LOKSANDESH

प्रशांत चंदनखेडे वणी  मुकुटबन ग्रामपंचायतीच्या महिला सरपंच यांना जाती वरून शिवीगाळ व जीवे मारण्याची धमकी देणाऱ्या उपसरपंचावर ऍट्रॉसिटी ऍक्ट अंतर्गत गुन्हा दाखल करण्यात आला आहे. अनिल राजेश्वर कुंटावार असे या गुन्हा दाखल झालेल्या उपसरपंचाचे नाव आहे.  मुकुटबन ग्रामपंचायतीच्या उपसरपंचाने सरपंच पदाचा मान तर राखलाच नाही, उलट एका महिलेला अश्लील शिविगाळ व अपमानास्पद शब्ध प्रयोग करून तिला चार चौघात अपमानित केले. ग्रामपंचायतीची सरपंच असलेल्या महिलेला जीवे मारण्याची धमकी देण्याइतपत मजल वाढलेल्या गुंड प्रवृत्तीच्या अनिल कुंटावार याच्या विरुद्ध महिला सरपंचाने मुकुटबन पोलिस स्टेशनला तक्रार नोंदविल्याने पोलिसांनी त्याच्यावर गुन्हा नोंद केला आहे.  मुकुटबन ही झरी तालुक्यातील सर्वात मोठी ग्रामपंचायत आहे. मुकुटबन ग्रामपंचायत हद्दीत अनेक छोटे मोठे व्यवसाय, मोठमोठ्या कंपन्या व कारखाने उभारण्यात आल्याने या ग्रामपंचायतीला विशेष महत्व प्राप्त झाले आहे. आर्थिक संपन्न अशीही ग्रामपंचायत आहे. मुकुटबन येथीलच रहिवाशी असलेल्या मिना जगदीश आरमुरवार (३८) या मुकुटबन ग्रामपंचायतीच्या विद्यमान सरपंच आहेत. ३०...

प्रशांत चंदनखेडे वणी  वेकोलित अधिकारी पदावर कार्यरत असलेल्या व्यक्तीने एका अल्पवयीन मुलीचा विनयभंग केल्याप्रकरणी सत्र न्यायालयाने त्याला दोन वर्षे सश्रम कारावास व १ लाख रुपये दंडाची शिक्षा सुनावली आहे. दंड न भरल्यास त्याला एक महिन्याचा साधा कारावास व ५०० रुपये दंडाची शिक्षा भोगावी लागणार आहे. अजित कुमार मिश्रा (४४) रा. परेणा. ता जि. शिवांग (बिहार) हू. मु. भालर असे या शिक्षा झालेल्या आरोपीचे नाव आहे. २०१९ मध्ये घडलेलं हे प्रकरण न्यायप्रविष्ट होतं. या प्रकरणात सरकारी वकिलांनी भक्कमपणे बाजू मांडत आरोपीला पोक्सोच्या गुन्ह्यात शिक्षा घडवून आणली. पांढरकवडा सत्र न्यायालयाचे न्यायाधीश सातभाई यांनी ३० मे ला प्रकरणाची सुनावणी करतांना प्रदीप मिश्रा याला दोषी ठरवून शिक्षा सुनावली आहे.  शिरपूर पोलिस स्टेशन अंतर्गत येणाऱ्या एका गावातील अल्पवयीन मुलगी ३० सप्टेंबर २०१९ ला शिकवणी वर्गाकरिता जात असतांना वेकोलि अधिकारी प्रदीप मिश्रा याने तिला वाटेत थांबवून अश्लील टिपणी करीत तिचा विनयभंग केला. याबाबत शिरपूर पोलिस स्टेशनला तक्रार करण्यात आल्यानंतर पोलिसांनी उत्कृष्ट तपास करून सत्र न्यायालयात दोषार...

प्रशांत चंदनखेडे वणी  गॅरेजमध्ये दुरुस्तीकरिता आलेल्या कारच्या ड्रॉवर मधून साडेसात तोळ्याच्या सोन्याच्या दागिन्यांवर हात साफ करणाऱ्या गॅरेज मधील चोरट्या मिस्त्रीला पोलिसांनी अटक केली आहे. त्याने चोरी केलेला मुद्देमाल पोलिसांनी त्याच्या जवळून जप्त केला आहे. शेख तनवीर शेख अजिज (२०) रा. रंगनाथ नगर असे या पोलिसांनी अटक केलेल्या आरोपीचे नाव आहे.  तालुक्यातील मोहदा येथील रहिवाशी असलेले रविंद्र रामदास राजूरकर हे माहेरी लग्न समारंभाकरीता गेलेल्या पत्नीला आणण्याकरिता कारने भद्रावतीला जात असतांना त्यांच्या कारचे कुलंट संपल्याने ते कारमध्ये कुलंट टाकण्याकरिता मुकुटबन रोडवरील मिर्झा सर्व्हिसिंग सेंटर येथे कार घेऊन गेले. त्यांच्या कारच्या ड्रॉवरमध्ये सोन्याचे दागिने असलेले पाकिट ठेवले होते. गॅरेज मधील मिस्त्रीने कुलंट टाकल्यानंतर रविंद्र राजूरकर सरळ भद्रावतीला निघून गेले. भद्रावतीला पोहचल्यानंतर त्यांनी कारच्या ड्रॉवर मधील दागिन्यांचे पाकिट काढण्याकरिता ड्रॉवर उघडले. पण ड्रॉवर मधील पाकिटात सोन्याचे दागिनेच नव्हते. त्यामुळे त्यांना चांगलाच धक्का बसला. त्यांनी पत्नीला घेऊन थेट...

प्रशांत चंदनखेडे वणी   राजकीय व सामाजिक क्षेत्रात आपल्या कार्यातून एक वेगळी ओळख निर्माण करणारं सर्वपरिचित व्यक्तीमत्व मोरेश्वरभाऊ उज्ज्वलकर व त्यांचे सुपुत्र आदित्य मोरेश्वर उज्ज्वलकर यांना वाढदिवसाच्या आभाळभर शुभेच्छा ! मितभाषी, मनमिळाऊ, सुस्वभावी व स्वभावगुणांचा खजिना असलेल्या मोरेश्वरभाऊ उज्ज्वलकर व आदित्य उज्ज्वलकर यांना त्यांच्या वाढदिवसानिमित्त उदंड आयुष्याच्या अनंत शुभेच्छा. शुभेच्छुक :- मोरेश्वर उज्ज्वलकर मित्र परिवार वणी विधानसभा क्षेत्र   मोरेश्वर राघोबाजी उज्ज्वलकर म्हणजे संघर्षातून उभरलेलं व्यक्तिमत्व. संघर्षमय जीवनाच्या वाटेवरून उद्योजक बनण्यापर्यंतचा मार्ग गाठणाऱ्या धेय्याचा प्रवास म्हणजे मोरेश्वर उज्ज्वलकर. गरिबीच्या काळोखाला चिरत आपल्या कर्तबगारीने प्रकाश वाट शोधणाऱ्या धैर्याचं नाव म्हणजे मोरेश्वर उज्ज्वलकर. मोरेश्वर उज्ज्वलकर यांनी हालाकीच्या परिस्थितीतही खचून न जाता परिस्थितीशी संघर्ष केला. जिद्दीने ते एक एक पाऊल पुढे टाकत गेले. गरिबीचे चटके सोसले पण आत्मविश्वास डळमळू दिला नाही. नशिबाने हिरवी झेंडी दाखविली की संघर्षाला यशाची वाट मिळते, असे म्हणतात. मोरेश्वरभ...

प्रशांत चंदनखेडे वणी  महागड्या अमली पदार्थाची नशा करणारे शौकीनही शहरात वाढले असल्याचे एका एमडी ड्रग्ज विक्रेत्यावर झालेल्या कार्यवाही वरून समोर आले आहे. शहरातील जत्रा मैदान परिसरातील खुल्या जागेवर एमडी ड्रग्ज विक्री करणाऱ्या तरुणाला एलसीबी पथकाने अटक केली आहे. त्याच्या जवळून २.२८० ग्राम एमडी ड्रग्ज किंमत ११ हजार ४०० रुपये या अमली पदार्थासह आयफोन व पल्सर मोटारसायकल असा एकूण ८६ हजार ४०० रुपयांचा मुद्देमाल एलसीबी पथकाने जप्त केला आहे. तसेच क्षितिज अशोक इंगळे (२३) रा. रंगनाथ नगर या ड्रग्ज विक्रेत्या तरुणाला अटक करून त्याच्यासह इतर तीन आरोपींवर गुन्हा दाखल करण्यात आला आहे. ही कार्यवाही ३० मे ला मध्यरात्री करण्यात आली.  शहरातील जत्रा मैदान परिसरात सार्वजनिक खुल्या जागेवर अमली पदार्थाची विक्री होत असल्याची गोपनीय माहिती एलसीबी पथकाला मिळाली. या माहिती वरून एलसीबी पथक खाजगी वाहनाने जत्रा मैदान येथे पोहचले. कुणाला जराही सुगावा लागू नये म्हणून पथकाने वाहन दूर अनंतरवर उभे केले. नंतर अमली पदार्थ विक्रेत्याचा शोध घेत एलसीबी पथक अंधारात पायी चालत असतांना त्यांना एक तरुण मोटसायकलवर बसून दिसल...

प्रशांत चंदनखेडे वणी   वेकोलिच्या वणी नॉर्थ क्षेत्रांतर्गत येणाऱ्या उकणी व निलजई कोळसाखाणीचे निर्माण व विस्तारीकरण करण्याकरिता वेकोलिने येथील शेतकऱ्यांची मोठ्या प्रमाणात शेतजमिन संपादित केली. उकणी ग्रामपंचायत हद्दीतील बहुतांश भूभाग वेकोलिने अधिग्रहित केला. त्यातल्या त्यात उकणी गावाच्या पुनर्वसनाची प्रक्रियाही अंतिम टप्प्यात आली आहे. मात्र उर्वरित ६०० एकर शेतजमिन अधिग्रहित करण्यास वेकोलि नकारात्मक पवित्रा घेत आहे. १७५ शेतकऱ्यांचा उदरनिर्वाह या शेतजमिनीवर अवलंबून आहे. परंतु वेकोलिने उकणी गावाचे पुनर्वसन केल्यास या शेतजमिनीवर वहिवाट करणं शक्य होणार नाही. त्यामुळे नाईलाजास्तव शेतकऱ्यांना शेतजमिनी पासून मुकावं लागणार आहे. परिणामी शेतकऱ्यांच्या उदरनिर्वाहाचे प्रश्न निर्माण होऊन ते नैराश्येत येण्याची शक्यता निर्माण झाली आहे. वेकोलिच्या अन्यायकारक धोरणामुळे शेतकरी कमालीचे हताश झाले आहेत. त्यामुळे वेकोलिने उर्वरित ६०० एकर जमिन संपादित करण्याच्या मागणीला घेऊन वर्धा नदीत जलसमाधी आंदोलन करण्यात येणार आहे.  कोळसाखाण प्रकल्पग्रस्त शेतकरी संघर्ष समितीच्या माध्यमातून ९ जूनला सकाळी ९ वाजतापासू...

प्रशांत चंदनखेडे वणी  शहरातील प्रमुख रहदारीचा मार्ग असलेल्या साई मंदिर चौक ते नांदेपेरा चौफुली पर्यंतच्या रस्त्याची प्रचंड दुरावस्था झाली असून रस्त्यावर ठिकठिकाणी मोठमोठे खड्डे पडले आहेत. या खड्ड्यांमध्ये पावसाचे पाणी साचल्याने रस्त्यावरच तळे निर्माण झाल्याचे दृश्य पाहायला मिळत आहे. पावसाच्या पाण्याने रस्त्यावरील खड्डे तुडुंब भरल्याने खड्ड्यांचा अंदाज घेणे कठीण झाले आहे. त्यामुळे या रस्त्यावर नेहमी अपघाताची भीती निर्माण झालेली असते. या रस्त्याने मोटारसायकल चालवितांना तर तारेवरची कसरत करावी लागत आहे. या रस्त्याचे बांधकाम हाती घेण्यात आले असले तरी अद्याप बांधकामाला सुरवात झालेली नाही. सार्वजनिक बांधकाम विभागाचे अधिकारी याकडे लक्ष द्यायला तयार नाही. त्यामुळे महाराष्ट्र नवनिर्माण सेनेच्या कार्यकर्त्यांनी रस्त्यावरील पाणी साचलेल्या खड्ड्यात बसून आंदोलन केलं. सार्वजनियक बांधकाम विभागाच्या अधिकाऱ्यांच्या डोळ्यात झणझणीत अंजन घालणारं हे आंदोलन होतं. मनसे कार्यकर्त्यांनी सार्वजनिक बांधकाम विभागावर तीव्र रोष व्यक्त करीत रस्त्यावरील खड्ड्यात साचलेल्या पाण्यात कमळाची फुले वाहिली. तसेच खड्ड्यात ...

प्रशांत चंदनखेडे वणी  वणी घुग्गुस राज्य महामार्गावरील वागदरा गावाजवळ विरुद्ध दिशेने येणारी दुचाकी ट्रकवर आदळल्याने झालेल्या अपघातात गंभीर जखमी झालेल्या युवकाचा उपचारादरम्यान मृत्यू झाला. दशरथ राजकुमार मालेकार (३२) रा. हेटी ता. कोरपना जि. चंद्रपूर असे या अपघातात मृत्युमुखी पडलेल्या युवकाचे नाव आहे. २९ एप्रिलला सायंकाळी ६ वाजताच्या सुमारास हा अपघात घडला होता.  वणी घुग्गुस महामार्गावर विरुद्ध दिशेने वणीकडे येणारी दुचाकी (MH २९ W ४४३२) वणी वरून चारगाव चौकीकडे जाणाऱ्या ट्रकवर (MH ३४ BZ ३७४७) आदळली. या भीषण अपघातात दुचाकीस्वार गंभीर जखमी झाला होता. अपघातस्थळी उपस्थित असलेल्या नागरिकांनी त्याला तात्काळ ग्रामीण रुग्णालयात दाखल केले होते. परंतु त्याची प्रकृती अत्यवस्थ असल्याने त्याला चंद्रपूर येथे रेफर करण्यात आले होते. चंद्रपूर येथे त्याच्यावर उपचार केल्यानंतर त्याला पुढील उपचारासाठी नागपूर येथे हलविण्यात आले. मात्र नागपूर येथील रुग्णालयात उपचार सुरु असतांना त्याने ५ मे ला शेवटचा श्वास घेतला.  कोरपना तालुक्यातील हेटी या गावचा रहिवाशी असलेला हा युवक मोटारसायकलने महामार्गाच्या विरु...

प्रशांत चंदनखेडे वणी  ट्रॅव्हल्स मधून एका सराफा व्यावसायिकाची चांदीचे दागिने असलेली बॅग अज्ञात चोरट्यांनी लंपास केल्याची घटना २२ मे ला रात्री ११ वाजताच्या सुमारास मोहदा येथील हिंदुस्थानी ढाब्यावर घडली. सराफा व्यावसायिकाने याबाबत २४ मे ला पांढरकवडा पोलिस स्टेशनला तक्रार दाखल केली. घटनेचे गांभीर्य ओळखून जिल्हा पोलिस अधीक्षकांनी या चोरी प्रकरणाचा जलद छडा लावण्याचे आदेश स्थानिक गुन्हे शाखा पथकाला दिले. त्यावरून स्थानिक गुन्हे शाखा पथकाने कौशल्यपूर्ण तपास करून अवघ्या काही दिवसांतच या चोरी प्रकरणाचा छडा लावला. सराफा व्यावसायिकाची चांदीचे दागिने असलेली बॅग लंपास करणाऱ्या चोरट्यांना एलसीबी पथकाने मध्यप्रदेश येथून अटक केली. त्यांच्या जवळून १६ किलो १६८ ग्राम वजनाचे चांदीचे दागिने ( किंमत ६ लाख ६८ हजार ७८८ रुपये)  एलसीबी पथकाने  जप्त केले आहे.   तेलंगणा राज्यातील किसरा दमईगुडा येथील सराफा व्यावसायिक प्रतिक प्रदिप कोटक यांनी यवतमाळ येथील जिगणेश जयंतीलाल हिंडोच्या या सुवर्ण व्यापाऱ्याकडून १६ किलो ८२७ ग्राम (किंमत ८ लाख १२३ रुपये) वजनाचे चांदीचे दागिने खरेदी केले. त्यानंतर ते रात्...

  प्रशांत चंदनखेडे वणी  विदर्भा नदीला पूर आल्याने पुलावरून पाणी वाहू लागले. पुलावरून वाहणाऱ्या पाण्याचा अंदाज न आल्याने टाटा मॅजिक वाहनासह दोन जण पाण्याच्या प्रवाहात वाहून गेले. त्यापैकी एकाला वाचविण्यात आले. तर एकाचा नदीत बुडून मृत्यू झाला. ही हृदयद्रावक घटना २७ मे ला रात्री १० वाजताच्या सुमारास घडली. रामा कनाके (५५) रा. उमरी असे या दुर्दैवी मृत्यू ओढवलेल्या इसमाचे नाव आहे.   पावसाळा सुरु होण्यापूर्वीच पावसाने सर्वत्र थैमान घातले आहे. सर्वदूर मुसळधार पाऊस पडत आहे. मागील काही दिवसांपासून संततधार व मुसळधार पडणाऱ्या पावसामुळे नदी नाले तुडुंब भरले आहेत. नद्या दुथडी भरून वाहू लागल्या आहेत. मंगळवारी जोरदार पाऊस पडल्याने विदर्भा नदीच्या पाण्याचा प्रवाह प्रचंड वाढला. विदर्भा नदी उफाण मारू लागली. नदीने धोक्याची पातळी गाठली. अशातच विदर्भा नदीला पूर आल्याने कायर-पठारपूर मार्गावरील कोसारा घाटातील पुलावरून पुराचे पाणी वाहू लागले. याच दरम्यान झरी तालुक्यातील डोंगरगाव येथील प्रवासी भाडे मारून उमरीकडे परतणारे टाटा मॅजिक वाहन नदीचा पूल पार करतांना पाण्याच्या प्रवाहात वाहून गेले....

प्रशांत चंदनखेडे वणी  शहरात चोरटयांनी प्रचंड धुमाकूळ घातला आहे. दिवसाढवळ्या चोरटे नागरिकांच्या मुद्देमालावर हात साफ करू लागले आहेत. शिक्षकाचे दुचाकीच्या डिक्कीतून दोन लाख रुपये लंपास केल्याची घटना ताजी असतांनाच चोरट्यांनी परत तीच शक्कल लढवून एका व्यक्तीची पैसे असलेली पिशवी लंपास केली आहे. दुचाकीने आलेले हे चोरटे रोख रक्कम असलेली पिशवी हिसकावून सुसाट पळाले. विशेष म्हणजे दोन्ही चोरट्यांनी हेलमेट घातले होते. ही घटना सोमवार दि. २६ मे ला दुपारी १२.१० वाजताच्या सुमारास टिळक चौक ते खाती चौक रस्त्यावरील माळीपुरा जवळ घडली.  चोरट्यांनी यावेळीही सेम शक्कल लढविली. काही पैसे खाली टाकून एका दुकानाजवळ उभ्या असलेल्या दुचाकी धारकाला तुमचे पैसे खाली पडले असल्याचा बनाव केला. सदर व्यक्ती खाली पडलेले पैसे उचलत असतांनाच त्याच्या दुचाकीच्या पेट्रोल टॅंक वरील लेदरच्या बॅगेत ठेऊन असलेली पैशाची पिशवी हिसकावून चोरटे दुचाकीने सुसाट पळाले. पैसे ठेऊन असलेली पिशवी हिसकावून पळणाऱ्या चोरट्यांना रोखण्याचा त्या व्यक्तीने प्रयत्न केला. पण दुचाकीने ते धूम स्टाईल पळाले. चोरट्यांनी स्वतःच पैसे खाली टाकून आपल्याला ग...

प्रशांत चंदनखेडे वणी  सट्टा मटका खेळण्याचे प्रचंड शौकीन असलेल्या दोन पोलिसांनी मटका व्यावसायिकाची लाखो रुपयांची उधारी झाल्यानंतर पैसे देण्यास नकार दिल्याने मटका व्यावसायिकाने त्या दोन्ही पोलिसांची ऑनलाईन मटका आकडे लावतांनाची व्हॉट्सॲप चॅटिंग सोशल मीडियावर वायरल केली. मोबाईलवरून मटक्याचे आकडे लावतांनाची व्हॉट्सॲप चॅटिंग सोशल मीडियावर वायरल झाल्यानंतर याची गंभीर दखल घेत जिल्हा पोलिस अधीक्षकांनी त्या दोन्ही पोलिस कर्मचाऱ्यांना निलंबित केले. परंतु निलंबनाचा काळ संपल्यानंतर त्यांना सेवेत सामावून घेण्यात आले होते. मात्र कार्यालयीन चौकशीत ते दोषी आढळल्याने त्या दोन्ही पोलिस कर्मचाऱ्यांना एसपींनी सेवेतून कायम बडतर्फ करण्यासंदर्भात नोटीस बजाविल्याची खमंग चर्चा पोलिस वर्तुळात रंगली आहे. यातील एका पोलिस कर्मचाऱ्याचे निलंबन झाल्यानंतरही व त्याची नंतर इतरत्र बदली होऊनही तो वणी पोलिस स्टेशनच्या कलेक्शनची कमान सांभाळून होता. एसपींनी सेवामुक्त करण्यासंदर्भात बजाविलेल्या नोटीसचे या दोन्ही पोलिस कर्मचाऱ्यांना १० दिवसांत उत्तर सादर करायचे आहे. वणी पोलिस स्टेशनमध्ये कार्यरत असतांना येथील दोन...

प्रशांत चंदनखेडे वणी  विविध सामाजिक उपक्रम राबवून शेतकरी व कामगार नेते संजय खाडे यांचा वाढदिवस अतिशय साधेपणाने साजरा करण्यात आला. त्यांच्या वाढदिवसानिमित्त स्थानिक शेतकरी मंदिर येथे महिला उद्योजकता मार्गदर्शन शिबीर व रक्तदान शिबिराचे आयोजन करण्यात आले होते. शेतकरी मंदिर येथेच घेण्यात आलेल्या अभिष्टचिंतन सोहळ्याला विविध क्षेत्रातील मान्यवरांची उपस्थिती लाभली होती.  रक्तदान शिबिराला रक्तदात्यांचा उत्स्फूर्त प्रतिसाद मिळाला. या रक्तदान शिबिरात एकूण ८० रक्दात्यांनी रक्तदान केले. रक्तदान शिबिरात रक्त संकलनाची जबाबदारी नागपूर येथील लाईफलाईन ब्लड बँकेच्या चमूंनी पार पाडली. दरम्यान महिला बचत गट व लघु उद्योजक महिलांसाठी घेण्यात आलेल्या महिला उद्योजकता मार्गदर्शन शिबिराला सुरवात झाली. या शिबिरात महिलांना लघु उद्योग व कर्ज वाटप या संदर्भात या क्षेत्रातील तज्ज्ञ व्यक्तींकडून मौलिक मार्गदर्शन करण्यात आले.  त्यानंतर आत्महत्याग्रस्त शेतकऱ्यांच्या कुटुंबियांना मोफत बी - बियाण्यांची किट वाटप करण्यात आली. वणी-मारेगाव-झरी येथील आत्महत्याग्रस्त शेतकऱ्यांचे कुटुंबीय या कार्यक्रमाला मोठ्या संख...

प्रशांत चंदनखेडे वणी   गोवंशाची कत्तल व गोमांस विक्रीवर शासनाने बंदी आणली असतांनाही चोरून लपून गोमांस विक्री केली जात असल्याचे पोलिसांनी केलेल्या कार्यवाहीत समोर आले आहे. एका मोपेड दुचाकीच्या डिक्कीतून पोलिसांनी १४.५  किलो गोमांस जप्त केले आहे. गोमांस विक्री करणाऱ्या आरोपीवर गुन्हा दाखल करण्यात आला आहे.  शहरातील रंगनाथ नगर येथे एक इसम गोमांस विक्री करीत असून त्याच्या मोपेड दुचाकीच्या डिक्कीत गोमांस भरून असल्याची माहिती पोलिसांना मिळाली. या माहितीच्या आधारे पोलिसांनी तात्काळ घटनास्थळ गाठले. तेथे एक इसम दुचाकीसह उभा असल्याचे पोलिसांना आढळून आले. पोलिसांनी त्याची चौकशी करतांनाच दुचाकीची डिक्की उघडून बघितली असता त्यात प्लॅस्टिकच्या पिशवीत गोमांसाचे तुकडे आढळून आले. एकूण सात पिशव्यांमध्ये असलेले तब्बल १४.५ किलो गोमांस पोलिसांनी दुचाकीच्या डिक्कीतून जप्त केले. ज्याची किंमत २९०० रुपये आहे. पोलिसांनी या कार्यवाहीत गोमांस व विना क्रमांकाची दुचाकी असा एकूण २२ हजार ९०० रुपयांचा मुद्देमाल जप्त केला आहे. तसेच आरोपी मोहम्मद अनिस अब्दुल रशीद कुरेशी (५०) रा. मोमीनपुरा याला अटक करून त्याच...

प्रशांत चंदनखेडे वणी  मुलीसाठी योग्य स्थळ बघून कुटुंबीयांनी मुलीच्या लग्नाची सुपारी फोडली. मुलीचे लग्न जुळल्याने कुटुंबात आनंदाचं वातावरण होतं. कुटुंबं लग्नाच्या तयारीला लागलं होतं. मुलीचं लग्न धुमधडाक्यात करण्याची इच्छा बाळगून असलेल्या आई वडिलांनी लग्न सोहळ्याची जय्यत तयारी केली. लग्नाच्या पत्रिका छापल्या आणि नातेवाईकांना मुलीच्या लग्नाचे स्नेह निमंत्रण देण्यात आले. घरात लग्नाची धामधूम सुरु होती. लग्न घटका अवघ्या काही दिवसांवरच आलेली असतांना मुलीने आई वडिलांचा मानसन्मान पायदळी तुडवीत तोंडाला काळं फासलं. कुटुंबं लग्नाच्या तयारीत व्यस्त होतं. आणि मुलगी प्रेमाच्या दुनियेत मस्त होती. तिने आई वडिलांच्या इज्जतीचा जराही विचार न करता प्रियकरासोबत पळ काढला. लग्नाची माळ गळ्यात पडण्यापूर्वीच ती प्रियकराचा हात धरून पळून गेली. उपवधू पळून गेल्याची चर्चा नंतर पंचक्रोशीत रंगली. नातेवाईकांपर्यंतही ही बातमी पोहचली. त्यामुळे कुटुंबावर प्रचंड नामुष्की ओढावली. बाशिंग बांधून असलेल्या नवऱ्या मुलाला ही बातमी कळताच त्याच्या आनंदाचा पार ढोलच फाटला. नंतर पोलिस स्टेशनला तक्रार देण्यात आली. आता पोलिसांबरोबरच ...

प्रशांत चंदनखेडे वणी  कौटुंबिक हिंचाराला महिलांनाच सामोरे जावे लागत असल्याच्या तक्रारी नेहमी ऐकायला मिळतात. शाररिरीक व मानसिक छळ नेहमी महिलांचाच होतो, अशाही तक्रारी प्रचंड आहेत. सासरी महिलांवर अत्याचार होत असल्याच्या ढीगभर तक्रारी पोलीस स्टेशनला दाखल आहेत. मात्र महिलेच्या अत्याचाराला पुरुष बळी पडल्याच्या तक्रारी क्वचितच दाखल होतात. अशीच एक पती पत्नीच्या मानसिक त्रासाने त्रस्त झाल्याची घटना समोर आली आहे. पत्नीच्या कारनाम्यांनी त्रस्त झालेल्या एका पतीने पत्नी व तिच्या कुटुंबीयांविरुद्ध पोलिस स्टेशनला तक्रार दाखल केली आहे. पत्नीच्या त्रासाला वैतागलेल्या एका पतीवर आपल्या पत्नी विरुद्ध तक्रार दाखल करण्याची वेळ आली आहे. पत्नीने शारीरिक व मानसिक त्रास देतांनाच दुसरा विवाह करून पतीची फसगत केली. तसेच दुसऱ्या विवाहाचा पुरावा मिळविण्यासाठी गेलेल्या पतीच्या भावाला तिच्या कुटुंबीयांनी मारहाण केली. याबाबत पती विजय आसुटकर याने २३ मे ला पोलिस स्टेशनला तक्रार नोंदवल्याने पोलिसांनी पत्नी व सासरच्या मंडळींवर गुन्हा दाखल केला आहे. राळेगाव तालुक्यातील खैरी या गावचा रहिवाशी आलेल्या विजय रामदास आसुटकर (३...

प्रशांत चंदनखेडे वणी  चोरटे चोरी करण्यात कमालीचे पटाईत झाले असून विविध शक्कली लढवून ते चोरीचे डाव साधू लागले आहेत. एका शिक्षकाला तुमचे पैसे खाली पडले असल्याचा बनाव करून चक्क मोटारसायकलच्या डिक्कीतून दोन लाख रुपयांची रक्कम लंपास केल्याची खळबळजनक घटना पुढे आली आहे. चोरट्याने थोडेफार पैसे खाली टाकून शिक्षकाला दोन लाखांचा गंडा घातला. खिशातून न पडलेले पैसे उचलण्याच्या नादात शिक्षक चोरट्याच्या गळाला लागला. आणि दोन लाख रुपये गमावून बसला.  चोरीच्या वेगवेगळया तऱ्हा लढवून चोरटे नागरिकांच्या मुद्देमालावर हातसाफ करू लागले आहेत.  शासकीय व प्रशासकीय स्तरावर वेगवेगळ्या माध्यमांनी जनजागृती करूनही नागरिक सतर्कता बाळगायला तयार नसल्याने चोरटे त्यांच्या मुद्देमालावर डल्ला मारू लागले आहेत. चोरीचे धडे गिरवणाऱ्या एका चोरट्याने शिक्षकाचीच फिरकी घेत दुचाकीच्या डिक्कीतून अलगद दोन लाख रुपये उडविल्याने शिक्षकावर पश्चातापाची वेळ आली आली आहे. चोरट्याने जमिनीवर पैसे पडल्याचा बनाव करून दुचाकीच्या डिक्कीतून दोन लाख रुपये लंपास केल्याची तक्रार शिक्षकाने पोलिस स्टेशनला नोंदविली आहे.  शहरातील विद्यानगर...

प्रशांत चंदनखेडे वणी  अतिरेक्यांनी पहलगाम येथील पर्यटकांवर गोळ्या चालवून २६ निष्पाप जीवांचे बळी घेतले. त्याला प्रतिउत्तर म्हणून भारतीय लष्कराने पाकिस्तान हद्दीतील अतिरेकी अड्ड्यांवर क्षेपणास्त्र डागली. पाकिस्तानच्या आश्रयात वसलेले दहशतवादी तळ सैन्याने उद्धवस्त केले. दहशतवादी कारवायांवर जोरदार प्रहार करतांना भारतीय सैनिकांनी पाकिस्तानला निर्वाणीचा इशारा दिला. पाकिस्तानातील दहशतवादी संघटनांचं कंबरडं मोडून ऑपरेशन सिंदूर यशस्वी करणाऱ्या सैनिकांच्या सन्मानार्थ गुरुवार २२ मे ला सायंकाळी शहारत भव्य तिरंगा यात्रा काढण्यात आली. देशाच्या सुरक्षेसाठी जीवाची बाजी लावणाऱ्या सैनिकांचे मनोबल वाढविण्याकरीता व पाकिस्तानातील दहशवादी तळ उध्वस्त केल्याबद्दल सैनिकांचे आभार मानण्याकरिता ही तिरंगा यात्रा काढण्यात आली. छत्रपती शिवाजी महाराज यांच्या पुतळ्याजवळून तिरंगा यात्रेला सुरवात झाली. महाराजांच्या पुतळ्याला पुष्पहार अर्पण करून शहरातील प्रमुख मार्गाने ही तिरंगा यात्रा निघाली. तिरंगा यात्रेत महिलांची उपस्थिती लक्षणीय होती. शिस्तबद्ध पद्धतीने निघालेली ही तिरंगा यात्रा लक्ष वेधणारी होती. एका आकर्षक सजावट...

प्रशांत चंदनखेडे वणी  शहरातील एका अल्पवयीन मुलीला सिनेस्टाइल पद्धतीने पळवून नेणाऱ्या आरोपीला पोलिसांनी अवघ्या काही तासांतच शोधून काढत त्याला बेड्या ठोकल्या आहे. अनिकेत नांदे वय अंदाजे २० वर्ष रा. खडबडा मोहल्ला असे या पोलिसांनी अटक केलेल्या आरोपीचे नाव आहे. त्याच्यावर अल्पवयीन मुलीला पळवून नेल्याप्रकरणी गुन्हा दाखल करण्यात आला आहे. तसेच त्याने अल्पवयीन मुलीचा गैरफायदा तर घेतला नसावा, याबाबतही त्याची कसून चौकशी केली जात आहे.  शहरातील एका परिसरात राहणाऱ्या महिलेने तिच्या १४ वर्षीय मुलीला खडबडा मोहल्ला येथील अनिकेत नांदे याने फूस लावून पळवून नेल्याची तक्रार २० मे ला पोलिस स्टेशनला नोंदविली. ही मुलगी नागपूर येथे आपल्या आजीकडे राहून येथेच शिक्षण घेत होती. मात्र शाळेला सुट्ट्या लागल्याने ती वणी येथे आपल्या आई वडिलांकडे आली होती. याच काळात आरोपी तरुणाने अल्पवयीन तरुणीला प्रेमाच्या जाळ्यात ओढून तिला फूस लावून पळवून नेले. आरोपीची हिंमत बघता कुटुंबियही प्रचंड धास्तीत आले. मुलीला पळवून नेतांना आरोपीला मुलीचा मामा समोर दिसताच त्याने सरळ त्याच्या अंगावरच कार चढविण्याचा प्रयत्न केला. नंतर का...

प्रशांत चंदनखेडे वणी  वणी विधानसभा क्षेत्रातील लोकप्रिय व मनमिळाऊ व्यक्तीमत्व तथा तडफदार कार्य कर्तृत्व असलेल्या संजय खाडे यांचा शुक्रवार दि. २३ मे ला विविध सामाजिक उपक्रम राबवून वाढदिवस साजरा करण्यात येणार आहे. त्यांच्या वाढिवसानिमित्त महिला बचत गट मार्गदर्शन शिबीर आणि भव्य रक्तदान शिबिराचे आयोजन करण्यात आले आहे. तसेच २३ मे ला सकाळी ११ वाजता जय जगन्नाथ मल्टीस्टेट क्रेडिट को-ऑप. सोसायटीच्या कर्मचारी व अभिकर्त्यांकडून वसंत जिनिंग सभागृहात अभिष्टचिंतन सोहळा आयोजित करण्यात आला आहे. या कार्यक्रमाला अध्यक्ष म्हणून अतुल इंगळे (नाबार्ड डीडीएम यवतमाळ) यांची उपस्थिती लाभणार आहे. तर कार्यक्रमाचे उद्घाटन वाहतूक उपशाखा वणीच्या सहाय्यक पोलिस निरीक्षक सिता वाघमारे यांच्या हस्ते होणार आहे. कार्यक्रमाला प्रमुख अतिथी म्हणून तहसीलदार निखिल धुळधर, पंचायत समिती वणीचे गटविकास अधिकारी किशोर गज्जलवार,  न.प. वणीचे सहाय्यक मुख्याधिकारी जयंत सोनटक्के, आरसीसीपीएल मुकुटबनचे सीएसआर कांबळे यांच्यासह विविध क्षेत्रातील मान्यवर उपस्थित राहणार आहेत  सकाळी ११ वाजता खास महिला बचत गटांसाठी आयोजित उद्योजकता प...

प्रशांत चंदनखेडे वणी  महापुरुषांच्या विचारांचा वारसा व वैचारिक प्रबोधनाची चळवळ पुढे नेण्याचा काही धेय्यवादी आंबेडकरी संघटना पोटतिडकीने प्रयत्न करीत आहेत. महापुरुषांच्या कार्याची प्रामाणिकपणे धुरा वाहणाऱ्या आंबेडकरी संघटनांमध्ये डॉ. बाबासाहेब आंबेडकर विचारमंच वणी या संघटनेचं नाव प्रकर्षाने पुढे येतं. या संघटनेने अलीकडच्या काळात महापुरुषांच्या विचारांचं वादळ निर्माण करणारे अनेक कार्यक्रम आयोजित केले. व्याख्यान व प्रबोधनात्मक कार्यक्रमातून महापुरुषांच्या विचारांचा जागर केला. सामाजिक जागृती करीता अभिप्रेत असलेले कार्यक्रम आयोजित करण्याकरिता हा विचारमंच प्रकर्षाने पुढाकार घेतो. महापुरुषांच्या वैचारिक दृष्टिकोन व मानवी नितिमत्तेपासून भरकट चाललेल्या समाजाला प्रबुद्ध विचारांकडे वळविण्याचा विडा डॉ. बाबासाहेब आंबेडकर विचारमंचने उचलला आहे. प्रख्यात विचारवंत व व्याख्यानकार यांच्या अभ्यासपूर्ण व्याख्यानांनी तसेच प्रबोधनकारांच्या प्रबोधनातुन समाजाला योग्य दिशा दाखविण्याचं काम आंबेडकरी विचारमंच सातत्याने करीत आहे.  अखिल विश्वाला शांतीचा संदेश देणारे तथागत भगवान गौतम बुद्ध यांच्या जयंतीचे औचि...

प्रशांत चंदनखेडे वणी  शहरातील खडबडा मोहल्ला येथील तरुणाने अल्पवयीन मुलीला फूस लावून पळवून नेल्याची तक्रार मुलीच्या आईने पोलिस स्टेशनला दाखल केली आहे. आईच्या तक्रारी वरून पोलिसांनी बालिकेला पळवून नेणाऱ्या आरोपीवर गुन्हा दाखल केला आहे.  शहरातील एका परिसरात वास्तव्यास असलेल्या महिलेला तीन मुली आहेत. त्यापैकी मोठी मुलगी १४ वर्षाची आहे. ती मागील चार वर्षांपासून आजीकडे राहते व नागपूर येथील मदरसा येथे शिक्षण घेते. शाळेला सुट्या लागल्याने ती वणी येथे आपल्या आई वडिलांकडे आली होती. २० मे ला मुलीची आई नागपूर येथे आपल्या आईकडे काही कामानिमित्त गेली होती. सायंकाळी ६ वाजता ती नागपूर वरून घरी परल्यानंतर तिला मुलगी ही घरी दिसली नाही. मुलीचा मोबाईलही बंद येत होता. त्यामुळे मुलीच्या आईने तिचा परिसरात सर्वत्र शोध घेतला. मात्र ती कुठेही आढळून आली नाही. अशातच मुलीच्या आईला तिच्या भावाचा फोन आला व मुलगी ही खडबडा मोहल्ला येथील रहिवाशी असलेल्या तरुणासोबत असल्याचे सांगितले. त्या दोघांसोबत त्याच्या ओळखीतील एक तरुणही असल्याचे त्याने आपल्या बहिणीला सांगितले. त्या दोघांसोबत असलेल्या तरुणाने नांदेपेरा रोड ...

प्रशांत चंदनखेडे वणी   तिकिटाच्या पैशावरून एका प्रवासी महिलेने एसटी महामंडळातील महिला वाहकाशी वाद घालून थापडा बुक्क्यांनी मारहाण केल्याची घटना २० मे ला सायंकाळी ५.३० वाजताच्या सुमारास वणी-चंद्रपूर एसटी बस व वणी बसस्थानकावर घडली. याबाबत महिला वाहकाने पोलिस स्टेशनला तक्रार नोंदविल्याने पोलिसांनी लोकसेवकाला आपले कर्तव्य बजावण्यापासून परावृत्त केल्याप्रकरणी आरोपी महिलेवर गुन्हा दाखल केला आहे.  तालुक्यातील चिखलगाव ग्रामपंचायत हद्दीत येणाऱ्या सदाशिवनगर येथे वास्तव्यास असलेली कु. वर्षा प्रभाकर सिडाम (३५) ही एसटी महामंडळाच्या वणी आगारात वाहक म्हणून कार्यरत आहे. २० मे ला वणी-चंद्रपूर बसवर कर्तव्य बजावत असतांना एका महिलेने तिकिटाच्या पैशावरून तिच्याशी वाद घालून थापडा बुक्क्यांनी मारहाण केली. वर्षा सिडाम ही दुपारी ३.३० वाजता वणी चंद्रपूर बसवर (MH ४० AQ ६०९२) वाहक म्हणून कर्तव्य बजावत होती. ही बस चंद्रपूरला पोहचल्यानंतर सायंकाळी ५.३० वाजता वणीच्या प्रवासाला निघाली. चंद्रपूर वरून प्रवासी घेऊन निघालेल्या या एसटी बसमध्ये चंद्रपूर येथून एक महिला प्रवासी देखील बसली. तिला वणीला यायचे होते. पण ए...

  प्रशांत चंदनखेडे वणी   भर उन्हाळ्यात धो-धो पाऊस पडू लागल्याने निसर्गचक्र बदलले की काय, हा संभ्रम निर्माण झाला आहे. निसर्गातील हा बदल थक्क करणारा आहे. ऋतूंनी कूस बदल्यागत वातावरण बदललं आहे. उन्हाळ्यातच पावसाळा सुरु झाल्यासारखं वाटायला लागलं आहे. मे हॉटमध्ये कुल वातावरण निर्माण झालं आहे. शहराला आज परत अवकाळी पावसानं झोडपलं. मेघगर्जनेसह जोरदार पाऊस पडला. ढगातून तीव्र स्वरूपाच्या जलधारा कोसळल्या. विजेच्या कडकडाटांसह धो-धो पाऊस बरसला. आकाशात काळेकुट्ट ढग जमा झाल्याने भरदुपारी सायंकाळ झाल्यासारखं वाटत होतं. उकाड्यानं त्रांगलेल्या जीवांना थंड वातावरणाची झुळूक अनुभवायला मिळाली. धुंवाधार बरसलेल्या पावसाने तापमानाचा पारा घसरला आणि गर्मीत थंड वातावरणाचा अनुभव आला.  निसर्गाचं चक्र बदललं की काय, असं वाटायला लागलं आहे. भर उन्हाळ्यात पावसाळी वातावरण निर्माण झालं आहे. दुपारनंतर अचानक वातारण बदलतं. नभात ढग दाटून येतात. वारे जोरजोरात वाहायला लागतात. दुपार नंतर कधी कधी पावसाळी वातावरणाचा अनुभव येतो. उष्णतेने जीव कासावीस झालेला असतांना आज २१ मे ला दुपारी २.३० वाजता वरूण राजा मनसोक्त बरसला....

प्रशांत चंदनखेडे वणी  पहलगाम (जम्मू काश्मीर) येथे पर्यटकांवर अंधाधुंद गोळीबार करून निष्पाप जीवांचे बळी घेणाऱ्या दहशतवाद्यांचा खात्मा व दहशतवाद्यांचे तळ उध्वस्त करण्याकरिता भारतीय लष्कराने राबविलेल्या ऑपरेशन सिंदूरच्या गौरवास्पद कामगिरीबद्दल सैनिकांचे मनोबल व सन्मान वाढविण्याकरिता शहरात तिरंगा यात्रा काढण्यात येणार आहे. २२ मे ला दुपारी ४ वाजता छत्रपती शिवाजी महाराज यांच्या पुतळ्याजवळून हि तिरंगा यात्रा निघणार आहे. सैनिकांनी ऑपरेशन सिंदूर यशस्वरीत्या पार पाडल्याने त्यांच्या सन्मानार्थ काढण्यात येणाऱ्या तिरंगा यात्रेत राष्ट्रभक्त नागरिकांनी मोठ्या संख्येने सहभागी होण्याचे आवाहन आयोकांनी केले आहे.  दहशतवाद्यांनी पहलगाम येथील पर्यटकांवर गोळ्या चालविल्या. पर्यटनासाठी आलेल्या २६ निष्पाप जीवांचे बळी घेतले. दहशतवाद्यांच्या या क्रूर कृत्यामुळे देशात संतापाची लाट उसळली. दहशतवाद्यांनी पर्यटकांवर केलेल्या या भ्याड हल्ल्याचा संपूर्ण देशातून तीव्र निषेध करण्यात आला. निर्दयीपणे गोळ्या चालवून निष्पाप जीवांचे बळी घेण्यात आल्याने देशभवना प्रचंड दुखावली. त्यामुळे दशतवादी संघटनांना पाठीशी घालणाऱ्...