नैराश्येतून तरुणाची गळफास घेऊन आत्महत्या

प्रशांत चंदनखेडे वणी :-

तालुक्यातील वांजरी येथील तरुणाने शेतातील झाडाला गळफास लावून आत्महत्या केल्याची दुर्दैवी घटना बुधवार ५ नोव्हेंबरला दुपारी उघडकीस आली. महेश रामभाऊ उज्वलकर (१९) असे या गळफास घेतलेल्या तरुणाचे नाव आहे. 

वांजरी येथे कुटुंबासह राहत असलेला हा तरुण आज दुपारी शेतात गेला. आणि त्याने नैराश्येतून शेतातील झाडाला दोरखंड बांधून गळफास घेतला. महेशने गळफास घेतल्याची माहिती कुटुंबियांना मिळताच त्यांनी तात्काळ घटनास्थळी धाव घेतली. तेथे कुटुंबियांना महेश हा झाडाला दोराने लटकलेल्या अवस्थेत आढळून आला. कुटुंबातील कर्त्या तरुणाने आत्महत्येसारखे टोकाचे पाऊल उचलल्याने कुटुंब हादरलं आहे. त्याच्या आत्महत्या करण्याने कुटुंबावर दुःखाचा डोंगर कोसळला आहे. 

नंतर ही माहिती पोलिसांना देण्यात आली. पोलिसांनी तात्काळ घटनास्थळ गाठून घटनास्थळाचा पंचनामा करीत मृतदेह उत्तरीय तपासणी करीता ग्रामीण रुग्णालयात पाठविला. तरुणाच्या आत्महत्येचे नेमके कारण अद्याप गुलदस्त्यात असून पोलीस त्याच्या आत्महत्या कारण्यामागच्या कारणांचा शोध घेत आहे. नैराश्येतून तरुण मुलं आत्मघात करू लागल्याने पालकवर्ग कमालीचा चिंतेत आला आहे. तालुक्यात एका पाठोपाठ एक आत्महत्या होत असल्याने तालुका हादरला आहे.