७ मार्चला रुद्राक्ष वन उद्यानाचा भूमिपूजन समारंभ, राज्य मंत्री सुधीर मुनगंटीवार यांच्या हस्ते होणार भूमिपूजन

प्रशांत चंदनखेडे वणी 

शहरालगत असलेल्या निंबाळा येथे रुद्राक्ष वन उद्यान साकार होणार असून या वन उद्यान प्रकल्पाचा भूमिपूजन समारंभ उद्या ७ मार्चला दुपारी २ वाजता आयोजित करण्यात आला आहे. महाराष्ट्र राज्याचे वने, सांस्कृतिक कार्य व मत्स्य व्यवसाय मंत्री सुधीर मुनगंटीवार यांच्या हस्ते या उद्यान प्रकल्पाचे भूमिपूजन होणार आहे. कार्यक्रमाच्या अध्यक्षस्थानी महाराष्ट्र राज्याचे मृद व जल संधारण मंत्री तथा यवतमाळ जिल्ह्याचे पालकमंत्री संजय राठोड हे राहतील. तर विशेष अतिथी म्हणून आमदार संजीवरेड्डी बोदकुरवार उपस्थित राहणार आहेत. 

त्याचबरोबर या कार्यक्रमाला वन खात्याचे प्रधान सचिव वेणुगोपाल रेड्डी (भा.प्र.से.), महाराष्ट्र निसर्ग पर्यटन मंडळाचे व्यवस्थापकीय संचालक तथा भा.व.से. चे प्रधान मुख्य वनसंरक्षक (वन्यजीव) महिप गुप्ता, पांढरकवडा वनविभागाचे उपवनसंरक्षक (भा.व.से.) किरण जगताप, प्रधान मुख्य वनसंरक्षक (वन बल प्रमुख ) शैलेश टेंभूर्णीकर, यवतमाळ वनवृत्त विभागाचे वनसंरक्षक (प्रादे.) वसंत घुले यांची उपस्थिती लाभणार आहे. या कार्यक्रमाला जनतेने मोठ्या संख्येने उपस्थित राहण्याचे आवाहन चंद्रपूर लोकसभा मतदार संघाचे विस्तारक रवि बेलुरकर यांनी केले आहे.