"Breaking News" राजूर (कॉ) येथे विहिरीत आढळला अज्ञात युवकाचा मृतदेह

प्रशांत चंदनखेडे वणी 

वणी शहरापासून ७ किमी अंतरावर असलेल्या राजूर (कॉ.) येथे रेल्वे सायडिंग जवळील एका विहरीत अज्ञात युवकाचा मृतदेह आढळून आल्याची खलबजानक घटना आज धुळीवंदनाच्या दिवशी २५ मार्चला दुपारी २.३०  वाजताच्या सुमारास उघडकीस आली. मृतदेह हा कुजलेल्या अवस्थेत असून मृतदेहाची अद्याप ओळख पटू शकली नाही. पोलिसांकडून मृतदेहाची ओळख पटविण्याचा प्रयत्न केला जात आहे. 

राजूर कॉलरी येथिल कोळसा सायडिंगच्या मागच्या बाजूला मस्जिद परिसरात असलेल्या विहरीत आज एका युवकाचा मृतदेह आढळून आला. तीन ते चार  दिवसांपूर्वी या युवकाचा विहरीत पडून अथवा विहिरीत उडी घेऊन मृत्यू झाला असावा, असा अंदाज वर्तविण्यात येत आहे. मृतदेह हा पूर्णतः कुजलेल्या अवस्थेत असून पोलिस मृतदेहाची ओळख पटविण्याचा प्रयत्न करीत आहे. नागरिकांच्या उपयोगात नसलेल्या विहरीत युवकाचा मृतदेह आढळून आल्याने एकच खळबळ उडाली आहे. मृतदेहाची अद्याप ओळख पटलेली नाही. मृतदेह हा पूर्णतः कुजलेल्या अवस्थेत असून तीन ते चार दिवसांपूर्वी त्याचा विहिरीत पडून मृत्यू झाल्याचा अंदाज वर्तविण्यात येत आहे. मृतकाचे नावही अद्याप कळू शकले नसून पोलिसांनी अथक प्रयत्नाने त्याचा मृतदेह विहिरीतून बाहेर काढला. मृतक युवकाचे वय हे अंदाजे ४० वर्ष असल्याचे सांगण्यात येत आहे. नागरिकांच्या उपयोगात नसलेल्या विहिरीत युवकाचा मृतदेह आढळून आल्याने अनेक तर्कवितर्क लावण्यात येत आहे. युवकाने आत्महत्या केली की, हा घातपात आहे, या चर्चेला देखील उधाण आले असून  पोलिस घटनेच्या खोलात जाऊन तपास करीत आहे. तसेच राजूर परिसरात कुणी बेपत्ता आहे काय, किंवा कुणी बेपत्ता असल्याची तक्रार नोंदविली आहे काय, या दिशेनेही पोलिस तपास करीत आहे. घटनेचा पुढील तपास ठाणेदार अनिल बेहेरानी यांच्या मार्गदर्शनात एपीआय दत्ता पेंडकर करीत आहे.