार झुंजीचे कोंबडे व चार लोखंडी कांती पोलिसांनी जप्त केल्या आहेत. 

एलसीबी पथकाने कोंबड्याच्या झुंजीवर पैशाचा जुगार खेळतांना अटक केलेल्या आरोपींमध्ये गंगाधर अय्या आत्राम (२५)रा. मांडवा ता. झरी, जिवन सुनिल मानकर (२५) रा. कोडपा खिंड, अनिल रामचंद्र पावडे (५६) रा. लहान पांढरकवडा, भिमराव धर्माजी पेंदोर (४४) रा. टेम्बी ता. झरी, शंकर विठ्ठल आकुलवार (३०) रा. मांडवा ता. झरी, शंकर सूर्यभान बोपाटे (४१) रा. मारकी ता. झरी, लक्ष्मण रामा आत्राम (४०) रा. मांडवा ता. झरी यांचा समावेश असून त्यांच्या जवळून पोलिस पथकाने रोख १८ हजार ७८० रुपये, ४ झुंजीचे कोंबडे, चार लोखंडी कांती तथा घटनास्थळावरून ७ वेगवेगळ्या कंपनीच्या मोटारसायकल असा एकूण २ लाख २५ हजार ८६० रुपयांचा मुद्देमाल जप्त केला आहे. सातही आरोपींवर मजुका अंतर्गत गुन्हे दाखल करण्यात आले आहेत. 

सदर कार्यवाही जिल्हा पोलिस अधीक्षक डॉ. पवन बन्सोड, अप्पर पोलिस अधीक्षक पियुष जगताप, स्था.गु.शा. चे पोलिस निरीक्षक आधारसिंग सोनोने यांच्या मार्गदर्शनात स्था.गु.शा. सपोनि अतुल मोहनकर, पाटण पोलिस स्टेशनचे सपोनि संदीप पाटील, पोलिस अंमलदार योगेश डगवार, सुनिल खंडागळे, सुधिर पांडे, निलेश निमकर, रजनीकांत मडावी, सतिश फुके व स्थानिक गुन्हे शाखा पथकाने केली.   


Comments

Post a Comment

Popular posts from this blog

(Breaking News) वणी वरोरा महामार्गावर भीषण अपघात, दुचाकीस्वार तरुण जागीच ठार

-
Image
प्रशांत चंदनखेडे वणी  मालवाहू ट्रकने मोटारसायकलला जोरदार धडक दिल्याने झालेल्या भीषण अपघातात दुचाकीस्वार तरुण जागीच ठार झाल्याची घटना वणी वरोरा महामार्गावरील संविधान चौक येथे ५ फेब्रुवारीला सकाळी १०.३० वाजताच्या सुमारास घडली. गणेश हरिचंद्र बदकी (२९) रा. मारेगाव असे या अपघातात ठार झालेल्या तरुणाचे नाव आहे.  अपघाताच्या घटना प्रचंड वाढल्या आहेत. अपघातात निष्पाप जीवांचे बळी जाऊ लागले आहेत. वणी वरोरा महामार्गावरील संविधान चौकात मालवाहू ट्रकने (CG ०४ PH ०५२०) दुचाकीला (MH २९ AB १५६३) जोरदार धडक दिल्याने झालेल्या अपघातात दुचाकीस्वार तरुण जागीच ठार झाला. अपघात झाल्यानंतर वाहन चालक हा वाहनासह पोलिस स्टेशनमध्ये स्वतःहून हजर झाला. दुचाकी चालक गणेश बदकी हा मारेगाव येथील रहिवाशी असल्याचे सांगण्यात येत आहे. तो काही काम निमित्त चंद्रपूरला गेला होता. चंद्रपूर वरून वरोरा मार्गे मारेगाव येथे जात असतांना त्याच्या दुचाकीला वरोरा मार्गावरील संविधान चौकात भरधाव ट्रकने जोरदार धडक दिली. यात गणेश बदकी या दुचाकीस्वार तरुणाचा जागीच मृत्यू झाला. अपघाताची माहिती पोलिसांना मिळताच पोलिसांनी तात्काळ घटनास्थळ ...
Read more

नंदीग्राम एक्सप्रेसने कटून तरुणीचा मृत्यू, तरुणीने आत्महत्या केल्याचा संशय

-
Image
प्रशांत चंदनखेडे वणी   प्रवासी रेल्वेने कटून एका तरुणीचा दुर्दैवी मृत्यू झाल्याची घटना सोमवार दि. ५ मे ला दुपारी ११ ते ११.३० वाजताच्या सुमारास वणी रेल्वे स्टेशन जवळ घडली. तरुणीने रेल्वेखाली स्वतःला झोकून देत आत्महत्या केल्याची शक्यता वर्तविण्यात येत आहे. रश्मी धनराज पराते (२०) रा. शास्त्रीनगर असे या मृत तरुणीचे नाव आहे. ही तरुणी अनेक दिवसांपासून आजारी असल्याचे सांगण्यात येते. तिच्यावर वेगवेगळ्या रुग्णालयांमध्ये उपचार करण्यात आल्याचेही आई वडिलांचे म्हणणे आहे. नुकताच तिच्यावर नागपूर येथील एम्स रुग्णालयात उपचार करून तिला घरी आणले होते. रुग्णालयात उपचार घेतल्यानंतर तिला कुठलाही गंभीर आजार नसल्याचे डॉक्टरांकडून सांगण्यात येत होते, असे तिच्या आई वडिलांचे म्हणणे आहे. मात्र ती अतिशय अशक्त होती. ती २० वर्ष वयाची असतांनाही तिचे वजन अवघे २० ते २१ किलो होते. त्यामुळे ती मानसिक तणावात राहायची. अशातच आज तिने बल्लारशा मुंबई नंदीग्राम एक्सप्रेस खाली येऊन आत्महत्या केल्याचा प्राथमिक अंदाज वर्तविण्यात येत आहे. मृतक रश्मीच्या वडिलांचे टी-स्टाल असून तिला एक बहीण देखील आहे. आज बहिणीचा पेपर असतांना तिच्...
Read more

वाहन चालकाचे नियंत्रण सुटले आणि झाला अपघात, एक महिला ठार तर आठ जण जखमी

-
Image
प्रशांत चंदनखेडे वणी   मालवाहू वाहनाला झालेल्या भीषण अपघातात वाहनातून प्रवास करणारी एक महिला मृत्युमुखी पडली तर वाहन चालकासह इतर आठ प्रवासी जखमी झाल्याची घटना शिरपूर मार्गावरील नदीच्या पुलाजवळ सोमवार दि. ३ फेब्रुवारीला सायंकाळी ६.३० वाजताच्या सुमारास घडली. सुमन वासुदेव नागपुरे (५५) रा. शिरपूर ता. वणी असे या अपघातात मृत्युमुखी पडलेल्या महिलेचे नाव आहे. जखमींपैकी एका महिलेचीही प्रकृती चिंताजनक असल्याचे सांगण्यात येत आहे. याबतात पोलीस स्टेशनला दिलेल्या तक्रारी वरून पोलिसांनी वाहन चालक संदीप पंढरी काकडे याच्यावर गुन्हा दाखल केला आहे.  शिरपूर येथील रहिवाशी असलेल्या शेतमजूर महिला पुरड (पुनवट) येथून शिरपूरला जाण्याकरिता टाटा एस (छोटा हाथी MH ३४ BG ३९९७) या मालवाहू वाहनात बसल्या. वाहन चारगाव चौकी वरून वळण घेत शिरपूरकडे जात असतांना नदी वरील पुलापासून काही अंतरावर वाहन चालकाचे वाहनावरील नियंत्रण सुटले व वाहन रस्त्याच्या कडेला खोलगट भागात उतरले. रस्त्याच्या कडेला असलेल्या राजू बोदाडकर यांच्या शेताजवळ उतरलेले हे वाहन नाल्याच्या काठावरील एका झाडाला अडकले. या अपघातात मालवाहू वाहनाने प्रवास ...
Read more