भरधाव कारच्या धडकेत महिलेचा मृत्यू
प्रशांत चंदनखेडे वणी
भरधाव कारच्या धडकेत पादचारी महिलेचा दुर्दैवी मृत्यू झाल्याची घटना १४ जुलैला सायंकाळी ७ वाजताच्या सुमारास वणी मुकुटबन मार्गावरील पेटुर गावाजवळ घडली. मुकुटबन कडून वणीकडे जाणाऱ्या भरधाव कारची रस्ता ओलांडणाऱ्या महिलेला जोरदार धडक बसली. यात ती गंभीर जखमी झाल्याने तिला उपचारार्थ रुग्णालयात हलविण्यात येत असतांना वाटेतच तिचा मृत्यू झाला. आशा जनार्धन नांदे (५०) रा. पेटूर असे या अपघातात मृत्युमुखी पडलेल्या महिलेचे नाव आहे.
वणी मुकुटबन मार्गावरील पेटुर येथे वास्तव्यास असलेल्या महिलेच्या नवीन घराचे बांधकाम सुरु असल्याने ती बांधकामाची पाहणी करण्याकरिता रस्ता ओलांडून जात असतांना भरधाव कारने (MH ३१ EA ८२२९) तिला जोरदार धडक दिली. या अपघातात ती गंभीर जखमी झाल्याने तिला आधी वणी ग्रामीण रुग्णालयात दाखल करण्यात आले. मात्र प्रकृती चिंताजनक असल्याने रुग्णालयीन डॉक्टरांनी महिलेला रेफर करण्याचा सल्ला दिला. त्यामुळे तिला नागपूर येथे हलविण्यात येत असतांना वाटेतच तिचा मृत्यू झाला. महिलेचं वास्तव्य असलेलं जुनं घर व बांधकाम सुरु असलेलं नवीन घर रोडच्या आजूबाजूला असल्याने ती रस्ता ओलांडून नवीन घराकडे जात होती. दरम्यान मुकुटबन कडून भरधाव येणाऱ्या कारने तिला जोरदार धडक दिली. यात तिचा दुर्दैवी मृत्यू झाला. याबाबत महिलेचा मुलगा अजय जनार्धन नांदे (३०) रा. पेटुर याने पोलिस स्टेशनला दिलेल्या तक्रारी वरून पोलिसांनी कार चालक गणेश बाबाराव झाडे रा. बाबापुर ता. वणी याच्या विरुद्ध भादंविच्या कलम २८१, १०६(१) नुसार गुन्हा दाखल केला आहे. तसेच अपघातास कारणीभूत ठरलेली कारही पोलिसांनी जप्त केली आहे. घटनेचा पुढील पोलिस करीत आहे.
Comments
Post a Comment