पोलीस वर्धापन दिनाचे औचित्य साधून वणी पोलीस स्टेशन, जिल्हा यवतमाळ यांच्या वतीने समाजप्रबोधन व कायदेविषयक जनजागृती कार्यक्रमाचे आयोजन करण्यात आले. या उपक्रमांतर्गत विद्यार्थ्यांमध्ये कायद्याविषयी जागरूकता निर्माण करण्यावर भर देण्यात आला.
या कार्यक्रमात वणी शहरातील ब्लॅक डायमंड इंटरनॅशनल स्कूल, आदर्श हायस्कूल, विवेकानंद विद्यालय, ज्ञानदा स्पर्धा परीक्षा केंद्र, डॉ. आंबेडकर चौक येथील अभ्यासिका तसेच विविध शाळा व कोचिंग क्लासेस येथे पोलीस अधिकारी व कर्मचारी यांनी भेटी दिल्या. तसेच आदर्श हायस्कूल, भगतसिंग चौक येथील विद्यार्थ्यांना वणी पोलीस स्टेशनला आमंत्रित करण्यात आले होते.
यावेळी विद्यार्थ्यांना पोलीस स्टेशनमधील दैनंदिन कामकाज, तक्रार नोंदणी प्रक्रिया, तपास कार्यपद्धती तसेच आपत्कालीन परिस्थितीत पोलिसांची भूमिका याबाबत सविस्तर माहिती देण्यात आली. यासोबतच महिला विषयक कायदे, सायबर गुन्हे, गुड टच–बॅड टच, बालसुरक्षा, नवीन कायदे व कायद्यातील बदल यावर मार्गदर्शन करण्यात आले. आपत्कालीन प्रसंगी संपर्कासाठी 112, 1091 व 1098 या हेल्पलाईन क्रमांकांची माहितीही विद्यार्थ्यांना देण्यात आली.
या कार्यक्रमात विद्यार्थ्यांनी उत्स्फूर्त सहभाग घेतला. प्रश्नोत्तरांच्या माध्यमातून कायद्याविषयी त्यांच्या शंकांचे निरसन करण्यात आले. या उपक्रमामुळे विद्यार्थ्यांमध्ये कायद्याबाबत जागरूकता वाढून पोलीस व नागरिक यांच्यातील विश्वास अधिक दृढ होण्यास मदत होणार आहे.
हा जनजागृती कार्यक्रम वणी पोलीस स्टेशनचे पोलीस निरीक्षक गोपाल उंबरकर यांच्या मार्गदर्शनाखाली पार पडला. यावेळी सहाय्यक पोलीस निरीक्षक प्रियंका चौधरी, सहा. पोलीस निरीक्षक कपिल पाटील, पीएसआय सुदाम आसोरे, पीएसआय अंकुश वडतकर, पीएसआय शुभम महानवर, तसेच पोलीस हेडकॉन्स्टेबल कावळे, पोलीस कॉन्स्टेबल शाम राठोड व इमरान खान यांची उपस्थिती होती.
.jpg)
No comments: