LOKSANDESH

प्रशांत चंदनखेडे वणी  चार जणांनी संगनमत करून एका तरुणाला लाथा बुक्क्यांनी व काठीने बेदम मारहाण केल्याची घटना मारेगाव तालुक्यातील कुंभा या गावात घडली. याबाबत पोलिस स्टेशनला देण्यात आलेल्या तक्रारीवरून पोलिसांनी चार आरोपींविरुद्ध गुन्हा दाखल केला आहे. ही घटना २९ सप्टेंबरला रात्री ९ वाजताच्या सुमारास घडली.  मारेगाव तालुक्यातील कुंभा येथे आपल्या मामीच्या घरी झोपून असलेल्या रोशन साहेबराव राऊत (२१) रा. घोडेप्लॉट काटोल जि. नागपूर ह.मु. कुंभा याला गावातीलच दोघाजणांसह चौघांनी संगनमत करून लाथा बुक्क्यांनी व काठीने बेदम मारहाण करीत जीवे मारण्याची धमकी दिली. या मारहाणीत तरुणाच्या तोंडाला जबर मार लागला आहे. मारहाणीत जखमी झालेल्या युवकाने याबाबत पोलिस स्टेशनला तक्रार नोंदविल्याने पोलिसांनी चार आरोपींवर गुन्हे दाखल केले आहेत. पिंटू शेंदरे (३५), मिलन निहारे (३१) दोघेही रा. टेंबा ता. हिंगणघाट जि. वर्धा, सुनिल जगताप (३५), अनिल जगताप (३२) दोघेही रा. कुंभा ता. मारेगाव जि. यवतमाळ अशी या गुन्हे दाखल झालेल्या आरोपींची नावे आहेत. या चारही आरोपींवर पोलिसांनी बीएनएसच्या कलम ३५२, ३५१(३), ३५१(२), ३(५), १...

प्रशांत चंदनखेडे वणी  प्रेम विवाहात बंधलेल्या युवतीने गळफास घेऊन आत्महत्या केल्याची हृदयद्रावक घटना वणी तालुक्यातील परसोडा या गावात घडली. घरी कुणी नसतांना या तरुण विवाहितेने घराच्या खोलीत ओढणीच्या साहाय्याने गळफास लावून आपली जीवनयात्रा संपविली. कुटुंबातील सदस्य घरी परल्यानंतर या घटनेचा उलगडा झाला. पायल गौरव उरकुडे (२१) असे या गळफास घेतलेल्या विवाहीतेचे नाव आहे. ३० सप्टेंबरला सकाळी ११.१५ वाजताच्या सुमारास ही घटना उघडकीस आली.  एक वर्षापूर्वीच पायल हिचा गौरव उरकुडे या तरुणाशी प्रेम विवाह झाला होता. दोघांनी संसार थाटल्यानंतर अचानक असं काय घडलं की अवघ्या एका वर्षाच्या संसारातच तिने टोकाचा निर्णय घेतला. तिच्या उदरात गर्भ वाढत होता. काही दिवसांतच दोघांच्या संसार वेलीवर फुल उमलणार होतं. ती सात महिन्यांची गर्भवती असतांना देखील तिने ममतेचा गळा घोटून मृत्यूचा फास गळ्याभोवती आवळला. गौरव उरकुडे याच्या घराचे बांधकाम सुरु असल्याने ते दोघेही भाड्याच्या घरात राहत होते. त्या घरातच तिने ओढणीच्या साहाय्याने गळफास लावला. प्रेमातून विवाहात बंधलेल्या आणि नंतर संसारात रममाण झालेल्या युवतीने नैराश्येत...

प्रशांत चंदनखेडे वणी   धडाडीचा सामाजिक कार्यकर्ता प्रदीप बांदूरकर याला वाढदिवसाच्या खूप खूप शुभेच्छा ! 🥀🎕🥀 सामाजिक कार्यात रमलेला हा धेय्य वेडा युवक प्रदीप बांदूरकर. समाजकार्यात त्याने स्वतःला वाहून घेतले. समाजहिताचे कार्य करण्यात तो नेहमी पुढाकार घेतो. सामाजिक कार्यकर्ता ही त्याची ओळख. सामाजिक कार्यात त्याचा हथकंडा राहिला. सामाजिक कार्याची त्याला प्रचंड तळमळ. राजूर या चळवळीच्या गावात तो लहानाचा मोठा झाला. या गावातील प्रखर व्यक्तिमत्वांच्या कार्याने तो भाळला. सामाजिक चळवळीत ख्याती असलेल्या राजूर या गावाचा आदर्श त्याने जपला. यातूनच त्याला प्रेरणावाट मिळाली. विद्यार्थीदशेपासूनच तो सामाजिक कार्यात अवतरला. कालांतराने सामाजिक कार्याचा पगडा त्याच्यावर निर्माण झाला. जनकार्यात त्याने स्वतःला झोकून दिले. जनतेची कामे करण्यात तो रममाण झाला. त्यानंतर गावगाड्यातील समस्या व प्रश्न तो उचलायला लागला. गावातील समस्या सोडविण्याकरिता पुढाकार घेऊ लागला. ग्रामपंचायती पुढे गावातील समस्या मांडू लागला. त्यानंतर गावातील लोकं समस्या व कामे घेऊन त्याच्यापर्यंत येऊ लागले. आणि यातूनच कार्य कर्तृत्वाने तो सा...

  प्रशांत चंदनखेडे वणी  शासनाच्या विविध योजनेंर्तगत तालुक्यातील गोरगरीब जनतेला घरकुलाचा लाभ मिळूनही त्यांना अनुदानाचा दुसरा व तिसरा टप्पा अद्यापही न मिळाल्याने त्यांच्या घरकुलाचे बांधकाम रखडले आहे. त्यामुळे घरकुलधारकांनी आपल्या व्यथा महाराष्ट्र नवनिर्माण सेनेचे तालुकाध्यक्ष फाल्गुन गोहोकार यांच्याकडे मांडल्या. फाल्गुन गोहोकार यांनी यासंदर्भात सातत प्रशासनाकडे पाठपुरावा केला. वेळोवेळी पत्र व्यवहारही केले. मात्र अद्यापही प्रशासनाने त्याची दखल घेतली नाही. घरकुलधारकांना अनुदानाचा दुसरा व तिसरा टप्पा न मिळाल्यास उपोषण करण्याचा इशारा फाल्गुन गोहोकार यांच्याकडून देण्यात आला होता. त्यानुसार फाल्गुन गोहोकार हे अनुदानापासून वंचित असलेल्या घरकुल लाभार्थ्यांसोबत ३० सप्टेंबर पासून तहसील कार्यालयासमोर बेमुदत उपोषणाला बसणार आहेत. शासनाकडून गोरगरिबांना हक्काचं घर बांधता यावं म्हणून अनुदान देण्यात येतं. त्याकरिता शासनाकडून विविध घरकुल योजना राबविण्यात येत आहेत. वणी तालुक्यात शबरी, रमाई व प्रधानमंत्री आवास योजनेंतर्गत अनेक लाभार्थी आहेत. घरकुलासाठी पात्र ठरलेल्या बहुतांश लाभार्थ्यांना केवळ अनुद...

प्रशांत चंदनखेडे वणी   वेगळ्या विदर्भ राज्याच्या मागणीसाठी सातत्याने लढा देणाऱ्या विदर्भ राज्य आंदोलन समितीच्या वतीने संपूर्ण विदर्भात २८ सप्टेंबरला फसव्या नागपूर कराराची होळी करण्यात आली. विदर्भातील सर्वच जिल्ह्यात एकाच दिवशी हे आंदोलन करण्यात आले. वणी येथेही विदर्भवाद्यांनी छत्रपती शिवाजी महाराज चौकात नागपूर कराराची होळी करून वेगळ्या विदर्भ राज्याच्या मागणीचा हुंकार भरला. विदर्भ राज्य आंदोलन समितीने वेगळ्या विदर्भ राज्याची मागणी आक्रमकपणे लावून धरली आहे. मात्र सरकार विदर्भवाद्यांची ही मागणी गांभीर्याने घेतांना दिसत नाही. त्यामुळे विदर्भ राज्य आंदोलन समिती सरकारच्या विरोधात सतत आंदोलन करीत आहे. विदर्भाला स्वतंत्र राज्याचा दर्जा न देऊन सरकार विदर्भातील जनतेवर मोठा अन्याय करीत आहे. परंतु विदर्भातील जनतेला न्याय मिळवून दिल्याशिवाय विदर्भ राज्य आंदोलन समिती स्वस्थ बसणार नाही, अशी भूमिका यावेळी विदर्भ राज्य आंदोलन समितीचे यवतमाळ जिल्हाध्यक्ष प्रा. पुरुषोत्तम पाटील यांनी मांडली.  विदर्भ हा खनिज संपत्तीने नटलेला आहे. विदर्भात विपुल खनिज संपत्ती आहे. विदर्भातील कोळशावर संपूर्ण महाराष...

प्रशांत चंदनखेडे वणी  झरी जामणी तालुक्यातील आदिवासी बहुल गावांमध्ये अनेक समस्या असून प्रशासनाच्या दुर्लक्षितपणामुळे नागरिकांना विविध समस्यांशी झुंजावे लागत आहे. चालबर्डी या गावातील शेतकऱ्यांच्या कृषी पंपांना विद्युत पुरवठा करणारा ट्रान्सफार्मर मागिल दोन वर्षांपासून बंद अवस्थेत असतांना देखील महावितरणने ट्रान्सफार्मर बदलून देण्याचं सौजन्य दाखविलं नाही. अशातच शिवसेना (उबाठा) वणी विधानसभा प्रमुख संजय देरकर हे झरी जामणी तालुक्यातील नागरिकांशी संवाद साधण्याकरिता गेले असता त्यांनी चालबर्डी या गावाला भेट दिली. त्यावेळी चालबर्डी या गावातील नागरिकांनी आपल्या व्यथा मांडतांना वीज वितरण कंपनीने कृषी पंपाकरिता बसवून दिलेल्या डीपीतील ट्रान्सफार्मर मागील दोन वर्षांपासून बंद अवस्थेत असल्याने शेत पिकांना पाणी देणे कठीण झाले असल्याचे संजय देरकर यांना सांगितले. संजय देरकर यांनी तात्काळ महावितरणच्या अधिकाऱ्यांशी संपर्क साधून त्यांना चांगलेच खडसावले. तेंव्हा महावितरणने वेगवान हालचाली करीत दोन वर्षांपासून बंद असलेला ट्रान्सफार्मर २४ तासांत बदलून दिला. आणि शेतकऱ्यांची शेत सिंचनाची समस्या सुटली. संजय देरकर...

प्रशांत चंदनखेडे वणी  दारू पिऊन सार्वजनिक ठिकाणी जोरजोरात आरडाओरड करणाऱ्या युवकाला पोलिसांनी ताब्यात घेऊन त्याच्यावर गुन्हा दाखल केला आहे. महेंद्र नानाजी राजूरकर (३६) रा. जिल्हा परिषद कॉलनी असे या आरोपीचे नाव आहे. ही कार्यवाही २६ सप्टेंबरला सकाळी ११ वाजता करण्यात आली.   ठाणेदार अनिल बेहेरानी यांच्या आदेशावरून २६ सप्टेंबरला पोहेका गजानन डोंगरे हे पोलिस पथकासह शहरात गस्तीवर असतांना त्यांना जिल्हा परिषद कॉलनी येथे सार्वजनिक ठिकाणी एक युवक दारूच्या नशेत जोरजोरात आरडाओरड करतांना आढळून आला. त्याला पोलिस पथकाच्या मदतीने ताब्यात घेऊन त्याला त्याचे नाव विचारले असता त्याने महेंद्र नानाजी राजूरकर असे सांगितले. तो अति मद्य सेवन करून असल्याचे पोलिसांच्या लक्षात आले. त्याच्या तोंडाचाही प्रचंड दारूचा वास येत होता. त्यामुळे त्याची पोलिसांनी वैद्यकीय तपासणी केली. त्यातही त्याने मद्य सेवन केले असल्याचे स्पष्ट झाले. ग्रामीण रुग्णालयातील डॉक्टरांच्या अहवालावरून पोलिसांनी त्याच्यावर मदकाच्या कलम ८५ (१) नुसार गुन्हा दाखल केला. महेंद्र राजूरकर हा एका राजकीय नेत्याच्या घरसमोर जोरजोरात आरडाओरड कर...

प्रशांत चंदनखेडे वणी  महाराष्ट्र विधानसभा निवडणुकीचे पडघम वाजू लागले आहेत. त्यामुळे प्रमुख राजकीय पक्षांसह सर्व प्रादेशिक पक्ष व संघटना कामाला लागल्या आहेत. तसेच अपक्ष निवडणूक लढविणाऱ्यांनीही कंबर कसली आहे. त्याचप्रमाणे बंडखोरीच्या वाटेवर असलेलेही आपली रणनीती आखू लागले आहेत. निवडणुकीचा काळ लक्षात घेता सत्ताधारी पक्षाने जनहितकारी कार्याचा सपाटा लावला आहे. जनतेसाठी विविध कल्याणकारी योजना राबवून त्यांची मनं वळविण्याचा प्रयत्न सुरु झाला आहे. तर विरोधी पक्षांनीही जनतेच्या समस्या व प्रश्नांना वाचा फोडण्याचे काम सुरु केले आहे. जनतेच्या समस्या जाणून घेत त्यावर आवाज उठवला जात आहे. शेतकऱ्यांचे प्रश्नही उचलून धरले जात आहे. बेरोजगारांच्याही व्यथा ऐकल्या जात आहे. लोकहिताचे कार्य प्रखरतेने करण्याचा प्रयत्न राजकीय पक्ष व नेत्यांकडून केला जात आहे. राजकारण्यांना विधानसभा निवडणुकीचे वेध लागल्याने त्यांच्यात खंबीर नेतृत्व म्हणून पुढे पुढे करणाऱ्यांची गर्दी वाढली आहे. पक्षाच्या उमेदवारीचे अनेकांना डोहाळे लागले आहेत. वणी विधानसभा क्षेत्रात इच्छुकांची धुमाळी पाहायला मिळत आहे. इच्छुकांच्या भावुक गर्दीने ...

प्रशांत चंदनखेडे वणी  महाराष्ट्रातील प्रसिद्ध वक्ते, प्रखर विचारवंत, कीर्तनकार व प्रबोधनकार सोपानदादा कनेरकर यांचं युवकांना उज्वल भविष्याची प्रेरणा देणारं व्याख्यान शहरात आयोजित करण्यात आलं आहे. पारसमल प्रेमराज फाउंडेशन व विजय चोरडिया मित्र परिवाराच्या वतीने शनिवार दि. २८ सप्टेंबरला दुपारी १ वाजता स्थानिक शेतकरी मंदिर सभागृहात हा व्याख्यानाचा कार्यक्रम आयोजित करण्यात आला आहे. युवकांच्या उज्वल भविष्याकरिता उत्तम मार्गदर्शन व पालकांची भूमिका या विषयावर युवा कीर्तनकार सोपानदादा करणेकर हे प्रबोधन करणार आहेत. भाजप महाराष्ट्र प्रदेश कार्यकारणी सदस्य तथा सामाजिक दायित्व जपणारे विजय चोरडिया यांच्या पुढाकारातून या कार्यक्रमाचे आयोजन करण्यात आले आहे. आपल्या प्रबोधनातून सकारात्मक विचारांची मांडणी करणाऱ्या त्यांच्या या व्याख्यानाचा तालुक्यातील जनतेने मोठ्या संख्येने लाभ घ्यावा, असे आवाहन विजय चोरडिया मित्र परिवाराकडून करण्यात आले आहे.  सोपानदादा कनेरकर हे आपल्या कीर्तनातून सामाजिक प्रबोधन करतात. युवावर्ग त्यांच्या प्रबोधनाने प्रभावित झाला आहे. युवकांच्या उज्वल भविष्याचं सार सांगणारं त्यां...

प्रशांत चंदनखेडे वणी  शहरातील सुजाता टॉकीज परिसरातील ज्योती बियरबार जवळ राजरोसपणे सुरु असलेल्या मटका अड्ड्यावर पोलिसांनी धाड टाकून मटका पट्टी फडणाऱ्या तीन जणांना अटक केली. ही कार्यवाही २४ सप्टेंबरला सायंकाळच्या सुमारास करण्यात आली. जाणू अनिल शिंगाडे (२३) रा. साई नगरी, प्रथम रवि दुपारे (२०), नासिर खान फिरोज खान पठाण (४२) दोघेही रा. पंचशिल नगर अशी या पोलिसांनी अटक केलेल्या सट्टेबाजांची नावे आहेत.  ठाणेदार अनिल बेहेरानी यांच्या आदेशावरून पोलिस पथक शहरात गस्त घालत त्यांना सुजाता टॉकीज परिसरातील ज्योती बियरबार जवळ नागरिकांची प्रचंड गर्दी दिसून आली. पोलिसांनी त्याठिकाणी जाऊन बघितले असता तेथे काही इसम खुर्च्या टेबल लावून मटका पट्टी फाडतांना आढळून आले. चिठ्यांवर मटक्याचे आकडे लिहून देत लोकांकडून पैसे घेणाऱ्या तीन सट्टेबाजांना पोलिसांनी घटनास्थळावरून रंगेहात अटक केली. तर काही सट्टेबाज पळून जाण्यात यशस्वी ठरले. तसेच मटका लावणारे शौकीनही पोलिसांना पाहून सैरावैरा पळत सुटले. भाजी मार्केट जवळच अगदी बिनधास्तपणे हा मटका अड्डा चालविला जात होता. सार्वजनिक ठिकाणी मटका अड्डा थाटून राजरोसपणे मटका ...

प्रशांत चंदनखेडे वणी  वणी विधानसभा क्षेत्राचे लोकप्रिय आमदार संजीवरेड्डी बोदकुरवार यांना वाढदिवसाच्या अनंत शुभेच्छा!  वणी विधानसभा क्षेत्राच्या विकासाला प्राधान्य देणारे व वणी विधानसभा क्षेत्राचा सर्वांगीण विकास साधण्यात महत्वाची भूमिका बजावणारे आमदार संजीवरेड्डी बोदकुरवार हे वणी विधानसभा क्षेत्राचा कायापालट करणारे लोकप्रतिनिधी ठरले आहेत. आपल्या विकसनशील दृष्टिकोनातून वणी विधानसभा क्षेत्रात विकासाची गंगा आणणारे आमदार संजीवरेड्डी बोदकुरवार हे जनतेत प्रचंड लोकप्रिय ठरले आहेत. वणी विधासभा क्षेत्राच्या विकासाचे महामेरू ठरलेले आमदार संजीवरेड्डी बोदकुरवार यांचा आज वाढदिवस. त्यांना वाढदिवसानिमित्त उदंड आयुष्याच्या अनंत शुभेच्छा ! 🥀🥀🎕🎕💮💮 शुभेच्छुक :- रविभाऊ बेलुरकर, विस्तारक भारतीय जनता पार्टी चंद्रपूर लोकसभा क्षेत्र  

प्रशांत चंदनखेडे वणी   गुंड प्रवृत्तीच्या दोन तरुणांनी बाहेर गाव वरून आलेल्या एका युवकाला रस्त्यात अडवून लुटल्याची धक्कादायक घटना शहरातील दीप्ती टॉकीज परिसरात २३ सप्टेंबरला भरदुपारी ३ ते ३.३० वाजताच्या सुमारास घडली. याबाबत पोलीस स्टेशनला देण्यात आलेल्या तक्रारी वरून पोलिसांनी युवकाला लुटणाऱ्या दोन आरोपींना अटक केली असून त्यांच्यावर विविध कलमान्वये गुन्हे दाखल करण्यात आले आहेत. या दोनही आरोपींना न्यायालयात हजर केले असता न्यायालयाने त्यांची न्यायालयीन कोठडीत रवानगी केली.  कोरपना तालुक्यातील अकोला या गावातील रहिवाशी असलेला नंदकिशोर प्रकाश जिवने (३०) हा युवक आपले खाजगी आटपून गावाकडे जाण्यास निघाला असता त्याला दीप्ती टॉकीज परिसरात दोन गुंड प्रवृत्तीच्या तरुणांनी अडविले. त्याला धाकदपट करून त्याच्या जवळील मोबाईल व १ हजार ८०० रुपये रोख असा एकूण १६ हजार ८००  रुपयांचा मुद्देमाल बळजबरी हिसकावला. त्यानंतर या दोनही तरुणांनी तेथून पळ काढला. घडलेल्या घटनेने प्रचंड घाबरलेल्या युवकाने सरळ पोलिस स्टेशन गाठून ओढवलेल्या प्रकाराची रीतसर तक्रार नोंदविली. भरदुपारी युवकाला लुटल्याच्या या घटनेची ...

प्रशांत चंदनखेडे वणी  वणी येथील लोकमान्य टिळक महाविद्यालाचे संस्कृत विभाग प्रमुख विद्यावाचस्पती प्रा. स्वानंद गजानन पुंड यांनी तयार केलेला नीतिशतकम् अभ्यासक्रम आता नागपूर येथील आर. एस. मुंडले धरमपेठ कला आणि वाणिज्य महाविद्यालयाच्या तत्त्वज्ञान विषयाच्या विद्यार्थ्यांसाठी अभ्यासक्रमात समाविष्ट करण्यात आलेला आहे.  लोकमान्य टिळक महाविद्यालयाचे प्राचार्य डॉ. प्रसाद खानझोडे आणि मुंडले महाविद्यालयाचे कार्यकारी प्राचार्य डॉ. मोहन नगराळे यांच्यात झालेल्या सामंजस्य करारानुसार तत्त्वज्ञान विभागात हा अभ्यासक्रम सुरू करण्यासाठी विभाग प्रमुख डॉ. वर्षा जपे यांनी विशेष परिश्रम घेतले. नागपूर येथील मुंडले महाविद्यालयात या अभ्यासक्रमाच्या उद्घाटन कार्यक्रमात राष्ट्रसंत तुकडोजी महाराज विद्यापीठाच्या तत्त्वज्ञान अभ्यासक्रम मंडळाचे अध्यक्ष बिंझाणी महाविद्यालयाचे डॉ. नरेंद्र रघटाटे यांनी लवकरच विद्यापीठात या अभ्यासक्रमास मान्यता मिळवून देण्यासाठी प्रयत्न करण्याचे आश्वासन दिले आहे.  जगभरातील हजारो संस्कृत प्रेमींचा प्रतिसाद लाभलेल्या या अभ्यासक्रमाला यापूर्वी कवी कुलगुरू कालिदास संस्कृत विद्याप...

प्रशांत चंदनखेडे वणी  भारतीय जनता पार्टी द्वारा १७ सप्टेंबर ते २ ऑक्टोबर या काळात सेवा पंधरवडा हा उपक्रम राबविण्यात येत असून त्यानुषंगाने भारतीय जनता पार्टी वणी विधानसभा क्षेत्राच्या वतीने रविवार दि. २२ सप्टेंबरला नांदेपेरा मार्गावरील लॉयन्स इंग्लिश मिडीयम शाळेत भव्य निःशुल्क आरोग्य शिबिराचे आयोजन करण्यात आले आहे. हे शिबीर सकाळी १० ते ३ वाजेपर्यंत चालणार आहे. शिबीर स्थळावरच रुग्णांना आपल्या नावाची नोंदणी करता येणार आहे. शिबिरात सर्वच आजारांचे निदान व त्यावर उपचार करण्यात येणार आहे. तेव्हा या शिबिराचा जनतेने मोठ्या संख्येने लाभ घ्यावा, असे आवाहन आमदार संजीवरेड्डी बोदकुरवार यांनी केले आहे.  विनोबा भावे ग्रामीण रुग्णालय सावंगी (मेघे) जि. वर्धा यांच्या सहकार्यातून आयोजित या शिबिरात रुग्णांची मोफत तपासणी करून त्यांना जडलेल्या गंभीर व अति गंभीर आजारांचे निदान लावून त्यावर उपचार करण्यात येणार आहे. महिलांच्याही विविध आजारांचे निदान लावून त्यावरही उपचार करण्यात येणार आहे. धकाधकीच्या या जीवनात मनुष्य आपल्या आरोग्याकडे लक्ष देऊ शकत नसल्याने त्यांच्यात आंतरिक आजार बळावू लागले आहेत. वेळेत ...

प्रशांत चंदनखेडे वणी  तालुक्यातील अनेक रस्ते आजही दयनीय अवस्थेत असून रस्त्यांवर तयार झालेल्या खड्ड्यांमुळे रहदारीला मोठे अडथळे निर्माण होत आहे. रस्त्यांवरील खड्ड्यांमुळे छोट्या वाहनधारकांचे वाहने चालविणे कठीण झाले आहे. खानबाधित क्षेत्रातील रस्त्यांची तर अतिशय बिकट अवस्था झाली आहे. ग्रामीण भागातील रस्तेही रहदारी योग्य राहिलेले नाही. अवजड वाहतुकीमुळे रस्त्यांची अत्यंत दयनीय अवस्था झाली आहे. नव्याने बांधण्यात आलेले रस्तेही अल्पावधीतच उखडू लागले आहेत. ग्रामीण भागाला जोडणारे काही रस्ते तर शेवटची घटका मोजू लागले आहेत. रस्त्यांच्या दुरुस्तीकडे होत असलेले दुर्लक्ष अनाकलनीय आहे. रस्त्यांची परिस्थिती अतिशय वाईट झालेली असतांनाही रस्त्यांची दुरुस्ती करण्याची तसदी घेतली जात नसल्याने नागरिकांमध्ये कमालीचा असंतोष खदखदत आहे. खड्डेमय रस्त्यावरून वाहने चालवितांना नागरिकांना होणारा त्रास व त्यांना सहन करावा लागणारा मनःस्ताप तसेच त्यांच्या व्यथा ऐकून काँग्रेसचे जिल्हा सरचिटणीस संजय खाडे यांनी भालर रोडवर नागरिकांसोबत आंदोलन केले. रस्त्यावरील खड्ड्यात बेशरमाचे झाड लावून त्यांनी सार्वजनिक बांधकाम विभागाव...

प्रशांत चंदनखेडे वणी  वणी शहरातील प्रसिद्ध नवशक्ती दुर्गा माता मंदिर येथे या वर्षी नवरात्र महोत्सवात महाराष्ट्राची कुलस्वामिनी देवी तुळजाभवानी मातेची अखंड ज्योत प्रज्वलित करून ती वणी नगरीत आणण्याचा निर्धार दुर्गा माता मंदिर समितीचे अध्यक्ष रवि बेलुरकर यांनी केला आहे. रवि बेलुरकर हे मागील अनेक वर्षांपासून नवशक्ती दुर्गा माता मंदिरात विविध धार्मिक कार्यक्रमांचे आयोजन करतात. त्यांच्या प्रयत्नातून मंदिराचा जीर्णोद्धार झाला आहे. मातेच्या भक्तिकार्यात स्वतःला वाहून घेणाऱ्या रवि बेलुरकर यांनी या वर्षी नवरात्र महोत्सवात कुलस्वामिनी मातेची अखंड ज्योत वणी नगरीत आणण्याचा निर्धार केला आहे.  तुळजापूर येथील तुळजाभवानी मातेचं मंदिर महाराष्ट्रातील सर्वात प्रसिद्ध हिंदू मंदिरांपैकी एक आहे. हे मंदिर कुलस्वामिनी देवी भवानी माता पार्वतीचे दुसरे रूप आहे. हे मंदिर महाराष्ट्रातील साडेतीन शक्ती पिठांपैकी एक पूर्ण शक्तिपीठ म्हणून ओळखले जाते. महाराष्ट्राची कुलस्वामिनी देवी तुळजाभवानी मातेची अखंड ज्योत प्रज्वलित करून ती वणी नगरीत आणण्याचा अभिनव उपक्रम मंदिर समितीने हाती घेतला आहे.  दरवर्षी एका शक्त...

प्रशांत चंदनखेडे वणी  मद्यपी तरुणांच्या दोन गटांत गुरुवारी मध्यरात्री तुफान राडा झाल्याची घटना घडली. शहरातील सेवानगर येथून घोन्साकडे जाणाऱ्या रस्त्यावर हा राडा झाला. सार्वजनिक ठिकाणी राडा घालून शांतता भंग करण्याचा प्रयत्न करणाऱ्या दोनही गटातील सातही तरुणांना पोलिसांनी अटक केली असून त्यांच्यावर घोळक्याने येऊन मारहाण केल्या प्रकरणी गुन्हा दाखल करण्यात आला आहे.  शहरातील सेवानगर व शहरालगत असलेल्या रासा येथील तरुणांच्या दोन गटात गुरुवार दि. १९ सप्टेंबरला मध्यरात्री १ वाजताच्या सुमारास प्रचंड राडा झाला. दोनही गटातील तरुणांनी एकमेकांना जबर मारहाण केली. सेवानगर ते घोन्सा रोडवर तरुणांच्या दोन गटात तुफान हाणामारी सुरु असल्याची माहिती रात्री गस्तीवर असलेल्या पोलिसांना मिळाली. पोलिसांनी तात्काळ घटनास्थळाकडे धाव घेतली. तेथे पोलिसांना दारूच्या नशेत झिंगलेले तरुण एकमेकांना मारहाण करतांना आढळले. या मारहाणीत काही तरुण जखमीही झाले होते. दोनही गटातील तरुणांना पोलिसांनी ताब्यात घेत त्यांना राडा घालण्याचे कारण विचारले असता दारू पियुन घरासमोर उलटी केल्याच्या कारणावरून हा राडा झाल्याचे पोलिसांच्या च...

प्रशांत चंदनखेडे वणी  विषाणूजन्य आजारांचे प्रमाण प्रचंड वाढले असून विषाणूंचे संक्रमण रोखण्याकरिता राजूर ग्रामपंचायती कडून अजूनही आवश्यक त्या उपाययोजना करण्यात आल्या नाहीत. त्यामुळे गावकऱ्यांमधून कमालीचा संताप व्यक्त होतांना दिसत आहे. गावात साथीच्या रोगांनी थैमान घातले आहे. डेंग्यू, मलेरिया, डांग्या खोकला, टायफाईड सारख्या आजारांनी रुग्ण फणफणत आहेत. मात्र या आजारांची रोकथाम करण्यात ग्रामपंचायत स्वारस्य दाखवायला तयार नाही. डेंग्यू या जीवघेण्या आजाराचा प्रादुर्भाव वाढू लागल्याने गावात भीतीचे वातावरण निर्माण झाले आहे. परंतु डेंग्यूची साथ रोखण्याकरिता ग्रामपंचायत सतर्क असल्याचे दिसत नाही. ग्रामपंचायतीच्या नियोजनशून्यतेमुळे डेंग्यू सदृश्य आजारांचे रुग्ण वाढू लागले आहेत. मात्र साथ रोगांवर नियंत्रण मिळविण्याकरिता ग्रामपंचायत कुठल्याही ठोस उपाययोजना करतांना दिसत नाही. संपूर्ण देशात स्वच्छता अभियान राबविले जात असतांना राजूर ग्रामपंचायत याला अपवाद ठरली आहे. गावात स्वच्छता ठेवण्याकडे ग्रामपंचायतीचे पूर्णतः दुर्लक्ष होऊ लागले आहे. डासअळी नाशक औषध व निर्जंतुकीकरणाची फरवारणी करण्याचंही सोयसुतक ग्र...

प्रशांत चंदनखेडे वणी  प्रधानमंत्री नरेंद्र मोदी यांच्या वाढदिवसानिमित्त मारेगाव येथे भाजपचे प्रदेश कार्यकारणी सदस्य विजय चोरडिया यांच्या नेतृत्वात घेण्यात आलेल्या कार्यक्रमात दिव्यांगांना सायकल व महिलांना साळी चोळीचे वाटप करण्यात आले. सामाजिक उत्तरदायित्वातून विजय चोरडिया यांनी नेहमीच गरजू गरिबांना मदत केली आहे. दातृत्व भावना जपणारं व्यक्तिमत्व म्हणून त्यांची वणी विधानसभा क्षेत्रात ख्याती आहे. पंतप्रधान नरेंद्र मोदी यांच्या वाढदिवसाचे औचित्य साधून त्यांनी दिव्यांग बांधवांना सायकल तर माता भगिनींना साळी चोळी भेट दिली.  स्थानिक हनुमान मंदिरात आयोजित या कार्यक्रमाच्या अध्यक्षस्थानी भाजप नेते विजय चोरडिया हे होते. तर प्रमुख अतिथी म्हणून भाजपचे तालुकाध्यक्ष अनिल लांबट, शंकर लालसरे, प्रशांत नांदे, अशोक सिंग, मनोज केळकर, मयूर गोयंका, राजू धावंजेवार, अनुप महाकुलकर, सागर मुने हे उपस्थित होते. या कार्यक्रमात आपले विचार व्यक्त करतांना विजय चोरडिया म्हणाले की, जनसेवा ही नेहमी माझ्या हातून घडावी, हा माझा सदैव प्रयत्न राहिला आहे. गरजू गरिबांना मदत करणं हे मी माझं भाग्य समजतो. राजकीय हेतू साध...

प्रशांत चंदनखेडे वणी  वणी कोरपना मार्गावरील शिरपूर या गावातील प्रवासी निवाऱ्याजवळ गतिरोधक बसविण्याची मागणी महाराष्ट्र नवनिर्माण सेनेचे तालुकाध्यक्ष फाल्गुन गोहोकार यांनी सार्वजनिक बांधकाम विभागाचे उपविभागीय अभियंता यांना दिलेल्या निवेदनातून केली आहे.  वणी कोरपना हा मार्ग नेहमी रहदारीने गजबजलेला असतो. या मार्गाने दिवसरात्र कोळशाची वाहतुक सुरु असते. तसेच डोलोमाइट, सिमेंट व अन्य खनिजांचीही वाहतूक करणारी वाहने या मार्गाने सुसाट धावतात. अवजड वाहनांच्या दळणवळणाचा हा मार्ग असून या मार्गाने मालवाहू वाहतूक मोठ्या प्रमाणात सुरु असते. मालवाहू वाहतुकीच्या सुसाट वाहनांमुळे या मार्गावर नेहमी अपघाताचा धोका उद्भवलेला असतो. वणी कोरपना मार्गावरील शिरपूर या गावातूनही खनिजांची वाहतूक करणारी ही वाहने भरधाव जाणे येणे करीत असल्याने गावातील नागरिक व शाळकरी विद्यार्थ्यांसाठी हा मार्ग धोकादायक ठरू लागला आहे. शिरपूर येथील विद्यार्थ्यांना शिक्षणासाठी नेहमी बाहेरगावी जावे लागते. त्यामुळे प्रवासी निवाऱ्याजवळ विद्यार्थ्यांची मोठी वर्दळ असते. त्याचबरोबर प्रवाशांचंही याठिकाणी सतत जाणं येणं सुरु असते. प्रवासी ...

प्रशांत चंदनखेडे वणी  शहरालगत असलेल्या राजूर (कॉ.) येथील रहिवाशी असलेले संजय जोगदंडे यांची ११ वर्षीय मुलगी डेंग्यू या आजाराने मृत्युमुखी पडली. ही मुलगी मागील ८ ते १० दिवसांपासून आजारी होती. तिच्यावर शहरातील एका चाईल्ड स्पेशालिस्ट म्हणून ओळखल्या जाणाऱ्या खाजगी रुग्णालयात उपचार सुरु होता. परंतु जोगदंडे पारिवाराची आर्थिक परिस्थिती नाजूक असल्याने त्यांना खाजगी रुग्णालयातील उपचाराचा खर्च उचलणे शक्य झाले नाही. त्यामुळे कुटुंबीयांनी तिला चंद्रपूर येथील शासकीय रुग्णालयात हलविले. परिणामी आजार आणखीच बळावला. अशातच वेळेत आजाराचे न लागलेले निदान व आजारावर मिळू न शकलेला योग्य उपचार यामुळे बुधवार दि. १८ सप्टेंबरला सकाळी या चिमुकलीने शेवटचा श्वास घेतला. कु. श्रद्धा संजय जोगदंडे (११) असे या दुर्दैवी मृत्यू ओढवलेल्या मुलीचे नाव आहे.  कु. श्रद्धा जोगदंडे या चिमुकलीला नंतर डेंग्यू व कावीळ हा आजार झाल्याचे निदान लागले. असे त्यांच्या निकटवर्तीयांकडून सांगण्यात येत आहे. कु. श्रद्धा ही राजूर येथील राष्ट्रीय विद्यालयात इयत्ता ५ व्या वर्गात शिक्षण घेत होती. सुस्वभावी व मनमिळाऊ असं तिचं वर्तन होतं. कुटु...

प्रशांत चंदनखेडे वणी  वणी तालुक्यातील राजूर (ईजारा) येथील रहिवाशी असलेला अल्पवयीन मुलगा बेपत्ता झाल्याची घटना १६ सप्टेंबरला उघडकीस आली. वणी येथे शिकवणी वर्गाला जाण्याकरिता निघालेला हा अल्पवयीन मुलगा नंतर घरी परतलाच नाही. त्याचा सर्वत्र शोधाशोध घेतल्यानंतर वडिलांनी मुलगा बेपत्ता झाल्याची तक्रार पोलिस स्टेशनला नोंदविली. पोलिसांनी अज्ञात आरोपी विरुद्ध गुन्हा दाखल केला आहे. अनिरुद्ध अमोल गवळी (१७ वर्षे ८ महिने) असे या बेपत्ता झालेल्या तरुणाचे नाव आहे.  शहरातील एका महाविद्यालयात १२ वीत शिकणारा हा अल्पवयीन मुलगा विठ्ठलवाडी परिसरातील एका कोचिंग सेंटरमध्ये शिकवणी वर्गाकरिता यायचा. १६ सप्टेंबरलाही अनिरुद्ध हा नेहमी प्रमाणे शिकवणी वर्गाकरिता घरून निघाला. मात्र बराच वेळ होऊनही तो घरी न परतला नाही. त्यामुळे कुटुंबीय चांगलेच काळजीत आले. कुटुंबीयांनी त्याचा सर्वत्र शोधाशोध घेतल्यानंतर शेवटी त्याच्या वडिलांनी मुलगा बेपत्ता झाल्याची तक्रार पोलिस स्टेशनला नोंदविली. तसेच त्यांनी मुलाला कुणी तरी पळवून नेल्याचाही संशय तक्रारीतून व्यक्त केला आहे.  अमोल रविंद्र गवळी हे ऑटोचा व्यवसाय करतात. ते ...

प्रशांत चंदनखेडे वणी  वणी तालुक्यातील शेलू (खु.) गावाजवळ असलेल्या नाल्यात एका युवकाचा मृतदेह आढळून आल्याची खळबळजनक घटना सोमवार दि. १६ सप्टेंबरला सकाळी उघडकीस आली. उमेश मारोती सातपुते (३५) रा. शेलू (खु.) असे या मृतक युवकाचे नाव आहे. उमेश हा दुचाकीने जात असतांना त्याचे दुचाकीवरील नियंत्रण सुटले व तो दुचाकीसह पुलावरून खाली पडला असावा, असा कयास वर्तविण्यात येत आहे.  शेलू (खुर्द) येथे वास्तव्यास असलेला उमेश सातपुते हा युवक १५ सप्टेंबरला रात्री १० वाजता दुचाकीने घरून बाहेर पडला. दरम्यान नांदेपेरा मार्गावर असलेल्या नाल्यावरील पुलावरून खाली कोसळल्याने त्याचा मृत्यू झाला. १५ सप्टेंबरला गावात गणपती जवळ जेवणाचा कार्यक्रम होता. उमेशनेही तेथे जेवन केले. जेवण केल्यानंतर रात्री १० वाजता तो काही कामानिमित्त जातो म्हणून दुचाकी घेऊन निघाला. नांदेपेरा मार्गावरील नाल्याच्या पुलावरून जात असतांना त्याचे दुचाकी वरील नियंत्रण सुटले व तो दुचाकीसह नाल्यात कोसळला, असा कयास वर्तविण्यात येत आहे. उमेश हा दुचाकीसह नाल्यात कोसळल्याने त्याला जबर मार लागला. तसेच रात्रभर तो नाल्यातच पडून राहिल्याने त्याचा दुर्द...

प्रशांत चंदनखेडे वणी  तालुक्यातील कृष्णापूर येथील शेतकऱ्याची बैलजोडी १४ सप्टेंबरला सायंकाळी ७ वाजता चोरीला गेली. शेतकऱ्याने १५ सप्टेंबरला सकाळी १० वाजता अज्ञात चोरट्यांनी बैलजोडी चोरून नेल्याची तक्रार शिरपूर पोलिस सेटशनला नोंदविली. आणि ठाणेदार माधव शिंदे यांनी अवघ्या २४ तासांत या चोरी प्रकरणाचा छडा लावून चोरट्याच्या मुसक्या आवळल्या. आपल्या कौशल्यपूर्ण तपासातून गुन्हेगारांचा शोध लावण्यात माहीर असलेल्या ठाणेदार माधव शिंदे यांनी फरारीतील अनेक गुन्हेगारांना तुरुंगवारी घडविली आहे. गुन्हेगार कुठल्याही बिळात लपलेला असो ते आपल्या तर्कशुद्ध तपासणे त्याला शोधून काढतात. त्यांचं खबरी नेटवर्क अतिशय स्ट्रॉंग आहे. गंभीर गुन्ह्यांच्या तपासात नेहमीच त्यांचं सहकार्य लाभलं आहे. शेतकऱ्याची बैलजोडी चोरी करणाऱ्या चोरट्यालाही त्यांनी २४ तासांत शोधून काढलं. भोलाराम सुरेश पडोळे (३३) रा. डोर्ली असे या अटकेतील आरोपीचे नाव आहे. आरोपी भोलाराम पडोळे याने आपल्या दोन साथीदारांसह बैलजोडी चोरी केल्याची कबुली दिल्यानंतर पोलिसांनी भंडारा येथून बैलजोडी व पिकअप वाहन असा एकूण ४ लाख २० हजार रुपयांचा मुद्देमाल जप्त केला आ...

प्रशांत चंदनखेडे वणी  वणी तालुक्यातील बाबापुर (कायर) येथे गणपतीच्या दर्शनासाठी येत असलेल्या भाविकांचा ऑटो पलटी होऊन झालेल्या अपघातात दोन महिला गंभीर जखमी झाल्या तर आठ भाविकांना किरकोळ मार लागल्याची घटना रविवार दि. १५ सप्टेंबरला रात्री ८  वाजताच्या सुमारास वेळाबाई मोहदा मार्गावर घडली. ऑटो पलटी होताच मोहदा गावातील युवकांनी घटनास्थाकडे धाव घेत जखमींना रुग्णालयात पोहोचविण्यास मदत केली.  बाबापुर (कायर) येथील गणपती अतिशय प्रसिद्ध आहे. भक्तांना पावणारा गणपती म्हणून या गणपतीची ओळख आहे. येथील गणपतीच्या दर्शनासाठी दूरवरून भाविक येतात. गणेश उत्सवादरम्यान याठिकाणी भाविकांची प्रचंड गर्दी असते. झरी जामणी तालुक्यातील मांगली (मुकुटबन) येथील भाविकही बाबापुर येथील गणपतीच्या दर्शनासाठी येत असतांना त्यांचा ऑटो वेळाबाई मोहदा मार्गावर उलटला. या मार्गाची अतिशय दुरावस्था झाली असून रस्त्यावर ठिकठिकाणी मोठमोठे खड्डे निर्माण झाले आहेत. अशातच रात्रीच्या वेळेला ट्रकचा लाईट डोळ्यावर पडल्याने ऑटो चालकाला रोडवरील खड्डा दिसला नाही, व ऑटो (MH २९ M ६६२३) खड्ड्यात पलटी झाला. या अपघातात ऑटो मधील सुजाता पाटील...

प्रशांत चंदनखेडे वणी  रेल्वे फाटक बंद असतांना नागरिकांनी रेल्वे रूळ ओलांडू नये अशा रेल्वे विभागाकडून सूचना प्रसारित करण्यात येत असतांना देखील रेल्वे फाटकाखालून मोटारसायकल व सायकल काढणाऱ्या महाभागांच्या डोक्यात प्रकाश पडल्याचे दिसत नाही. रेल्वे विभागाकडून सुरक्षेच्या उपाययोजनांबाबत वेळोवेळी जनजागृती करण्यात येते. पण नियम मोडणाऱ्यांची संख्या मात्र रोडावल्याचे दिसत नाही. रेल्वेच्या बंद फाटकाखालून मोटारसायकल व सायकल काढणे आता नित्याचेच झाले आहे. वेळप्रसंगी रेल्वे फाटक हाताने उचलून दुचाकी पार करणारे महाभाग दररोज दृष्टीस पडतात. अशा नियम मोडणाऱ्या लोकांवर आधी कार्यवाही व्हायची, त्यांच्या मोटारसायकल जप्त व्हायच्या. मात्र आता कुठलीच कार्यवाही होत नसल्याने रेल्वे फाटकाखालून दुचाकी काढणाऱ्यांचे प्रमाण वाढले आहे. रेल्वेच्या धडकेत अनेकांना आपले जीव गमवावे लागले असतांना देखील नागरिक बेजाबदारपणा बाळगत आहेत. वणी वरोरा मार्गावरील रेल्वे फाटकाखालून मोटारसायकल व सायकल काढणाऱ्यांचे वाढलेले प्रमाण चिंतेची बाब बनली आहे. याकडे रेल्वे अधिकारी व कर्मचाऱ्यांनी लक्ष देण्याची गरज निर्माण झाली आहे.  वणी व...