LOKSANDESH

प्रशांत चंदनखेडे वणी  विधानसभा निवडणुकीचा ज्वर चढल्याने राजकीय वातावरण तापू लागलं आहे. मतदार संघात राजकीय हालचालींना वेग आला आहे. राजकीय घडामोडी तीव्र झाल्या आहेत. पक्षांचे कार्यकर्तेही जोमाने कामाला लागले आहेत. लोकशाहीचा हा उत्सव साजरा करण्याकरिता मतदारही सज्ज झाले आहेत. २० नोव्हेंबरला विधानसभेची सार्वत्रिक निवडणूक होऊ घातली आहे. विधानसभा लढविण्यास इच्छुक असलेल्या २० उमेदवारांनी  वणी मतदार संघातून  आपले नामांकन अर्ज दाखल केले होते. काल ३० ऑक्टोबरला उमेदवारी अर्जांची पडताळणी करण्यात आली. यात ५ उमेदवारी अर्ज रद्द करण्यात आले आहेत. उमेदवारीसाठी आवश्यक निकषांची पूर्तता करण्यात न आल्याने किंवा उमेदवारी अर्ज भरतांना काही त्रुटी राहिल्याने निवडणूक निर्णय अधिकाऱ्यांनी पडताळणी दरम्यान ५ उमेदवारी अर्ज रद्द केले. निवडणुकीतून नामांकन वापस घेण्याची शेवटची तारीख ४ नोव्हेंबर असून यानंतर किती उमेदवार निवडणूक रिंगणात राहतील हे स्पष्ट होणार आहे.  वणी मतदारसंघात महायुती व महाविकास आघाडी कडून उमेदवारी मिळविण्यासाठी घमासान पाहायला मिळाले. अनेकांनी उमेदवारी मिळविण्यासाठी अटीतटीचे प्रयत्न...

प्रशांत चंदनखेडे वणी  शहरातील भिमनगर येथे नवीन बांधकाम सुरु असलेल्या घरात गळफास घेतलेल्या अवस्थेत आढळलेल्या युवकाचा खून झाल्याचे प्राथमिक शवविच्छेदन अहवालावरून पुढे आले आहे. युवकाची आत्महत्या नसून त्याचा खून झाल्याचा प्राथमिक शवविच्छेदन अहवाल प्राप्त झाल्याने पोलिसांनी अज्ञात आरोपींविरुद्ध खुनाचा गुन्हा दाखल केला आहे. उज्वल चरणदास कांबळे (३०) असे या खून झालेल्या युवकाचे नाव आहे. मृतक उज्वल कांबळे हा बंडू दुर्गे यांचा जावई होता. तो मागील काही वर्षांपासून भीमनगर येथे स्थायिक झाला होता. कलर पेंटिंची कामे करून तो आपला प्रपंच चालवायचा. त्याच्या नवीन घराचं बांधकाम जवळपास पूर्ण झालं होतं. अशातच २७ ऑक्टोबरला रात्री ९.३० ते १० वाजताच्या सुमारास नवीन बांधकाम सुरु असलेल्या घरात खिडकीच्या ग्रीलला खुर्चीवर बसून गळफास घेतलेल्या अवस्थेत त्याचा मृतदेह आढळून आला. संशयास्पद स्थितीत त्याचा मृतदेह आढळून आल्याने परिसरात वेगवेगळ्या चर्चा रंगायला लागल्या. मृतकाच्या गळा व मानेवर व्रण आढळल्याने पोलिसांचाही संशय बळावला होता. शेवटी प्राथमिक शवविच्छेदन अहवालात युवकाची आत्महत्या नसून त्याचा खून झाल्याचे स्पष्ट...

प्रशांत चंदनखेडे वणी  यवतमाळ जिल्ह्यात भारतीय जनता पार्टी खातंही उघडू शकणार नाही अशा प्रकारची परिस्थिती आज निर्माण झाली आहे. भाजपने जनतेचा भ्रम निरास केला आहे. अनेक फसव्या योजना राबविल्या आहेत. शेतकऱ्यांची पूर्ती दैना या भाजप सरकारने केली आहे. शेतकऱ्यांना देशोधडीला लावणारं हे भाजप सरकार महाराष्ट्रातून उखडून टाकल्याशिवाय महाविकास आघाडी स्वस्थ बसणार नाही. मतदारांचा कल महाविकास आघाडीकडे वाढला आहे. सर्वसामान्यांना महाराष्ट्रात महाविकास आघाडीचं सरकार पाहिजे आहे. महाविकास आघाडीच बेरोजगारांना न्याय देऊ शकेल. महाविकास आघाडीचं सरकार महाराष्ट्रात आल्यास सरकारी नोकऱ्यांमधील खाजगीकरण रद्द करण्यात येईल. नोकरदार वर्गांसाठीचे जाचक जीआरही रद्द करण्यात येईल. सरकारी नोकऱ्यांमधील रिक्त पदांचा अनुशेषही तात्काळ भरण्यात येईल. सर्वसामान्यांच्या हिताचे निर्णय घेतले जातील. शेतकऱ्यांच्या शेतमालाला योग्य भाव देण्यात महाविकास आघाडी कटिबद्ध राहील.  जी आश्वासने निवडणुकीपूर्वी महाविकास आघाडीकडून देण्यात येत आहेत, ती सर्व पूर्ण करण्याचा महाविकास आघाडीचा सर्वोतपरी प्रयत्न राहील. निवडणुकीच्या तोंडावर महिलांचा ...

  प्रशांत चंदनखेडे वणी  राजकीय पक्षांची समीकरणं बदलविणारी वंचित बहुजन आघाडी गेम चेंजरच्या भूमिकेत समोर आली आहे. राजकीय पक्षांचे डावपेच पालथे घालण्यात वंचित बहुजन आघाडीने महत्वपूर्ण भूमिका बजावली आहे. वंचित बहुजन आघाडीचे मतदारही कट्टर आहेत. एकनिष्ठ मतदारांमुळे वंचितने दिग्गज उमेदवारांची गणितं बिघडविली आहे. प्रमुख राजकीय पक्षांनी नेहमीच वंचितचा धसका घेतला आहे. विधानसभेच्या २०१४ व २०१९ च्या विधानसभा निवडणुकीत वंचितच्या उमेदवारांनी घेतलेली मते राजकीय मात्तबरांची डोळे विस्फारणारी ठरली. मागील दहा वर्षात एक मोठा पक्ष म्हणून वंचितने उसंडी घेतली आहे. २०१९ च्या विधानसभा निवडणुकीत वणी मतदार संघातून डॉ. महेंद्र लोढा यांना उमेदवारी देण्यात आली होती. त्यांनी १५ हजारांच्यावर मते घेऊन दिग्गजांना भुवया उंचावण्यास भाग पाडले होते. २०२४ च्या पंचवार्षिक निवडणुकीत सर्वसामान्यांशी नाळ जुळलेल्या एका जाणकार, अनुभवी व दांडगा जनसंपर्क असलेल्या व्यक्तीला वंचित कडून उमेदवारी मिळण्याचे जवळपास निश्चित झाले आहे. जेष्ठ पत्रकार तथा समाजकारण व राजकारणात वलय निर्माण करणारे राजेंद्र निमसटकर यांना वंचित कडून उमेदव...

प्रशांत चंदनखेडे वणी  वणी विधानसभा क्षेत्रातील संयमी राजकारणी म्हणून ओळखले जाणारे संजय देरकर यांनी अगदीच संयमाने उमेदवारी आपल्या पारड्यात पाडून घेतली. उमेदवारी मिळविण्यासाठी त्यांनी आपला पूर्ण अनुभव पणाला लावला. आपलं कार्य व दीर्घ अनुभवाच्या जोरावर त्यांनी उमेदवारी खेचून आणली. महाविकास आघाडीत वणी मतदार संघावरून कमालीची रस्सीखेच सुरु होती. वणी मतदार संघ कुणाच्या वाट्याला जाईल, या चर्चेने रान उठलं होतं. सेना की काँग्रेस हा कुतूहल निर्माण झालेला असतांनाच वणी मतदार संघ शिवसेनेच्या (उबाठा) वाट्याला गेल्याचे जाहीर करण्यात आले. तसेच शिवसेनेकडून संजय देरकर यांच्या उमेदवारीची घोषणा करण्यात आली. शिवसेना वणी विधानसभा प्रमुख म्हणून त्यांनी केलेल्या कार्याची दखल घेत पक्षाने त्यांना उमेदवारी बहाल केली. शिवसेना वणी विधानसभा क्षेत्राचं कुशल नेतृत्व म्हणून पक्षाने त्यांच्यावर विश्वास दाखविला. वणी मतदार संघाचे महाविकास आघाडीचे अधिकृत उमेदवार म्हणून संजय देरकर हे उद्या २९ ऑक्टोबरला आपला नामांकन अर्ज दाखल करणार आहेत. महाविकास आघाडीचे सर्व नेते, पदाधिकारी, कार्यकर्ते व समर्थकांसह ते आपला उमेदवारी अर्ज ...

प्रशांत चंदनखेडे वणी  वणी विधानसभा क्षेत्रातून सलग दोन पंचवार्षिक निवडणुकीत विजय साकार करणाऱ्या संजीवरेड्डी बोदकुरवार यांनी २०२४ च्या विधानसभा निवडणुकीतही विजयाचा झेंडा फाटकाविण्याचं उद्दिष्ट ठेऊन आज हजारो समर्थकांच्या उपस्थितीत उमेदवारी अर्ज दाखल केला. विजयाची हॅट्रिक साधण्याचा निर्धार करून ते निवडणुकीच्या मैदानात उतरले आहेत. विजयी घौडदोड कायम ठेवण्याचा त्यांचा संकल्प दिसून येत आहे. उमेदवारीसाठी निर्माण झालेल्या आव्हानात्मक परिस्थितीतूनही त्यांनी उमेदवारी आपल्या पदरी पाडून घेतली. पक्षाचा विश्वास संपादन करण्यात त्यांनी यश मिळविले. भाजपने संजीवरेड्डी बोदकुरवार यांनाच पसंती देऊन त्यांच्यावर विश्वास दाखविला आहे. भाजप कडून उमेदवारी जाहीर झाल्यानंतर आज २८ ऑक्टोबराला बोदकुरवार यांनी जोरदार शक्ती प्रदर्शन करीत हजारो समर्थकांच्या उपस्थितीत आपला नामांकन अर्ज दाखल केला. त्यांचे नामांकन दाखल करण्याकरिता मध्यप्रदेशचे कॅबिनेट मंत्री प्रल्हाद सिंग पटेल यांनी देखील उपस्थिती दर्शविली होती. यावेळी शासकीय मैदानावर भव्य सभा घेण्यात आली.  संजीवरेड्डी बोदकुरवार हे आज नामांकन अर्ज दाखल करणार असल्या...

प्रशांत चंदनखेडे वणी  शहरातील भिमनगर येथे वास्तव्यास असलेला विवाहित युवक नविन बांधकाम सुरु असलेल्या घरात खिडकीच्या ग्रीलला गळफास घेतलेल्या अवस्थेत आढळून आला. २७ ऑक्टोबरला रात्री ९.३० ते १० वाजताच्या सुमारास युवक हा गळफास घेतलेल्या अवस्थेत आढळून येताच कुटुंबीयांनी तात्काळ त्याला ग्रामीण रुग्णालयात दाखल केले. मात्र तेथील डॉक्टरांनी त्याला तपासून मृत घोषित केले. त्यांनतर घटनेची माहिती पोलिस स्टेशनला देण्यात आली. पोलिसांनी पंचनामा करून मृतदेह उत्तरीय तपासणीकरिता पाठविला. उज्वल चरणदास कांबळे (३०) असे या गळफास घेतलेल्या अवस्थेत आढळलेल्या युवकाचे नाव आहे.  मृतक हा काही वर्षांपासून भिमनगर येथे सासरी राहत होता. बंडू दुर्गे यांचा तो जावई होता. तो कलर पेंटिंगची कामे करायचा. त्याच्या नवीन घराचे बांधकाम सुरु होते. बांधाकाम सुरु असलेल्या घरातच रात्री खिडकीच्या ग्रीलला गळफास घेतलेल्या अवस्थेत तो आढळून आला. गळफास घेतलेल्या अवस्थेत त्याचा मृतदेह आढळून आल्याने परिसरात चर्चेतून हळहळ व्यक्त होतांना दिसत आहे. उज्वल कांबळे याच्या पश्च्यात पत्नी, दोन छोटी मुले असा आप्त परिवार आहे. त्याच्या मृत्यूचे ...

प्रशांत चंदनखेडे वणी  ट्रकने दुचाकीला मागून जोरदार धडक दिल्याने झालेल्या भीषण अपघातात एकाच कुटुंबातील तीन जण गंभीर जखमी झाले आहेत. यातील दोघांची प्रकृती चिंताजनक असून तिघांनाही पुढील उपचाराकरिता चंद्रपूर येथे रेफर करण्यात आले आहे. हा अपघात शनिवार दि. २६ ऑक्टोबरला रात्री ८.३० वाजताच्या सुमारास वणी वरोरा मार्गावरील मलिक चिकन सेंटर पासून काही अंतरावर घडला. पती, पत्नी व मुलगी दुचाकीने वरोऱ्याला जात असतांना भरधाव ट्रकने दुचाकीला मागून जोरदार धडक दिली. या अपघातात कुटुंबातील तीनही जण गंभीर जखमी झाले आहेत. मलिक चिकन सेंटर जवळच पोलिस चेक पोस्ट उभारण्यात आलं आहे. त्यामुळे अपघात होताच पोलिसांनी घटनास्थळी धाव घेऊन जखमींना तात्काळ रुग्णालयात हलविले. महिलेच्या पायाला तर मुलीच्या हाताला गंभीर दुखापत झाली आहे.  वणी येथे कार्यक्रमासाठी आलेलं हे कुटुंबं कार्यक्रम आटपून वरोरा येथे परतत होतं. दरम्यान वणी वरोरा मार्गावरील मलिक चिकन सेंटर जवळ त्यांच्या दुचाकीला मागून भरधाव येणाऱ्या ट्रकने जोरदार धडक दिली. या भीषण अपघातात दुचाकीवरील तीनही जण गंभीर जखमी झाले आहेत. राजिक गफूर शेख (३४) हे वणी येथील मेघ...

प्रशांत चंदनखेडे वणी  वणी तालुक्यातील ढाकोरी (बोरी) येथील युवा शेतकऱ्याने नैराश्येतून विषाचा घोट घेत जगाचा निरोप घेतला. सणासुदीच्या काळात या युवा शेतकऱ्याने विवंचनेतून मृत्यूला कवटाळले. शेतातच त्याने विषारी द्रव्य प्राशन केले. त्यानंतर त्याला तात्काळ कोरपना ग्रामीण रुग्णालयात आणण्यात आले. मात्र तोपर्यंत बराच उशीर झाला होता. रुग्णालयातील डॉक्टरांनी त्याला तपासून मृत घोषित केले. किशोर अण्णाजी देठे वय अंदाजे ३५ वर्षे असे या विषाचा घोट घेतलेल्या शेतकऱ्याचे नाव आहे.  शेतकऱ्यांच्या वाढत असलेल्या आत्महत्या चिंतेचा विषय बनला आहे. निसर्गाच्या लहरीपणाचा फटका व मिळणारी तुटपुंजी मदत यामुळे शेतकरीवर्ग प्रचंड नैराश्येत आला आहे. नैराश्येतून शेतकरी आत्महत्येसारखे टोकाचे पाऊल उचलू लागला आहे. आस्मानी व सुलतानी संकटाने तो घायाळ झाला आहे. ढाकोरी (बोरी) येथे परिवारासह वास्तव्यास असलेला किशोर देठे हा युवा शेतकरी आपली वडिलोपार्जित शेती वाहून आपल्या कुटुंबाचा गाडा हाकायचा. आज २७ ऑक्टोबराला सकाळी तो नेहमी प्रमाणे शेतात गेला. आणि शेतातच त्याने विषारी द्रव्य प्राशन केले. त्याने विष प्राशन केल्याचे कुटुं...

प्रशांत चंदनखेडे वणी  मारेगाव तालुक्यातील बाबईपोड येथील मृतावस्थेत आढळलेल्या युवकाच्या मृत्यूचे गूढ उकलण्यात पोलिसांना यश आले आहे. अवघ्या २४ तासांतच पोलिसांनी युवकाच्या मृत्यू प्रकरणाचा उलगडा केला. विनाकारण वाद घालून दोघांनी मिळून या विवाहित युवकाचा खून केल्याचे पोलिस तपासात निष्पन्न झाले आहे. युवकाची हत्या करणाऱ्या दोन्ही आरोपींना पोलिसांनी अटक केली आहे. खुनाच्या या घटनेने मारेगाव तालुका हादरला आहे. २५ ऑक्टोबरला सकाळी ९ वाजताच्या सुमारास युवकाचा संशयास्पद स्थितीत मृतदेह आढळून आला. मृतकाच्या वडिलाने मुलाचा अज्ञात मारेकऱ्यांनी खून केल्याचा संशय पोलिस स्टेशनला दिलेल्या तक्रारीतून व्यक्त केला होता. त्यानंतर शवविच्छेदन अहवालावरूनही युवकाचा खून झाल्याचे स्पष्ट झाले. त्यामुळे एसडीपीओ गणेश किंद्रे यांच्या मार्गदर्शनात मारेगाव पोलिसांनी चहू बाजूंनी वेगवान तपास करीत अवघ्या २४ तासांतच खुन्यांच्या मुसक्या आवळल्या. भीमराव तुकाराम मडावी (३१) रा. बाबईपोड ता. मारेगाव असे या खून झालेल्या युवकाचे नाव आहे. तर गोलू पुसदेकर व संतोष पडोळे दोघेही रा. कुंभा अशी या पोलिसांनी अटक केलेल्या आरोपींची नावे आहे...

प्रशांत चंदनखेडे वणी  मनसेचे राज्य नेते राजू उंबरकर हे आज उमेदवारी अर्ज दाखल करणार असल्याने त्यांच्या समर्थनार्थ मोठा जनसमुदाय शासकीय मैदानावर जमा झाला. शेकडो समर्थकांच्या उपस्थितीत राजू उंबरकर यांनी आज आपला नामांकन अर्ज दाखल केला. समर्थकांनी मनसेचे झेंडे हातात घेऊन त्यांच्या समर्थनार्थ घोषणा दिल्या. वणी विधानसभा क्षेत्रातील मनसेचे पदाधिकारी व कार्यकर्तेही यावेळी मोठ्या संख्येने उपस्थित झाले होते. दरम्यान शासकीय मैदानावर छोटेखानी कार्यक्रम घेण्यात आला. त्यानंतर शासकीय मैदानावरूनच भव्य मिरवणूक काढण्यात आली. ही मिरवणूक शहरातील प्रमुख मार्गाने मार्गक्रमण करीत तहसील कार्यालयाजवळ पोहचल्यानंतर राजू उंबरकर यांनी उपविभागीय अधिकारी व सहाय्यक निवडणूक निर्णय अधिकारी यांच्याकडे आपला उमेदवारी अर्ज सादर केला.  विदर्भात राजू उंबरकर यांना सर्वप्रथम विधानसभेची उमेदवारी जाहीर करून राज ठाकरेंनी आपला विदर्भातील हुकुमी एक्का पुन्हा एकदा निवडणूक रिंगणात उतरवला आहे. याच पार्श्वभूमीवर आज राजू उंबरकर यांनी शहरातून रॅली काढत आपल्या शेकडो समर्थकांसह वणी विधानसभा मतदार संघासाठी नामांकन अर्ज दाखल केला. वण...

प्रशांत चंदनखेडे वणी  वणी विधानसभा मतदार संघ शिवसेनेच्या (उबाठा) वाट्याला गेल्यानंतर शिवसेनेकडून संजय देरकर यांना उमेदवारी जाहीर करण्यात आली. शिवसेनेकडून उमेदवारी मिळावी म्हणून शर्थीचे प्रयत्न करणारे संजय देरकर हे काही दिवसांपासून मुंबईतच ठाण मांडून होते. उमेदवारी जाहीर झाल्यानंतर ते मुंबई वरून परतीच्या मार्गाला निघाले. वणी मतदार संघातून उमेदवारी मिळावी याकरिता अनेक दिग्गज नेत्यांनी फिल्डिंग लावली होती. त्यामुळे या मतदार संघाकडे संपूर्ण राजकीय वर्तुळाचे लक्ष लागले होते. सेना की काँग्रेस असा क्षणोक्षणी उत्कंठा वाढविणारा वणी मतदार संघ अखेर शिवसेनेच्याच वाट्याला गेला.  संजय देरकर हे शिवसेनेकडून उमेदवारीसाठी स्ट्रॉंग दावेदार मानले जात होते. आणि पक्षानेही त्यांच्यावरच विश्वास दाखवून त्यांना उमेदवारी बहाल केली. मुंबई वरून उमेदवारी घेऊन वणीला परतलेल्या संजय देरकर यांचं शिवसेनेचे पदाधिकारी, कार्यकर्ते व समर्थकांनी जोरदार स्वागत केलं. संजय देरकर यांचं शिवतीर्थ येथे आगमन झाल्यानंतर ढोलताशांच्या गजरात व फटाक्यांच्या आतिषबाजीत शिवसैनिकांनी त्यांचं भव्य स्वागत व अभिनंदन केलं. उमेदवारी खेचू...

प्रशांत चंदनखेडे वणी  महाराष्ट्र नवनिर्माण सेनेचे राज्य नेते राजू उंबरकर यांना पक्षाकडून उमेदवारी जाहीर झाल्यानंतर ते आज २५ ऑक्टोबरला उमेदवारी अर्ज दाखल करणार आहेत. वणी विधानसभा मतदार संघासाठी उमेदवारी अर्ज दाखल करतांनाच राजू उंबरकर यांच्या कडून जोरदार शक्ती प्रदर्शन करण्यात येणार आहे. मनसेच्या सर्व पदाधिकारी, कार्यकर्ते व वणी विधानसभा क्षेत्रातील सर्व समर्थकांना सोबत घेऊन ते आज नामांकन अर्ज दाखल करणार आहेत. दरम्यान शासकीय मैदान येथे मनसेकडून आयोजित एका छोटेखाणी कार्यक्रमात जनतेचा आशीर्वाद घेऊन ते निवडणुकीच्या पुढील तयारीला लागणार आहेत.  महाराष्ट्र नवनिर्माण सेनेत प्रदीर्घ वाटचाल करतांनाच पक्षाच्या धेय्य धोरणावर चालणाऱ्या राजू उंबरकर यांनी वणी विधानसभा क्षेत्रात पक्षाचं मूल्यांकन वाढविलं आहे. ताकदीने पक्षाची धुरा वाहिली आहे. पक्ष कार्यात स्वतःला वाहून घेतलं आहे. वणी विधानसभा क्षेत्रासह संपूर्ण जिल्ह्यात पक्षाचा दबदबा कायम ठेवला आहे. पक्षाच्या माध्यमातून तेवढ्याच ताकदीने जनतेचे प्रश्नही सोडविले आहेत. हक्काचा नेता म्हणून सर्वसामान्य जनता त्यांच्याकडे हक्काने आपल्या समस्या घेऊन ज...

प्रशांत चंदनखेडे वणी  दरोड्याच्या प्रयत्नातील फरार आरोपीला अटक करण्यात शिरपूर पोलिसांना यश आले आहे. तो  मागील तीन वर्षांपासून पोलिसांना हुलकावणी देत होता.   त्याला चंद्रपूर जिल्ह्यातील घुग्गुस येथून मोठ्या शिताफीने अटक करण्यात आली आहे. नौशाद शाहदातुल्ला कुरेशी (३४) रा. वार्ड क्रमांक २ घुग्गुस असे या पोलिसांनी अटक केलेल्या आरोपीचे नाव आहे.  त्याला केळापूर सत्र न्यायालयात हजर केले असता न्यायालयाने त्याची न्यायालयीन कोठडीत रवानगी केली. सशस्त्र दरोडा टाकण्याच्या तयारीत असलेला हा आरोपी मागील तीन वर्षांपासून फरारीत होता. शिरपूर पोलिसांच्या सतर्कतेने दरोडेखोरांचा दरोड्याचा प्रयत्न फसला होता. मात्र नौशाद कुरेशी हा अट्टल चोरटा त्यावेळी पळून जाण्यात यशस्वी ठरला होता. तेंव्हा पासून पोलिस त्याचा कसून शोध घेत होते. मात्र वेळोवेळी तो पोलिसांना हुलकावणी देत होता. परंतु गुन्हेगारांना लपलेल्या बिळातून शोधून काढण्यात तरबेज असलेले ठाणेदार माधव शिंदे यांचे हात शेवटी आरोपी पर्यंत पोहोचलेच. २३ ऑक्टोबरला शिरपूर पोलिस स्टेशन हद्दीत गस्त घालत असतांना ठाणेदार माधव शिंदे यांना आरोपीबाबत खात्री...

  प्रशांत चंदनखेडे वणी  वणी तहसील कार्यालयातील अन्न धान्य पुरवठा विभागाच्या पुरवठा निरीक्षकाला ७० हजार रुपयांची लाच स्वीकारतांना लाचलुचपत प्रतिबंधक विभागाच्या अधिकाऱ्यांनी रंगेहात अटक केली. ही कार्यवाही दुपारी ४ ते ४.३० वाजताच्या सुमारास करण्यात आली. या कार्यवाहीने महसूल विभागात एकच खळबळ उडाली आहे. एक जबाबदार अधिकारी राशन दुकानदाराकडून लाच घेतांना एसीबीच्या जाळ्यात अडकल्याने शहरात एकच चर्चा रंगली आहे. प्रशासकीय विभागात वाढत चाललेली लाचखोर प्रवृत्ती चिंतेचा विषय बनली आहे. काळ्या पैशाच्या मोहात अधिकारी भ्रष्टाचारी बनू लागल्याने कामकाजात पारदर्शकता राहिली नसल्याचे दिसून येत आहे. अधिकाऱ्यांचे खिशे गरम केल्याशिवाय कोणतीही महत्वाची कामे होत नसल्याचे अनेकांचे अनुभव आहेत. एसीबीच्या या कार्यवाहीने परत एकदा प्रशासकीय अधिकाऱ्यांची भ्रष्ट प्रवृत्ती उघडकीस आली आहे.  महसूल प्रशासनाच्या अन्न धान्य पुरवठा विभागातील नवनियुक्त पुरवठा निरीक्षक संतोष उईके यांच्यावर आज २४ ऑक्टोबराला लाचलुचपत प्रतिबंधक विभागाने धडक कार्यवाही केली. भालर येथील स्वस्त धान्य वितरक बंडू देवाळकर यांच्याकडून ७० हजार ...

प्रशांत चंदनखेडे वणी  वणी तालुक्यातील शेलू गावाजवळून वाहणाऱ्या वर्धा नदी पात्रात अज्ञात इसमाचा मृतदेह आढळून आल्याने एकच खळबळ उडाली. याबाबत पोलिसांना माहिती मिळताच पोलिसांनी तात्काळ घटनास्थळी धाव घेतली. मृतदेह नदीबाहेर काढून मृतदेहाची ओळख पटविण्याचा पोलिसांनी प्रयत्न केला. परंतु मृतक हा कुणाच्याच परिचयाचा न निघाल्याने पोलिसांनी घटनास्थळाचा पंचनामा करून मृतदेह उत्तरीय तपासणी करीता ग्रामीण रुग्णालयात पाठविला. पोलिस मृतकाच्या कुटुंबीयांचा शोध घेण्याचा प्रयत्न करीत आहे.  २३ ऑक्टोबरला दुपारी ४ वाजताच्या सुमारास शेलू शिवारातील वर्धा नदी पात्रात गावातील काही लोकांना एका अज्ञात इसमाचा मृतदेह आढळून आला. त्यांनी ही माहिती गावचे पोलिस पाटील आवारी यांना दिली. आवारी यांनी वणी पोलिस स्टेशनला कळविले. पोलिसांनी तात्काळ घटनास्थळ गाठून मृतदेह नदीबाहेर काढला. मृतकाची ओळख पटेल असे काहीही त्याच्याजवळ आढळले नाही. घटनास्थळी मृतदेहाची ओळख न पटल्याने पोलिसांनी घटनास्थळाचा पंचनामा करून मृतदेह उत्तरीय तपासणी करीता ग्रामीण रुग्णालयात पाठविला. मृतक हा अंदाजे ५० ते ५५ वर्षे  वयोगटातील असल्याचे सांगण्या...

प्रशांत चंदनखेडे वणी  महाविकास आघाडीत वणी मतदार संघासाठी सुरु असलेली रस्सीखेच आता थांबली आहे. काँग्रेस की सेना असा क्षणोक्षणी उत्कंठा वाढविणारा वणी मतदार संघ शेवटी शिवसेनेच्या (उबाठा) वाट्याला गेल्याने यावरून सुरु असलेल्या "राज" कारणावरून आता पडदा हटला आहे. वणी मतदार संघासाठी शिवसेना (उबाठा) सुरुवाती पासूनच आग्रही होती. शिवसेनेने या मतदार संघावर आपला दावाही सांगितला होता. शेवट पर्यंत शिवसेनेने वणी मतदार संघासाठीचा हट्ट न सोडल्याने महाविकास आघाडीला ही जागा शिवसेनेकरिता सोडावी लागली. अशातच शिवसेनेचे वणी विधानसभा प्रमुख संजय देरकर यांनी शिवसेनेकडून उमेदवारी मिळावी म्हणून जोरदार प्रयत्न चालविले होते. शिवसेनेकडून त्यांची दावेदारीही प्रबळ मानली जात होती. त्यांनी उमेदवारीसाठी हरसंभव प्रयत्न केले. शेवटी त्यांच्या प्रयत्नांना यश आले, व पक्षाने त्यांना उमेदवारी बहाल केली.  महाविकास आघाडीत वणी विधानसभा क्षेत्रावरून रान पेटले असतांना शिवसेनेने मात्र या मतदार संघावरील आपला दावा सोडला नाही. आणि संजय देरकर यांच्यावरच विश्वास दाखवून त्यांना उमेदवारी जाहीर केली. संजय देरकर यांना उमेदवारी जाही...

प्रशांत चंदनखेडे वणी  संताजी एक शाखीय तेली समाजाचा कोजागिरी निमित्ताने पारिवारिक स्नेहमिलन सोहळा बाजोरिया लॉन वणी येथे संपन्न झाला. कार्यक्रमाच्या अध्यक्षस्थानी रवि बेलुरकर हे होते. कार्यक्रमाला तानाजी पाऊनकर, बाबाराव खांदनकर, माजी नगरसेवक संतोष डंभारे, गिता पिपराडे, स्मिता डवरे आदी समाजातील जेष्ठ मान्यवर मंडळी उपस्थित होती.  आज आपला समाज एकत्र करून हे पारिवारिक संमेलन आयोजित केले. समाज बांधवंना यापुढे ही कार्यक्रमाच्या माध्यमातून एकत्र आणू अशी इच्छा अध्यक्ष रवि बेलुरकर यांनी व्यक्त केली. यावेळी गिता पिपराडे व सीमा डवरे यांनीही आपापले मनोगत व्यक्त केले. या कार्यक्रमात एकुण 145 कुटुंबासह 600 समाजबांधव उपस्थित होते. यावेळी परिवाराचा परीचय घेण्यात आला. तसेच महिला व लहान मुलांसाठी काही मनोरंजक खेळ घेण्यात आले. या खेळांमध्ये बक्षीसही देण्यात आल्याने त्यांच्या  उत्साहात आणखीच भर पडली. कार्यक्रमाचे प्रास्ताविक रविंद्र लिचोडे यांनी केले. सूत्रसंचालन लक्ष्मी पाटील तर आभारप्रदर्शन कैलास पिपराडे यांनी केले.  कार्यक्रमाच्या यशस्वीतेसाठी आयोजन समितीचे संतोष डंभारे, विलास क्षिरसाग...

प्रशांत चंदनखेडे वणी  वणी विधानसभा क्षेत्राचे आमदार संजीवरेड्डी बोदकुरवार यांच्या वतीने आज विराणी फंक्शन हॉलमध्ये पत्रकार परिषद आयोजित करण्यात आली. आमदार संजीवरेड्डी बोदकुरवार हे भारतीय जनता पार्टीच्या महाराष्ट्र सरकारच्या विकासकामांची मीमांसा करीत आपल्या १० वर्षाच्या कार्यकाळात वणी विधासभा क्षेत्रात केलेल्या विकासकामांचा आराखडा मांडत असतांनाच पक्षाकडून उमेदवारांची पहिली यादी जाहीर झाल्याचे वृत्त झळकले. या यादीत आमदार संजीवरेड्डी बोदकुरवार यांचे नाव ३१ व्या क्रमांकावर होते. पक्षाने उमेदवारी दिल्याचे जाहीर होताच आमदारांचा चेहरा आनंदाने फुलून निघाला. उमेदवारी मिळण्याबाबत सुरु असलेली धाकधूक संपल्याने आमदार भारावून गेले. कार्यकर्त्यांनीही एकच जल्लोष केला. मात्र उमेदवारी जाहीर झाल्याने आमदारांनी पत्रकार परिषदेत मनातील खद व जास्तीचे स्पष्टीकरण देणे टाळले. पत्रकार परिषदेतच उमेदवारी मिळाल्याचा आनंद साजरा करण्यात आला. विद्यमान आमदारांवरच पक्षाने विश्वास दाखविल्याने पक्ष भाकरी फिरविणार असल्याच्या चर्चेला पूर्ण विराम मिळाला आहे.  विधानसभा निवडणुकीचा बिगुल वाजल्याने इच्छुकांच्या उमेदवारीस...

प्रशांत चंदनखेडे वणी  वणी यवतमाळ मार्गावरील लालपुलिया येथे अपघातात ठार झालेल्या युवकाची अद्यापही ओळख पटलेली नाही. १४ ऑक्टोबरला रात्रीच्या सुमारास या युवकाचा अज्ञात वाहनाच्या धडकेत मृत्यू झाला. रात्री १०.१५ वाजताच्या सुमारास पोलिसांना एक अनोळखी युवक अपघातात ठार झाल्याची माहिती मिळाली. पोलिसांनी घटनास्थळी जाऊन घटनास्थळाचा पंचनामा केला, व मृतदेह उत्तरीय तपासणी करीता ग्रामीण रुग्णालयात पाठविला. त्यानंतर मृतकाची ओळख पटविण्याचा पोलिसांकडून पूर्ण प्रयत्न करण्यात आला. बेपत्ता युवकांच्या तक्रारी असलेल्या कुटुंबीयांकडूनही मृतकाची ओळख पटविण्याचा प्रयत्न करण्यात आला. आसपासच्या पोलिस स्टेशन मधीलही बेपत्ता युवकांच्या तक्रारी तपासण्यात आल्या. मात्र अद्यापही अपघातात मरण पावलेल्या या युवकाची ओळख पटलेली नाही. मृतकाची ओळख पटविण्याचा हरसंभव प्रयत्न केल्यानंतर शेवटी पोउपनि अश्विनी रायबोले यांच्या फिर्यादी वरून अज्ञात वाहन चालकाविरुद्ध गुन्हा दाखल करण्यात आला आहे.  लालपुलिया येथील मोहम्मद अन्सारी यांच्या टायर पंचर दुरुस्तीच्या दुकानाजवळ एका युवकाचा अपघात होऊन तो जागीच ठार झाला असल्याची माहिती पोलिस...

प्रशांत चंदनखेडे वणी  सद्गुरू जगन्नाथ महाराज संस्थान वेगावच्या नावाने नोंदणीकृत असलेली झरी जामणी तालुक्यातील रुईकोट येथील शेत जमीन मे. बी.एस. इस्पात लि. या कोळसाखानी करीता परस्पर विक्री केल्याचा बंडू देवाळकर या व्यक्तीने पत्रकार परिषदेतून केलेला आरोप धादांत खोटा असून एखाद्याची स्वच्छ प्रतिमा मलिन करण्याचा हा केविलवाणा प्रयत्न आहे. यामागे राजकीय षडयंत्र असून त्याचा बोलविता धनी कुणी तरी वेगळाच आहे. राजकीय कुरघोडीतुन अशा प्रकरे लांछन लावण्याचे कुटील प्रयत्न सुरु झाले आहेत. जगन्नाथ महाराज संस्थानच्या नावाने धर्मादाय आयुक्तांकडे नोंदणीकृत असलेली ही शेत जमीन त्यांची रीतसर परवानगी घेऊनच विक्री करण्यात आली आहे. तसेच जगन्नाथ महाराज देवस्थान समितीचा ठराव घेऊन व ठराव बुकात नोंदणी करून हा व्यवहार करण्यात आला आहे. त्यामुळे जगन्नाथ महाराज संस्थानच्या नावे असलेली शेत जमीन आर्थिक हव्यासापोटी परस्पर विक्री केल्याचा हेतुपुरस्सरपणे करण्यात आलेला आरोप बिनबुडाचा असल्याचे स्पष्टीकरण जगन्नाथ महाराज संस्थानचे विश्वस्त संजय देरकर यांनी पत्रकार परिषदेतून दिले.  जगन्नाथ महाराज संस्थानची जमीन बी. एस. इस्...

प्रशांत चंदनखेडे वणी  वणी विधानसभा क्षेत्रातील शेतकरी, शेतमजूर, बेरोजगार व सर्वसामान्यांच्या विविध समस्या व ज्वलंत प्रश्नांना घेऊन आज १५ ऑक्टोबरला तहसील कार्यालयासमोर काँग्रेसने एक दिवसीय धरणे आंदोलन केले. काँग्रेसचे यवतमाळ जिल्हा सरचिटणीस व कापूस पणन महासंघाचे संचालक संजय खाडे यांच्या नेतृत्वात हे आंदोलन करण्यात आले. यावेळी काँग्रेसचे सर्व नेते, पदाधिकारी व कार्यकर्ते मोठ्या संख्येने उपस्थित होते. या धरणे आंदोलनात शासनाच्या फसव्या धोरणांचा तीव्र निषेध करतांनाच शासन व प्रशासनाविरुद्ध तीव्र नारेबाजी करण्यात आली.   निराधार लाभार्थ्यांचे रखडलेले पैसे त्वरित जमा करावेत. कापसासाठी ₹10000 व सोयाबीनसाठी ₹9000 भाव द्यावा. घरकुल योजनेचे प्रलंबित हफ्ते तत्काळ जमा करण्यात यावेत. वन्यप्राण्यांमुळे पिकांच्या नुकसानीचे दावे त्वरित मंजूर करावेत. जंगली जनावरांमुळे उद्भवणारी समस्या कायमस्वरुपी सोडविण्यात यावी, जंगल आणि शेतकऱ्यांच्या शेतांभोवती पक्के कंपाऊंड बांधले जावे, जंगली जनावरांमुळे होणारे नुकसान पिक विमा योजनेत समाविष्ट करावे. शेतकऱ्यांना दिवसा 12 तास नियमित वीज पुरवठा करावा. पीक वि...

प्रशांत चंदनखेडे वणी  वन्य प्राण्यांच्या हौदोसाने शेत पिकांचे प्रचंड नुकसान होऊनही शेतकऱ्यांना अद्याप नुकसान भरपाई मिळाली नाही. त्यामुळे शेतकऱ्यांनी आंदोलनाचे हत्यार उपसले. वन्य प्राण्यांनी शेत पिकांच्या केलेल्या नुकसानीची भरपाई देण्याच्या मागणीला घेऊन नायगाव (खु.) येथील शेतकऱ्यांनी वन विभागाच्या कार्यालयासमोर १० ऑक्टोबर पासून बेमुदत ठिय्या आंदोलन सुरु केलं. शेतकऱ्यांच्या या आंदोलनाला शिवसेना वणी विधानसभा प्रमुख संजय देरकर यांनी आपला पाठिंबा दर्शविला. त्यांनी आंदोलन स्थळाला भेट देऊन शासन दरबारी त्यांच्या मागण्या मांडण्याचे आश्वासन देतानाच आंदोलन स्थळावरूनच त्यांनी यवतमाळचे खासदार संजय देशमुख यांच्याशी फोनवर चर्चा केली. खासदार संजय देशमुख यांच्याशी शेतकऱ्यांच्या मागण्यांबाबत झालेल्या चर्चेनंतर संजय देशमुख यांनी शेतकऱ्यांच्या आंदोलनाची दखल घेतली. तसेच शेतकऱ्यांना शेत पिकांची नुकसान भरपाई मिळवून देण्याचे त्यांनी संजय देरकर यांना आश्वासन दिले.   वन्य प्राण्यांच्या हौदोसाने शेतकरी प्रचंड हैराण झाले आहेत. शेतात रानटी जनावरं धुमाकूळ घालत असल्याने उभी पिकं नेस्तनाभूत होऊ लागली आह...

प्रशांत चंदनखेडे वणी   निलंबनाच्या कार्यवाहीने सध्या वणी पोलिस स्टेशन गाजत आहे. दोन पोलिस शिपायांचे निलंबन झाल्याची घटना ताजी असतांनाच वणी पोलिस स्टेशन मधील आणखी एका महिला पोलिस कर्मचाऱ्यावर निलंबनाची कार्यवाही करण्यात आल्याने एकच खळबळ उडाली आहे. शहरातील सुजाता टॉकीज परिसरात एका दुचाकीवर दंडात्मक कार्यवाही केल्यानंतर दंडाची रक्कम स्वतःच्या फोन-पे वर मारून घेतली. नंतर दुचाकी मालकाला चालन पावती मात्र कमी रक्कमेची मिळाल्याने पोलिसांची कर्तव्यनिष्ठता चव्हाट्यावर आली. मोटारसायकलवर चलान करण्याच्या नावाखाली जनतेची आर्थिक लूट करण्यात येत असल्याचा प्रकार समोर आला आहे. पोलिसांच्या ढासळलेल्या नीतिमत्तेचा व्हिडिओ नंतर सोशल मीडियावर वायरल झाला. वृत्त वाहिन्यांवरून पोलिसांच्या असंवेदनशीलतेचे धिंडवडे काढण्यात आले. तसेच पोलिसांच्या या पैसेखाऊ प्रवृत्तीची जिल्हा पोलिस अधीक्षकांकडे तक्रार करण्यात आली. जिल्हा पोलीस अधीक्षक कुमार चिंता यांनी या प्रकरणाची शहानिशा केल्यानंतर वणी पोलिस स्टेशन मधील महिला सहाय्यक फौजदार स्वाती कुटे यांना निलंबित केले आहे. स्वाती कुटे यांच्या निलंबनाचे आदेश १२ ऑक्टोबरला पोल...