शहरात श्री संताजी जगनाडे महाराज यांची जयंती साजरी

प्रशांत चंदनखेडे वणी 

शहरात श्री संताजी जगनाडे महाराज यांची ४०० वी जयंती उत्साहाच्या वातावरणात साजरी करण्यात आली. एक शाखीय तेली समाज व संताजी ज्ञान प्रसार मंडळाने श्री संताजी जगनाडे महाराज यांच्या जयंती निमित्त संताजी चौक येथील त्यांच्या पुतळ्याला पुष्पहार अर्पण करून पूजन केले. त्यांच्या जयंती निमित्त घेतण्यात आलेल्या कार्यक्रमाला समाज बांधवांची मोठ्या संख्येने उपस्थिती लाभली. 

एक शाखीय तेली समाजाच्या वतीने श्री संताजी जगनाडे महाराज यांच्या जयंती निमित्त घेण्यात आलेल्या कार्यक्रमाच्या अध्यक्षस्थानी रवि बेलुरकर हे होते. तर एक शाखीय तेली समाजाचे विजय पिपराडे, राजू लिचोडे, विशाल ठोंबरे, राजू पाटील, बाबाराव खांदनकर हे प्रामुख्याने उपस्थित होते. श्री संताजी जगनाडे महाराजांच्या प्रतिमेला हारार्पण करून कार्यक्रमाची सुरुवात झाली. यावेळी उपस्थित मान्यवरांकडून समाज हिताच्या दृष्टीने सर्व समाज बांधवांना एकत्र आणून समाजकार्य करण्याची गरज असल्याचे विचार व्यक्त करण्यात आले. कार्यक्रमाचे प्रास्ताविक राजू लिचोडे यांनी तर सूत्र संचालन व आभार प्रदर्शन गजानन पाटील यांनी केले. कार्यक्रमाला अविनाश पाटील, कैलास पिपराडे, देवेंद्र गोबाडे, रमेश पाटील, आशिष डंभारे, वसंता लाडे, विनोद नीत, संतोष पुंड, गुनवंत गोल्हर, सचिन पाटील, वसंता डवरे, आकाश क्षीरसागर, दिपक पाऊनकर, दिनेश पाऊनकर, गणेश पडोळे, राजु पारोघी, नयन डंभारे, महेश पिपराडे, नागेश राडे, रवि राडे, अजय पारधी, अविनाश राळे, सुरज पारधी, सतीश नीत, विठ्ठल डुकरे, आकाश उपाध्ये, राहुल उपाध्ये, प्रशांत पाटील, जितेंद्र पाउनकर, सचिन पारटकर, दिपक ठोंबरे, रोहित ठोंबरे आदी समाजबांधव मोठ्या संख्येने उपस्थित होते.

संताजी ज्ञान प्रसारक मंडळाच्या वतीने जयंती साजरी 

श्री संताजी ज्ञान प्रसारक मंडळ व संताजी युवा मंचच्या वतीने श्री संताजी जगनाडे महाराज चौक येथे तेली समाजाचे कुलदैवत श्री संताजी जगनाडे महाराज यांची जयंती साजरी करण्यात आली. यावेळी संताजी महाराजांच्या पुतळ्याला हारार्पण करून पूजन करण्यात आले. त्यानंतर श्री संताजी जगनाडे महाराज सभागृह येथे त्यांच्या जयंती निमित्त कार्यक्रम घेण्यात आला. या कार्यक्रमाला श्री संताजी ज्ञान प्रसारक मंडळ व संताजी युवा मंचचे सदस्य तथा संताजी इंग्लिश मिडीयम स्कुलचे सर्व शिक्षक व कर्मचारी तसेच समाजबांधव मोठ्या संख्येने उपस्थित होते.