मोटारसायकल चोरीत माहीर असलेल्या चोरट्याच्या एलसीबी पथकाने आवळल्या मुसक्या, तब्बल १९ दुचाक्या केल्या जप्त

-

प्रशांत चंदनखेडे वणी 

गुन्हेगारांना शोधून काढण्यात महत्वाची भूमिका बजाविणाऱ्या यवतमाळ स्थानिक गुन्हे शाखा पथकाने एका दुचाकी चोरट्याचा वेध घेऊन त्याच्या जवळून चोरीच्या तब्बल १९ दुचाक्या जप्त केल्या आहेत. ही धडक कार्यवाही २९ डिसेंबरला पिंपळखुटी परिसरात करण्यात आली. या कार्यवाहीत एलसीबी पथकाने ८ लाख ४० हजार रुपयांचा मुद्देमाल जप्त केला आहे. 

जिल्हा पोलिस अधीक्षक कुमार चिंता यांनी मालमत्तेशी संबंधित गुन्हे करणाऱ्यांवर कार्यवाही करण्याचे आदेश दिल्याने स्थानिक गुन्हे शाखा पथकाचे पोलिस निरीक्षक ज्ञानोबा देवकते यांच्या नेतृत्वात एलसीबी पथक गुन्हेगारांचा शोध घेत होतं. दरम्यान पिंपळखुटी परिसरात गस्त घालत असतांना पथकाला एक दुचाकी चालक संशयास्पदरित्या दुचाकी घेऊन जातांना दिसला. पथकाने त्याला थांबवून त्याची चौकशी केली असता तो आदिलाबाद येथील रहिवाशी असल्याचे त्याने सांगितले. पथकाने त्याला त्याचे नाव विचारले असता त्याने रेहमतुल्ला मुजीब चाऊस असे सांगितले. मात्र दुचाकीचा क्रमांक (TS १८ E १८२४) हा निर्मल जिल्हातील असल्याने एलसीबी पथकाला त्याच्यावर संशय आला. त्यामुळे पथकाने त्याची आणखी कसून चौकशी केली. नंतर त्याने आपली खरी ओळख पोलिसांना सांगितली. तो दुचाकी चोरटा असल्याचे पोलिस चौकशीत निष्पन्न झाले. त्याने सदर दुचाकी ही मुकुटबन परिसरातून चोरी केल्याची एलसीबी पथकासमोर कबुली दिली. एवढेच नाही तर त्याने वेगवेगळ्या ठिकाणांवरून तब्बल १८ मोटारसायकल चोरी केल्याचे पथकाला सांगितले. यावरून पथकाने त्याने चोरी केलेल्या मोटारसायकलची खात्री करून त्याच्या जवळून चोरीच्या एकूण १९ मोटारसायकल जप्त केल्या आहेत. त्याने या मोटारसायकल यवतमाळ, चंद्रपूर, आदिलाबाद व निर्मल येथून चोरी केल्याचे चौकशीत पुढे आले आहे. या कार्यवाहीत एलसीबी पथकाने ८ लाख ४० हजार रुपयांचा मुद्देमाल जप्त केला असून आरोपी रेहमतुल्ला मुजीब चाऊस याच्यावर चोरीचा गुन्हा दाखल केला आहे. आरोपी हा दुचाकी चोरट्यांच्या टोळीतील सदस्य तर नसावा, या दिशेनेही एलसीबी पथकाकडून तपास करण्यात येत आहे. 

सदर कार्यवाही जिल्हा पोलिस अधीक्षक कुमार चिंता, अप्पर पोलिस अधीक्षक पियुष जगताप यांच्या मार्गदर्शनात स्थनिक गुन्हे शाखा पोनि. ज्ञानोबा देवकते यांच्या नेतृत्वात सपोनि अजयकुमार वाढवे, पोहवा उल्हास कुरकुटे, सुनिल खंडागळे, सुधिर पांडे, पोना सुधिर पिदूरकर, पोशि. रजनीकांत मडावी, चालक पोहवा नरेश राऊत यांनी केली.   

Comments

Post a Comment

Popular posts from this blog

(Breaking News) वणी वरोरा महामार्गावर भीषण अपघात, दुचाकीस्वार तरुण जागीच ठार

-
Image
प्रशांत चंदनखेडे वणी  मालवाहू ट्रकने मोटारसायकलला जोरदार धडक दिल्याने झालेल्या भीषण अपघातात दुचाकीस्वार तरुण जागीच ठार झाल्याची घटना वणी वरोरा महामार्गावरील संविधान चौक येथे ५ फेब्रुवारीला सकाळी १०.३० वाजताच्या सुमारास घडली. गणेश हरिचंद्र बदकी (२९) रा. मारेगाव असे या अपघातात ठार झालेल्या तरुणाचे नाव आहे.  अपघाताच्या घटना प्रचंड वाढल्या आहेत. अपघातात निष्पाप जीवांचे बळी जाऊ लागले आहेत. वणी वरोरा महामार्गावरील संविधान चौकात मालवाहू ट्रकने (CG ०४ PH ०५२०) दुचाकीला (MH २९ AB १५६३) जोरदार धडक दिल्याने झालेल्या अपघातात दुचाकीस्वार तरुण जागीच ठार झाला. अपघात झाल्यानंतर वाहन चालक हा वाहनासह पोलिस स्टेशनमध्ये स्वतःहून हजर झाला. दुचाकी चालक गणेश बदकी हा मारेगाव येथील रहिवाशी असल्याचे सांगण्यात येत आहे. तो काही काम निमित्त चंद्रपूरला गेला होता. चंद्रपूर वरून वरोरा मार्गे मारेगाव येथे जात असतांना त्याच्या दुचाकीला वरोरा मार्गावरील संविधान चौकात भरधाव ट्रकने जोरदार धडक दिली. यात गणेश बदकी या दुचाकीस्वार तरुणाचा जागीच मृत्यू झाला. अपघाताची माहिती पोलिसांना मिळताच पोलिसांनी तात्काळ घटनास्थळ ...
Read more

नंदीग्राम एक्सप्रेसने कटून तरुणीचा मृत्यू, तरुणीने आत्महत्या केल्याचा संशय

-
Image
प्रशांत चंदनखेडे वणी   प्रवासी रेल्वेने कटून एका तरुणीचा दुर्दैवी मृत्यू झाल्याची घटना सोमवार दि. ५ मे ला दुपारी ११ ते ११.३० वाजताच्या सुमारास वणी रेल्वे स्टेशन जवळ घडली. तरुणीने रेल्वेखाली स्वतःला झोकून देत आत्महत्या केल्याची शक्यता वर्तविण्यात येत आहे. रश्मी धनराज पराते (२०) रा. शास्त्रीनगर असे या मृत तरुणीचे नाव आहे. ही तरुणी अनेक दिवसांपासून आजारी असल्याचे सांगण्यात येते. तिच्यावर वेगवेगळ्या रुग्णालयांमध्ये उपचार करण्यात आल्याचेही आई वडिलांचे म्हणणे आहे. नुकताच तिच्यावर नागपूर येथील एम्स रुग्णालयात उपचार करून तिला घरी आणले होते. रुग्णालयात उपचार घेतल्यानंतर तिला कुठलाही गंभीर आजार नसल्याचे डॉक्टरांकडून सांगण्यात येत होते, असे तिच्या आई वडिलांचे म्हणणे आहे. मात्र ती अतिशय अशक्त होती. ती २० वर्ष वयाची असतांनाही तिचे वजन अवघे २० ते २१ किलो होते. त्यामुळे ती मानसिक तणावात राहायची. अशातच आज तिने बल्लारशा मुंबई नंदीग्राम एक्सप्रेस खाली येऊन आत्महत्या केल्याचा प्राथमिक अंदाज वर्तविण्यात येत आहे. मृतक रश्मीच्या वडिलांचे टी-स्टाल असून तिला एक बहीण देखील आहे. आज बहिणीचा पेपर असतांना तिच्...
Read more

वाहन चालकाचे नियंत्रण सुटले आणि झाला अपघात, एक महिला ठार तर आठ जण जखमी

-
Image
प्रशांत चंदनखेडे वणी   मालवाहू वाहनाला झालेल्या भीषण अपघातात वाहनातून प्रवास करणारी एक महिला मृत्युमुखी पडली तर वाहन चालकासह इतर आठ प्रवासी जखमी झाल्याची घटना शिरपूर मार्गावरील नदीच्या पुलाजवळ सोमवार दि. ३ फेब्रुवारीला सायंकाळी ६.३० वाजताच्या सुमारास घडली. सुमन वासुदेव नागपुरे (५५) रा. शिरपूर ता. वणी असे या अपघातात मृत्युमुखी पडलेल्या महिलेचे नाव आहे. जखमींपैकी एका महिलेचीही प्रकृती चिंताजनक असल्याचे सांगण्यात येत आहे. याबतात पोलीस स्टेशनला दिलेल्या तक्रारी वरून पोलिसांनी वाहन चालक संदीप पंढरी काकडे याच्यावर गुन्हा दाखल केला आहे.  शिरपूर येथील रहिवाशी असलेल्या शेतमजूर महिला पुरड (पुनवट) येथून शिरपूरला जाण्याकरिता टाटा एस (छोटा हाथी MH ३४ BG ३९९७) या मालवाहू वाहनात बसल्या. वाहन चारगाव चौकी वरून वळण घेत शिरपूरकडे जात असतांना नदी वरील पुलापासून काही अंतरावर वाहन चालकाचे वाहनावरील नियंत्रण सुटले व वाहन रस्त्याच्या कडेला खोलगट भागात उतरले. रस्त्याच्या कडेला असलेल्या राजू बोदाडकर यांच्या शेताजवळ उतरलेले हे वाहन नाल्याच्या काठावरील एका झाडाला अडकले. या अपघातात मालवाहू वाहनाने प्रवास ...
Read more