प्रशांत चंदनखेडे वणी
शिक्षणाबरोबरच विद्यार्थ्यांना बाह्य जगताचीही माहिती मिळावी तसेच त्यांच्या ज्ञानकोशात आणखी भर पडावी या उद्देशाने सुशगंगा कॉलेज ऑफ फार्मसीच्या विद्यार्थ्यांची शैक्षणिक सहल काढण्यात आली. विद्यार्थ्यांसोबत कॉलेज मधील कर्मचाऱ्यांनीही सहलीचा आनंद लुटला. या सहलीदरम्यान विद्यार्थी व कर्मचाऱ्यांनी बल्लारशा येथील अटलबिहारी वाजपेयी बोटॅनिकल गार्डनला भेट दिली. जैवविविधतेच्या माहिती करीता प्रसिद्ध असं हे गार्डन.आहे. या सहलीमुळे विद्यार्थ्यांना अभ्यासक्रमाकरिता उपयोगी असलेल्या अनेक महत्वपूर्ण गोष्टी जाणून घेता आल्या.
अटलबिहारी वाजपेयी बोटॅनिकल गार्डनला भेट देण्याचं उद्दिष्ट म्हणजे वनस्पती उद्यानातील समृद्ध जैवविविधता शोधणे आणि समजून घेणे तसेच संवर्धन, पर्यावरण आणि शाश्वत जीवनाविषयी जागरूकता विकसित करणे हे होतं. विद्यार्थ्यांना जैवविविधता, पर्यावरण संवर्धन आणि वैज्ञानिक प्रदर्शनांची प्रत्यक्ष माहिती या माध्यमातून मिळाली.
बोटॅनिकल गार्डन येथे विद्यार्थ्यांना निसर्ग आणि शैक्षणिक आकर्षणांच्या अद्वितीय मिश्रणासाठी ओळखल्या जाणाऱ्या विविध गोष्टींचे ज्ञान मिळाले. तसेच वनस्पती उद्याने, अंडरग्राउंड म्युझियम, एकैरियम, सायन्स सेंटर, डायनो पार्क आणि बटरफ्लाय पार्क यासह परस्परसंवादी शिक्षण आणि थीमॅटिक झोनद्वारे एक वेगळाच अनुभव याठिकाणी विद्यार्थ्यांना मिळाला.
बोटॅनिकल गार्डनला दिलेल्या भेटीमुळे विद्यार्थ्यांची जैवविविधता आणि संवर्धनाची केवळ समजच वाढली नाही तर ते शिकणे अधिकच आकर्षक आणि संस्मरणीय बनले. विद्यार्थ्यांच्या शेक्षणिक प्रवासात ही एक मौल्यवान भर पडली. ज्यामुळे त्यांच्या पर्यावरणीय आणि वैज्ञानिक संकल्पनांना बळकटी मिळाली. विद्यार्थ्यांचं आंतरिक ज्ञान विकसित करणारी ही सहल होती. या शैक्षणिक सहलीचं नियोजन सुशगंगा कॉलेज ऑफ फार्मसी वणीचे प्राचार्य सुनिल पवार यांनी अतिशय उत्तमरीत्या केलं. तसेच या सहलीमध्ये विद्यार्थ्यांसह शिक्षक व शिक्षकेत्तर कर्मचाऱ्यांनीही सहभाग घेतला होता.
.jpg)
No comments: