LOKSANDESH

प्रशांत चंदनखेडे वणी  शहरातील प्रगती नगर येथे घरासमोर उभे असलेले बुलेरो वाहन अज्ञात माथेफिरुने आग लावून पेटविल्याची खळबळजनक घटना आज ३० एप्रिलला पहाटेच्या सुमारास उघडकीस आली. शिवसेनेचे माजी शहर प्रमुख तथा माजी नगर सेवक राजू तुराणकर यांच्या मालकीचे हे बुलेरो वाहन असून त्यांच्या घरासमोर उभ्या असलेल्या या वाहनाला अज्ञात माथेफिरुने आग लावून पेटविल्याने एकच खळबळ उडाली आहे. त्यांनी याबाबत पोलिस स्टेशनला तक्रार नोंदविली असून पोलिसांनी अज्ञात आरोपीचा शोध सुरु केला आहे. या घटनेमुळे शहरात ना-ना विध चर्चांना उधाण आले आहे.   प्रगती नगर येथे वास्तव्यास असलेल्या राजू तुराणकर यांच्याकडे दोन बुलेरो वाहने असून ही दोन्ही वाहने रात्रीला घरासमोरच उभी असतात. कौटुंबिक प्रवासाकरिता या वाहनांचा वापर केला जातो. काल स्वतः राजू तुराणकर हे काही कामानिमित्त MH ३१ CS ७९०० क्रमांकाच्या बुलेरो वाहनाने यवतमाळला गेले होते. रात्री उशिरा ते घरी परत आल्यानंतर त्यांनी नेहमी प्रमाणे घरासमोर बुलेरो वाहन उभे केले. आज पहाटे २.३० वाजताच्या सुमारास त्यांच्या शेजारी राहणाऱ्या व्यक्तीला वाहनामधून धूर निघतांना दिसला. वाहनान...

प्रशांत चंदनखेडे वणी  भारतीय राज्य घटनेचे शिल्पकार विश्वरत्न डॉ. बाबासाहेब आंबेडकर यांच्या १३२ व्या जयंती निमित्ताने आज २९ एप्रिलला सायंकाळी ५ वाजता एस.बी. लॉन येथे जाहीर व्याख्यानाचे आयोजन करण्यात आले आहे. डॉ. बाबासाहेब आंबेडकर विचारमंच वणी द्वारा आयोजित या जाहीर व्याख्यान कार्यक्रमाला संपूर्ण देशात आंबेडकरी विचारांचं वादळ आणणारे विचारवंत येणार असल्याने हा जाहीर व्यख्यानाचा कार्यक्रम आंबेडकरी विचारधारेला चालना देणारा ठरणार आहे. डॉ. बाबासाहेब आंबेडकर यांचं लोकशाही संपन्न देशाच्या प्रगतीत असलेलं योगदान व त्यांनी बहुजनांच्या उत्थानासाठी केलेलं महान कार्य यावर आंबेडकरी साहित्याचे गाढे अभ्यासक असलेल्या विचारवंतांचे विचार या जाहीर व्यख्यानातून ऐकायला मिळणार आहे.  डॉ. बाबासाहेब आंबेडकर यांच्या विचारांचा वारसा जपणाऱ्या आंबेडकरी अनुयायांनी एकत्र येत आंबेडकरी विचार मंच स्थापन केला आहे. या आंबेडकरी विचार मंचाने पहिल्याच वर्षी डॉ. बाबासाहेब आंबेडकर जयंती निमित्त जाहीर व्याख्यानाचा कार्यक्रम आयोजित केला आहे. या जाहीर व्याख्यान कार्यक्रमात दिल्ली सरकारचे माजी मंत्री राजेंद्रपाल गौतम हे विश...

प्रशांत चंदनखेडे वणी  वणी कृषी उत्पन्न बाजार समितीच्या निवडणुकीत भाजप प्रणित शेतकरी एकता पॅनलने एकहाती विजय मिळवित बाजार समितीत आपली सत्ता कायम केली. १८ पैकी १४ जागांवर शेतकरी एकता पॅनलचे उमेदवार निवडून आले. या निवडणुकीत शेतकरी एकता पॅनलचा दणदणीत विजय झाला. तर महाविकास आघाडी प्रणित शेतकरी परिवर्तन पॅनलला ४ जागांवर समाधान मानावे लागले. शेवटी मतदारांना कपबशीतलाच चाय चविष्ट लागल्याची चर्चा ऐकायला मिळत होती. कृषी उत्पन्न बाजार समितीच्या आज झालेल्या निवडणुकांचे निकाल रात्री उशिरा जाहीर झाले. त्यात शेतकरी एकता पॅनलने १८ पैकी १४ जागांवर दणदणीत विजय मिळावीत बाजार समितीत सत्ता काबीज केली. बाजार समितीच्या निवडणुकीत ९४ टक्के मतदारांनी आपला मतदानाचा हक्क बजावला. ३६ अधिकृत तर दोन अपक्ष उमेदवार निवडणूक रिंगणात होते. त्यापैकी सहकारी संस्था गटातील १० व ग्रामपंचात गटातील ४ जागांवर भाजप प्रणित शेतकरी एकता पॅनलच्या उमेदवारांनी विजय संपादन केला. तर व्यापारी अडते व हमाल गटातील तिन जागांवर महाविकास आघाडीच्या उमेदवारांनी बाजी मारली. सहकार संस्था गटातील आरक्षित जागेवर महाविकास आघाडीचाच उमेदवार निवडून आला....

  प्रशांत चंदनखेडे वणी  वणी तालुक्यातील राजूर कॉलरी येथे 67 वा धम्म दिक्षा दिन सोहळा दरवर्षी प्रमाणे यावर्षीही साजरा करण्यात येत असून दीक्षाभूमी परिसर बुद्ध विहार येथे विविध धम्म उपदेशक कार्यक्रमांचे आयोजन करण्यात आले आहे. महाराष्ट्रातील तिसरी दीक्षाभूमी म्हणून राजुरची दीक्षाभूमी ओळखली जाते. राजूर कॉलरी हे चळवळीचे गाव राहिल्याने तिसरी धममा दिक्षा  राजूर येथे देण्यात आली.  नागपूर व चंद्रपूर नंतर राजूर कॉलरी येथे अनुयायांना दिक्षा देण्याकरिता डॉ. बाबासाहेब आंबेडकर स्वतः राजूर कॉलरी येथे येणार होते. पण त्यांची प्रकृती ठीक नसल्याने त्यांचे विश्वासू बॅरी. राजाभाऊ खोब्रागडे व त्यांना बौद्ध धम्माची दिक्षा देणारे भदंत आनंद कौसल्यायन यांनी राजूर कॉलरी येथे हजारो अनुयायांना बौद्ध धम्माची दिक्षा दिली.  त्या धम्म दिक्षा सोहळ्याला 67 वर्ष पूर्ण झाले असून 28 एप्रिलला 67 वा धम्म दिक्षा दीन सोहळा याठिकाणी साजरा करण्यात येत आहे.  दीक्षाभूमी बुद्ध विहार समितीच्या वतीने दीक्षाभूमी परिसरात आयोजित या धम्म दिक्षा दीन सोहळ्यात विविध प्रबोधनात्मक कार्यक्रमांचे आयोजन करण्यात आले आह...

प्रशांत चंदनखेडे वणी  शहर व तालुक्यातील ऑटो चालकांचा बेशिस्तपणा मार्गक्रमण करणाऱ्या नागरिकांचा संताप वाढवू लागला आहे. शहरातील मुख्य व अंतर्गत रस्त्यांवर नियमबाह्य पद्धतीने ऑटो उभे केले जात असल्याने रहदारीला मोठे अडथळे निर्माण होत असून रस्त्यांनी मार्गक्रमण करतांना नागरिकांचा चांगलाच मनःस्ताप होतांना दिसत आहे. मुख्य व अंतर्गत रस्त्यांवर कुठेही ऑटो उभे करून काही ऑटो चालक प्रवासी शोधतात तर काही बिनधास्त गप्पा हाकताना दिसतात. शहरातील रस्तेच ऑटो स्टॅन्ड बनले असून रस्त्यांवर ऑटो चालकांची मनमानी पहायला मिळत आहे. वर्दळीच्या रस्त्यांवर ऑटो चालकांची सर्कस सुरु असते. रस्त्यावरून वळण घेतांना ऑटो चालकांकडून जराही खबरदारी घेतली जात नाही. समोरून व मागून येणाऱ्या वाहनांची तमा न बाळगता रस्त्यावरून कुठेही ऑटो वळविले जातात. निष्काळजीपणे व सुसाट ऑटो चालविले जात असल्याने मार्गक्रमण करणाऱ्या नागरिकांची ऑटो चालकांशी नेहमीच शाब्दिक चकमक उडतांना दिसते. ऑटो चालक चांगलेच निर्ढावले असून त्यांच्या कडून वाहतुकीच्याही नियमांची पायमल्ली होतांना दिसत आहे.  ऑटो चालकांना कुठल्याही प्रकारची शिस्त उरली नसल्याचे ए...

प्रशांत चंदनखेडे वणी  नगर पालिकेच्या दुर्लक्षितपणामुळे शहरात सध्या पाणी पुरवठ्याची मोठी समस्या निर्माण झाली आहे. नगर पालिकेकडून होणाऱ्या अनियमित पाणी पुरवठ्यामुळे शहरवासियांमधून कमालीचा संताप व्यक्त होऊ लागला आहे. मागील काही दिवसांपासून शहरात पाणी पुरवठ्याचा प्रश्न गंभीर बनला असून अनियमित व अशुद्ध पाणी पुरवठ्यामुळे नगर पालिका प्रशासनाविषयी नागरिकांमध्ये कमालीची चीड निर्माण झाली आहे. नगर पालिका प्रशासन पाणी पुरवठ्याबाबत गंभीर नसल्याने शहरवासीयांना दरवेळी पाणी टंचाईला तोंड द्यावे लागत आहे. नगर पालिकेचे पाणी पुरवठ्याचे नियोजनच बिघडल्याने शहरवासीयांना कुत्रिम पाणी टंचाईचा सामना करावा लागत आहे. नगर पालिकेने शहरात दोन दिवसाआड पाणी पुरवठा करण्याचे धोरण आखले आहे. त्यातही ठरलेल्या दिवसांत पाणी पुरवठा होईल याची शाश्वती नसते. पाणी पुरवठा विभागाचे पाईप लाईन दुरुस्ती व देखभालीकडे दुर्लक्ष होऊ लागल्याने शहरात पाणी पुरवठ्याची समस्या अधिकच गंभीर बनली आहे. मागील चार ते पाच दिवसांपासून शहरातील काही भागाला पाणी पुरवठाच न झाल्याने पाण्याअभावी नागरिकांचे प्रचंड हाल होतांना दिसत आहे. दैनंदिन वापराकरिताह...

प्रशांत चंदनखेडे वणी  विदर्भ राज्य आंदोलन समितीने वेगळ्या विदर्भाच्या मागणीला घेऊन एल्गार पुकारला असून मिशन २०२३ अंतर्गत विदर्भ राज्य मिळवू औंदा ही घोषणा करीत १ मे ला महाराष्ट्र दिनाचा निषेध नोंदविण्याकरिता केंद्र सरकारशी संबंधित असलेल्या कोळसा खनिजाचे उत्पादन करून वीज निर्मिती करिता विदर्भातुन जाणारा कोळसा रोखून धरण्याचा निर्धार समितीच्या वतीने करण्यात आला असून विदर्भ राज्य आंदोलन समिती द्वारा उमरेड कोळसाखानी समोर कोयला रोको आंदोलन करण्याचा निर्णय घेण्यात आला आहे. स्थानिक विश्राम गृह येथे नुकतीच विदर्भ राज्य आंदोलन समितीची सभा पार पडली. त्यात ही आंदोलनाची दिशा ठरविण्यात आली. १ मे ला दुपारी १२ वाजता पासून उमरेड कोळसाखानी समोर हे कोयला रोको आंदोलन करण्यात येणार आहे.  स्वतंत्र विदर्भ राज्याच्या आंदोलनाची मागणी १८ वर्षांपासून सुरु असून विदर्भराज्य आंदोलन समितीने सतत १२ वर्षांपासून आंदोलनाची मालिका सुरु ठेवली आहे. त्यामुळे आता ३१ डिसेंबर २०२३ पर्यंत वेगळे विदर्भ राज्य मिळवूनच राहू हा निर्धार करून वेगळ्या विदर्भाचा मुद्दा कायमचा निकाली काढण्याचा निर्णय घेण्यात आला आहे. वेगळ्या विदर...

प्रशांत चंदनखेडे वणी  मागील वर्षीच्या खरिप हंगामात मक्तेदारीने केलेल्या शेतजमिनीचा ताबा न सोडता शेतजमिनीच्या वहिवाटदार अध्यक्षालाच अश्लील शिवीगाळ व जिवे मारण्याची धमकी देत शेतीची वहिवाट करण्यास मज्जाव करणाऱ्या आरोपी विरुद्ध शेत वहिवाटदार अध्यक्षाने पोलिस स्टेशनला दिलेल्या तक्रारी वरून पोलिसांनी आरोपीवर गुन्हा दाखल केला आहे. १५ एप्रिलला शेतजमिन वहिवाटदार अध्यक्ष शेतात गेला असता आरोपीने त्याला अश्लील शिवीगाळ व जिवे मारण्याची धमकी देत शेतजमीन वहिवाट करण्यास अडथळा निर्माण केला. आरोपी शेतजमिनीचा जबरन ताबा मिळविण्याचा प्रयत्न करीत असल्याबाबत वहिवाटदार अध्यक्षाने २१ एप्रिलला सायंकाळी ५ वाजता पोलिस स्टेशनला तक्रार नोंदविली. वहिवाटदार अध्यक्षाच्या तक्रारी वरून पोलिसांनी आरोपीवर विविध कलमान्वये गुन्हा दाखल केला आहे.  वणी तालुक्यातील गणेशपूर येथे श्रीराम मंदिर देवस्थानाच्या नावाने शेतजमीन आहे. श्रीराम मंदिर देवस्थानचे अध्यक्ष कुष्णकुमार नंदकिशोर वर्मा (६०) रा. वणी हे या शेतजमिनीची देखभाल करतात. सध्यास्थितीत त्यांच्याकडे देवस्थानच्या शेतजमिनीचे सर्व अधिकार देण्यात आले आहे. श्रीराम मंदिर द...

प्रशांत चंदनखेडे वणी   दीनदयाळ अंत्योदय योजना व राष्ट्रीय नागरी उपजिविका अभियानांतर्गत "स्वनिधी से समृद्धी" योजनेच्या माध्यमातून वणी शहरातील पथविक्रेत्यांचे नगर परिषद सभागृहात एक दिवसीय शिबीर घेण्यात आले. वणी नगर परिषद द्वारा आयोजित या शिबिरात केंद्र सरकारच्या आठ महत्वाकांक्षी योजनांची माहिती सांगून पथविक्रेते व त्यांच्या कुटुंबीयांची पात्रता तपासणी करण्यात आली. त्याचबरोबर या शिबिरात राज्य सरकारच्या विविध सामाजिक व आर्थिक कल्याण योजनांबाबत विस्तृत मार्गदर्शनही करण्यात आले. वणी नगर परिषदेचे प्रशासकीय अधिकारी निखिल धुळधर व मुख्याधिकारी अभिजित वायकोस यांच्या मार्गदर्शनात व उपमुख्याधिकारी जयंत सोनटक्के यांच्या अध्यक्षतेखाली हे शिबीर पार पडले.  सरकारच्या स्वनिधी से समृद्धी योजनेच्या माध्यमातून शहरातील पथविक्रेत्यांना सरकारच्या आर्थिक कल्याण योजनांचा लाभ घेता यावा म्हणून त्यांना सरकारच्या विविध कल्याणकारी योजनांची माहिती देण्यात आली. प्रधानमंत्री पथविक्रेता आत्मनिर्भर निधी अंतर्गत ज्या पथविक्रेत्यांना आर्थिक लाभ मिळाला त्या सर्व पथविक्रेत्यांचे सामाजिक व आर्थिक सर्वेक्षण करून त्यां...

प्रशांत चंदनखेडे वणी  खनिज संपत्तीने संपन्न असलेला तालुका म्हणून वणी तालुक्याची ख्याती आहे. गौण खनिजातून शासनाला भरघोस उत्पन्न मिळवून देणारा तालुका म्हणूनही संपूर्ण विदर्भात वणी तालुक्याला ओळखलं जातं. वणी नॉर्थ क्षेत्रात असंख्य कोळसाखानी आहेत. कोळसाखाणीमुळे होणारे प्रदूषण व कोळसा वाहतुकीमुळे होणारी रस्त्यांची दुर्दशा आदी समस्यांच्या निवारणाकरिता वेकोलि कडून खनिज विकास निधी दिला जातो.  या खनिज विकास निधीतून खान बाधित क्षेत्रातील समस्यांचे निवारण होणे गरजेचे असतांना हा निधी नेमका कुठे खर्च होतो, हा आता चर्चेचा विषय बनला आहे. कोळशाच्या धुळीमुळे होणाऱ्या प्रदूषणाने उचांकी गाठली असून खान बाधित रस्त्यांची मोठी दुर्दशा झाली आहे. परंतु प्रदूषण नियंत्रण व रस्ते विकासाकरिता खनिज विकास निधी खर्च होतांना दिसत नाही.  वणी विधानसभा क्षेत्रातील विकासकामांचा आराखडा तयार करण्यात आला आहे. रस्ते विकासाकरिता कोट्यावधींच्या निधीची तरतूद करण्यात आली आहे. असे असले तरी ग्रामीण भाग व कोळसाखाणींकडे जाणारे रस्ते आजही आपल्या दुर्दशेवर अश्रू ढाळत आहे. नेते मंडळी रस्त्यांचे प्रश्न तर उचलून धरतात. ...

प्रशांत चंदनखेडे वणी   भारतीय राज्यघटनेचे शिल्पकार व बहुजनांचे उद्धारक विश्वरत्न डॉ. बाबासाहेब आंबेडकर यांची १३२ वि जयंती शहर व तालुक्यात ठिकठिकाणी अतिशय उत्साहाच्या वातावरणात साजरी करण्यात येत आहे. डॉ. बाबासाहेब आंबेडकर यांच्या जयंती निमित्त शहरात विविध कार्यक्रमांचे आयोजन करण्यात आले आहे. ९ एप्रिल पासूनच शहरात विविध कार्यक्रमांची रेलचेल पहायला मिळत आहे. प्रबोधनात्मक व लोकशाहिरांचे कार्यक्रम शहरात ठिकठिकाणी आयोजित करण्यात आले. सामाजिक व सांस्कृतिक कार्यक्रमांनी यावेळी भिम जयंती साजरी करण्यात येत असून भीम जयंतीची शहरात जय्यत तयारी करण्यात आली आहे. शहरातील मनीष नगरच्या वतीने डॉ. बाबासाहेब आंबेडकर जयंती निमित्त १४ एप्रिलला सकाळी ९.३० वाजता डॉ. आंबेडकर चौक येथे भव्य रक्तदान शिबिराचे आयोजन करण्यात आले आहे. त्याचबरोबर १४ एप्रिलला सावर्ला येथील बुद्ध विहाराचा उदघाटन सोहळा होणार असून येथे विविध कार्यक्रमांचे आयोजन करण्यात आले आहे. डॉ. बाबासाहेब आंबेडकर यांच्या जयंती निमित्त शहरात भव्य मिरवणूक काढण्यात येते. प्रत्येक वार्डातून निघणारी मिरवणूक सम्राट अशोक नगर बुद्ध विहाराजवळ एकत्र येऊन तेथू...

प्रशांत चंदनखेडे वणी   शहरातील एका अल्पवयीन मुलीवर अत्याचार करणाऱ्या आरोपीला पोलिसांनी अटक केली आहे. आरोपी हा मागील एक वर्षांपासून अल्पवयीन मुलीवर अत्याचार करीत असल्याचे समोर आले आहे. आरोपीने अल्पवयीन मुलीला प्रेमाच्या जाळ्यात ओढून तिच्यावर वारंवार लैंगिक अत्याचार केल्याची तक्रार मुलीच्या मावशीने पोलिस स्टेशनला नोंदविली आहे. पोलिसांनी प्रकरणाचे गांभीर्य लक्षात घेऊन तात्काळ आरोपीला अटक केली. पवन गणेश मेश्राम (२४) रा. खडबडा मोहल्ला असे या अटक करण्यात आलेल्या आरोपीचे नाव आहे. आरोपीच्या लैंगिक अत्याचाराला बळी पडलेल्या मुलीची प्रकृती गंभीर असल्याने तिला यवतमाळ येथे रेफर करण्यात आले आहे.  शहरातील एका अल्पवयीन मुलीला प्रेमाच्या जाळ्यात ओढून तिच्यावर लैंगिक अत्याचार करण्यात आल्याची घटना ११ एप्रिलला उघडकीस आली. खडबडा मोहल्ला येथील तरुणाने या अल्पवयीन मुलीला प्रेमाची भुरळ घालून आपल्या जाळ्यात ओढले. मागील एक वर्षांपासून तरुणाचे या अल्पवयीन मुलीशी प्रेमसंबंध होते. त्याने प्रेमसंबंधातून अल्पवयीन मुलीशी शारीरिक संबंध प्रस्थापित केले. त्याने प्रेमाच्या भूलथापा देत वारंवार या अल्पवयीन मुलीवर ...

प्रशांत चंदनखेडे वणी  थोर समाज सुधारक क्रांतिसूर्य महात्मा ज्योतिबा फुले यांची जयंती शहर व तालुक्यात ठिकठिकाणी उत्साहाच्या वातावरणात साजरी करण्यात आली. बहुजन स्टुडंट फेडरेशनच्या वतीनेही लालगुडा येथील बालसदन येथे महात्मा ज्योतिबा फुले यांची जयंती साजरी करण्यात आली. महापुरुषांनी समाज सुधारणेसाठी केलेलं कार्य विद्यार्थ्यांना अवगत व्हावं, व महापुरुषांच्या समाज कार्याचा त्यांना अभ्यास व्हावा, या दृष्टीकोनातून बालसदन येथे जयंती सोहळा घेण्यात आला. विद्यार्थी दशेत त्यांच्यावर योग्य संस्कार करून त्यांना उद्याचे आदर्श नागरिक घडवावे याबाबत मान्यवरांकडून योग्य मार्गदर्शन करण्यात आले. यावेळी विद्यार्थ्यांना शैक्षणिक साहित्य, कपडे व किराणा साहित्याचे वाटप देखील करण्यात आले. त्यांच्या सोबत घालविलेला आनंदाचा क्षण त्यांना भरभरून आनंद देऊन गेला. ते नक्कीच उद्याचे यशस्वी नागरिक बनतील या प्रतिक्रिया त्यांच्यातून व्यक्त झाल्या. महात्मा ज्योतिबा फुले यांचा जयंती सोहळा बालसदन येथे साजरा करून बहुजन स्टुडंट फेडरेशनने येथील बालकांचा आनंद द्विगुणित केला. बहुजन स्टुडन्ट फेडरेशन ही वंचित व तळागाळातील विद्यार्थ...

प्रशांत चंदनखेडे वणी  शहरात सध्या भाईगिरीला उधाण आले आहे. युवकांमध्ये भाईगिरी संचारल्याने शहरात वादविवाद व हाणामारीच्या घटना वाढल्या आहेत. युवकांचे टोळके कुणाच्याही अंगावर चवताळुन जात त्याला मारहाण करू लागले आहेत. शहरात दादागिरी प्रवृत्ती वाढीस लागली आहे. जो तो भाईगिरीचा आव आणून सर्वसाधारण व्यक्तीच्या अंगावर चवताळु लागला आहे. कुणालाही दमदाटी करून मारहाण करण्याच्या घटना शहरात प्रचंड वाढल्या आहेत. शहरात अपप्रवृतीच्या युवकांचे झुंड तयार झाल्याने शहरातील शांतता भंग होऊ लागली आहे. युवकांचे झुंड कधी आपापसात तर कधी कुणाशीही वाद घालून त्यांना मारहाण करतांना दिसत आहे. युवकांचे टोळके शहरात हौदोस घालू लागले आहेत. त्यांना कायदा व पोलिसांची जराही भिती उरली नसल्याचे पहायला मिळत आहे. युवकांचे हे टोळके निर्धास्त झाले असून कुणालाही दमदाटी करून मारहाण करणे ही त्यांची आता सवयच बनली आहे. त्यांच्यावर पोलिसांचा जराही वचक राहिलेला नाही. या वादविवाद व मारहाणीच्या वाढत्या घटनांमुळे शहरात कायदा व सुव्यवस्थेचे प्रश्न निर्माण होऊ लागले आहेत. ९ एप्रिलला रात्री अशीच एक युवकांची एकमेकांना मारहाण करण्याची घटना उघ...

प्रशांत चंदनखेडे वणी   भारतीय राज्य घटनेचे शिल्पकार विश्वरत्न डॉ. बाबासाहेब आंबेडकर यांच्या जयंती निमित्त निघणाऱ्या  मिरवणूकीचे सर्वांनाच आकर्षण असते. डॉ. बाबासाहेब आंबेडकर यांच्या जयंती निमित्त निघणाऱ्या मिरवणुकीपासूनच मिरवणुकांची सुरुवात झाली. बाबासाहेबांच्या जयंती निमित्त निघणाऱ्या मिरवणुकीचे अनुकरण करून आज सर्व धर्मिय व महापुरुषांच्या जयंतीच्या मिरवणूका निघायला लागल्या, ही अतिशय आनंदाची बाब आहे. पण आंबेडकरी अनुयायांनी मात्र मिरवणुकीचे जनक असल्याचा आदर्श जपला पाहिजे. बाबासाहेबांच्या जयंती निमित्त निघणारी मिरवणूक ही सर्वांसाठी आदर्शवत असली पाहिजे. शांततापूर्ण वातावरणात शिस्तबद्ध पद्धतीने निघणारी मिरवणूक म्हणून डॉ. बाबासाहेब आंबेडकर यांच्या जयंती निमित्त निघणाऱ्या मिरवणुकीकडे पाहिलं जातं. त्यामुळे आंबेडकरी अनुयायांनी बाबासाहेबांच्या जयंती निमित्त मिरवणूक काढतांना इतरांपुढे कसा आदर्श निर्माण करता येईल, यावर भर द्यावा. मिरवणुकीत सातत्य टिकवून ठेवतानाच मिरवणुकीतून इतरांना बोध घेता येईल, अशा प्रकारची मिरवणूक काढण्याची अपेक्षा आता नव्या पिढीकडून आहे. युवा वर्गाने डॉ. बाबासाहेब आंब...

प्रशांत चंदनखेडे वणी   इंडियन प्रीमियर लिग टी-२० २०२३ हा क्रिकेटचा महासंग्राम सुरु होताच क्रिकेट सामन्यांवरील सट्टेबाजीलाही उधाण आले आहे. क्रिकेट सामन्यांवर सट्टा घेणारे जिकडे तिकडेच सज्ज झाले आहेत. क्रिकेट बुकींनी कुणालाही संशय येणार नाही, अशा ठिकाणी आपले फंटर बसविले आहेत. क्रिकेट बेटिंगचा हा खेळ सध्या जोरात सुरु असून सट्टेबाजांनी शहरात ठिकठिकाणी आपले बस्तान मांडले आहे. अशाच एका क्रिकेट सट्टा अड्यावर स्थानिक गुन्हे शाखेच्या पथकाने धाड टाकून दोन सट्टेबाजांना अटक केली आहे. कोळशाच्या व्यापारातून लाखो रुपयांची उलाढाल होत असतांना कोलडेपोमध्येच क्रिकेट सट्टा अड्डा सुरु करण्यात आला. कोलडेपोच्या ऑफिसमध्ये क्रिकेट सामन्यांवर सट्टा घेणाऱ्या दोन आरोपींना पोलिसांनी रंगेहाथ अटक केली. कोळशाच्या धंद्यात निपुण असलेला व्यक्ती आता क्रिकेट बेटिंगच्या धंद्यात उतरला आहे. आर.के. कोलडेपोमध्येच त्याने क्रिकेट सट्टा अड्डा सुरु केला. कोलडेपोच्या ऑफिसमध्ये क्रिकेट सामन्यांवर ऑनलाईन सट्टा घेतला जात असल्याची गोपनीय माहिती स्थानिक गुन्हे शाखेला मिळाली. स्थानिक गुन्हे शाखेच्या पथकाने त्या ठिकाणी सापळा रचून कोलड...

प्रशांत चंदनखेडे वणी  भरधाव ट्रकने दुचाकीला दिलेल्या धडकेत गंभीर जखमी झालेल्या युवकाचा अखेर काल रात्री उपचारादरम्यान मृत्यू झाला. १४ दिवस मृत्यूशी झुंज दिल्यानंतर काल रात्री त्याने अखेरचा श्वास घेतला. त्याची मृत्यूशी सुरु असलेली झुंज अखेर अपयशी ठरली. संदिप सिडाम (३०) रा. वांजरी असे या दुर्दैवी मृत्यू ओढावलेल्या युवकाचे नाव आहे. वणी नांदेपेरा मार्गावरील स्वर्णलीला शाळेजवळ भरधाव ट्रकने दुचाकीला अक्षरशः चिरडल्याने एक जण जागीच ठार झाला होता. तर संदीप सिडाम हा युवक गंभीर जखमी झाला होता. त्याच्यावर नागपूर  (जामठा) येथिल सुपर स्पेशालिटी हॉस्पिटलमध्ये उपचार सुरु होते. त्याचा काल ६ एप्रिलला रात्री उपचारादरम्यान मृत्यू झाला .  २३ मार्चला दुपारी ४ वाजताच्या सुमारास वांजरी येथिल दोन युवक दुचाकीने काही कामानिमित्त वणीकडे येत असतांना वांजरीकडे जाणाऱ्या भरधाव ट्रकने त्यांच्या दुचाकीला जोरदार धडक दिली. ही धडक एवढी भीषण होती की, दुचाकी ट्रकखाली अक्षरशः चिरडल्या गेली. या अपघातात धीरज आत्राम (२८) हा युवक घटनास्थळीच मृत्युमुखी पडला होता. तर संदीप सिडाम हा गंभीर जखमी झाल्याने त्याला आधी चंद्र...

प्रशांत चंदनखेडे वणी  भरधाव ट्रकने ऑटोला समोरासमोर जोरदार धडक दिल्याने झालेल्या अपघातात महिला व तिच्या सहा वर्षाच्या मुलीचा करुन अंत झाला. ही घटना आज दुपारी ४ वाजताच्या सुमारास वणी कोरपना मार्गावरील आबई फाट्याजवळ घडली. ऑटो मधील अन्य पाच प्रवासी गंभीर जखमी झाले आहेत. या अपघातात ऑटो चालकालाही गंभीर दुखापत झाली असून त्याच्यावर खाजगी रुग्णालयात उपचार सुरु आहे. हा ऑटो वणी वरून प्रवासी घेऊन कोरपना मार्गाने जात असतांना आबई फाट्याजवळ विरुद्ध दिशेने येणाऱ्या ट्रकने ऑटोला जोरदार धडक दिली. या भीषण अपघातात संजना अनंता नागपुरे वय अंदाजे ३७ वर्ष व अवनी अनंता नागपुरे वय अंदाजे ६ वर्ष या दोघीही मायलेकी जागीच ठार झाल्या. तर ऑटो मधील पाच प्रवासी गंभीर जखमी झाले आहेत. त्यांच्यावर ग्रामीण रुग्णालयात उपचार सुरु आहे. ऑटोचालक सुनिल बोन्डे हा देखील गंभीर जखमी झाल्याचे सांगण्यात येत आहे.  लालगुडा येथे मुलीसह आपल्या बहिणीकडे आलेली संजना मुलीला घेऊन कुर्ली या आपल्या गावाकडे ऑटोने परत जात असतांना काळाने हा घाला घातला. संजना हिचे वडील अत्यवस्थ असल्याने दोघीही बहिणी त्यांना भेटण्याकरिता सिंधीवाढोणा येथे गे...

प्रशांत चंदनखेडे वणी  वणी ग्रामिण रुग्णालयाला उपजिल्हा रूग्णालयाचा दर्जा अद्यापही मिळाला नसल्याने हा मुद्दा केवळ राजकारणाच्या डावपेचाचा एक भाग असल्याची चर्चा आता शहरात रंगू लागली आहे. राजकारण कारण्याकरिता केवळ वणी ग्रामीण रुग्णलयाचा मुद्दा उछालण्यात येतो. उपजिल्हा रुग्णालयाचा मुद्दा हा राजकारणाचाच एक भाग झाल्याचा सूर उमटू लागला आहे. वणी ग्रामीण रुग्णालयात सोइ सुविधांचा पूर्णतः अभाव आहे. रुग्णांना रेफर करणारं रुग्णालय म्हणून वणी ग्रामीण रुग्णालयाची ओळख निर्माण झाली आहे. रेबीज व गंभीर आजारावरील लसींचा या ठिकाणी नेहमी तुटवडा असतो. आधुनिक उपचार पद्धतीचाही या ठिकाणी अभाव दिसून येतो. ग्रामीण रुग्णालयात सेवा देणाऱ्या काही डॉक्टरांनी स्वतःचे दवाखाने उघडल्याने त्यांची उपचार पद्धती ग्रामीण रुग्णालय व्हाया स्व रुग्णालय अशी वळताना दिसत आहे. ग्रामीण रुग्णालयाचं बांधकाम फार जुनं असल्याने या रुग्णालयाची नेहमी डागडुजी सुरु असते. ग्रामीण रुग्णालयातील शवविच्छेदन गृह तर मरणासन्न अवस्थेत असल्याचं दिसून येत आहे. शवविच्छेदन गृहाची अवस्था फारच दयनीय झाली आहे. शवविच्छेदन गृहाच्या भिंती व छताचे खिपले निघू ...

प्रशांत चंदनखेडे वणी  जिद्द, चिकाटी आणि आत्मविश्वास हे गुण अंगी असल्यास कुठल्याही परिस्थितीतून मार्ग काढता येतो. हालाकीच्या परिस्थितीचा बागलबुवा करून धेय्याची कास सोडणारे नंतर नशिबाला दोष देऊन मोकळे होतात. नशीबच खोटं म्हणत अपयशाचं खापर परिस्थितीवर फोडणारे अनेक जन पाहायला मिळतात. पण परिस्थितीवर मात करीत धेय्य गाठणारं सामर्थ्यशाली व्यक्तिमत्व फार कमी पहायला मिळतं. हालाकीच्या परिस्थितीतही लाचार न बनता सदाचारी बाणा ठेवणारी ध्येय्यवेडी तरुणी प्रयत्नांची पराकाष्ठा करीत यशाची मानकरी ठरली आहे. परिस्थिती समोर लोटांगण घालणाऱ्या तरुणाईसमोर या तरुणीने एक आदर्श ठेवला आहे. फार वर्षांपूर्वी वणी वरोरा रोडवर असलेल्या चुनाभट्ट्यावर काम करणाऱ्या मजुरांची एक वस्ती तयार झाली. चुनाभट्ट्यावर काम करणारे परप्रांतीय व परजिल्ह्यातील मजूर तेथे वसले. कालांतराने या वस्तीला पट्टाचारानगर हे नामकरण करण्यात आले. कधीकाळी शहराचं शेवटचं टोक असलेली ही वस्ती सोइ सुविधांपासून दुर्लक्षित राहिली. याच वस्तीत लोहारे कुटुंबही वास्तव्यास होतं. अठराविश्व दारिद्र असलेल्या लोहारे कुटुंबातील कु. पूजा विजय लोहारे या तरुणीने परिस्थि...