गळफास घेऊन इसमाची आत्महत्या

प्रशांत चंदनखेडे वणी 

राहत्या घरी गळफास घेऊन इसमाने आत्महत्या केल्याची घटना आज ३० जुलैला सायंकाळी ६.१० वाजताच्या सुमारास उघडकीस आली. विजय मारोती डवरे (५८) असे या गळफास घेतलेल्या इसमाचे नाव आहे. नैराश्येनेतून आत्महत्या करण्याचे प्रमाण प्रचंड वाढले असून एका पाठोपाठ होत असलेल्या आत्महत्यांनी तालुका हादरला आहे. 

शहरातील डॉ. बाबासाहेब आंबेडकर चौक परिसरात वास्तव्यास असलेल्या विजय डवरे यांनी घरी कुणी नसल्याची संधी साधून घराच्या आड्याला गळफास लावून आपली जीवन यात्रा संपविली. कुटुंबातील सदस्य घरी परतल्यानंतर त्यांना विजय हे गळफास घेतलेल्या अवस्थेत आढळून आले. नंतर ही माहिती पोलिसांना देण्यात आली. पोलिस तात्काळ घटनास्थळी पोहचले. घटनास्थळाचा पंचनामा करून मृतदेह उत्तरीय तपासणी करीता ग्रामीण रुग्णालयात पाठविला. विजय डवरे यांच्या आत्महत्येचे नेमके कारण अद्याप कळू शकले नाही. पुढील तपास पोलिस करीत आहे.