LOKSANDESH

प्रशांत चंदनखेडे वणी  शहरातील वर्दळीच्या ठिकाणी एका तरुणावर धारदार शस्त्राने जीवघेणा हल्ला करण्यात आल्याची खळबळजनक घटना सकाळी ९ ते ९.३० वाजताच्या सुमारास घडली. तरुणाच्या गळ्यावर धारदार शस्त्राने वार करण्यात आल्याने तो गंभीर जखमी झाला आहे. रक्ताच्या थारोळ्यात पडलेल्या तरुणाला आधी ग्रामीण रुग्णालयात दाखल करण्यात आले. मात्र त्याची प्रकृती अत्यवस्थ असल्याने त्याला तात्काळ नागपूर येथे हलविण्यात आले आहे. दिवसाढवळ्या राहत्या घराच्या आवारात तरुणावर प्राणघातक हल्ला करण्यात आल्याने एकच खळबळ उडाली आहे. प्रणय मुकुंद मुने वय अंदाजे २५ वर्षे रा. माळीपुरा असे या हल्ल्यात गंभीर जखमी झालेल्या तरुणाचे नाव आहे. हल्लेखोर हे हिंगणघाट जि. वर्धा येथील रहिवाशी असल्याचे समजते. पोलिसांनी अजिंक्य चौधरी वय अंदाजे २५ वर्षे व एका विधिसंघर्षग्रस्त बालकाला अटक केली असून त्यांच्यावर जीवघेणा हल्ला केल्याप्रकरणी गुन्हा दाखल करण्यात आला आहे.  शहरातील मध्यवस्तीत वर्दळीचे ठिकाण असलेल्या घरसंसार सेलजवळ राहणाऱ्या प्रणय मुने या तरुणावर दोन गुंड प्रवृत्तीच्या तरुणांनी राहत्या घराच्या आवारात धारदार शस्त्राने हल्ला चढवि...

प्रशांत चंदनखेडे वणी  घरी एकट्या असलेल्या मुलाच्या डोक्यावर काचेचा फ्लॉवर पॉट मारून त्याला जखमी करतांनाच घरात साठवून ठेवलेल्या कापसाच्या गंजीला आग लावल्याची धक्कादायक घटना मुकुटबन पोलीस स्टेशन अंतर्गत येणाऱ्या प्रिंप्रडवाडी येथे २७ नोव्हेंबरला दुपारी ४.३० वाजताच्या सुमारास घडली. तोंडाला काळा रुमाल बांधून आलेल्या अज्ञात आरोपीने हे कृत्य केले. याबाबत पोलिस स्टेशनला देण्यात आलेल्या तक्रारी वरून पोलिसांनी अज्ञात आरोपी विरुद्ध गुन्हा दाखल केला आहे.   वामन जानकीराम वाघाडे (५२) हे प्रिंप्रडवाडी ता. झरी येथे राहतात. ते येडशी येथील जिल्हा परिषद शाळेवर शिक्षक आहेत. त्यांना दोन मुले असून ते दोघेही शिक्षण घेत आहेत. त्यांचा लहान मुलगा आर्यन याची प्रकृती बरी नसल्याने तो दिवाळी पासून वडिलांकडे प्रिंप्रडवाडी येथे राहायला आला. २७ नोव्हेंबरला वामन वाघाडे हे येडशी येथे शाळेवर गेल्यानंतर आर्यन हा एकटाच घरी होता. दरम्यान दुपारी ४.३० वाजताच्या सुमारास तोंडाला काळा रुमाल बांधलेला २० ते २२ वर्ष वयोगटातील तरुण त्यांच्या घरी आला. त्याने घरी एकट्या असलेल्या आर्यनवर अचानक हल्ला चढविला. घरातील काचेचा...

प्रशांत चंदनखेडे वणी  शहरासह तालुक्यात अवैध दारू विक्रीला उधाण आले आहे. अवैध दारू विक्रेत्यांनी गाव शहरात आपले अड्डे थाटले आहेत. अवैध दारू विक्रेते राजरोसपणे दारू विक्री करतांना दिसत आहेत. आचार संहितेतही अवैध दारू विक्री जोमात सुरु होती. या काळात पोलिसांनी मोठ्या प्रमाणात अवैध दारू पकडली. अवैध दारू विक्रेत्यांवर कार्यवाहीचा बडगाही उगारला. मात्र उत्पादन शुल्क वणी उपविभागाचे दुय्यम निरीक्षक गपगुमान बसले आहेत. अवैध दारू विक्रीवर ते कुठल्याही प्रकारचा निर्बंध लावतांना दिसत नाही. शहरात ठिकठिकाणी अवैध दारू विक्री सुरु आहे. दिवस उजाडत तोच अवैध दारू विक्रीचे अड्डे खुलतात. पहाटेपासूनच शहरातील अवैध दारू विक्रीच्या अड्ड्यांवर मद्यपींचा घोंगाट पाहायला मिळतो. ग्रामीण भागात तर अवैध दारू विक्रेत्यांचं जाळं पसरलं आहे. अवैध दारू विक्रेत्यांनी गावखेड्यात आपले पाय घट्ट रोवले आहेत. गावात जागोजागी दारू मिळत असल्याने तरुण पिढी व मजूरवर्ग व्यसनांधतेकडे वळू लागला आहे. शहरासह ग्रामीण भागात अवैध दारू विक्रेत्यांनी कळस गाठला असतांना उत्पादन शुल्क वणी उपविभागाचे दुय्यम निरीक्षक मात्र मुकदर्शक बनले आहेत. अधिका...

प्रशांत चंदनखेडे वणी  शिक्षणाअभावी माणूस अविचारी बनतो. त्याला जीवनाचं उद्दिष्ट कळत नाही. तो वास्तविकतेपासून भरकटला जातो. त्याला परिस्थितीची जान राहत नाही. तो काल्पनिक विचारांकडे वळतो. अज्ञान त्याला अंधकाराकडे नेतं. बुद्धिविसंगत विचारांनी तो ग्रासला जातो. वास्तविक जीवनाचं सार त्याला कळत नाही. वैचारिक दृष्टीकोन सोडून तो मानसिक गुलामीकडे वळला जातो. त्यामुळे बुद्धीच्या विकासाकरिता शिक्षण हे महत्वाचं आहे. आणि म्हणूनच शिक्षण ही मनुष्याची मूलभूत गरज आहे. शिक्षणामुळेच जीवनाला खरा अर्थ प्राप्त होतो, ही शिकवण क्रांतिसूर्य महात्मा फुले यांनी दिली. महात्मा फुले म्हटतात की, विद्येविना मती गेली, मती विना निती गेली, निती विना गती गेली, गती विना वित्त गेले, वित्ताविना शूद्र खचले, असा अनर्थ एका अविद्येने केला. म्हणूनच मनुष्याने शिक्षण घेतलं पाहिजे. शिक्षण हेच बौद्धिक उन्नतीचं माध्यम आहे. त्यामुळे शिक्षणाचा प्रचार प्रसार झाला पाहिजे, असे मनोगत संजय खाडे व्यक्त केले. ते जटाशंकर चौकातील महात्मा फुले अभ्यासिका येथे महात्मा फुले यांच्या पुण्यतिथी निमित्त घेण्यात आलेल्या अभिवादन सोहळ्यात विद्यार्थ्यांना ...

प्रशांत चंदनखेडे वणी  गाव शिवारात परत वाघांचे दर्शन होऊ लागले आहे. झुडपी जंगलात वाघांचा वावर दिसून येत आहे. वाघांनी गाव शिवरांकडे मोर्चा वळविल्याने मानवी मनात भीतीचे वातावरण निर्माण झाले आहे. गावकऱ्यांना वाघांचे दर्शन होत असल्याने त्यांच्यात कमालीची धास्ती निर्माण झाली आहे. सध्या शेतीचा हंगाम सुरु आहे. त्यामुळे शेतकरी व शेत मजुर शेत कामात व्यस्त आहेत. अशातच गाव शिवारात वाघांचा वावर वाढल्याने शेतात जातांना त्यांना धडकी भरू लागली आहे. शिंदोला परिसरात मागिल दोन महिन्यांपासून एक वाघीण आपल्या बछड्यांसह मुक्त संचार करीत असल्याने गाववासी भीतीच्या वातावरणात वावरत आहेत. या वाघिणीचा व तिच्या छाव्यांचा बंदोबस्त करण्याची मागणी शिंदोला गाववासीयांनी वणी वनविभागाचे वनपरिक्षेत्र अधिकारी यांना दिलेल्या निवेदनातून केली आहे.  शिंदोला परिसरात एक वाघीण आपल्या दोन बछड्यांसह संचार करीत असल्याचे गावकऱ्यांचे म्हणणे आहे. या वाघिणीने एका गोऱ्यासह गायीचीही शिकार केली असल्याचे सांगण्यात येते. मागील दोन महिन्यांपासून ही वाघीण आपल्या दोन बछड्यांसह ढेमेश्वर गौरकार यांच्या शेताजवळ वावरत असून अनेकांना या वाघिण...

प्रशांत चंदनखेडे वणी  विधानसभा निवडणुकीचे निकाल धक्कादायक लागले. वणी विधानसभा मतदार संघाचा निकाल अपेक्षेप्रमाणे लागला असला तरी तो सर्वांना आश्चर्य चकित करणारा ठरला. या निकालाने उमेदवारांचे सर्व डावपेच उलटे पाडले. विजयासाठी उमेदवारांनी आखलेल्या रणनीतीही सपशेल फेल ठरल्या. काही उमेदवारांची गणितं चुकली तर काही उमेदवारांची गणितच बिघडल्याचे पाहायला मिळाले. मातब्बर नेत्यांना या निवडणुकीत पराभवाची चव चाखावी लागली. बाल्लेकिल्ल्यातच उमेदवार पराभूत झाले. विधानसभेच्या सतत दोन पंचवार्षिक निवडणूका सर करणारे संजीवरेड्डी बोदकुरवार यांना यावेळी पराभवाचा सामना करावा लागला. तर सलग विधानसभेच्या चार निवडणुकांमध्ये पराभवाला सामोरे जाणारे संजय देरकर यांनी या निवडणुकीत बाजी मारली. संजय देरकर यांच्या पराभवासाठी चहू बाजूंनी फिल्डिंग लावण्यात आली होती. परंतु संजय देरकर यांच्या झंझावातापुढे प्रतिस्पर्धी उमेदवारांची कोणतीच मोर्चेबांधणी यशस्वी ठरली नाही. संजय देरकर यांनी सर्वच बाबतीत वरचढ ठरत विजय खेचून आणला. त्यामुळे जय पराजयाच्या या राजकारणात कुठे ख़ुशी तर कुठे गम हे चित्र वणी मतदार संघात पाहायला मिळाले. काँग्...

  प्रशांत चंदनखेडे वणी   वेकोलीच्या उकनी कोळसाखानीतून जुने लोखंडी साहित्य (भंगार) चोरी करून वणी येथील एका भंगार दुकनात विक्री करिता आणले. मात्र वेकोलिचे सुरक्षा रक्षक व एम.एस. एफ. जवानांनी दाखविलेल्या सतर्कतेमुळे या चोरी प्रकरणाचं भांडं फुटलं. 26 नोव्हेंबरला रात्री 11 वाजता एका मालवाहू वाहनातून भंगार चोरी करण्यात असल्याची माहिती एम.एस.एफ. जवानांना मिळाली. त्यांनी परिसरात त्या वाहनाचा शोध घेतला असता ते वाहन भालर येथे सापडले. त्यांनी  वाहन चालकाकडे  भंगार चोरी बाबत चौकशी केली असता त्याने उप प्रबंधक यांनीच वाहनात भंगार भरून दिल्याचे सांगितले. तसेच चोरी केलेले भंगार सत्तार यांच्या भंगार दुकानासमोर खाली केल्याचेही चालकाने सांगितले.  तब्बल 9.5 टन भंगार एका वाहनातून चोरी करून विक्री करिता आणले होते. अंदाजे 30 हजार रुपये टन या प्रमाणे 2 लाख 85 हजार रुपये किमतीच्या या भंगार चोरी प्रकरणात वेकोलीच्या अधिकाऱ्याचाच हात असल्याचे समोर आले आहे. एम.एस.एफ. जवानांनी कोळसाखानीतून चोरून आणलेले भंगार व चोरी करण्याकरिता वापरलेले वाहन (MH 40 CM 6928) जप्त करून शिरपूर पोलिस स्टेशनला लाव...

प्रशांत चंदनखेडे वणी  शहराच्या मध्यभागी असलेले डॉ. बाबासाहेब आंबेडकर वाचनालय मागील अनेक वर्षांपासून बंद अवस्थेत आहे. नगर पालिका हे वाचनालय सुरु करण्याकडे जराही लक्ष देतांना दिसत नाही. हे वाचनालय पूर्णतः दुर्लक्षित असून या वाचनालयाची अक्षरशः दुरावस्था झाली आहे. त्यामुळे डॉ. बाबासाहेब आंबेडकर वाचनालय लवकरात लवकर सुरु करण्याची मागणी वणीतील सुज्ञ नागरिकांनी नगर पालिका मुख्याधिकाऱ्यांना दिलेल्या निवेदनातून केली आहे.  नगर पालिकेच्या दुर्लक्षितपणामुळे वणीतील नामांकित वाचनालय मागील अनेक वर्षांपासून बंद पडले आहे. डॉ. बाबासाहेब आंबेडकर वाचनालय हे अतिशय जुने वाचनालय आहे. या वाचनालयात वाचकांची नेहमी वर्दळ असायची. वृत्तपत्र वाचनाची आवड असलेले नागरिक याठिकाणी रमायचे. वाचनाबरोबरच नागरिकांच्या वैचारिक चर्चाही व्हायच्या. अनेक विषयांवर त्यांच्या चर्चा रंगायच्या. त्यातूनच नवनवीन कल्पनाही जन्माला यायच्या. मात्र हे वैचारिक व्यासपीठच बंद पडलं आहे. नगर पालिकेच्या दुर्लक्षित धोरणांचा फटका या वाचनालयाला बसला आहे. त्यामुळे डॉ. बाबासाहेब आंबेडकर वाचनालय शीघ्र सुरु करतांनाच या वाचनालयात सर्व सोइ सुविधा उ...

प्रशांत चंदनखेडे वणी   विभागस्तरीय शालेय कराटे स्पर्धेत वणी पब्लिक स्कुलची इयत्ता ९ वीची विद्यार्थिनी कु. योगेश्वरी प्रशांत डोनेकर ही चमकली. कराटे चॅम्पियन असलेल्या या विद्यार्थिनीने या स्पर्धेत परत एकदा आपली प्रतिभा सिद्ध केली आहे. उत्तम खेळाचे प्रदर्शन करून या क्रीडा स्पर्धेत तिने यश मिळविले आहे. १७ वर्ष वयोगटात तिचा प्रथम क्रमांक आला आहे. जिद्द, चिकाटी व परिश्रमातून तिने हे यश संपादन केले आहे. तिच्या या भूतपूर्व यशाने ती धुळे येथे होणाऱ्या राज्यस्तरीय कराटे स्पर्धेकरिता पात्र ठरली आहे. २८ नोव्हेंबरला धुळे येथे महाराष्ट्र राज्य शालेय कराटे स्पर्धा होणार आहे. या स्पर्धेतही ती मैदान गाजवेल अशी अपेक्षा व्यक्त केली जात आहे. कु. योगेश्वरी या विद्यार्थिनींची दुसऱ्यांदा राज्यस्तरीय कराटे स्पर्धेकरिता निवड झाली, हे याठिकाणी विषेय उलेखनीय आहे.  क्रीडा व युवक संचालनालय महाराष्ट्र राज्य पुणे अंतर्गत जिल्हा क्रीडा अधिकारी कार्यालय यवतमाळ व जिल्हा क्रीडा परिषद यवतमाळ यांच्या माध्यमातून यवतमाळ येथे विभागस्तरीय शालेय कराटे स्पर्धा घेण्यात आली. या स्पर्धेत वणी पब्लिक स्कुलची विद्यार्थि...

प्रशांत चंदनखेडे वणी  वैचारिक प्रबोधनाची चळवळ उभी करून ती अविरत पुढे नेण्याचा विडा काही बुद्धिवादी लोकांनी उचलला आहे. खुळचट विचारांचं काहूर डोक्यातून काढण्याकरीता विचारवंतांनी प्रबोधनाचं माध्यम उभं केलं आहे. त्यामुळे वैचारिक प्रबोधनाचा वारसा पुढे नेणं ही आज काळाची गरज झाली आहे. वैज्ञानिक दृष्टीकोन बाजूला सारून आध्यात्मिक वातावरण निर्माण करून आधुनिक विचारसरणीचं पतन करण्याकडे परत वाटचाल सुरु झाली आहे. मानवी जीवनाला आध्यात्मिकतेकडे वळवण्याचं रीतसर काम सुरु झालं आहे. वास्तविक विचारसरणीला फाटा देत दैववादी विचार डोक्यात भरविण्याचं काम केलं जात आहे. मानवी मनात खुळचट विचारांची पेरणी करून त्यांना भयभीत केलं जात असल्याने ते अंधश्रद्धेकडे वळू लागले आहेत. त्यामुळे महापुरुषांचे वास्तववादी विचार लोकांपर्यंत पोहचावे याकरिता प्रबोधन होणे गरजेचे झाले आहे. आणि हाच दृष्टिकोन ठेऊन डॉ. बाबासाहेब आंबेडकर विचारमंच वैचारिक सोहळे आयोजित करीत आहे. यावर्षी या विचारमंचाने जाहीर व्याख्यानाचा कार्यक्रम आयोजित केला आहे. प्रख्यात विचारवंतांचे विचार या व्याख्यानातून ऐकायला मिळणार आहे.  संविधान दिनाचे औचित्य स...

प्रशांत चंदनखेडे वणी  झुंजार नेतृत्व व कार्यतत्पर व्यक्तिमत्व म्हणून वणी विधानसभा क्षेत्रात आपली एक वेगळी ओळख निर्माण करतांनाच जनतेच्या न्याय, हक्क व प्रश्नांवर प्रखरतेने आवाज उठविणाऱ्या संजय देरकर यांची जनतेने आपला हक्काचा लोकप्रतिनिधी म्हणून निवड केली आहे. वणी विधानसभा क्षेत्राचा आमदार म्हणून त्यांना निवडून दिले आहे. वणी विधानसभा मतदार संघातून संजय देरकर यांचा दणदणीत विजय झाला असून ते आमदार म्हणून निवडून आल्याने वणी मतदार संघात उत्साहाचं वातावरण दिसून येत आहे.  संजय देरकर यांच्या विजयाने जनतेत आनंदाचं वातावरण असतांना त्यांच्या आनंदात आमचाही सहभाग आहे. वणी मतदार संघातून संजय देरकर हे आमदार म्हणून निवडून आल्याबद्दल त्यांना मनःपूर्वक शुभेच्छा! शुभेच्छुक :- उमेश पोद्दार, शिवसैनिक तथा सामाजिक कार्यकर्ते 

प्रशांत चंदनखेडे वणी  विधानसभा निवडणुकीचे निकाल जाहीर झाले असून वणी मतदार संघातून महाविकास आघाडीचे शिवसेना गटाचे उमेदवार संजय देरकर हे विजयी झाले आहेत. त्यांनी आपले प्रतिस्पर्धी उमेदवार संजीवरेड्डी बोदकुरवार यांचा १५  हजार ५६० एवढ्या मताधिक्याने पराभव केला आहे. विधानसभेच्या सलग (२०१४, २०१९) दोन पंचवार्षिक निवडणुकीत विजय संपादन करणाऱ्या संजीवरेड्डी बोदकुरवार यांना २०२४ च्या विधानसभा निवडणुकीत पराभव पत्करावा लागला आहे. वणी विधानसभा मतदार संघात ते विजयाची हायट्रीक करतील असा अंदाज बांधला जात होता. मात्र संजय देरकर यांच्या झंझावाताने त्यांच्या विजयाची घौडदौड रोखली. संजय देरकर यांना वणी विधानसभा मतदार संघातून रेकॉर्ड ब्रेक मते मिळाली आहेत. महायुती विरुद्ध महाविकास आघाडी अशा रंगलेल्या या निवडणुकीच्या सामन्यात संजय देरकर यांनी संजीवरेड्डी बोदकुरवार यांचा १५ हजार ५६० मतांनी पराभव केला. संजय देरकर यांना ९४ हजार ६१८ मते मिळाली तर संजीवरेड्डी बोदकुरवार यांना ७९ हजार ५८ मते मिळाली आहेत.  महाविकास आघाडीचे संजय देरकर यांनी पहिल्या फेरी पासूनच मतांची आघाडी घेतली. त्यांनी घेतलेली आघाडी शे...

प्रशांत चंदनखेडे वणी   वणी विधानसभा मतदार संघाच्या २० नोव्हेंबरला झालेल्या निवडणुकीचे आज निकाल जाहीर होणार आहेत. शहरातील शासकीय गोदाम येथे पोलिसांच्या कडेकोट बंदोबस्तात मत मोजणी सुरु असून मत मोजणीच्या पहिल्याच फेरी पासून महाविकास आघाडीचे संजय देरकर यांनी आघाडी घेतली आहे. मत मोजणीची सातवी फेरी पूर्ण झाली आहे. त्यात संजय देरकर यांनी ५४४७ मतांची आघाडी घेतली आहे. संजय देरकर यांच्या मतांची आघाडी सतत वाढत आहे.  संजय देरकर २७८०३, संजीवरेड्डी बोदकुरवार २२३५६ तर राजू उंबरकर यांना आता पर्यंत ९६३९  मते मिळाली आहेत. पुढील मत मोजणी सुरु आहे.  मत मोजणीची पुढील आकडेवारी पाहण्याकरिता याच लिंकवर क्लिक करावे. 

प्रशांत चंदनखेडे वणी   वणी विधानसभा मतदार संघातील मत मोजणीला सुरुवात झाली आहे. दुपार पर्यंत निवडणुकीचे निकाल जाहीर होणार आहे. एकूण मत मोजणीच्या २५ फेरी होणार.आहेत. यात प्रत्येक फेरीत कोण आघाडीवर आहे, याची पूर्ण माहिती लोकसंदेश न्यूजवर वेळोवेळी देण्यात येणार आहे.  पहिली फेरी    संजय देरकर :- 3683 संजीवरेड्डी बोदकुरवार :- 2683 संजय देरकर 1000  मतांनी आघाडीवर दुसरी  फेरी   संजय देरकर :- 6546 संजीवरेड्डी बोदकुरवार :- 5480 संजय देरकर 1066  मतांनी आघाडीवर तिसरी  फेरी   संजय देरकर :- 9600 संजीवरेड्डी बोदकुरवार :- 8247 संजय देरकर  1353  मतांनी आघाडीवर चौथी  फेरी   संजय देरकर :- 13515 संजीवरेड्डी बोदकुरवार :- 10607 संजय देरकर 2908  मतांनी आघाडीवर 5 वी फेरी   संजय देरकर :- 16638 संजीवरेड्डी बोदकुरवार :- 13056 संजय देरकर  3582   मतांनी आघाडीवर 6 वी फेरी   संजय देरकर :- 20101 संजीवरेड्डी बोदकुरवार :- 16067 संजय देरकर 4034 मतांनी आघाडीवर 7 वी फेरी संजय देरकर :- 24144 संजीवरेड्डी बोदकुरवार :- 18320 संजय...

प्रशांत चंदनखेडे वणी  एका २२ वर्षीय शेतकरी पुत्राने राहत्या घरी विषारी द्रव्य प्राशन करून आत्महत्या केल्याची घटना शुक्रवार दि.२२ नोव्हेंबरला दुपारी २ वाजताच्या सुमारास घडली. अमोल दयालाल काकडे (२१) रा, सिंधी वाढोणा ता. झरी असे या विषाचा घोट घेतलेल्या तरुणाचे नाव आहे.  मुकुटबन पोलिस स्टेशन अंतर्गत येणाऱ्या सिंधी वाढोणा येथे कुटुंबासोबत राहत असलेल्या तरुणाने घरी कुणी नसल्याची संधी साधून विषारी द्रव्य प्राशन केले. ही बाब घराशेजारी राहणाऱ्या तरुणांच्या लक्षात येताच त्यांनी घराचा दरवाजा तोडून त्याला बाहेर काढले. नंतर त्याच्या कुटुंबियांना ही माहिती देण्यात आली. कुटुंबीयांनी शेजाऱ्यांच्या मदतीने तात्काळ त्याला शहरातील एका मल्टीस्पेशालिटी दवाखान्यात दाखल केले. मात्र तेथील डॉक्टरांनी त्याला तपासून मृत घोषित केले. मृतक अमोल हा कुटुंबियांसोबत शेतात फवारणीसाठी गेला होता. नंतर दुपारी तो एकटाच घरी परतला. घराच्या खोलीत जाऊन त्याने अचानक विषारी द्रव्य प्राशन केले. अमोल हा कुटुंबियांना शेतीच्या कामात हातभार लावतानाच महाविद्यालयीन शिक्षणही घेत होता. या तरुणाने असा हा टोकाचा निर्णय का घेतला हे अ...

प्रशांत चंदनखेडे वणी  ईव्हीएम मशीन ठेऊन असलेल्या शासकीय गोदामाजवळ एक मालवाहू पिकअप वाहन संशयास्पदरित्या उभं दिसल्याने शिवसैनिकांनी सतर्कता दाखवून ते वाहन पोलिसांच्या ताब्यात दिले. त्या वाहनात इलेक्ट्रॉनिक व इंटरनेटशी संबंधित साहित्य आढळून आल्याने ते साहित्य ईव्हीएम मशीन हॅक करणारं असू शकतं, असा संशय आल्याने शिवसैनिकांनी त्या वाहनाला घेराव घालून या वाहनाबाबत पोलिसांना माहिती दिली. पोलिसांनी सदर वाहन ताब्यात घेऊन पोलिस स्टेशनला लावले. यावेळी महाविकास आघाडीचे उमेदवार संजय देरकर यांनी आक्रमक भूमिका घेत हा नेमका काय प्रकार आहे, याची शहानिशा होईपर्यंत पोलिस स्टेशनला ठिय्या मांडला. नंतर ही वार्ता वाऱ्यासारखी शहरात पसरली.  ईव्हीएम हॅक करणारे वाहन पकडल्याच्या चर्चेने शहरात एकच गोंधळ उडाला. राजकीय पक्षांच्या नेत्यांसह सर्व प्रमुख पदाधिकारी पोलिस स्टेशनला धडकले. नागरिकांनीही पोलिस स्टेशन बाहेर प्रचंड गर्दी केली होती. शेकडो नागरिक पोलिस स्टेशन परिसरात जमले होते. रात्री १०.३० वाजेपर्यंत नागरिकांचा जमाव पोलिस स्टेशन व पोलिस स्टेशन परिसरात जमला होता. गर्दीवर नियंत्रण मिळविण्यात पोलिसांना चां...

प्रशांत चंदनखेडे वणी  वणी मुकुटबन मार्गावर अज्ञात वाहनाने दुचाकीला मागून जोरदार धडक दिल्याने झालेल्या अपघातात दुचाकीस्वार जागीच ठार झाला. ही घटना वणी मुकुटबन मार्गावरील उमरी ते नवरगाव दरम्यान २१ नोव्हेंबरला दुपारी ४.३० वाजताच्या सुमारास घडली. राजकुमार मनोहर दडांजे (१९) रा. उमरघाट ता. मारेगाव असे या अपघातात ठार झालेल्या तरुणाचे नाव आहे. वणी येथे आयटीआय चे शिक्षण घेतांनाच हा तरुण पोलिस भारतीचीही तयारी करत होता. शासकीय मैदानावर सराव करण्याकरिता मुकुटबन वरून वणीला येत असतांना उमरी वळणावर मागून भरधाव येणाऱ्या वाहनाने त्याच्या दुचाकीला (MH २९ AP ७७४१) जोरदार धडक दिली. अज्ञात वाहनाच्या धडकेत शिक्षण घेणारा हा विद्यार्थी जागीच ठार झाला. दुचाकीला धडक दिल्यानंतर वाहन चालक हा वाहनासह पसार झाला. अज्ञात वाहनाची धडक बसताच तरुण हा दुचाकीसह रोडच्या कडेला पडला. त्याच्या डोक्याला गंभीर मार लागल्याने त्याचा घटनास्थळावरच मृत्यू झाला. अपघाताची माहिती पोलिसांना मिळताच पोलिसांनी तात्काळ घटनास्थळ गाठले. घटनास्थळाचा पंचनामा करून मृतदेह उत्तरीय तपासणी करीता ग्रामीण रुग्णालयात पाठविला. पोलिसांनी अज्ञात वाहन च...

प्रशांत चंदनखेडे वणी  विधानसभा निवडणुकीची रणधुमाळी थांबली असली तरी निवडणुकीच्या निकालाकडे संपूर्ण मतदार संघाचे लक्ष लागले आहे. २३ नोव्हेंबरला सायंकाळ पर्यंत निवडणुकीचे निकाल जाहीर होणार आहेत. शनिवारी सकाळी ८ वाजता पासून मत मोजणीला सुरवात होणार असून सायंकाळी ६ वाजता विजयी उमेदवाराच्या नावाची घोषणा करण्यात येणार आहे. शहरातील शासकीय गोदाम येथे मत मोजणी होणार आहे. याठिकाणी पोलिसांचा तगडा बंदोबस्त राहणार आहे. एकूण २५ फेऱ्यांमध्ये  १४ टेबलवर  ही मत मोजणी होणार आहे. मत मोजणी करीता ८० कर्मचाऱ्यांची नेमणूक करण्यात आली आहे. मत मोजणी सुरु असलेल्या ठिकाणी कुठल्याही प्रकारची धांदल होणार नाही, याकडे प्रशासनाचे पूर्ण लक्ष राहणार आहे.  विधानसभा निवडणूक २०२४ साठी २० नोव्हेंबरला मतदान प्रक्रिया पार पडली. वणी मतदार संघात सुरळीत मतदान पार पडले. मतदारांनी उत्स्फूर्तपणे मतदानाचा हक्क बजावला. या विधानसभा निवडणुकीत मतदानाची टक्केवारीही वाढली. वणी मतदान संघात ७४.८७ टक्के मतदान झाले. २०१९ च्या विधानसभा निवडणुकीच्या तुलनेत यावेळी दोन ते अडीच टक्क्यांनी मतदानात वाढ झाली आहे. २०१९ च्या विधानसभा ...

  प्रशांत चंदनखेडे वणी  महाराष्ट्र विधानसभा सार्वत्रिक निवडणूक २०२४ साठी आज २० नोव्हेंबरला मतदान प्रक्रिया पार पडली. वणी विधानसभा मतदार संघात शांततेत मतदान पार पडले. वणी शहरात एकूण ४९ तर तालुक्यात ३४१ मतदार केंद्र देण्यात आली होती. या सर्व मतदान केंद्रांवर प्रशासनाकडून सर्व सोइ सुविधा उपलब्ध करून देण्यात आल्या होत्या. पोलिसांकडूनही चोख बंदोबस्त ठेवण्यात आला होता.  मतदान केंद्रांवर राखीव पोलिस दलाचे जवानही तैनात करण्यात आले होते. उमेदवारांसह जनतेनेही उत्स्फूर्तपणे मतदानाचा हक्क बजावला. दिव्यांग व्यक्तींनीही मतदान केंद्रांवर येऊन आवर्जून मतदान केले. वणी मतदार संघात एकूण ६३.७३ टक्के एवढे मतदान झाले आहे. या विधानसभा निवडणुकीत मतदानाची टक्केवारी घसरली. २०१९ च्या विधानसभा निवडणुकीत वणी मतदार संघात ७१.११ टक्के एवढे मतदान झाले होते. मतदानाची टक्केवारी घसरण्यामागचं कारण काय, हा चिंतेचा विषय बनला आहे.  मतदार संघात सकाळी ७ वाजता पासून मतदानाला सुरुवात झाली. सकाळ पासूनच मतदान केंद्रांवर मतदारांची रेलचेल पाहायला मिळाली. दुपार नंतर मतदार केंद्रांवर मतदारांची गर्दी वाढली. दुपारी ३ ...

प्रशांत चंदनखेडे वणी  विधानसभा निवडणुकीच्या प्रचारातून उमेदवारांनी आपापलं शक्ती प्रदर्शन केलं. मतदार संघात झंझावाती प्रचार केला. प्रमुख राजकीय पक्षांचे समर्थक व कार्यकर्ते प्रचारात उतरले होते. शहरात व गावागावात लाऊडस्पिकर लावलेल्या वाहनांनी प्रचार करण्यात आला. हायटेक प्रचार करतांनाच उमेदवारांनी प्रचारावर लाखो रुपयांची उधळण केली. उमेदवारांचे मोठंमोठे ताफे प्रचार मोहिमेत दिसून आले. आलिशान वाहनांनी फिरून प्रचार करण्यात आला. मतदारांना प्रभावित करण्याकरिता वेगवेगळ्या तऱ्हा लढविण्यात आल्या. मतदारांना आपल्या बाजूने वळविण्याचा प्रचारातून आटोकाट प्रयत्न करण्यात आला. उमेदवारांनी प्रचारासाठी पूर्ण मतदार संघ पालथा घातला. मात्र आर्थिक बाजू जेमतेम असलेले काही अपक्ष उमेदवार आपल्या प्रचारावर पैसा खर्च करू शकले नाहीत. ते निवडणूक रिंगणात उतरले कारण राजकीय वातावरणात बदल घडावा हा त्यांचा प्रामाणिक हेतू आहे. वणी विधानसभा मतदार संघात असाच एक अपक्ष उमेदवार केतन पारखी हा देखील परिववर्तन घडविण्याचं धेय्य उराशी बाळगून निवडणूक रिंगणात उतरला आहे. राजकारणाचं बदलेलं स्वरूप पाहून व्यथित झालेला हा तरुण राजकारणात ...

प्रशांत चंदनखेडे वणी  विधानसभा निवडणुकीची प्रचार धुमाळी आज शांत झाली. १८ नोव्हेंबर हा प्रचाराचा शेवटचा दिवस असल्याने सायंकाळी ६ वाजता उमेदवारांच्या प्रचार तोफा थंडावल्या. ५ नोव्हेंबर पासून उमेदवारांनी सुरु केलेला प्रचार आज थांबला. २० नोव्हेंबरला विधानसभेसाठी मतदान होणार आहे. सकाळी ७ वाजता पासून तर सायंकाळी ६ वाजेपर्यंत मतदान करता येणार आहे. २० नोव्हेंबरला उमेदवारांचं भाग्य मशिनबंद होईल. वणी विधानसभा मतदार संघातून निवडणूक लढविणाऱ्या १२ उमेदवाराचं भाग्य २ लाख ८४ हजार मतदार ठरवणार आहेत. त्यामुळे मतदार राजा हा कुणाचं भाग्य उजाळतो हे २३ नोव्हेंबरला मत मोजणीतून समोर येणार आहे.  निवडणूक प्रक्रिया पार पाडण्याकरिता प्रशासही सज्ज झालं आहे. निवडणूक शांततेत पार पडावी याकरिता पोलिसांचाही तगडा बंदोबस्त राहणार आहे. निवडणुकी दरम्यान कुठलाही अनुचित प्रकार घडू नये याकरिता राखीव पोलिस दलाचे जवानही तैनात असणार आहेत. प्रशासनाकडून निवडणुकीची पूर्ण तयारी करण्यात आली आहे. मतदान केंद्रांवर मतदारांना असुविधा होणार नाही, याकडेही प्रशासनाचं पूर्ण लक्ष राहणार आहे. शहारत एकूण ४९ मतदान केंद्र देण्यात आली आह...

प्रशांत चंदनखेडे वणी  वंचित बहुजन आघाडी ही महाराष्ट्रात गेम चेंजर ठरली आहे. भल्याभल्यांची गणितं वंचित बहुजन आघाडीने बिघडविली आहेत. प्रमुख राजकीय पक्षांनी नेहमीच वंचित बहुजन आघाडीचा धसका घेतला आहे. वंचितशी जुळलेला बहुजन वर्ग आजही एकनिष्ठ आहे. हा वर्ग वंचितचा खंदा समर्थक आहे. त्यामुळे वंचित बहुजन आघाडी उमेदवारांचे डावपेच पालथे घालण्यात महत्वाची भूमिका वठवू शकते, असे जाणकारांचे मत आहे. वणी मतदार संघातून वंचितने राजेंद्र निमसटकर यांच्या रूपात जाणकार उमेदवार निवडणूक रिंगणात उतरविला आहे. त्यांची पत्रकार म्हणून संपूर्ण मतदार संघात ओळख आहे. त्यांनी वंचितच्या माध्यमातून तगडे आव्हानही उभे केले आहे. हायटेक प्रचार न करता पारंपरिक पद्धतीने प्रचार करून त्यांनी नागरिकांची मने जिंकली आहेत. पथनाट्यातून त्यांनी मतदार संघाची परिस्थिती व आपली राजकीय भूमिका मांडली आहे. मतदार संघातील नागरिकांच्या थेट भेटी घेत त्यांनी आपला प्रचार केला आहे. पायाला भिंगरी बांधल्यागत त्यांनी मतदार संघ पिंजून काढला आहे. नागरिकांमधून त्यांना मिळणारा प्रतिसाद बघता ते गेम चेंजरची भूमिका वठवू शकतात, असा सूर मतदार संघात उमटू लागल...

प्रशांत चंदनखेडे वणी  महाराष्ट्र नवनिर्माण सेनेचे उमेदवार राजू उंबरकर यांचा वणी विधानसभा क्षेत्रात धडाकेबाज प्रचार सुरु आहे. वणी, मारेगाव व झरी या तीनही तालुक्यात राजू उंबरकर यांच्या प्रचाराचा धडाका पाहायला मिळत आहे. मनसे कार्यकर्त्यांनी मतदार संघ पिंजून काढत त्यांच्या प्रचाराची धुरा वाहिली. राजू उंबरकर यांनी देखील गावागावात प्रचार रॅली व कॉर्नर सभा घेतल्या. या निवडणुकीत रेल्वे इंजिनलाच मतदान करण्याचे आवाहन त्यांनी यावेळी मतदारांना केले. त्यांच्या प्रचार रॅली व सभांना नागरिकांचाही प्रचंड प्रतिसाद मिळतांना दिसला. त्यांना समर्थन देणारे समर्थकही मोठ्या प्रमाणात त्यांच्याशी जुळले आहेत. अनेक राजकीय व सामाजिक संघटनांनी त्यांना पाठिंबा दर्शविला आहे. नरसाळा येथील तंटामुक्त अध्यक्षासह गणेशपूर येथील ग्रामपंचायत सदस्याने आपल्या समर्थकांसह मनसेला जाहीर पाठिंबा दर्शविला. वणी विधानसभा क्षेत्रात त्यांच्या प्रचाराचा झंझावात पाहायला मिळाला. काल १७ नोव्हेंबरला राजू उंबरकर यांच्या प्रचारार्थ शहरातून भव्य रॅली काढण्यात आली. या रॅलीत मनसे सैनिकांसह राजू उंबरकर यांचे समर्थक व नागरिक मोठ्या संख्येने सहभा...

प्रशांत चंदनखेडे वणी  महाविकास आघाडीचे शिवसेना (उबाठा) गटाचे उमेदवार संजय देरकर यांच्या प्रचार रॅलीत आज जन सैलाब उसळला. हजारोंच्या संख्येने रॅलीत सहभागी झालेल्या नागरिकांनी गर्दीचे सर्व रेकॉर्ड तोडले. युवावर्गासह महिला पुरुष व जेष्ठ नागरिक तथा अबाल वृद्धही रॅलीत मोठ्या संख्येने सहभागी झाले होते. रॅलीत समुदाय उमळला होता. शहरात आज भगवं वादळ उठलं होतं. जिकडे तिकडे भगवे झेंडे लहरत होते. भगव्या टोप्या घालून नागरिक ऐटीत रॅलीत सामील झाले होते. जय भवानी जय शिवाजीच्या जय घोषाने शहर दुमदुमले होते. या भव्य रॅलीने शहरवासीयांबरोबरच राजकीय वर्तुळाचेही लक्ष वेधले.  रॅलीत महिलांचीही उपस्थिती लक्षणीय होती. रॅलीतील लोकांच्या गर्दीने शहर गजबजून उठलं होतं. रॅलीत उसळलेला जनसागर हा परिवर्तनाची नांदी असल्याची एकच चर्चा शहरात रंगली होती. शेतकरी, शेतमजूर व सर्वसामान्यांचा आक्रोश या रॅलीतून दिसून आला. रॅलीत उसळलेल्या गर्दीने आज शहरातील रस्तेही अरुंद वाटत होते. जत्रा मैदान व दीपक चौपाटी मार्ग नागरिकांच्या गर्दीने फुलाला होता. जत्रा मैदान येथून रॅलीला सुरवात झाली. वेगवेगळे बॅण्ड पथक नागरिकांचे लक्ष वेधून...