मॅकरून स्कुलचा यावर्षीही लागला १०० टक्के निकाल, शाळेने कायम राखली यशस्वी वाटचाल

प्रशांत चंदनखेडे वणी 

केंद्रीय माध्यमिक शिक्षण मंडळाच्या (सीबीएसई) वतीने घेण्यात आलेल्या १० वी व १२ विच्या परीक्षेचा निकाल आज १३ मे ला ऑनलाईन जाहीर करण्यात आला. यावर्षीही मुलींनीच बाजी मारली असून मुलांपेक्षा मुलींचं उत्तीर्ण होण्याचं प्रमाण २ टक्क्यांनी जास्त आहे. एकूण ९३.६ टक्के एवढा निकाल लागला असून २० लाख ९५ हजार ४६७ विद्यार्थी १० वी सीबीएसई बोर्डाच्या परीक्षेत उत्तीर्ण झाले आहेत. शहरातील मॅकरून स्टुडंट अकॅडमी स्कुलने आपली यशस्वी घोडदौड कायम ठेवली असून शाळेने १०० टक्के निकालाची परंपरा यावर्षीही अबाधित राखली आहे. या शाळेने १०० टक्के निकाल देण्याची परंपरा अखंडित ठेवली आहे. या शाळेतून ४७ विद्यार्थ्यांनी १० वि ची परीक्षा दिली होती. यात शाळेचा १०० टक्के निकाल लागला असून विद्यार्थ्यांनी उत्तुंग यश प्राप्त केलं आहे. शिस्तबद्ध व दर्जेदार शिक्षणासाठी मॅकरून शाळा ओळखली जाते. शाळेच्या मुख्याध्यापिका व शिक्षकांचं विद्यार्थ्यांना नेहमीच योग्य मार्गदर्शल मिळालं असून या शाळेतून सर्वगुण संपन्न विद्यार्थी घडले आहेत. त्यामुळे १०० टक्के निकालाचं श्रेय्य प्रामुख्याने मुख्याध्यापिका व शिक्षकांना जातं. या शाळेतून १० वित उत्तीर्ण झालेल्या सर्वच विद्यार्थ्यांना मुख्याध्यापिका शोभना व शिक्षकांनी त्यांच्या उज्वल भाविष्याकरिता भरभरून शुभेच्छा दिल्या आहेत. 

मॅकरून स्टुडंट अकॅडमी ही विद्यार्थी घडविणारी शाळा असून या शाळेतून गुणवंत व संस्कारी विद्यार्थी घडले आहेत. शिक्षण आणि योग्य संस्कार याचा मेळ घालून उत्कृष्ट विद्यार्थी या शाळेने घडविले आहेत. १० विच्या परीक्षेत या शाळेतील १०० टक्के विद्यार्थ्यांनी यश संपादन केलं. यातील काही विद्यार्थी गुणवत्ता श्रेणीतही झळकले आहेत. सनया महेंद्र कठाने या विद्यार्थिनीने ८९ टक्के गुण घेऊन शाळेतून पहिल्या क्रमांकाचा मान मिळविला आहे. तर विजेता विश्वास शेळकी (८८ टक्के) ही विद्यार्थिनी शाळेतून दुसरी आली आहे. तसेच तनिषा शैलेंद्र लाल (८७ टक्के) व गौरव रमेश ढुमणे (८७ टक्के) हे दोनही विद्यार्थी शाळेतून तिसऱ्या क्रमांकावर उत्तीर्ण झाले आहेत. त्याचबरोबर सारांश नितीन खुशवाहा (८६ टक्के), अपूर्वा विजय पावडे (८३ टक्के), तन्वी सुनिल आसुटकर (८२ टक्के), प्रतिक्षा प्रशांत चंदनखेडे (८१ टक्के), समीक्षा जगदीश मोहितकर (८० टक्के), विदिशा राजेश भगत (७९ टक्के), तनिषा बापूराव सरवर (७६ टक्के), वैभव अरुण डोंगे (७६टक्के) हे विद्यार्थी गुणवत्ता यादीत झळकले आहेत. या शाळेतून १० वित उत्तीर्ण झालेल्या सर्वच विद्यार्थ्यांना पुढील शैक्षणिक वाटचालीकरता शाळेचे चेअरमन पी.एस. आंबटकर, व्हॉइस चेअरमन पियुष आंबटकर, मुख्याध्यापिका शोभना तसेच सर्व शिक्षकांनी शुभेच्छा दिल्या आहेत.