LOKSANDESH

प्रशांत चंदनखेडे वणी   शहरातील भारतमाता चौक ते गणेशपूर घाट काँक्रेट रस्त्याचे अर्धवट बांधकाम करण्यात आल्याने या रस्त्यावर अपघाताचे प्रमाण वाढले असून शिवनेरी चौकातील चौफुलीवर मागील तीन ते चार महिन्यापासून काँक्रेट अप्रौचबाबत कंत्राटदाराला सांगूनही तो याकडे दुर्लक्ष करीत असल्याची लेखी तक्रार माजी नगर सेवक धीरज पाते यांनी जिल्हाधिकाऱ्यांकडे केली आहे. रोडच्या बाजूला असलेली नालीही सताड खुली असून नालीवर चेंबर देखील बसविण्यात आले नसल्याचे त्यांनी तक्रारीत म्हटले आहे. . शहरात रस्ते विकासाकरिता आलेल्या निधीतून काँक्रेट रस्त्यांचे बांधकाम केले जात असले तरी रस्ते बांधकामात अनियमितता आढळून येत आहे. सिमेंट रस्त्यांचे बांधकाम करतांना त्याची गुणवत्ता तपासली जात नसल्याने निकृष्ठ दर्जाचे रस्ते तयार होतांना दिसत आहे. काही ठिकाणी तर रस्त्यांचे अर्धवट बांधकाम करण्यात आल्याने नागरिकांमधून नाराजी व्यक्त केली जात आहे. भारतमाता चौक ते गणेशपूर घाट पर्यंतच्या काँक्रेट रस्त्याचे अर्धवट बांधकाम करण्यात आल्याची तक्रार स्वतः माजी नगर सेवकाने केली आहे. रस्त्याची विकासकामे हाती घेण्यात आली असली तरी रस्त्याच्या बा...

प्रशांत चंदनखेडे वणी   मणिपूरमध्ये जातीय हिंसाचाराचा आगडोंब उसळला आहे. हिंसाचाराची आग धुमसत असतांना ती शांत करण्याकरिता निर्णायक पाऊले उचलली जात नसल्याने मणिपूर येथे अशांतता पसरली आहे. दोन समुदाय एकमेकांविरोधात उभे ठाकल्याने मानवी संवेदना हरपून मानवी संघर्ष पेटला आहे. माणूस माणसाच्या जीवावर उठल्याने मणिपूर येथे अराजकता माजली आहे. जातीवादाने पछाडलेला माणूस माणुसकी व बंधुभाव विसरून एकमेकांचा वैरी झाला आहे. गुण्या गोविंदाने नांदणाऱ्या दोन्ही समुदायांमध्ये निर्माण झालेल्या संभ्रमातून जातीयतेची ठिणगी पडली, व हिंसाचाराची आग भडकली. जातीयवादी मानसिकतेतून मनुष्यामध्ये एवढी क्रूरता निर्माण झाली की, निष्पाप महिलांवर अत्याचार करून त्यांची नग्न धिंड काढण्यात आली. मानवतेला काळिमा फासणाऱ्या या घटनेचा देशातच नाही तर विदेशातूनही निषेध करण्यात येत आहे. महिलांवरील या अत्याचाराच्या घटनेमुळे जनमाणसातून तीव्र प्रतिक्रिया उमटत आहेत. महिलांच्या आब्रूचे धिंडवडे काढणाऱ्या क्रूरकर्म्यांना फाशीची शिक्षा देण्याची मागणी देश विदेशातून होऊ लागली आहे. महिलांवर अशा प्रकारे अत्याचार करण्यात आल्याने देशातून तीव्र संत...

प्रशांत चंदनखेडे वणी  वणी तालुक्यातील राजूर (कॉ.) येथील रेल्वेच्या कोळसा सायडिंगवर होणाऱ्या अवजड वाहतुकीमुळे रस्त्याची पुरती वाट लागली असून खड्डे व चिखलामुळे नागरिकांना मार्गक्रमण करणे कठीण झाले आहे. कोल वाशऱ्यांमधून कोळसा सायडिंगवर होणाऱ्या अवजड वाहतुकीमुळे राजूर रिंग रोडची अवस्था अतिशय बिकट झाली असून रोडवर मोठमोठे खड्डे पडले आहेत. कोळसा वाहतुकीच्या वाहनांमुळे राजूर रिंगरोडला पांदण रस्त्याचे स्वरूप आले आहे. हा मार्ग पूर्णतः चिखलमय झाल्याने रहिवाशी वस्त्यांमधील नागरिकांना मार्गक्रमण करतांना चांगलेच हाल सोसावे लागत आहे. छोट्या वाहनधारकांना तर या रस्त्याने वाहने चालवितांना तारेवरची कसरत करावी लागत आहे. पावसाळ्यात चिखल व पावसाळ्यानंतर प्रदूषण या दोन्ही समस्यांना येथील नागरिकांना नेहमीच तोंड द्यावे लागते. त्यामुळे स्वातंत्र्याच्या अमृत महोत्सवानंतरही चिखलातूनच वाट शोधण्याचं दुर्दैव येथील नागरिकांच्या नशिबी आलं आहे. खनिज संपन्न तालुक्यात वास्तव्य करतांना विविध समस्यांच्या विळख्यात अडकलेल्या नागरिकांना खनिज विकास निधीतून कुठला विकास साधला जातो, हा प्रश्न पडणं स्वाभाविक आहे. कोळसा सायडिंग...

प्रशांत चंदनखेडे वणी   शहरातील इंदिरा चौक परिसरातील एका बियरबार जवळ सुरु असलेल्या मटका अड्ड्यावर पोलिसांनी धाड टाकून मटका जुगार खेळणाऱ्या चार जनांना अटक केली. इंदिरा चौकातील एका बियरबार जवळ मटका अड्डा चालविला जात असल्याची माहिती पोलिसांना मिळाली. पोलिसांनी राजरोसपणे सुरु असलेल्या या मटका अड्ड्यावर धाड टाकून सट्टा घेणाऱ्या चार सट्टा बहाद्दरांना अटक केली. हे चारही जन मटका पट्टी फाडतांना पोलिसांना रंगेहात सापडून आले. त्यांच्यावर मजुका अंतर्गत गुन्हे दाखल करण्यात आले आहे. शहरापासून अवघ्या ७ किमी अंतरावर असलेल्या राजूर (कॉ.) येथेही मोठ्या प्रमाणात मटका अड्डे चालविले जात असून येथे सट्टा मटक्याचा अवैध व्यवसाय चांगलाच फळाफुलाला आला आहे. येथील शाळाकरी मुलंही सट्टा लावतांना दिसतात. जी.प. शाळेपासून काही अंतरावरच मटका अड्डा सुरु असून पोलिसांचे याकडे अर्थपूर्ण दुर्लक्ष होतांना दिसत आहे. मजुरदारवर्ग मोठ्या प्रमाणात मटक्याच्या आहारी गेल्याने त्यांचे संसार उध्वस्त होण्याच्या मार्गावर आले आहेत. तरुण व युवा वर्गही मोठ्या प्रमाणात मटक्याच्या आहारी गेला असून पुरुषांबरोबरच महिलाही सट्ट्यावर नशीब आजमावत...

प्रशांत चंदनखेडे वणी   वणी वरोरा मार्गावरील वर्धा नदीवर नव्यानेच बांधण्यात आलेल्या पुलाला तडे जाऊ लागल्याने या पुलाच्या बांधकामाच्या दर्जाबाबत आता प्रश्न निर्माण होऊ लागले आहेत. या पुलावरील रस्त्याला भेगा पडल्या असून काही दिवसांतच रस्त्याची डागडुजी करण्याची वेळ आल्याने आश्चर्य व्यक्त करण्यात येत आहे. पुलाच्या वरील भागाला तडे गेले असून रस्त्यावर खड्डे व भेगा पडल्या आहेत. जनु या पुलाने जागा सोडायला सुरुवात केली असल्याचे जाणवत आहे. पुलाला तडे गेल्याने वाहतुकीबाबत सावधानता बाळगली जात आहे. या पुलावरून सावधपणे वाहतूक सुरु आहे. या पुलाला मोठं मोठ्या भेगा पडल्याने हा पूल वाहतुकी करिता धोकादायक ठरू शकतो, अशी शक्यता वर्तविली जात आहे.  वणी वरोरा मार्गाचे चौपदरीकरण करतांना वर्धा नदीवर उंच पूल बांधण्यात आला. हा पूल साकारण्यात आल्यानंतर वाहतूक सुलभ होईल व रहदारीला गती मिळेल ही अपेक्षा बाळगली जात होती. वर्धा नदीला पूर आला की जुन्या  पुलावरून पाणी वाहण्याचा नेहमी धोका असायचा. पाटाळा पुलावरून पाणी वाहू लागले की, वाहतूक ठप्प पडायची. त्यामुळे वर्धा नदीला पूर आला की, वाहतूकदारांमध्ये धाकधूक ...

प्रशांत चंदनखेडे वणी   वणी तालुक्यात मागील काही दिवसांपासून धो-धो कोसळणाऱ्या पावसामुळे नदी नाले तुडुंब भरले आहेत. वर्धा व निर्गुडा या दोन्ही नद्या दुथडी भरून वाहू लागल्या आहेत. तालुक्यात अतिवृष्टीचा इशारा देण्यात आला असून नदी काठावरील गावांना अलर्ट करण्यात आले आहे. वर्धा नदीने धोक्याची पातळी गाठली असून पाण्याचा प्रवाह प्रचंड वाढला आहे. वर्धा नदी उफान मारू लागल्याने प्रशासनही सज्ज झाले आहे. पुराचा धोका लक्षात घेता नदी काठावरील गावांना सतर्कतेचा इशारा देण्यात आला आहे. वर्धा नदीला आलेल्या पुराच्या पाण्याने आसपासचा परिसर वेढला असून वर्धा नदी पासून काही अंतरावर असलेल्या रेस्टोरंटलाही पुराच्या पाण्याने वेढा घातला आहे. वणी शहर व तालुक्यात मागील काही दिवसांपासून सुरु असलेल्या जोरदार पावसामुळे पूर परिस्थिती निर्माण झाली असून आज शाळांनाही सुट्टी जाहीर करण्यात आली. वर्धा नदीला आलेल्या पुरामुळे सेलू, कवडशी, भुरकी, चिंचोली व सावंगी या गावांचा संपर्क तुटला आहे. नदी काठावरील गावातील नागरिकांना गावाबाहेर पडण्याच्या सूचनाही देण्यात आल्या आहेत. पुराच्या पाण्याने गावांना वेढा घातल्यास गावकऱ्यांना सुख...

प्रशांत चंदनखेडे वणी   शहरातील एका प्रतिष्ठित युवा व्यवसायिकाचा रात्री एका मुलीला दुचाकीवर बसवून नेत असतानाचा  व्हिडीओ समाज माध्यमांवर व्हायरल झाल्याने एकच खळबळ उडाली होती. नंतर या व्हिडिओचे शहरात चांगलेच पडसाद उमटले. ना ना विध चर्चांना उधाण आले. या व्हायरल व्हिडिओ वरून आंबट गोड चर्चाही शहरात रंगल्या. पण मुली सोबत व्हायरल झालेल्या व्हिडिओमुळे अपमानित झालेल्या युवा व्यवसायिक व त्यांच्या समर्थकांनी पोलिस स्टेशनला धाव घेत व्हिडिओ व्हायरल करणाऱ्यावर गुन्हा दाखल करण्याची मागणी करीत रोष व्यक्त केल्याने काही काळ तणावाचे वातावरण निर्माण झाले होते. शहरातीलच प्रतिस्पर्धी व्यवसायिकाने हा व्हिडिओ व्हायरल केल्याचे समोर आल्यानंतर व्हायरल व्हिडिओतील त्या व्यावसायिकाचा राग अनावर होऊन त्यांच्या समर्थकांमध्ये संतापाची लाट उसळली. त्यांनी व्हिडिओ व्हायरल करणाऱ्याला अटक करण्याची मागणी रेटून धरल्याने पोलिसांनी शीघ्र तपास करून दोघांना चौकशी करिता ताब्यात घेतले. त्यांनीच व्हिडिओ चित्रीकरण व तो व्हायरल केल्याचे निष्पन्न झाल्यानंतर दोघांवरही पोलिसांनी गुन्हे दाखल केले. त्यानंतर व्यवसायिकाचा मुलीसोबतचा ...

प्रशांत चंदनखेडे वणी   सुगंधित तंबाखूचा साठा व विक्री करण्यावर शासनाने प्रतिबंध लावला असतांनाही काही अवैध विक्रेते चोरट्या मार्गाने सुगंधित तंबाखूची तस्करी करून त्याची अवैधरित्या विक्री करीत आहेत. प्रतिबंधित सुगंधित तंबाखूच्या तस्करी व विक्रीतून मोठा आर्थिक लाभ मिळत असल्याने अनेक हात या धंद्यात गुंतले आहेत. एका आलिशान कारमधून प्रतिबंधित सुगंधित तंबाखूची अवैध वाहतूक करणाऱ्या तस्कराच्या स्थानिक गुन्हे शाखा पथकाने मुसक्या आवळल्या आहेत. शहरात अवैध विक्री करिता सुगंधित तंबाखूची खेप घेऊन येणाऱ्या तस्कराला पोलिसांनी सापळा रचून आलिशान कारसह ताब्यात घेतले आहे. ही कार्यवाही काल २५ जुलैला रात्री दरम्यान शिरपूर पोलिस स्टेशन हद्दीतील आभई फाटा येथे करण्यात आली. सुगंधित तंबाखूची तस्करी करणाऱ्या तस्करांवर स्थानिक गुन्हे शाखा पथकाने केलेली ही मागील १० दिवसातील दुसरी मोठी कार्यवाही आहे.  स्थानिक गुन्हे शाखा वणी, पांढरकवडा विभागाचे पथक वणी येथे अवैध धंद्यांची माहिती मिळविण्याकरिता परिसरात गस्त घालत असतांना त्यांना प्रतिबंधित सुगंधित तंबाखूची ठाकोरी बोरी मार्गे शिरपूर येथे वाहतूक होणार असल्याची व...

प्रशांत चंदनखेडे वणी  शुल्लक कारणावरून गावातीलच दोन युवकांमध्ये शाब्दिक चकमक उडाली. त्यानंतर गावातील एका व्यक्तीच्या घरी असलेल्या धार्मिक कार्यक्रमानिमित्त दोघेही समोरासमोर आले. परिणामी काही तासांपूर्वी झालेल्या वादाचा राग मनात धरून सदर युवकाने आपल्या तीन मित्रांसह त्या युवकाला लाकडी दांड्याने जबर मारहाण केली. या मारहाणीत तो जखमी झाल्याने त्याला रुग्णालयात दाखल करण्यात आले. याबाबत त्याने पोलिस स्टेशनला दिलेल्या तक्रारी वरून पोलिसांनी चारही आरोपींवर गुन्हा दाखल केला आहे. ही घटना २४ जुलैला मध्यरात्री १२.६० वाजताच्या सुमारास तालुक्यातील नांदेपेरा येथे घडली. तालुक्यातील नांदेपेरा या गावातील मयूर अरुण खामनकर (२८) या युवकाचा व आरोपीचा २४ जुलैला रात्री १०.३० वाजता शुल्लक कारणावरून वाद  झाला. त्या दोघांमध्ये शाब्दिक चकमक उडाली. त्यानंतर मयूर हा गावातीलच एका व्यक्तीच्या घरी धार्मिक कार्यक्रम बघण्याकरिता गेला असता आरोपीने वाद उकरून काढत आपल्या तीन मित्रांसह मयूरला लाकडी दांड्याने जबर मारहाण केली. मयूरला मारहाण होत असतांना त्याचा मित्र अनिकेत चिकटे (२७) हा मध्यस्थी करण्यास आला असता आरोपी...

प्रशांत चंदनखेडे वणी   तालुक्यातील राजूर (कॉ.) येथील सार्वजनिक खुल्या जागेवर सुरु असलेल्या जुगारावर पोलिसांनी धाड टाकून सात जुगाऱ्यांना अटक केली आहे. त्यांच्या जवळून पोलिसांनी चार दुचाक्या व रोख रक्कम असा एकूण १ लाख ५१ हजार ६७० रुपयांचा मुद्देमाल जप्त केला आहे. ही कार्यवाही २३ जुलैला सायंकाळी ६.३० वाजताच्या सुमारास करण्यात आली. जुगारावरील ही आठ दिवसातील दुसरी कार्यवाही आहे. एपीआय दत्ता पेंडकर यांनी जुगारावर धाडसत्र अवलंबलं असून जुगाऱ्यांना पोलिसी हिसका दाखवायला सुरुवात केली आहे.  राजूर (कॉ.) येथिल वेकोलिच्या बंद अवस्थेत असलेल्या ९६ क्वाटर समोरील पडक्या इमारतीच्या खुल्या सार्वजनिक जागेवर काही इसम गंजी पत्त्यावर पैशाचा जुगार खेळत असल्याची विश्वसनीय माहिती एपीआय दत्ता पेंडकर यांना मिळाली. त्यांनी मिळालेल्या माहितीच्या आधारे पोलिस पथकासह त्याठिकाणी धाड टाकली असता तेथे सात ते आठ इसम जुगार खेळतांना रंगेहात सापडले. रमी हा जुगार खेळणाऱ्या सात आरोपींना पोलिसांनी घटनास्थळीच अटक केली. तर एक आरोपी पळून जाण्यात यशस्वी ठरला. पोलिसांनी अटक केलेल्या आरोपींमध्ये शुभम माणिक खैरे (२६), राजेंद्र ...

प्रशांत चंदनखेडे वणी   भरधाव व निष्काळजीपणे वाहन चालवून एका दुचाकीस्वाराचा बळी घेतल्याची घटना काल २३ जुलैला रात्री ८.४५ वाजताच्या सुमारास घडली. दोन मित्र दुचाकीने वणी वरून राजूर (कॉ.) या आपल्या गावाकडे जात असतांना वणी यवतमाळ मार्गावरील साई मंदिर जवळ भरधाव स्कॉर्पियो या वाहनाने त्यांच्या दुचाकीला मागून जोरदार धडक दिली. या धडकेत दुचाकी वरील एक जन ठार झाला. तर दुसरा किरकोळ जखमी झाला आहे. निष्काळजीपणे वाहन चालवून दुचाकीस्वार तरुणाचा बळी घेणाऱ्या वाहन चालकावर गुन्हा दाखल करण्यात आला आहे. आकाश रतन गाडेकर (२६) असे या अपघातात ठार झालेल्या तरूणाचे नाव आहे. अनियंत्रित वाहतुकीमुळे निष्पाप जीवांचे बळी जाऊ लागले आहेत. बेलगाम वाहतुकीला लगाम लावण्यात वाहतूक पोलिस कमी पडतांना दिसत आहे. वर्दळीच्या रस्त्यांवरूनही वाहन चालक सुसाट वाहने चालवितांना दिसत आहे. वाहन चालकांना वाहतूक पोलिसांचा जराही धाक उरल्याचे दिसत नाही. अनियंत्रित वाहतुकीवर नियंत्रण मिळविण्यात व वाहन चालकांना शिस्त लावण्यात वाहतूक पोलिसांना अद्याप यश आल्याचे दिसत नाही. भरधाव स्कॉर्पियो (MH २९ BE ७२६६) या वाहनाने काल रात्री वणी वरून राजूर...

प्रशांत चंदनखेडे वणी  वणी ग्रामीण रुग्णालयात आठ वैद्यकीय अधिकारी असतांनाही ते ओपीडीच्या वेळेला उपस्थित रहात नसल्याने रुग्णांची चांगलीच हेळसांड होतांना दिसत आहे. वैद्यकीय अधिकाऱ्यांच्या अनुपस्थितीमुळे येथे उपचाराकरिता येणाऱ्या रुग्णांना तासंतास ताटकळत राहावं लागत असल्याने त्यांचा चांगलाच मनःस्ताप होतांना दिसत आहे. ग्रामीण रुग्णालयात आठ वैद्यकीय अधिकारी सेवारत असतांना देखील रुग्णालयात डॉक्टरांचा अभाव दिसून येतो, हे समजण्यापलीकडे आहे. केवळ एकच डॉक्टर ग्रामीण रुग्णालयात रुग्णांची तपासणी करण्याचे सोपस्कार पार पाडतांना दिसतो. त्यामुळे रुग्णांना तासंतास रांग लावून उभे राहावे लागत असल्याने त्यांना आजारपणात डॉक्टरांचा हलगर्जीपणा सहन करावा लागत आहे. ग्रामीण रुग्णालयात सर्वसामान्य रुग्णांना योग्य उपचार मिळावा म्हणून आठ वैद्यकीय अधिकारी नियुक्त करण्यात आले आहे. परंतु ते नावालाच असल्याचे दिसून येत आहे. बाह्य रुग्ण विभागात केवळ एकच डॉक्टर रुग्णांची तपासणी करतांना दिसतो. एकच डॉक्टर सर्व प्रकारच्या रुग्णांची तपासणी करीत असल्याने रुग्णांना तासंतास रांगेत ताटकळत राहावं लागतं. त्यामुळे रुग्णांची चांग...

प्रशांत चंदनखेडे वणी   शहरातील जैन ले-आऊट येथे वास्तव्यास असलेले शिक्षक घरून बेपत्ता झाल्याची तक्रार २० जुलैला पोलिस स्टेशनला करण्यात आली. परंतु अद्यापही शिक्षकाचा शोध न लागल्याने कुटुंबातील सदस्य कमालीचे चिंतेत आले आहेत. त्यातच बेपत्ता शिक्षकाची मोटरसायकल वर्धा नदीच्या पाटाळा पुलावर आढळून आल्याने कुटुंबीयांमध्ये धास्ती निर्माण झाली आहे. त्यामुळे संभावना म्हणून वर्धा नदी पात्रातही शोध मोहीम राबविली जात आहे. परंतु अद्यापही कुठलीच माहिती समोर न आल्याने कुटुंबीयांमध्ये चिंतेचं वातावरण निर्माण झालं आहे.  जैन ले-आऊट येथील रहिवाशी असलेले व कोरपना तालुक्यातील कोळशी येथील जिल्हा परिषद शाळेवर शिक्षक असलेले अजय लटारी विधाते (३९) हे १९ जुलैला सकाळी ९ वाजता फिरायला जातो म्हणून मोटरसायकलने घरून निघाले. त्यानंतर ते उशिरापर्यंत घरी न परतल्याने कुटुंबीयांनी त्यांचा शोधाशोध सुरु केला. सर्वत्र शोध घेतल्यानंतरही त्यांचा कुठेच थांगपत्ता न लागल्याने शेवटी त्यांच्या वडिलांनी २० जुलैला पोलिस स्टेशनला मुलगा बेपत्ता झाल्याची तक्रार नोंदविली. दरम्यान त्यांची मोटरसायकल वर्धा नदीच्या पाटाळा पुलावर आढळून ...

प्रशांत चंदनखेडे वणी   प्रतिबंधित सुंगंधीत तंबाखूची अवैध विक्री करिता वाहतूक करणाऱ्या वाहनावर स्थानिक गुन्हे शाखा पथकाने कार्यवाही करून मालवाहु वाहनासह ४ लाख १२ हजार रुपयांचा मुद्देमाल जप्त केला आहे. शहरात अवैध विक्री करिता सुगंधित तंबाखाची खेप घेऊन येणाऱ्या वाहन चालकालाही पोलिसांनी अटक केली असून त्याच्यावर अन्न सुरक्षा मानके कायद्यांतर्गत गुन्हा दाखल करण्यात आला आहे. ही कार्यवाही १९ जुलैला रात्री दरम्यान करण्यात आली.  स्थानिक गुन्हे शाखेचे पथक शहरात अवैध धंद्यांबाबत माहिती गोळा करीत असतांना त्यांना एका मालवाहू वाहनातून प्रतिबंधित सुगंधित तंबाखूची शहरात अवैध विक्री करिता वाहतूक करण्यात आली असल्याची गोपनीय माहिती मिळाली. मालवाहू वाहन हे आदर्श शाळेजवळ उभे असल्याचेही पोलिसांना सांगण्यात आले. या माहितीच्या आधारे पोलिसांनी रात्री आदर्श शाळेजवळ जाऊन पाहणी केली असता त्यांना सांगितलेल्या वर्णनाचे मालवाहू वाहन (MH २९ BE ४७५५) त्याठिकाणी उभे दिसले. पोलिसांनी वाहन चालकाला वाहनात भरून असलेल्या मालाबाबत विचारणा केली असता तो उडवा उडवीची उत्तरे देऊ लागला. पोलिसांनी त्याला ताब्यात घेऊन वाहनाच...

प्रशांत चंदनखेडे वणी  मुकुटबन येथिल आरसीसीपीएल प्रायव्हेट लिमिटेड या सिमेंट कंपनीच्या प्रस्तावित चुनखडी खान (लाइमस्टोन) प्रकल्पासाठी शासनाकडून लीजवर घेण्यात आलेल्या जमिनीतून होणाऱ्या उत्खननामुळे प्रदूषण अथवा अन्य कुठल्याही समस्या उद्भवू नये, याकरिता यवतमाळ जिल्हाधिकारी यांच्या अध्यक्षतेत पर्यावरण विषयक जन सुनावणी आयोजित करण्यात आली होती. महाराष्ट्र प्रदूषण नियंत्रण मंडळ चंद्रपूर यांनी काल १७ जुलैला सकाळी ११ वाजता ही जन सुनावणी आयोजित केली होती. मार्गदर्शक सूचनांच्या अनुषंगाने ही जन सुनावणी होणार असल्याने आजूबाजूच्या गावातील नागरिक, शेतकरी, शेत मजूर, पर्यावरण प्रेमी व सर्वपक्षीय नेते ठीक ११ वाजता डोंगरगाव येथे हजर झाले. परंतु जन सुनावणीचे अध्यक्ष असलेले जिल्हाधिकारीच विलंबाने आल्याने त्यांची वाट बघून हैराण झालेल्या उपस्थितांनी या जन सुनावणीवरच बहिष्कार टाकला. प्रशासनाने ही जन सुनावणी नियोजित वेळेवर परत घ्यावी, अशी मागणी बाधित क्षेत्रातील जनता व सर्व पक्षीय नेत्यांनी केली आहे. आरसीसीपीएल सिमेंट कंपनीने चुनखडी खान (लाइमस्टोन) सुरु करण्याकरिता शासनाकडून मजूर केलेल्या लीज क्षेत्रात २५२....