प्रशांत चंदनखेडे वणी
मालवाहू ट्रकने दुचाकीला मागून जोरदार धडक दिल्याने झालेल्या भीषण अपघातात एक महिला जागीच ठार तर महिलेचा पती गंभीर जखमी झाला आहे. ही घटना ५ मे ला सायंकाळी ६.३० वाजताच्या सुमारास ब्राह्मणी फाट्यावर घडली. मालन देवराव धांडे (६५) रा. वारगाव असे या अपघातात ठार झालेल्या महिलेचे नाव आहे. तर देवराव धांडे हे या अपघातात गंभीर जखमी झाले आहेत.
मूळचे वारगाव येथील रहिवाशी असलेले देवराव धांडे हे आता आपल्या परिवारासह वणी येथील चर्च जवळ राहतात. ते आपल्या पत्नीसह दुचाकीने वारगाव वरून वणीला येत होते. दरम्यान ब्राह्मणी फाट्यावरून शहराकडे जाण्याकरिता वळण घेत असतांना घुग्गुस कडून भरधाव येणाऱ्या मालवाहू ट्रकने त्यांच्या दुचाकीला मागून जोरदार धडक दिली. यात दुचाकीवर मागे बसून असलेल्या मालन धांडे या ट्रकच्या चाकाखाली चिरडल्या गेल्याने त्यांचा घटनास्थळीच मृत्यू झाला. तर दुचाकी चालक देवराव धांडे हे या अपघातात गंभीर जखमी झाले आहेत. त्यांना तात्काळ उपचारार्थ रुग्णालयात हलविण्यात आले. घटनेची माहिती पोलिसांना मिळताच पोलिसांनी शीघ्र घटनास्थळ गाठले. घटनास्थळाचा पंचनामा करून मृतदेह उत्तरीय तपासणी करीता ग्रामीण रुग्णालयात पाठविला. मालवाहू वाहतुकीचा हा ट्रक घुग्गुस कडून भरधाव येत असतांना त्याने दुचाकीला मागून धडक देत फरफटत नेले. महिलेच्या अंगावरून ट्रकचे चाक गेल्याने महिला जागीच ठार झाली. तर देवराव धांडे हे गंभीर जखमी झाले आहेत. देवराव धांडे हे शेतकरी नेते असल्याचे सांगण्यात येते. घटनेचा प्राथमिक तपास जमादार अविनाश बनकर करीत आहे.
No comments: