LOKSANDESH

प्रशांत चंदनखेडे वणी  विदर्भाला स्वतत्र राज्याचा दर्जा मिळावा म्हणून विदर्भ राज्य आंदोलन समितीने उभारलेला लढा आणखीच तीव्र झाला आहे. विदर्भ राज्य आंदोलन समितीचा विदर्भ राज्याच्या निर्मिती करिता एकाकी संघर्ष सुरु असून वेगळ्या विदर्भाची मागणी त्यांनी शासनाकडे रेटून धरली आहे. महाराष्ट्राशी संलग्न राहून विदर्भाचा विकास शक्य नसल्याचे विदर्भवाद्यांनी वेळोवेळी पटवून दिले आहे. महाराष्ट्रात विदर्भावर नेहमीच अन्याय होत आला आहे. विदर्भावर अन्याय करणाऱ्या नागपूर कराराचीच विदर्भवाद्यांनी होळी करून वेगळ्या विदर्भ राज्याच्या निर्मितीची आपली भूमिका स्पष्ट केली आहे. २८ सप्टेंबर १९५३ ला नागपूर करार करून पश्चिम महाराष्ट्रातील मातब्बर नेत्यांनी १ मे १९६० ला विदर्भासह महाराष्ट्र राज्याची निर्मिती केली. एकूणच ११ कलमी असलेल्या या करारात काही महत्वपूर्ण तरतुदी करण्यात आल्या. त्यामुळे विदर्भाचा विकास होईल अशी अपेक्षा होती. मात्र तसे झाले नाही. विदर्भाच्या सर्वांगीण विकासाला पाने पुसल्या गेली. महाराष्ट्र राज्यात निर्माण होणाऱ्या सरकारी नोकऱ्या व इतर सुविधांमध्ये विदर्भातील जनतेला लोकसंख्येच्या आधारावर २३ टक्...

प्रशांत चंदनखेडे वणी   दोघांचीही लग्न झालेली, दोघांनाही मुलंबाळं, पण तरीही त्यांच्यात शारीरिक आकर्षण जागलं. आकर्षणातून ते एकमेकांच्या प्रेमात पडले. देहभान विसरून ते प्रेमात आकंठ बुडाले. त्यांना आपल्या संसारिक जीवनाचंही भान राहिलं नाही. ते मुलाबाळांचे आई वडील असल्याचाही त्यांना विसर पडला. विवाहित असतांना त्यांच्यात प्रेमाचा भाव जागला. आणि त्यांच्या प्रेमाच्या चर्चेने अख्खा गाव जागला. संस्कार घडविण्याच्या वयात प्रेमाचं अंकुर फुटलं, आणि नंतर त्यांचा संयमही सुटला. प्रेमात आंधळे होऊन त्यांनी घरून पलायन केलं. पण परत आल्यानंतर त्यांना कुणी जवळ नाही केलं. अशातच खचलेल्या मानसिकतेतून त्यांनी टोकाचं पाऊल उचललं. एकाच नायलॉनच्या दोरीने दोघांनीही गळफास  घेतला. त्यांच्या एका चुकीच्या निर्णयाने दोन कुटुंब उद्धवस्त झाली. एका कुटुंबातील मुलांचं मायेचं छत्र हरपलं तर दुसऱ्या कुटुंबातील मुलांचं पित्याचं छत्र हरपलं आहे. शेवटी आंधळं प्रेम अंधकारातच लुप्त झालं. आंधळ्या प्रेमात जीवनाचाच शेवट झाला.  झरी जामणी तालुक्यातील कोडपाखिंडी शेत शिवारात या विवाहित प्रेमी युगुलाने एकाच दोरीने गळफास घेत जीवनय...

प्रशांत चंदनखेडे वणी   त्याला समाजकार्याची मोठी ओढ, समाजकार्याच्या ओढीनं तो पछाडलेला, सामाजकार्यात असलेली रुची त्याला सामाजिक कार्याकडे प्रवृत्त करू लागली, समाजकार्याची ओढ त्याला स्वस्त बसू देत नव्हती, शेवटी समाजकार्याचं धेय्य त्यानं उराशी बाळगलं, सामाजिक कार्याने प्रेरित होऊन तो समाजकार्यात अग्रेसर झाला. अगदी तरुण वयात त्याने समाजकार्यात स्वतःला वाहून घेतलं. समाजाशी निगडित कामे करण्यावर त्याने भर दिला. सामाजिक प्रश्न व समस्या सोडविण्याला प्राथमिकता देत त्याने समाजकार्याची दोर हाती घेतली. सामाजिक समस्या प्रशासनासमोर मांडून जिद्दीनं त्या सोडविण्याचाही प्रयत्न केला. तरुणांना प्रेणदायी असं सामाजिक कार्य त्यानं केलं. युवकांचं संघटन उभारून त्याने गाव परिसरातील अनेक सामाजिक प्रश्नांना वाचा फोडली. सामाजिक कार्याची धुरा वाहतांनाच युवकांना समाजाशी निष्ठा राखण्याचे धडे देऊन त्यांना योग्य दिशा दाखविणारा हा युवक नंतर युवकांसाठी सखा, सोबती व दोस्तीच्या दुनियेतील राजा माणूस ठरला. प्रदीप बांदूरकर असे या सामाजिक कार्यात धेय्य वेडा झालेल्या युवकाचे नाव. आजही सामाजिक कार्यात तो तत्पर असून त्याने साम...

प्रशांत चंदनखेडे वणी   वणी तालुक्यातील लाठी (बेसा) येथील युवकाचा शेत तळ्यात मृतदेह आढळून आल्याची खळबळजनक घटना आज २९ सप्टेंबरला सकाळी उघडकीस आली. भालर वरून लाठीकडे जाणाऱ्या रस्त्यावर अजय बलकी यांचे शेत असून ते शेत सध्या त्यांचे नातेवाईक राहुल खिरटकार यांच्याकडे वहतीला आहे. त्यांना शेतातील तळ्यात आज सकाळी एका युवकाचा मृतदेह तरंगतांना दिसला. त्यांनी ही माहिती शिरपूर पोलिसांना दिली. पोलिसांनी घटनास्थळ गाठून मृतदेहाची ओळख पटविण्याचा प्रयत्न केला असता त्यांना मृतक हा लाठी येथील रहिवासी असल्याचे समजले. वेकोलीशी अधिनस्त असलेल्या ईगल इंफ्रा. इंडिया लिमिटेड या कंपनीत कामाला असलेल्या या युवकाचे नाव शंकर जनार्धन खारकर (३५) असल्याचे पोलिस तपासात निष्पन्न झाले. पोलिसांनी घटनास्थळाचा पंचनामा करून मृतदेह उत्तरीय तपासणी करीता ग्रामीण रुग्णालयात पाठविला आहे.  मृतक शंकर खारकर याला दारूचे व्यसन जडले होते. त्याची पत्नीही त्याच्यापासून विभक्त असल्याचे सांगण्यात येते. शंकर हा ईगल इंफ्रा. इंडिया लिमिटेड या वेकोलीशी अधिनस्त असलेल्या कंपनीत कामाला होता. तो सकाळी ४ वाजता घरून निघाल्याचे सांगण्यात येते. ...

प्रशांत चंदनखेडे वणी  देव दर्शनासाठी भाविकांना घेऊन जाणाऱ्या ट्रॅव्हल्सचा भीषण अपघात होऊन २५ प्रवासी जखमी झाल्याची घटना काल २८ सप्टेंबरला रात्री ९.३० वाजता वणी यवतमाळ मार्गावरील गौराळा फाट्याजवळ घडली. अकोला वरून चंद्रपूर येथे महाकाली दर्शनाला भाविकांना घेऊन जाणारी हमसफर ट्रॅव्हल्स उभ्या ट्रकला धडकली. या भीषण अपघातात ट्रॅव्हल्स मधील २५ प्रवासी जखमी झाले आहे. भरधाव ट्रॅव्हल्सची उभ्या ट्रकला मागून जोरदार धडक बसल्याने ट्रॅव्हल्सचा समोरील भाग पूर्णतः क्षतिग्रस्त झाला. समोर बसलेली एक प्रवासी महिला बसमध्ये अडकल्याने तिला अक्षरशः कटरने पत्रे कापून बाहेर काढावे लागले. ट्रॅव्हल्स ट्रकला धडकल्यानंतर झालेला मोठा आवाज व प्रवाशांच्या किंचाळ्या ऐकून लगतच्या गावातील लोकांनी घटनास्थळाकडे धाव घेत जखमींना रुग्णालयात पोहचविण्यास सहकार्य केले. अपघाताची माहिती पोलिसांना मिळताच पोलिसही शीघ्र घटनास्थळी दाखल झाले. त्यांनी जखमी प्रवाशांना तात्काळ रुग्णालयात दाखल केले. अकोला येथून चंद्रपूर येथे महाकाली मातेच्या दर्शनाला जात असलेल्या भाविकांच्या ट्रॅव्हल्सला काल रात्री भीषण अपघात झाला. गौराळा फाट्याजवळ उभ्या ...

प्रशांत चंदनखेडे वणी  ईद-ए-मिलाद व गणेश विसर्जन योगायोगानं एकाच दिवशी आल्याने ईद निमित्त २८ सप्टेंबरला निर्धारित असलेली शासकीय सुट्टी राज्य शासनाने एक दिवस पुढे ढकलली. शासनाने काल २७ सप्टेंबरला सायंकाळी परिपत्रक काढून २९ सप्टेंबरला सुट्टी जाहीर केल्याने मोठा संभ्रम निर्माण झाला असून नागरिकांच्या नियोजित कामकाजांचे वेळापत्रक कोलमडले आहे. सुट्टीची तारीख अचानक बदलण्यात आल्याने नागरिकांची महत्वपूर्ण कामे खोळंबली जाणार आहे. नगरीकांनी कामकाजाचे आखलेले नियोजन अनपेक्षितपणे सुट्टी पुढे ढकलण्यात आल्याने पूर्णतः बिघडणार आहे. ईदची सुट्टी एक दिवस पुढे ढकलण्यात आल्याने नागरिकांची कार्यालयीन कामे रखडली जाणार असल्याने त्यांच्यात नाराजी दिसून येत आहे. सुट्टी रद्द झाल्याने शासकीय कर्मचाऱ्यांमध्येही संभ्रम निर्माण झाला. त्यामुळे शासकीय कार्यालयांमध्येही आज कर्मचाऱ्यांची उपस्थिती नगण्य दिसून आली. योगायोगानं हिंदू व मुस्लिम बांधवांचे धार्मिक सण, उत्सव एकाच दिवशी आल्याने शासकीय सुट्टीत अकल्पित बदल करण्यात आला. त्यामुळे नागरिकांच्या निर्धारित कामांमध्ये व्यत्यय निर्माण झाल्याने त्यांचा त्रास वाढणार आहे. ...

प्रशांत चंदनखेडे वणी  महाराष्ट्रातील सर्व दुकानांवर दोन महिन्यात मराठी पाट्या लावण्याचे आदेश सर्वोच्च न्यायालयाने व्यापाऱ्यांना दिले आहे. महाराष्ट्रातील सर्वच लहान मोठ्या दुकानांवर मराठी पाट्या असणे गरजेचे असल्याचे मत सर्वोच्च न्यायालयाने नोंदविले आहे. महाविकास आघाडीचे सरकार असतांना दुकानांवर मराठी पाट्या सक्तीच्या करण्याचा निर्णय घेण्यात आला होता. त्या विरोधात व्यापाऱ्यांनी सर्वोच्च न्यायालयात याचिका दाखल केली होती. सोमवारी या याचिकेवर सुनावणी घेतांना न्यायालयाने व्यापाऱ्यांना फटकार लावत दोन महिन्यात दुकानांवर मराठी पाट्या लावा, असा आदेश दिला आहे. न्यायालयाने माविआ सरकारचा निर्णय कायम ठेवला असून काही अटींनुसार प्रत्येक छोट्या मोठ्या दुकानांवर मराठी पाट्या असणे गरजेचे असल्याचे मत नोंदविले आहे. दसरा, दिवाळी सारखे  सण जवळ आले आहे. त्यामुळे मराठी पाट्यांचा दुकानदारांनाच मोठा फायदा होणार असल्याचे न्यायालयाने म्हटले आहे. न्यायालयाच्या या आदेशाचे महाराष्ट्र नवनिर्माण सेनेकडून जोरदार स्वागत करण्यात आले आहे. सर्वोच्च न्यायालयाच्या निर्णयाचे स्वागत करतांना मनसे कडून शहरातील शिवतीर्थ चौ...

प्रशांत चंदनखेडे वणी  सहकार क्षेत्रात अतीव प्रगती साधलेला तालुका म्हणून वणी तालुक्याची संपूर्ण विदर्भात ओळख निर्माण झाली आहे. सहकार क्षेत्राची पायाभरणी करणाऱ्या वणी तालुक्याने सहकार क्षेत्राला संपन्नतेची दिशा दिली आहे. सहकार क्षेत्राच्या प्रगतीचा इतिहास घडविणारा वणी तालुका सहकार क्षेत्रात दिवसेंदिवस अधिक प्रगती करू लागला आहे. यात सहकारी पतसंस्थांचाही मोलाचा वाटा आहे. वणी तालुक्यात पतसंस्थांचं जाळं पसरलं आहे. पतसंस्थांनी ठेवीदारांचं आर्थिक हीत जोपासलं आहे. त्यामुळे ठेवीदार व गुंतवणूकदारांचा कल पतसंस्थांकडे वाढू लागला आहे. सहकार क्षेत्रात यशस्वी वाटचाल करणाऱ्या पतसंस्थांमध्ये केशव नागरी सहकारी पतसंस्था हे नाव देखील जुळलं आहे. या पतसंस्थेच्या स्थापनेला ३२ वर्ष पूर्ण झाली आहेत. १९९२ साली रोवलेल्या या रोपट्याचं वटवृक्षात रूपांतर झालं आहे. केशव नागरी पतसंस्था ही आज प्रगतीच्या शिखरावर आहे. पतसंस्थेची यशस्वी वाटचाल सुरु असून पतसंस्थेच्या ठेवी आज ९२ कोटींच्या घरात आहेत. ३१ मार्च २०२४ पर्यंत पतसंस्थेच्या ठेवी १०० कोटी पर्यंत वाढविण्याचा संचालक मंडळाचा मानस आहे. या पतसंस्थेची केशवस्मृती ही स्...

प्रशांत चंदनखेडे वणी  पंतप्रधान नरेंद्र मोदी यांच्या वाढदिवसानिमित्त सेवा पंधरवाडा हा सेवाभावी उपक्रम राबविण्यात आला. त्याच अनुषंगाने पंडित दीनदयाल उपाध्याय यांची जयंती व वणी विधानसभा क्षेत्राचे आमदार संजीवरेड्डी बोदकुरवार यांच्या वाढदिवसाचे औचित्य साधून वणी विधानसभा क्षेत्रात भव्य रक्तदान व आरोग्य तपासणी शिबीरं आदी सामाजिक उपक्रम राबविण्यात आले. स्थानिक बाजोरिया हॉल येथे भाजयुमोच्या विद्यमाने भव्य रक्तदान शिबिराचं आयोजन करण्यात आलं. रक्ताची वाढती गरज लक्षात घेता रक्तपेढीत रक्ताचा मुबलक साठा उपलब्ध रहावा, हा दृष्टिकोन जोपासून आमदारांच्या वाढदिवसानिमित्त २५ सप्टेंबरला भव्य रक्तदान शिबीर घेण्यात आलं.  वणी विधानसभा क्षेत्राच्या सर्वांगीण विकासाला गती देण्याचं काम आमदार संजीवरेड्डी बोदकुरवार यांच्या कार्यकाळात झालं, व होतही आहे. विकासात्मक धोरण जोपासून वणी विधानसभा क्षेत्राच्या विकासाला प्राधान्य देणारा त्यांचा कार्यकाळ राहिला आहे. विकसनशील व जनहितकारी कामे हाती घेऊन त्यांनी ती पूर्णत्वास आणली. शहराबरोबरच ग्रामीण भागाच्या विकासालाही त्यांनी तेवढीच प्राथमिकता दिली. आता औद्योगिक क्ष...

प्रशांत चंदनखेडे वणी   तालुक्यातील मोहदा येथिल एका गिट्टी क्रेशर मालकाची पोकलँड मशीन घेऊन आलेल्या परप्रांतीय ट्रेलर चालकाचे पाच जणांनी अपहरण करीत ट्रेलर मालकाकडे खंडणी म्हणून मोठ्या रक्कमेची मागणी केली. ट्रेलर मालकाने खंडणी देण्यास नकार दिल्याने अपहरणकर्त्यांनी चालकाला मारहाण करीत त्याच्या जवळील १६ हजार रुपये हिसकावून घेत त्याला सोडून दिले. घडलेल्या प्रकाराने ट्रेलर चालक चांगलाच धास्तावला. त्याने सरळ शिरपूर पोलिस स्टेशनला येऊन अज्ञात अपहरणकर्त्यांविरुद्ध रीतसर तक्रार नोंदविली. शिरपूर पोलिसांनी घटनेचे गांभीर्य ओळखून अवघ्या काही तासांतच पाचही अपहरणकर्त्यांना अटक केली. ही घटना २४ सप्टेंबरला मध्यरात्री १ वाजताच्या सुमारास वेळाबाई फाट्यावर घडली.  अहमदनगर येथून मोहदा येथे पोकलँड मशीनची ट्रेलरने वाहतूक करणाऱ्या महताब शहाबुद्दीन अन्सारी (२४) या परप्रांतीय ट्रेलर चालकाचे मध्यरात्री वेळाबाई फाट्याजवळ ट्रेलर अडवून पाच जणांनी अपहरण केले. ट्रेलर चालक हा पोकलँड मशीन गिट्टी क्रेशर मालकाकडे उतरून परतीच्या मार्गाला लागला होता. दरम्यान वेळाबाई फाट्याजवळ पाच जणांनी ट्रेलर (MH १६ CV ३२०८) अडवून च...

प्रशांत चंदनखेडे वणी  वणी कृषी उत्पन्न बाजार समितीच्या गाळ्यांचा लिलाव करण्याचा मार्ग अखेर महाराष्ट्र राज्य सहकारी पणन महासंघाने मोकळा करून दिला आहे. मागील काही वर्षांपासून या दुकान गाळ्यांची लिलाव प्रक्रिया रखडली होती. व्यावसायिक अथवा कार्यालयीन दृष्टिकोनातून गाळे घेण्यास इच्छुक असणाऱ्यांना गाळे लिलावाची प्रतीक्षा लागली होती. अखेर पणन महासंघाने गाळे लिलावाला मान्यता दिल्याने गाळे लिलावाचा मार्ग मोकळा झाला आहे. ११ ऑक्टोबरला सकाळी ११ वाजतापासून बाजार समितीच्या आवारात गाळ्यांचा जाहीर लिलाव होणार आहे. गाळे लिलावात बोली लावण्याकरिता सर्व अटी शर्तींसह अर्ज भरण्याची ३० सप्टेंबर ही शेवटची तारिख असणार आहे. बाजार समितीच्या कार्यालयात सकाळी ११ ते ५ वाजेपर्यंत अर्ज विक्री व भरलेला अर्ज स्वीकारला जात आहे. अर्जाची किंमत २ हजार रुपये असून २ लाखांच्या अमानत रक्कमेचा डिमांड ड्राफ्ट अर्जासोबत द्यावा लागत आहे. ५ हजार रुपये एवढा या गाळ्यांचा मासिक किराया ठेवण्यात आला आहे. त्यामुळे गाळे लीजवर घेतल्यानंतर या गाळ्यांमध्ये व्यवसाय किंवा कार्यालय थाटने जरुरीचे होणार आहे. पणन महासंघाच्या जाहीरनाम्यात अनुसू...

प्रशांत चंदनखेडे वणी  वणी विधानसभा क्षेत्राचा विकास घडवून आणणारे तथा लोक कल्याणकारी उपक्रमांना चालना देणारे वणी विधानसभा क्षेत्राचे लोकप्रिय आमदार संजीवरेड्डी बोदकुरवार यांना वाढदिवसाच्या खूप खूप शुभेच्छा ! वणी विधासभा क्षेत्राच्या विकासात महत्वपूर्ण योगदान असलेल्या तथा जनसेवेत नेहमी तत्पर असलेल्या आमदार संजीवरेड्डी बोदकुरवार यांना त्यांच्या वाढदिवसानिमित्त उदंड आयुष्याच्या अनंत शुभेच्छा !                                              -:शुभेच्छुक :-   भारतीय जनता पार्टी वणी तालुका व शहर आघाडी, भारतीय जनता पार्टी महिला आघाडी तथा सर्व पदाधिकारी व कार्यकर्ते भारतीय जनता पार्टी वणी विधानसभा क्षेत्र 

प्रशांत चंदनखेडे वणी   पंतप्रधान नरेंद्र मोदी यांच्या वाढदिवसानिमित्त १७ सप्टेंबर ते २ ऑक्टोबर या काळात सेवा पंधरवाडा हा सेवाभावी उपक्रम राबविण्यात येत आहे. त्यानुषंगाने पंडित दीनदयाल उपाध्याय व वणी विधानसभा क्षेत्राचे आमदार संजीवरेड्डी बोदकुरवार यांच्या वाढदिवसाचे औचित्य साधून २५ सप्टेंबरला भव्य रक्तदान शिबिराचे आयोजन करण्यात आले आहे. स्थानिक बाजोरिया हॉल येथे सकाळी १० ते दुपारी ४ वाजेपर्यंत हे रक्तदान शिबीर आयोजित करण्यात आले असून रक्तदात्यांनी या रक्तदान शिबिरात मोठया संख्येने रक्तदान करण्याचे आव्हान आयोजकांनी केले आहे.  आमदार संजीवरेड्डी बोदकुरवार यांच्या वाढदिवसानिमित्त आयोजित या रक्तदान शिबिरादरम्यान पंडित दीनदयाल उपाध्याय यांची जयंती साजरी करण्यात येणार आहे. सेवा पंधरवाडा अंतर्गत २५ सप्टेंबरलाच कायर येथील प्राथमिक आरोग्य केंद्रात भव्य मोफत आरोग्य तपासणी शिबिराचे देखील आयोजन करण्यात आले आहे. यात डायबिटीज, रक्तदाब, हिमोग्लोबिन, सिकलसेल, टी.बी., कुष्ठरोग, लिव्हर, किडनी, कॅन्सर, डेंग्यू, मलेरिया यासह गरोदर मातांची देखील तपासणी करण्यात येणार आहे. २९ सप्टेंबरला घोन्सा येथील ग...

प्रशांत चंदनखेडे वणी  तेलंगणा राज्यातून बेपत्ता झालेल्या इसमाची कुटुंबियांशी भेट घडवून आणत शिरपूर पोलिस स्टेशनचे नवनियुक्त ठाणेदार संजय राठोड यांनी खाकी वर्दीतील माणुसकीचे दर्शन घडविले आहे. तेलंगणा राज्यतून बेपत्ता झालेला इसम थेट महाराष्ट्रात येऊन पोहचला. शिरपूर पोलिस स्टेशन हद्दीतील कायर गावात तो खुळ्यागत भटकत होता. अंगावर मळकटलेले कपडे, बोली भाषा तेलंगू व परिसरात अनोळखी असलेला हा इसम गणेशोत्सवानिमित्त पोलिस हद्दीत गस्त घालणाऱ्या ठाणेदारांच्या दृष्टीस पडला. त्याची अवस्था पासून खाकी वर्दीतील माणुसकी जागी झाली. ठाणेदारांनी त्याच्या जवळ जाऊन आस्थेने त्याची विचारपूस केली, पण तो नुसताच तेलंगू भाषेत पुटपुटत होता. ठाणेदारांनी त्याला पोलिस स्टेशनला आणले. त्याच्या बोली भाषेवरून तो तेलंगणा राज्यातील असल्याचा ठाणेदारांना अंदाज आला. त्यांनी लगेच तेलंगणा राज्यातील मंचराल पोलिस स्टेशनशी संपर्क साधला. तेलंगू भाषिक इसम अनावधानाने महाराष्ट्रात भटकला असल्याची माहिती देत त्यांनी मंचराल पोलिसांना सदर इसमाचे छायाचित्र पाठविले. मंचराल पोलिसांनी काही तासांतच त्या इसमाची ओळख पटविली. तो येथीलच रहिवासी असल...

  प्रशांत चंदनखेडे वणी  उपविभागीय दक्षता व नियंत्रण समितीच्या वणी सदस्य पदी सामाजिक कार्यकर्ते रविंद्र कांबळे यांची नियुक्ती करण्यात आली आहे. त्यांची सामाजिक कार्याची तळमळ व समाज कार्यात असलेली अग्रेसरता पाहून यवतमाळ जिल्हाधिकारी यांनी त्यांची या महत्वपूर्ण पदावर नियुक्ती केली आहे.  शासन निर्णयानुसार अनुसूचित जाती व अनुसूचित जमाती अत्याचार प्रतिबंध अधिनियम १९८९ अंतर्गत उपविभागीय दक्षता व नियंत्रण समिती गठीत करण्यात आली आहे. या समितीत केंद्र शासनाने नामनिर्देशित केलेल्या तीन सामाजिक कार्यकर्त्यांची सदस्य म्हणून निवड करण्यात येते. त्यात वणी येथील सामाजिक कार्यकर्ते रविंद्र कांबळे यांची निवड करण्यात आली आहे. रविंद्र कांबळे यांचं सामाजिक कार्य सर्वश्रुत आहे. रुग्णवाहिकेच्या माध्यमातूनही त्यांनी रुग्णसेवा केली आहे. सामाजिक कार्यात ते नेहमी तत्पर असतात. समाजावरील अन्यायाविरुद्ध त्यांनी नेहमी आवाज उठविला आहे. सामाजिक कार्यात अग्रेसर असलेलं व्यक्तिमत्व म्हणून रविंद्र कांबळे यांच्याकडे पाहिलं जातं. त्यांच्या याच समाज कार्याची जाणीव ठेऊन त्यांची उपविभागीय दक्षता व नि...

प्रशांत चंदनखेडे वणी   वणी शहर व तालुक्यात विद्युत तार व केबल चोरीच्या वाढलेल्या घटनांनी पोलिस प्रशासनाची चिंता वाढविली असतांनाच पोलिसांवर चोरट्यांचा बंदोबस्त करण्याचा दबावही वाढला होता. विद्युत तार चोरीच्या तक्रारींनी पोलिसांची डोके दुखी वाढविली होती. पोलिस केबल चोरीच्या घटनांवर अंकुश लावण्याचा सर्वोतपरी प्रयत्न करीत होते. पण चोरटे पोलिसांना गवसतच नव्हते. चोरट्यांनी विद्युत तार व केबल चोरीचा सपाटाच लावल्याने चोरट्यांच्या मुसक्या आवळण्याचे मोठे आव्हान पोलिसांसमोर उभे ठाकले होते. सतत घडणाऱ्या केबल चोरीच्या घटनांमुळे तालुक्यात केबल चोरट्यांची टोळीच सक्रिय असल्याचा पोलिसांना अंदाज आला. तालुक्यात धुमाकूळ घालणाऱ्या या केबल चोरट्यांना हुडकून काढण्याकरिता पोलिसांबरोबरच स्थानिक गुन्हे शाखा पथकानेही कंबर कसली. शेवटी केबल चोरीच्या रॅकेट मधील एक चोरटा स्थानिक गुन्हे शाखा पथकाच्या गळाला लागलाच. केबल चोरट्यांच्या मागावर असलेल्या स्थानिक गुन्हे शाखा पथकाने आपल्या शोध कार्याची व्यापकता परत एकदा दाखवून दिली आहे. केबल चोरीच्या घटनांनी तालुक्याला हादरवून सोडणाऱ्या चोरट्यांच्या टोळीतील एका सदस्याला अ...

प्रशांत चंदनखेडे वणी   पांढरकवडा तालुक्यातील कोंघारा येथिल कृषी महाविद्यालयाच्या विद्यार्थिनींनी दातपाडी या गावातील शेतकऱ्यांना शेत पिकांवरील व फळझाडांवरील रोगांवर बॉर्डेक्स पेस्ट या रोग विनाशक औषधाचा वापर कसा करावा, याबाबत विस्तृत मार्गदर्शन केले. शेत पिकांवरील कोणत्या रोगांवर बॉर्डेक्स पेस्ट हे उपयुक्त ठरतं, याबद्दलही कृषी कन्यांनी शेतकऱ्यांना माहिती दिली.  कोंघारा कृषी महाविद्यालयात सातव्या सत्रात शिक्षण घेणाऱ्या कृषी कन्यांनी दातपाडी या गावातील शेतकऱ्यांना बॉर्डेक्स पेस्टच्या वापराबाबत विस्तृत मार्गदर्शन केले. शेत पिकांवरील कोणत्या रोगांपासून बॉर्डेक्स पेस्ट संरक्षण करतं, याबद्दलही कृषी कन्यांनी शेतकऱ्यांना माहिती दिली. बॉर्डेक्स पेस्ट हे फळझाडांसाठी खास करून उपयुक्त ठरतं. फळझाडांवरील रोगांसाठी बॉर्डेक्स पेस्टचा वापर फायद्याचा ठरतो. खोडसड, डिंक्या रोग तसेच पावडर बुरशी व खालची बुरशी या सारख्या रोगांवरही बॉर्डेक्स पेस्ट गुणकारी ठरतं. बॉर्डेक्स पेस्ट हे नेमकं काय आहे, त्याचा फायदा काय, त्याचा वापर कसा करावा, त्यासाठी लागणारे साहित्य कोणते, याचीही कृषी कन्यांनी शेतकऱ्यांना माह...

प्रशांत चंदनखेडे वणी  क्रांतिसूर्य डॉ. बाबासाहेब आंबेडकर यांनी धम्मदीक्षा देण्याकरिता नागपूर व चंद्रपूर नंतर राजूर या चळवळी प्रधान गावाचीही निवड केली होती. राजूर या गावाची त्या काळापासून तर आजही चळवळीचे गाव म्हणूनच ओळख आहे. राजूर या गावाला क्रांतिकारी चळवळीचा वारसा लाभला आहे. डॉ. बाबासाहेब आंबेडकर यांचे विश्वासू बॅरी. राजाभाऊ खोब्रागडे यांच्यासह भदंत आनंद कौसल्यायन यांनी राजूर येथे प्रत्यक्ष येऊन बौद्ध धम्माची दीक्षा दिली. त्या धम्मदीक्षा सोहळ्याची साक्ष म्हणून राजूर येथे दीक्षाभूमी साकारण्यात आली. राजूर येथील दीक्षाभूमी ही मिनी दीक्षाभूमी म्हणून संपूर्ण महाराष्ट्रात ओळखली जाते. राजूर या गावाने अनेक नामवंत गीतकार, गायक, प्रबोधनकार व शाहीर महाराष्ट्राला दिले. राजूर या गावातील गायकांनी बाबासाहेबांच्या संघर्षाची गाथा गीतांच्या माध्यमातून देशभरात पोहचविली. राजूर येथील गायकांनी गायलेली बाबासाहेबांची गाणी आजही अजरामर आहेत. अशा या बाबासाहेबांच्या कार्याची जाणीव जपलेल्या राजूर या गावात ६७ वा धम्मचक्र प्रवर्तन दिन सोहळा थाटात साजरा होत आहे. दीक्षाभूमी येथे ७ ऑक्टोबरला महिला समारोह समिती राज...

प्रशांत चंदनखेडे वणी  वणी पंचायत समिती अंतर्गत येणाऱ्या राजूर ग्रामपंचायतीच्या मनमानी कारभारामुळे गावातील नागरिक कमालीचे त्रस्त झाले आहेत. सरपंच व सचिव मनमर्जी कामे करीत असल्याने गावकऱ्यांमध्ये रोष दिसून येत आहे. सरपंच व सचिवच ग्रांमपंचायतेचा कारभार हाकत असून सदस्य व गावकऱ्यांना विश्वासात न घेताच महत्वाचे निर्णय घेतले जात असल्याचे गावकऱ्यांचे म्हणणे आहे. सरपंच व सचिवांनी ग्रामसभा न घेताच घरकुलासाठी लाभार्थ्यांची यादी तयार केली असून गरीब व दुर्बल घटकांना घरकुलाच्या लाभापासून डावलण्याचा प्रयत्न केला जात आहे. ग्रामपंचायतेत सरपंच व सचिवांचा मनमानी कारभार सुरु असून त्यांच्या मनमर्जी धोरणामुळे ग्रामवासी पुरते वैतागले आहेत. गावातील समस्यांकडेही सरपंच व सचिवांचे दुर्लक्ष होतांना दिसत आहे. गावात डेंग्यू व मलेरिया सारख्या गंभीर आजारांची साथ आलेली असतांना ग्रामपंचायतेकडून मात्र कोणत्याही उपाययोजना होतांना दिसत नाही. सरपंच व सचिवांनी मनमर्जी धोरण अवलंबले असून त्यांच्या या धोरणामुळे गावकऱ्यांमध्ये संतापाची लाट उसळली आहे. त्यामुळे सरपंच व सचिवांच्या कार्य पद्धतीत सुधारणा करण्याकरीता त्यांची कानउ...

प्रशांत चंदनखेडे वणी  महाराष्ट्र नवनिर्माण सेनेच्या माध्यमातून अनेक लोक कल्याणकारी उपक्रम राबविण्यात येत आहे. या उपक्रमांमधून जनहीत साधता यावं, हा या उपक्रम राबविण्यामागचा उद्देश असल्याचे पक्ष नेते राजू उंबरकर यांनी पत्रकार परिषदेतुन स्पष्ट केले आहे. वणी विधानसभा क्षेत्रातील जनतेसाठी त्यांच्या विविध कल्याणकारी योजना व उपक्रम प्रस्तावित असून ते लवकरच जनतेसमोर आणून प्रखरतेने राबविण्यात येणार असल्याचेही त्यांनी यावेळी घेतलेल्या पत्रकार परिषदेत सांगितले. जनतेचं हित लक्षात घेऊन राबविण्यात येणाऱ्या या उपक्रमांचा जनतेला मोठा लाभ होणार आहे. वणी विधानसभा क्षेत्रातील जनता सुखासमाधानात नांदावी ही महत्वाकांक्षा बाळगून राजू उंबरकर यांनी लोककल्याणाचे उपक्रम राबविण्याचा संकल्प केला आहे. नागरिकांच्या समस्या व प्रश्न सोडवितांनाच तरुणाईला सतावणारी रोजगाराची चिंताही निर्मुलीत करण्याचे धोरण त्यांनी आखले आहे. शैक्षणिक पात्रता असतांनाही रोजगार मिळत नसल्याने युवा वर्ग नैराश्येच्या गर्तेत आला आहे. शिक्षण पूर्ण करूनही रोजगार मिळत नसल्याने युवक युवतींमध्ये न्यूनगंड निर्माण होऊ लागला आहे. युवा वर्गाला भेडसाव...

प्रशांत चंदनखेडे वणी   शहरालगत असलेल्या व लालगुडा ग्रामपंचायत हद्दीत येणाऱ्या प्रेमनगर परिसरात धारदार शस्त्रासह धुमाकूळ घालणाऱ्या आरोपीला गुन्हे शोध पथकाने अटक केली असून त्याच्यावर अवैधरित्या शस्त्र बाळगल्या प्रकरणी गुन्हा दाखल करण्यात आला आहे. विकास अनिल आत्राम (२३) रा. दरा साखरा ता. वणी असे या धारदार शस्त्रासह परिसरात दहशत निर्माण करतांना अटक करण्यात आलेल्या आरोपीचे नाव आहे.  गुन्हे शोध पथक हे १६ सप्टेंबरला शहर व आसपासच्या परिसरात गस्त घालत असतांना त्यांना प्रेमनगर झोपडपट्टी परिसरात एक तरुण हातात धारदार शस्त्र घेऊन महिला व पुरुषांमध्ये दहशत निर्माण करण्याचा प्रयत्न करीत असल्याची माहिती मिळाली. गुन्हे शोध पथक तात्काळ त्याठिकाणी पोहचलं असता त्यांना गुन्हेगारी प्रवृत्तीचा एक तरुण हातात शस्त्र घेऊन धुमाकुळ घालतांना दिसला. डीबी पथकाने धारदार शस्त्रासह परिसरात दहशत माजविणाऱ्या आरोपीला अटक करीत त्याच्या जवळील सुरा ताब्यात घेतला. ३९.०५ सेमी लांब व ९ सेमी रुंद असलेल्या या सुऱ्याचा पाता २६.५ सेमी तर मूठ १३ सेमी एवढी आहे. हा धारदार व आकाराने अतिशय मोठा असलेला सूरा गुन्हे शोध पथकाने जप्...

प्रशांत चंदनखेडे वणी  महाराष्ट्र राज्य परिवहन महामंडळाची वणी आगाराची वणी झरी ही बस दुर्घटनाग्रस्त होण्यापासून थोडक्यात बचावली. धावत्या बसचे समोरील चाक अचानक निघाले. चालकाने प्रसंगावधान राखल्याने मोठा अनर्थ टळला. या बसमध्ये १३ शाळकरी विद्यार्थी प्रवास करीत होते. धावत्या बसचे आयबीम पासून चाक वेगळे होऊन दूरवर फेकल्या गेले. समोरील चाक निघाल्याने बस अनियंत्रित होऊन मोठा अपघात घडला असता. पण चालकाने प्रसंगावधान राखत बसवर नियंत्रण मिळविल्याने मोठा अनर्थ टळला. ही घटना आज सकाळी ६.४५ ते ७ वाजताच्या सुमारास झरी जवळ घडली. बस डेपोमध्ये बसच्या देखभाल व दुरुस्तीकडे लक्ष दिले जात नसल्याने अशा प्रकारच्या घटना घडू लागल्या आहेत. एसटी महामंडळाच्या बसेस जागोजागी नादुरुस्त अवस्थेत उभ्या असलेल्या नेहमी पहायला मिळतात. फिटनेस चेक न करता बसेस प्रवासाकरिता पाठविल्या जात असल्याची गंभीर बाब परत एकदा या घटनेमुळे समोर आली आहे.  वणी आगाराची वणी झरी ही बस (MH ४० AQ ६०९२) सकाळी ६ वाजता झरीच्या प्रवासाला निघाली. मार्गातील गावांमध्ये थांबा घेत ही बस झरीकडे जात असतांना झरी जवळ या बसचे समोरील चाक आयबीम पासून वेगळे ...

प्रशांत चंदनखेडे वणी  पोळा व तान्हा पोळा हे पारंपरिक सन परिवारासह आनंदोत्सहात साजरे केले जातात. हे सण साजरे करतांना शांतता भंग होऊ नये म्हणून वणी पोलिस स्टेशन हद्दीतील सर्व दारू दुकाने व बियरबार दोन दिवस बंद ठेवण्याचा निर्णय पोलिस प्रशासनाने घेतला. त्यानुषंगाने १४ व १५ सप्टेंबरला सर्व प्रकारची दारूची दुकाने व बियरबार बंद ठेवण्यात आल्याने शहरात अवैधरित्या दारू विक्री होऊ नये, याचीही पोलिसांकडून खबरदारी घेण्यात येत आहे. ठाणेदार अजित जाधव यांनी गुन्हे शोध पथकाला अवैध दारू विक्रेत्यांवर धडक कार्यवाही करण्याचे आदेश दिले आहेत. त्यामुळे गुन्हे शोध पथक अलर्ट झालं असून पथकाने शहरात गस्त वाढविली आहे. शहरात अवैध दारू विक्री होऊ नये म्हणून गुन्हे शोध पथक शहरात गस्त घालीत असतांना त्यांना अवैध विक्री करीता मोटारसायकलने दारूची वाहतूक केली जात असल्याची गोपनीय माहिती मिळाली. पोलिसांनी अवैध विक्री करीता मोटरसायकलने दारू घेऊन जाणाऱ्या चार अवैध दारू विक्रेत्यांवर धडक कार्यवाही करून त्यांना अटक केली आहे. त्यांच्या जवळून पोलिसांनी १ लाख ७३ हजार ९४८ रुपयांचा मुद्देमाल जप्त केला आहे.  महारष्ट्र दारू ...

प्रशांत चंदनखेडे वणी  स्वस्त धान्य दुकानातून गोरगरिबांना मिळणारे धान्य वितरकच आपल्या घशात घालू लागले आहे. गोरगरिबांच्या उदरनिर्वाहासाठी शासनाकडून धान्य पुरविले जाते. स्वस्त धान्य दुकानाच्या माध्यमातून रेशनकार्ड धारकांना ते वितरित केले जाते. मात्र या धान्यावर आता वितरकच डल्ला मारू लागल्याने गोरगरिबांवर मोठा अन्याय होऊ लागला आहे. स्वस्त धान्य दुकानातील धान्य काळ्या बाजारात विकून वितरक गोरगरिबांच्या तोंडचा घास पळवू लागले आहेत. स्वस्त धान्य दुकानातील धान्याचा काळाबाजार करणाऱ्या एका वितरकाचा बेसा (लाठी) गावातील रहिवाशांनी पर्दाफाश केला आहे. रेशन दुकानातील धान्य लाभार्थ्यांना वितरित न करता त्याची परस्पर  विल्हेवाट लावणाऱ्या वितरकाचा गावकऱ्यांनी खरपुच समाचार घेतला. गावकऱ्यांच्या सतर्कतेमुळे स्वस्त धान्य वितरकाचा काळाबाजार चव्हाट्यावर आला आहे. स्वस्त धान्य दुकानातील धान्याची काळ्या बाजारात विक्री होत असल्याचे गावकऱ्यांनी तहसीलदारांच्याही निदर्शनास आणून दिले. गावकऱ्यांच्या तक्रारी नंतर तहसीलदारांनी स्वतः गावात येऊन स्वस्त धान्य दुकानातील धान्याचा साठा तपासाला असता त्यात मोठी तफावत आढळू...