प्रशांत चंदनखेडे वणी
खाकी वर्दीतही एक मन भावना जपणारा माणूस दडला आहे. त्याच्या प्रतीही कुणी स्नेहभाव दाखवावा अशी त्याची अपेक्षा असते. त्याच्या विषयी आपुलकी निर्माण व्हावी असं त्याला नेहमी वाटत असतं. त्याला भाऊ, दादा म्हणून संबोधलं जातं. पण बंधुत्वाच्या नात्याची गुंफण मात्र होतांना दिसत नाही. त्यामुळे पोलिसांविषयी आपुलकी, प्रेम, भावनेचं नातं निर्माण व्हावं या संकल्पनेतून सन्मान स्त्री शक्ती फाउंडेशनच्या वतीने दरवर्षी रक्षाबंधनानिमित्त पोलिस बांधवांना राखी बांधून त्यांच्या प्रती आस्था दाखविली जाते. पोलिस बांधवांचं औक्षण करून त्यांच्याकडे स्त्रियांच्या रक्षणाची ओवाळणी मागितली जाते. मागील पाच वर्षांपासून अविरतपणे हा उपक्रम राबविला जात आहे. सन्मान स्त्री शक्ती फाउंडेशनच्या अध्यक्षा किरण देरकर यांच्या माध्यमातून पोलिस अधिकारी व कर्मचाऱ्यांना राखी बांधण्याची ही परंपरा अखंडितपणे सुरु आहे.
यावेळी सन्मान स्त्री शक्ती फाउंडेशनच्या संस्थापक अध्यक्षा किरण देरकर यांच्यासह पदाधिकारी संचालिका सारिका थेरे, माधुरी सुंकुरवार, निता देठे, शालिनी देरकर, सपना आस्वले, अर्चना झाडे, माधुरी माटे, वृषाली खानझोडे, स्नेहा लालसरे, सुरेखा ढेंगळे, वैशाली देठे, कांचन सिडाम या प्रामुख्याने उपस्थित होत्या.
.jpg)
No comments: