LOKSANDESH

प्रशांत चंदनखेडे वणी  यावर्षी निसर्गाच्या लहरीपणाचा शेतकऱ्यांना मोठा फटका बसला. अतिवृष्टी व अवकाळी पावसामुळे शेत पिकांचे अतोनात नुकसान झाले. हाताशी आलेल्या पिकांवर निसर्गाने पाणी फेरले. निसर्गाच्या अवकृपेमुळे शेतकऱ्यांच्या तोंडचा घास हिरावला गेला. त्यामुळे बळीराजा नैराश्येच्या गर्तेत आला आहे. शेतपिकांची वाताहत झाल्याने शेतकऱ्यांवर मोठे संकट ओढावले आहे. अतिवृष्टी व अवकाळी पावसामुळे शेतकऱ्यांची हिरवीगार स्वप्न मातीमोल झाली. नैसर्गिक आपत्तीने शेत पिकांच्या झालेल्या नुकसानीमुळे चिंतातुर झालेल्या शेतकऱ्यांना भरीव आर्थिक मदत देण्याची मागणी भारतीय काँग्रेस कमिटी वणी विधानसभा क्षेत्राच्या वतीने करण्यात आली आहे. उपविभागीय अधिकारी यांच्या मार्फत मुख्यमंत्री एकनाथ शिंदे यांना पाठविण्यात आलेल्या निवेदनातून नुकसानग्रस्त शेतकऱ्यांना आर्थिक पाठबळ देण्याची मागणी करण्यात आली आहे.  काळ्या मातीत घाम गाळून कष्टाने रान हिरवं करणारा शेतकरी नेहमी संकटाने घेरलेला असतो. संकटाशी शेतकऱ्यांचं एकप्रकारे नातंच जुळलं आहे. जीवाचं रान करून शेतात मोती पिकवणाऱ्या शेतकऱ्यांवर निसर्गाची अवकृपा होणं हा नित्यनियमच ...

प्रशांत चंदनखेडे वणी   वणी शहर व तालुक्यात ठिकठिकाणी संविधान दिन साजरा करण्यात आला. संविधान दीना निमित्त आयोजित कार्यक्रमात संविधान निर्माता  डॉ. बाबासाहेब आंबेडकर यांना वंदन करण्यात आले. चिखलगाव ग्रामपंचायत हद्दीतील मेघदूत कॉलनीतही संविधान दिन उत्साहात साजरा करण्यात आला. मेघदूत कॉलनी येथिल सम्यक बुद्ध विहारात संविधान दिनाचा कार्यक्रम घेण्यात आला. या कार्यक्रमाच्या अध्यक्षस्थानी विनोद बहादे होते. तर कार्यक्रमाला महादेव भालशंकर हे प्रामुख्याने उपस्थित होते. भारतीय राज्य घटनेचे शिल्पकार डॉ. बाबासाहेब आंबेडकर यांच्या प्रतिमेला हारार्पण करून व दीप प्रज्वलित करून कार्यक्रमाची सुरुवात झाली. यावेळी उपस्थितांकडून डॉ. बाबासाहेब आंबेडकर यांना अभिवादन करण्यात आले.  डॉ. बाबासाहेब आंबेडकर यांनी स्वतंत्र भारताचे संविधान लिहून लोकशाही प्रधान देश निर्माण केला. देशवासियांना कायद्याची चौकट दिली. सर्व नागरिकांना सामान अधिकार देणारा कायदा डॉ. बाबासाहेब आंबेडकर यांनी लिहिला. नागरिकांच्या मूलभूत अधिकाराचं रक्षण करण्याचं कार्य संविधानाच्या माध्यमातून डॉ. बाबासाहेब आंबेडकर यांनी केलं. आपलं संपूर...

प्रशांत चंदनखेडे वणी   केंद्र व राज्य शासनाच्या विविध कल्याणकारी योजनांचा ग्रामीण जनतेला लाभ घेता यावा म्हणून शासनाकडून विकसित भारत संकल्प यात्रा सुरु करण्यात आली आहे. या विकसित भारत संकल्प यात्रेचा शुभारंभ सोहळा २८ नोव्हेंबरला गणेशपूर ग्रामपंचायत येथे घेण्यात आला. वणी पंचायत समिती अंतर्गत येणाऱ्या गणेशपूर ग्रामपंचायत येथे पंचायत समितीच्या माध्यमातून या विकसित भारत संकल्प यात्रा शुभारंभ सोहळ्याचे आयोजन करण्यात आले. यावेळी ग्रामीण जनतेला व लाभार्थ्यांना विविध शासकीय योजनांची माहिती देण्याकरिता बूथ लावण्यात आले होते. या विकसित भारत संकल्प यात्रा शुभारंभ सोहळ्याला भारत सरकारचे सह सचिव आनंदराव पाटील यांची प्रामुख्याने उपस्थिती लाभली.  या कार्यक्रमाला उपविभागीय अधिकारी नितिन इंगोले, गटविकास अधिकारी किशोर गज्जलवार, गटशिक्षण अधिकारी काटकर, नायब तहसीलदार कापसीकर, तालुका कृषी अधिकारी सुशांत माने, सहाय्यक गटविकास अधिकारी बी. एन. जाधव, ग्रामसचिव मिलिंद माने, गणेशपूरच्या सरपंच आशा जुनगरी तथा सर्व ग्रामपंचायत सदस्य प्रामुख्याने उपस्थित होते. तालुका आरोग्य विभाग, कृषी विभाग, मरेगा विभाग, स्...

प्रशांत चंदनखेडे वणी  तालुक्यातील भांदेवाडा गावाजवळील शेतात आपला वाढदिवस साजरा करतांना एका सराईत गुन्हेगाराने चक्क पिस्तुलातून हवेत गोळ्या झाडल्या. भाई म्हणून वावरणाऱ्या या गुन्हेगाराने त्याचा वाढदिवस साजरा करतांना प्रचंड गोंधळ घातला. आपल्या वाढदिवसानिमित्त केक कापताना त्याने पिस्तूलातून दोन राऊंड हवेत फायर केले. वाढदिवसाच्या पार्टीत त्याने केलेल्या उपद्रवामुळे परिसरात एकच खळबळ माजली. शेतात रंगलेल्या वाढदिवसाच्या या पार्टीची नागरिकांमध्ये चर्चा सुरु झाली. वाढदिवसाच्या पार्टीत तरुणांनी मोठ्या प्रमाणात धुमाकूळ घातल्याने याबाबत पोलिसांना माहिती देण्यात आली. पोलिस तात्काळ वाढदिवसाची पार्टी सुरु असलेल्या शेतात पोहचले. पोलिसांना पाहून तेथील काही युवक सैरावैरा पळत सुटले. परंतु पोलिसांनी सिनेस्टाइल पाठलाग करून काही जणांना पकडले. त्यातील एका जणा जवळ विदेशी बनावटीचे पिस्तूल आढळून आले. पोलिसांनी त्याला अटक करून त्याच्या जवळील अग्निशस्त्र जप्त केले. नंतर तो पोलिसांच्या रडारवर असलेला सराईत गुन्हेगार असल्याचे पोलिस तपासात समोर आले.  त्याच्या शिरावर अनेक गंभीर गुन्ह्यांची नोंद असून तो आजवर प...

प्रशांत चंदनखेडे वणी   महावितरणच्या गलथान कारभारामुळे मारेगाव येथील शेतकऱ्यांचे सिंचनाचे प्रश्न निर्माण झाले असून अघोषित भारनियमन व विजेच्या लपंडावामुळे सर्वसामान्य जनता मेटाकुटीस आली आहे. वेळी अवेळी वीज पुरवठा खंडित होत असल्याने ओलित शेती धोक्यात आली असून सिंचनाअभावी उभी पिकं करपायला लागली आहे. त्यामुळे शेतकरीवर्ग कमालीचा चिंतेत आला आहे. वारंवार खंडित होणाऱ्या विज पुरवठ्यामुळे शेतात ओलित करणे कठीण झाले असून महावितरण अधिकाऱ्यांच्या दुर्लक्षितपणाचा फटका शेतपिकांना बसू लागला आहे. वेळोवेळी वीज पुरवठा खंडित होत असल्याने जनतेतूनही मोठा संताप व्यक्त होतांना दिसत आहे. वीज पुरवठा सुरळीत सुरु ठेवण्याची अनेकदा मागणी करूनही मुजोर अधिकारी याकडे लक्ष द्यायला तयार नसल्याने महाराष्ट्र नवनिर्माण सेना आक्रमक झाली असून पक्ष नेते राजू उंबरकर यांच्या नेतृत्वात आज २८ नोव्हेंबरला भव्य झटका मोर्चाचे आयोजन करण्यात आले आहे. महावितरणचा ढेपाळलेला कारभार व अधिकाऱ्यांच्या दुर्लक्षित धोरणाविरुद्ध मनसेने आयोजित केलेल्या झटका मोर्च्यात मनसे नेते राजू उंबरकर यांच्यासह मारेगाव येथील हजारो नागरिक रस्त्यावर उतरणार आह...

प्रशांत चंदनखेडे वणी   वणी तालुक्यातील लाठी, पिंपरी गावालगत जंगल शिवारात भरविण्यात येणाऱ्या कोंबड बाजारावर शिरपूर पोलिसांनी धाड टाकून कोंबड्याच्या झुंजीवर पैशाचा जुगार खेळणाऱ्या पाच आरोपींना अटक केली आहे. लाठी व पिंपरी गावालगत असलेल्या जंगल शिवारात कोंबड बाजार भरवला जात असल्याची गोपनीय माहिती शिरपूर पोलिस स्टेशनचे ठाणेदार संजय राठोड यांना मिळाली. त्यांनी पोलिस पथक तयार करून या दोन्ही कोंबड बाजारांवर धाडी टाकल्या. शिरपूर पोलिसांच्या या धडक कार्यवाहीमुळे कोंबड बाजार भरविणाऱ्यांचे चांगलेच धाबे दणाणले आहेत. पोलिसांनी कोंबड्याच्या झुंजीवर पैशाची बाजी खेळणाऱ्या पाच आरोपींना रंगेहात अटक केली असून घटनास्थळावरून २०६० रुपयांचा मुद्देमाल जप्त केला आहे. जुगाराचे व्यसन जडलेले अनेक जण वेगवेगळ्या माध्यमातून पैशाचा जुगार खेळतांना दिसतात. आता तर मोबाईलवरच जुगार खेळण्याचे माध्यम उपलब्ध करून देण्यात आले आहे. ऑनलाईन जुगार खेळणाऱ्यांची संख्या देखील दिवसेंदिवस वाढत चालली आहे. मात्र ऑनलाईन जुगारावर कायद्याची बंधनं नसल्याने हा जुगार बिनधास्त चालतो. क्रिकेट सामन्यांवरही पैशाची बाजी खेळण्याकरिता ऑनलाईन ऍप उ...

प्रशांत चंदनखेडे वणी  दीपक चौपाटी परिसरात गुन्हेगारी प्रवृत्ती फोफावू लागली असून हा परिसर गुन्हेगारी प्रवृत्तीच्या लोकांचा अड्डा बनला आहे. गुंड प्रवृत्तीच्या लोकांचं या परिसरात वास्तव्य असल्याने हा परिसर नेहमीच गुन्हेगारी कारवायांनी चर्चेत असतो. विनाकारण कुणाशीही वाद घालून मारहाण करणे या परिसरात नित्याचेच झाले आहे. शुल्लक कारणावरून मारहाण करणे तसेच जीवघेणे हल्ले करण्याच्या घटनाही दीपक चौपाटी परिसरात नेहमी घडतांना दिसतात. चोरी व लुटपाटीच्या घटनांमुळे हा परिसर नेहमी गाजलेला असतो. गुंड प्रावृत्तीच्या युवकांचे टोळके या परिसरात सक्रिय असून त्यांनी या परिसरात दहशतीचं वातावरण निर्माण केलं आहे. दीपक चौपाटी मार्गाने मार्गक्रमण करणाऱ्या नागरिकांना अडवून लुटपाट करणाऱ्या या गुंड प्रवृत्तीच्या लोकांमुळे नागरिकांचे या मार्गाने मार्गक्रमण करणे कठीण झाले असून हा परिसर नागरिकांसाठी असुरक्षित ठरू लागला आहे.  २५ नोव्हेंबरला दीपक चौपाटी परिसरात घडलेल्या लुटपाटीच्या घटनेने या मार्गाने मार्गक्रमण करणाऱ्या नागरिकांमध्ये चांगलीच धास्ती निर्माण झाली आहे. वेकोलिच्या वतीने कुचना येथे आयोजित क्रीडा स्पर्...

प्रशांत चंदनखेडे वणी   श्री रंगनाथ स्वामी अर्बन निधी लिमिटेडचे अध्यक्ष संजय खाडे हे एक मदतगार व्यक्तिमत्व असून त्यांचं मदतकार्य निरंतर सुरु आहे. त्यांनी नुकतीच नृसिंह व्यायाम शाळेला आर्थिक मदत देऊन सामाजिक दायित्व जोपासलं आहे. नृसिंह व्यायाम शाळेत दिवाळी निमित्ताने आयोजित लक्ष्मी पूजन कार्यक्रमात संजय खाडे यांनी उपस्थिती दर्शवून शहरातील गौरवास प्राप्त असलेल्या या नृसिंह व्यायाम शाळेला २१ हजारांची आर्थिक मदत दिली. यावेळी त्यांचे चिरंजीव धनंजय खाडे हे देखील उपस्थित होते. त्यांच्या या आर्थिक संहयोगाबद्दल नृसिंह व्यायाम शाळेकडून त्यांचा सन्मान करण्यात आला.  नृसिंह व्यायाम शाळा ही शहरातील सर्वात जुनी व्यायाम शाळा आहे. या व्यायाम शाळेतून अनेकांनी सुदृढ शरीराचे धडे घेतले आहे. पेहलवानी शरीरयष्टी ठेवण्यात रुची ठेवणाऱ्या अनेकांनी या व्यायाम शाळेत घाम गाळला आहे. अनेक खेळाडू या शाळेने घडविले आहे. आजही विविध कवायती या शाळेत होत असतात. आखाड्या पासून तर कारट्यापर्यंतच प्रशिक्षण नृसिंह व्यायाम शाळेने दिलं आहे. शहराचा गौरव वाढविणारी ही व्यायाम शाळा असून या व्यायाम शाळेतून शरीराला आकार देण्याचे...

प्रशांत चंदनखेडे वणी   शेतकरी हा जगाचा पोशिंदा असून शेतकऱ्यांनी एकत्र येणं ही आज काळाची गरज आहे, असे मनोगत शिवसेनेचे (उबाठा) नेते संजय देरकर यांनी व्यक्त केले. अडेगाव येथे आयोजित बळीराजा पूजन २०२३ या कार्यक्रमात ते अध्यक्ष म्हणून बोलत होते. त्यांनी आपल्या अधाक्षीय भाषणातून शेतकऱ्यांच्या जीवनावर प्रकाश टाकला. अडेगाव येथे नुकताच बळीराजा पूजन हा कार्यक्रम संपन्न झाला. या कार्यक्रमाला प्रमुख वक्ते म्हणून जगदीश पाटील उपस्थित होते.  कार्यक्रमाला प्रमुख पाहुणे म्हणून युवासेना जिल्हा समन्वयक समीर लेनगुळे, मराठा सेवा संघाचे तालुकाध्यक्ष केतन ठाकरे, संभाजी ब्रिगेडचे तालुकाध्यक्ष आशिष झाडे यांची उपस्थिती लाभली. तर या कार्यक्रमाला अविनाश चंदनखेडे, नागेश धनकासार, भगवान मोहिते, विनोद ढुमणे, डॉ. जगन जुनगरी हे प्रामुख्याने उपस्थित होते. जगदीश पाटील यांनी आपल्या वक्तव्यातून शेतकऱ्यांची परिस्थिती मांडली. जगाचा पोशिंदाच संकटात घेरला असून आस्मानी व सुलतानी संकटाने तो पोळला जात आहे. कास्तकारांची आज दयनीय अवस्था झाली असून त्यांना नुसती आश्वासनांची खैरात वाटली जात आहे. शासनाची उदासीनता त्यांच्या पथ्...

प्रशांत चंदनखेडे वणी  डीबी पथकाने दोन मोटरसायकल चोरट्यांना अटक केली असून त्यांच्या जवळून चोरीच्या तीन मोटरसायकल जप्त करण्यात आल्या आहेत. ही कार्यवाही २० व २१ नोव्हेंबरला करण्यात आली. बसस्थानक येथून दुचाकी चोरीला गेल्याची घटना घडल्याने डीबी पथक अलर्ट मोडवर आले. वर्दळीच्या ठिकाणी चोरट्यांनी हातचलाखी दाखविल्याने डीबी पथकाने चोरट्यांचा कसून शोध सुरु केला. खबऱ्यांनाही अलर्ट करण्यात आले. दरम्यान सेवा नगर येथील एका तरुणाजवळ चोरीला गेलेल्या वर्णनाची दुचाकी असल्याचे पोलिसांना कळाले. पोलिसांनी सदर तरुणाला ताब्यात घेऊन त्याची कसून चौकशी केली असता त्याने दुचाकी चोरी केल्याची कबुली दिली. पोलिसांनी त्याची अधिक चौकशी केली असता त्याने आणखी एका दुचाकी चोरीच्या गुन्ह्याची कबुली दिली. त्याने चोरी केलेल्या दोन दुचाक्या पोलिसांनी जप्त केल्या आहेत. तसेच दीपक चौपाटी बार जवळून एका दुचाकी चोरट्याला डीबी पथकाने अटक केली. बार जवळ दुचाकी घेऊन उभ्या असलेल्या तरुणावर पोलिसांना संशय आल्याने पोलिसांनी त्याची चौकशी केली असता तो उडवाउडवीची उत्तरे लागला. त्याला दुचाकीचे कागदपत्र मागितले असता तेही त्याच्याकडे नसल्यान...

प्रशांत चंदनखेडे वणी  शेतातच विष प्राशन करून कास्तकाराने आत्महत्या केल्याची घटना काल २२ नोव्हेंबरला शिरपूर पोलिस स्टेशन अंतर्गत येणाऱ्या बाबापुर या गावात घडली. नैराश्येतून कास्तकाराने जीवनाचा शेवट केला. प्रशांत अण्णाजी निब्रड (४५) असे या मृत्यूला कवटाळलेल्या कास्तकाराचे नाव आहे. तालुक्यातील बाबापुर या गावात परिवारासह वास्तव्यास असलेल्या कास्तकाराने विवंचनेतून आपल्या शेतातच विष प्राशन करून आत्महत्या केली. नेहमी प्रमाणे शेतात गेलेला कास्तकार बराच वेळ होऊनही घरी न परतल्याने कुटुंबीयांनी शेतात जाऊन बघितले असता तो विष प्राशन केलेल्या अवस्थेत आढळून आला. त्याचा घटनास्थळीच मृत्यू झाला होता. याबाबत कुटुंबीयांनी पोलिसांना माहिती दिल्यानंतर पोलिस तात्काळ घटनास्थळी दाखल झाले. पोलिसांनी घटनास्थळाचा पंचनामा करून मृतदेह उत्तरीय तपासणी करीता ग्रामीण रुग्णालयात पाठविला. आज शवविच्छेदन झाल्यानंतर मृतदेह अंतिम संस्काराकरिता कुटुंबियांच्या स्वाधीन करण्यात येणार आहे.  युवा शेतकऱ्याने नैराश्येतून जीवनाचा शेवट केला. प्रशांत निब्रड यांच्या पश्चात आई, वडील, पत्नी शानू निब्रड (३५), मुलगा यश निब्रड (१८),...

प्रशांत चंदनखेडे वणी  भारतात आर्य परंपरा व सूर्यकुलातील परंपरा आहे. आर्य परंपरेने माणसाला विकृत केले. त्यांच्या डोक्यात काल्पनिक देवांचं भूत घालून लोकांना धार्मिक दंगलीत अडकवून ठेवले. मात्र सूर्यकुलातील परंपरेने माणूस घडविला, असे प्रतिपादन आंबेडकरी विचारवंत प्रा. डॉ. सिद्धार्थ बुटले यांनी केले. सूर्यकुलातील वैचारिकता या ग्रंथाच्या प्रकाशन समारंभात ते बोलत होते. वणी येथे नुकताच सूर्यकुलातील वैचारिकता या ग्रंथाचा प्रकाशन समारंभ पार पडला. प्रा. सुमन देशपांडे यांच्या हस्ते या ग्रंथाचे प्रकाशन करण्यात आले. यावेळी प्रा. डॉ. सिद्धार्थ बुटले हे पुढे बोलतांना म्हणाले  की, प्रा. विजय वाघमारे यांनी आंबेडकरी विचारांचे सूत्र पकडून सूर्यकुलातील वैचारिकता या ग्रंथाच्या लेखांचे लेखन केले. हे सर्व लेख चिंतनशील असून हा ग्रंथ अभ्यासकांनी व संशोधकांनी नक्कीच वाचण्यासारखा आहे.  या समारंभाला प्रमुख पाहुणे म्हणून प्रा. पुरुषोत्तम पाटील उपस्थित होते. कार्यक्रमाचे प्रास्ताविक प्रा. ज्योतीक ढाले यांनी केले. त्यांनी आपल्या प्रास्ताविकात प्रा विजय वाघमारे यांनी लिहिलेला हा ग्रंथ भारतातील दोन परंपरां...

प्रशांत चंदनखेडे वणी  रहिवाशी वस्तीत असलेले फटाक्याचे गोदाम व नियमबाह्य पद्धतीने लावण्यात आलेल्या फटाक्यांच्या दुकानांवर महसूल विभागाने धडक कार्यवाही करीत फटाक्यांचा साठा जप्त केला आहे. तसेच अनाधिकृतपणे फटाके साठवून ठेवण्यात आलेले गोदाम व विनापरवाना लावण्यात आलेली फटाक्यांची दुकाने देखील महसूल अधिकाऱ्यांनी सील केली आहे. राहुटी वस्तीत फटाक्यांची दुकाने लावून परिसरात धोकादायक स्थिती निर्माण केली जात असल्याची तक्रार सामाजिक न्याय विभागाच्या दक्षता व नियंत्रण उपविभाग वणीचे सदस्य रविंद्र कांबळे यांनी नगर परिषदेचे मुख्याधिकारी यांच्याकडे केली होती. त्यानुषंगाने प्रशासनाने निरीक्षण करून अनाधिकृत आढळून आलेल्या फटाक्यांच्या गोदाम व दुकानांवर कार्यवाही केली आहे. दिवाळीच्या पर्वावर प्रशासनाकडून फटका व्यापाऱ्यांना फटका विक्री परवान्यांचे नूतनीकरण करून दिले जाते. फटाक्याची दुकाने लावण्याकरिता फटका विक्रीचा परवाना असणे आवश्यक असते. दिवाळी निमित्त फटाक्यांची दुकाने लावण्याकरिता व्यापाऱ्यांना नगर पालिकेकडून भाडे तत्वावर जागा देखिल उपलब्ध करून दिली जाते. परंतु शहरात काही ठिकाणी अवैधरित्या फटाक्यांच...

प्रशांत चंदनखेडे वणी   दातृत्व भावना जपणारे शहरातील प्रतिष्ठित व्यापारी विजय चोरडिया यांनी सामाजिक जाणिवेतून अनेक सेवाभावी उपक्रम राबविले आहेत. सामाजिक उत्तरदायित्वातून त्यांनी समाजसेवेचा घेतलेला वसा सत्कार्याचे पांग फेडणारा ठरला आहे. स्वतःसाठी जगाला तो काय जगाला, ही थोर समाजसेवकांची शिकवण विजय चोरडिया यांनी सार्थकी ठरविली आहे. इतरांच्या वेदनांवर मायेची फुंकर घालणारं हे समाजसेवी व्यक्तिमत्व गोरगरिबांच्या गळ्यातलं टाईत बनलं आहे. गरजू गरिबांच्या मदतीसाठी नेहमी तत्पर असणाऱ्या विजय चोरडिया यांचं मदतकार्य निस्वार्थी भावनेचं राहिलं आहे. अडचणीत सापडलेल्या आणि नैराश्येने वेढलेल्या लोकांच्या जीवनातील नैराश्य त्यांनी दूर केलं आहे. अडचण कोणतीही असो ढोबळ मानाने त्यांनी मदत केली आहे. नागरिकांच्या आरोग्याची काळजी घेण्याचं तर त्यांनी व्रण घेतलं आहे. वेळोवेळी आरोग्य तपासणी व रोग निदान शिबिरांचं आयोजन करून गोर गरिबांवर त्यांनी मोफत उपचार केले आहेत. नुकतंच विजय चोरडिया यांच्या पुढाकारातून भालर व मुकुटबन येथे मोफत नेत्र चिकित्सा व मोती बिंदू शस्त्रक्रिया शिबीर घेण्यात आलं. या दोनही शिबिरांना नागरिकां...

प्रशांत चंदनखेडे वणी  महाराष्ट्र राज्य ग्रामपंचायत संगणक परिचालक कर्मचारी संघटनेने आपल्या विविध मागण्यांना घेऊन ८ नोव्हेंबर पासून काम बंद आंदोलन पुकारले आहे. या आंदोलनात वणी तालुक्यातील संगणक परिचालकही सहभागी झाले असून त्यांनी आज २० नोव्हेंबरला पंचायत समिती समोर धरणे आंदोलन करीत शासनाकडून होणाऱ्या अन्यायाचा निषेध केला. मागील हिवाळी अधिवेशनात शासनाने संगणक कर्मचाऱ्यांना आकृतीबंधात घेण्याचा व त्यांच्या मानधनात वाढ करण्याचा शब्द दिला होता. पण दिलेला शब्द शासनाने पाळला नाही. संगणक परिचालक मागील १२ वर्षांपासून तुटपुंज्या मानधनावर कर्तव्य बजावत आहे. ते मानधनही त्यांना वेळेवर मिळत नाही. त्यामुळे संगणक परिचालकांवर उपासमारीची वेळ आली आहे. संगणक परिचालकांना कायमस्वरूपी कर्मचाऱ्यांचा दर्जा देऊन त्यांना किमान वेतन देण्याचे शासनाने आश्वासन दिले होते. पण त्या आश्वासनाची पूर्तता न झाल्याने शेवटी संगणक कर्मचारी बेमुद्दत संपावर गेले आहेत. संगणक कर्मचाऱ्यांच्या या आंदोलनाला वणी तालुका ग्रामसेवक संघटना व सरपंच संघटनेनेही पाठिंबा दर्शविला आहे.  संगणक परिचालकांना मागील १२ वर्षांपासून तुटपुंज्या पग...

प्रशांत चंदनखेडे वणी   सिंधी कॉलनी परिसरातील क्वालिटी रेस्टोरंटमध्ये शुल्लक कारणावरून झालेला वाद विकोपाला जाऊन दोघांनी एकाला जबर मारहाण केल्याची घटना शनिवारी रात्री ९ वाजताच्या सुमारास घडली. क्वालिटी रेस्टोरंटमध्ये जेवणाकरिता आलेल्या दोघांचा त्याठिकाणी बसून असलेल्या एका  व्यक्तीशी वाद झाला. वाद वाढतच गेल्याने त्यांच्यात धुमश्चक्री उडाली. दोघांनी मिळून एकाला जबर मारहाण केली. याबाबत पोलिस स्टेशनला देण्यात आलेल्या तक्रारी वरून पोलिसांनी आरोपींविरुद्ध विविध कलमान्वये गुन्हा दाखल केला आहे. तसेच आरोपींनी पोलिस कार्यवाहीतही अडथळे निर्माण केल्याने त्यांच्यावर शासकीय कामात व्यत्यय आणल्याप्रकरणीही गुन्हा दाखल करण्यात आला आहे.  सिंधी कॉलनी येथील रहिवासी असलेले सुदामा हरिदासमल साधवानी (६०) हे क्वालिटी रेस्टोरंटमध्ये बसून असतांना या रेस्टोरंटमध्ये जेवणाकरिता आलेल्या सुधिर पेटकर व करण चुनारकर यांचा त्यांच्याही शुल्लक कारणावरून वाद झाला. वाद एवढा विकोपाला गेला की त्या दोघांनीही सुदामा साधवानी यांना बेदम मारहाण केली. त्यांचा घरापर्यंत पाठलाग करीत त्यांना घरून ओढून देखील मारहाण करण्यात आल...

प्रशांत चंदनखेडे वणी   सणासुदीच्या काळात स्वस्त धान्य दुकानातून लाभार्थ्यांना देण्यात येणारा आनंदाचा शिधा दिवाळी सारख्या मोठ्या व महत्वाच्या सणालाच कपात करून देण्यात आल्याने लाभार्थ्यांमधून कमालीची नाराजी व्यक्त होतांना दिसत आहे. गोर गरीब जनतेबाबत अनास्था दाखवणाऱ्या सरकारने गोर गरिबांची मोठी थट्टा करणे सुरु केले आहे. आनंदाचा शिधा म्हणून लाभार्थ्यांना स्वस्त धान्य दुकानातून सणासुदीला चार वस्तूंची एक किट देण्याचा शासनाने उपक्रम सुरु केला आहे. नाममात्र दर (१००) आकारून लाभार्थ्यांना चार वस्तूंची ही किट दिली जाते. १०० रुपयात प्रत्येकी एक किलो अशा चार वस्तूंची किट आनंदाचा शिधा म्हणून शासनाकडून लाभार्थ्यांना दिली जात होती. पण दिवाळी सारख्या मोठ्या सणालाच या किट मधील वस्तू अर्धा किलोने कमी करून शासनाने लाभार्थ्यांची एकप्रकारे थट्टा केली आहे. महागाईच्या या काळात सर्वसामान्यांचे जीवन जगणे कठीण झाले असतांना शासन आनंदाच्या शिध्यातही कपात करून त्यांच्या सण साजरे करण्यावरही मर्यादा आणतांना दिसत आहे. सणासुदीला सर्वसामान्यांनाही गोडधोड करून खाता यावे म्हणून शासनाने रेशन दुकानातून त्यांना आनंदाचा श...

प्रशांत चंदनखेडे वणी  सांघिक खेळाच्या जोरावर भारतीय क्रिकेट संघाने आयसीसी विश्वकप (२०२३) स्पर्धेच्या अंतिम सामन्यात दिमाखात प्रवेश केला आहे. अंतिम सामन्यात भारतीय क्रिकेट संघाची लढत बलाढ्य ऑस्ट्रेलिया संघाशी होणार आहे. विश्वकप स्पर्धेत आता पर्यंत अजिंक्य राहिलेला भारतीय संघ या स्पर्धेचा प्रमुख दावेदार मानला जात आहे. भारतीय क्रिकेट संघ विश्वकप जिकंण्यापासून एक पाऊल दूर असून १९ नोव्हेंबरला ऑस्ट्रेलियाला नमवून तिसऱ्यांदा विश्वकप विजेता बनण्याच्या उंबरठयावर आहे. विश्वकप स्पर्धेतील लीग सामन्यात भारताने ऑस्ट्रेलियाला सहज पराभूत केले  होते. त्यामुळे अंतिम सामन्यात भारताचेच पारडे जड राहणार असल्याचे विश्लेषकांचे म्हणणे आहे. विश्वकप स्पर्धेतील अंतिम सामना हा हृदयाचे ठोके वाढविणारा ठरणार आहे. सध्याचा भारतीय संघ हा संतुलित असून सांघिक खेळाचे दर्शन घडवतो आहे. सकारात्मक खेळ करणाऱ्या भारतीय संघाचे मनोबल सध्या गगनाएवढे उंचावले आहे. त्यामुळे भारतीय संघ विश्वकप जिंकणारच असा आशावाद व्यक्त केला जात आहे. वर्चस्वाची ही लढाई शहरात लाईव्ह पहायला मिळणार आहे. छत्रपती शिवाजी महाराज चौक परिसरात अंतिम साम...

प्रशांत चंदनखेडे वणी   सगळा आनंद सगळे सौख्य,  सगळ्या स्वप्नांची पूर्णता,  यशाची सगळी शिखरे,  सगळे ऐश्वर्य,  हे आपल्याला मिळू दे,  ही दीपावली आपल्या  आयुष्याला एक नवा उजाळा देवू दे… वणी विधानसभा क्षेत्रातील सर्व जनतेला दिवाळीच्या हार्दिक शुभेच्छा !   शुभेच्छुक :- वणी विधानसभा क्षेत्राचे लोकप्रिय आमदार मा. संजीवरेड्डी बोदकुरवार  

प्रशांत चंदनखेडे वणी   जीवनाचे रूप आपल्या  प्रकाशाने उजळवणारी दिवाळी,  खरोखरच अलौकिक असुन,  ही दिवाळी तुमच्यासाठी सुख, समाधान,  आणि वैभवाच्या दीपमाळांनी,  जीवन लखलखीत करणारी असावी… सर्व शहरवासीयांना  दिवाळीच्या हार्दिक शुभेच्छा!   शुभेच्छुक :- रमेशरावजी भोंगळे सरपंच मारेगाव (कोरंबी) तथा संचालक श्री रंगनाथ स्वामी ना.स. पतसंस्था वणी   🥀 धनराज भोंगळे माजी शिक्षण सभापती  नगर परिषद वणी                                        

प्रशांत चंदनखेडे वणी  विदर्भ ॲग्रिकल्चरल  ॲ ण्ड अलाईड प्रोडूसर कंपनी (व्यापको) नागपूरच्या किमान आधारभूत किंमत योजने अंतर्गत नाफेड मार्फत २०२३ या हंगामात चना खरेदी करतांना कंपनीचे उत्कृष्ठ व्यवस्थापन, नियोजन व कास्तकारांची कसलीही गैरसोय होऊ न देता त्यांच्या खात्यावर चुकाऱ्याचे तत्काळ पैसे जमा केल्याबद्दल रंगनाथ स्वामी फार्मर्स प्रोडूसर कंपनी लिमिटेड वणीचे अध्यक्ष संजय खाडे यांचा नागपूर येथे सर्वोत्कृष्ट पुरस्काराने सन्मान करण्यात आला. व्यापकोच्या ५ व्या वार्षिक सर्वसाधारण सभेच्या निमित्ताने घेण्यात आलेल्या या पारितोषिक वितरण समारंभात कंपनीला मोठ्या प्रमाणात चना खरेदी करून दिल्याबद्दल संजय खाडे यांचा यावेळी सन्मान करण्यात आला. वसंत नाईक स्मृती सभागृह वनामती परिसर नागपूर येथे हा पारितोषिक वितरण सोहळा पार पडला.  कार्यक्रमाला प्रमुख पाहुणे म्हणून माजी खासदार पद्मश्री डॉ. विकास महात्मे, व्याख्याते चंद्रशेखर भडसावळे, श्रीकांत कुळवेकर, नागपूर विभागीय कृषी सहसंचालक राजेंद्र साबळे, प्रकल्प सहसंचालक (आत्मा) अर्चना कडू (नागपूर), नोडल अधिकारी प्रज्ञा गोळघाटे, नागपूर कृषी विभागाचे अधीक...

प्रशांत चंदनखेडे वणी  शहरापासून जवळच असलेल्या राजूर (कॉ.) येथील मटका अड्ड्यावर पोलिसांनी नुकतीच धाड टाकली. पोलिसांच्या या धडक कार्यवाहीने राजूर येथील अवैध व्यसायिकांचे चांगलेच धाबे दणाणले आहेत. राजूर (कॉ.) येथे खुलेआम मटका जुगार सुरु असल्याची माहिती ठाणेदार अजित जाधव यांना मिळाली. त्यांनी राजूर येथे पोलिस पथक पाठविले असता तेथे पोलिसांना मटका जुगार खेळणाऱ्यांची मोठी गर्दी आढळून आली. पोलिसांनी राजरोसपणे सुरु असलेल्या या मटका अड्ड्यावर धाड टाकून मटक्याची उतारी घेणाऱ्या एकाला रंगेहात अटक केली. त्याला मटका अड्डा चालविणाऱ्याचे नाव विचारले असता त्याने विजय कंडेवार याच्या मालकीचा हा मटका असल्याचे सांगितले. विजय कंडेवार याचा शोध घेतला असता तो फरार झाल्याचे पोलिस तपासात समोर आले आहे. पोलिस विजय कंडेवार याचा शोध  घेत आहे.  राजूर (कॉ.) येथे अवैध धंदे फोफावले असल्याची गावकऱ्यांमधून ओरड सुरु होती. राजूर येथील अवैध धंद्यांबाबत प्रसार माध्यमांनीही वेळोवेळी वृत्त प्रकाशित केले होते. त्यामुळे ठाणेदार अजित जाधव यांनी राजूर (कॉ.) येथील अवैध धंद्यांकडे लक्ष केंद्रित केले. त्यांना राजूर (कॉ.) ...

प्रशांत चंदनखेडे वणी   विना परवाना चोरट्या मार्गाने मध्यरात्री रेतीची वाहतूक करणाऱ्या दोन ट्रकांवर पोलिसांनी कार्यवाही करून दोनही ट्रक ताब्यात घेतले आहे. चंद्रपूर जिल्ह्यातून वणी येथे चोरट्या मार्गाने रेतीची वाहतूक होत असल्याची गोपनीय माहिती ठाणेदार अजित जाधव यांना मिळाली. त्यांनी पोलिस पथकाला अलर्ट करून लालगुडा चौपाटी परिसरात नका बंदी करण्याच्या सूचना दिल्या. पोलिस पथकाने १३ नोव्हेंबरला रात्री १.३० वाजता विना परवाना रेतीची वाहतूक करणारे दोनही हायवा ट्रक ताब्यात घेत ट्रक चालकांना अटक केली. तसेच रेतीची वाहतूक करणाऱ्या ट्रकांना दिशा निर्देश करणारे चारचाकी वाहन व वाहन चालकालाही पोलिसांनी ताब्यात घेतले आहे.  वाळू माफियांकडून रेतीची मोठ्या प्रमाणात तस्करी केली जात आहे. रेती तस्करीच्या या गोरख धंद्यात अनेक नामांकित व्यक्ती उतरले आहेत. पांढरपेशी लोकही रेतीचा काळाबाजार करू लागले आहेत. रेती तस्करीतून अनेक जण गब्बर झाले आहेत. विविध शकली लढवून वाळू माफिया रेतीची तस्करी करतांना दिसत आहे. रेती तस्करीतून मोठी आर्थिक उलाढाल होत असून खनिज चोरीतून चोरटे मालामाल होऊ आहेत. गौण खनिजाची चोरी करून ...

प्रशांत चंदनखेडे वणी   धन की वर्षा हो इतनी की हर जगह आपका नाम हो, दिन रात आपको व्यापार में लाभ हो, यही शुभकामना है हमारी ये दीवाली आपके लिये बहुत ख़ास हो, दिवाली की हार्दिक शुभकामनाएं ! पंजाब ट्रान्सपोर्ट कंपनी कडून सर्व वाहतूकदार, हितचिंतक, कंपनीतील संपूर्ण स्टाफ तथा शहरवासीयांना दिवाळीच्या हार्दिक शुभेच्या ! प्रो.प्रा. यश भसीन   बंटी महाला ट्रान्सपोर्ट कंपनी कडून वणीकरांना दिवाळीच्या हार्दिक शुभेच्छा !   प्रो.प्रा. विजय कुमार माहाला दशमेश ट्रान्सपोर्ट कंपनी (DTC) कडून शहरवासीयांना दिवाळीच्या हार्दिक शुभेच्छा!   शुभेच्छुक:-   रितेश खांडुरी     श्री साई ट्रान्सपोर्ट कंपनी कडून तालुक्यातील सर्व जनतेला दिवाळीच्या हार्दिक शुभेच्छा !   प्रो.प्रा. जगबीर पुनिया     श्रीराम ऑटो पार्टस कडून सर्व वाहतूकदार व जनतेला दिवाळीच्या हार्दिक शुभेच्छा ! प्रो.प्रा. मनमोहन अग्रवाल   महादेव लॉरी सप्लायर्स कडून सर्व हितचिंतकांना दिवाळीच्या हार्दिक शुभेच्छा ! प्रो.प्रा. हरलाल चौधरी    

प्रशांत चंदनखेडे वणी   रांगोळीच्या सप्तरंगात सुखाचे दिप उजळू दे,  लक्ष्मीच्या पावलांनी घर सुख समृध्दीने भरू दे.  दीपावलीच्या शुभक्षणांनी आपली सारी स्वप्न साकार व्हावी,  ही दिवाळी आपल्यासाठी एक अनमोल आठवण ठरावी,  आणि त्या आठवणीने आपलं आयुष्य अधिकाधिक सुंदर व्हावं,  धनलक्ष्मी, धान्यलक्ष्मी, धैर्यलक्ष्मी, शौर्यलक्ष्मी, विद्यालक्ष्मी,  कार्यलक्ष्मी, विजयालक्ष्मी, राजलक्ष्मी..!  या दिपावलीत या अष्टलक्ष्मी तुमच्यावर धनाचा वर्षाव करोत…दिवाळीच्या सर्व ग्राहकांना व मित्र मंडळींना लक्ष लक्ष शुभेच्छा… विश्वासाचं नातं आपलं  विश्वासावर टिकलं  आहे, सोन्यासारख्या माणसांना आम्ही सोन्यासारखं जपलं आहे ! आमच्या सर्व स्नेही संबंधितांना दिवाळी आनंदाची व भरभराटीची जावो, हिच आमच्याकडून आपणासर्वांना शुभेच्छा ! शुभेच्छुक :- बांगरे बंधू सोन्याचांदीचे होलसेल व चिल्लर विक्रेता, प्रो.प्रा. बालाजी ज्वेलर्स