LOKSANDESH

प्रशांत चंदनखेडे वणी  सेवा निवृत्त रेल्वे कर्मचारी विठ्ठलराव नगराळे यांचं आज १ जानेवारीला पहाटे अचानक आकस्मिक निधन झालं. रात्री नेहमी प्रमाणे झोपलेले विठ्ठलराव हे पहाटे उठलेच नाही. त्यांना व्ह्रदय विकाराचा झडका आला असावा असा कयास वर्तविला जात आहे. त्यांचा मुलगा राजेश याला वडिलांची शारीरिक हालचाल होत नसल्याचे आढळून आल्याने त्याने वडिलांना जोरजोराने हलवून उठविण्याचा प्रयत्न केला. पण कुठलाच प्रतिसाद न मिळाल्याने त्यांचा मृत्यू झाल्याचे त्याच्या लक्षात आले. मृत्यू समयी त्यांचं वय ८५ वर्षांचं होतं. मध्य रेल्वे विभागात दीर्घ काळ सेवा बजावल्यानंतर मुकद्दम म्हणून ते सेवा निवृत्त झाले. अतिशय मनमिळाऊ व सुस्वभावी व्यक्तिमत्व म्हणून ते परिसरात ओळखले जायचे. आंबेडकरी कार्यात त्यांचा सक्रिय सहभाग होता. रेल्वे स्टेशन परिसरात पंचशील झेंड्याची स्थापना करण्यात त्यांचंही महत्वाचं योगदान राहिलं. सर्वांमध्ये घुळमिळून राहणारे विठ्ठलराव अचानक सर्वांना सोडून निघून गेले ते कायमचे. त्यांच्या पश्चात मुलगा राजेश, संजय, दोन सुना व नातवंडे असा मोठा आप्त परिवार आहे. त्यांच्या अशा या अलगद जाण्याने परिसरात शोककळा प...

प्रशांत चंदनखेडे वणी  वणी पोलीस स्टेशन हद्दीत कोणत्याही प्रकारचे अवैध सुरु राहणार नाही, असे सक्त आदेश जिल्हा पोलिस अधीक्षकांनी दिल्याने पोलिसांनी अवैध धंद्यांवर कार्यवाहीचा बडगा उगारला आहे. मटका अड्डे चालविणाऱ्यांवर कार्यवाहीची मोहीमच हाती घेतली आहे. कोंबड बाजारांवरही धाड सत्र अवलंबलं आहे. अवैध व्यवसायिकांवर पोलिसांचं बारीक लक्ष असून अवैध व्यवसायांबाबत माहिती मिळवून पोलिसांकडून धडक कार्यवाही केली जात आहे. मटका अड्डे चालविण्यात येणाऱ्या ठिकाणी पोलिस तैनात करण्यात आले आहे. अवैध व्यवसायातून मालदार झालेले परत अवैध व्यवसायाकडे वळू लागल्याने कोंबड बाजार आणखीच रंगात येणार असल्याच्या चर्चांना ऊत आले. आणि पोलिसांनी कोंबड बाजारच उधळून लावला. त्यानंतर पोलिस स्टेशन हद्दीतील अवैध धंद्याचं समूळ उच्चाटन करण्याचा अजेंडा राबविण्यात आला. काल ३० डिसेंबरला एकता नगर परिसरात छुप्या पद्धतीने सुरु असलेल्या मटका जुगारावर पोलिसांनी कार्यवाही करीत मटका पट्टी फाडणाऱ्या एकाला अटक केली. त्याला पोलिसांनी मटका अड्डा चालविणाऱ्याचे नाव विचारले असता त्याने अभय उर्फ छोटू होले असे सांगितले. पोलिसांनी दोघांवरही गुन्हा ...

प्रशांत चंदनखेडे वणी   राज्य परिवहन महामंडळाची नागपूर-वणी ही बस बसस्थानकात नेत असतांना रस्त्यावर दुचाकी थांबवून मोबाईलवर वार्तालाप करणाऱ्या दोन तरुणांनी मोटारसायकल बाजूला घेण्यास सांगणाऱ्या बस चालकाला स्टेरिंगवरून खाली खेचत मारहाण केल्याची घटना काल ३० डिसेंबरला रात्री ८.१५ वाजताच्या सुमारास घडली. या टपोरी युवकांनी भाईगिरीचा आव आणीत भर रस्त्यावर हुडदंग घातल्याने काही काळ तणावाचे वातावरण निर्माण झाले होते. युवकांच्या या दबंगगिरीमुळे रस्त्यावरच बस उभी झाल्याने वाहतुकीचा मोठा जाम लागला होता. साई मंदिर पासून तर कृषी उत्पन्न बाजार समिती पर्यंत रस्त्याच्या चौपदरी करणाचे काम सुरु असल्याने एकाच बाजूने रहदारी सुरु आहे. त्यातही रस्त्यावर वाहने उभी करून उर्मटपणा दाखविला जात असल्याने वाहतुकीची कोंडी होतांना दिसत आहे. या युवकांनी नसल्या कुरापती करतांना बस रोखून धरली, व चालकाला शिवीगाळ करीत मारहाण केली. त्यामुळे रस्त्यावर वाहतुकीचा जाम लागल्याने पोलिसांनी तात्काळ घटनास्थळी धाव घेतली. दोनही युवकांवर शासकीय कामात अडथळा निर्माण केल्या प्रकरणी गुन्हे दाखल करण्यात आले आहेत.  वणी डेपोची नागपूर-वणी...

प्रशांत चंदनखेडे वणी  वेकोलि वणी नॉर्थ क्षेत्रात वेकोलिशी संलग्न असलेल्या खाजगी ट्रॅव्हल्स कंपन्यांमध्ये वाहन चालकांवर होत असलेल्या अन्यायाविरुद्ध शिवसेना नेते व यवतमाळ जिल्हा मध्यवर्ती बँकेचे उपाध्यक्ष संजय देरकर यांच्या नेतृत्वात काम बंद आंदोलन करण्यात आले. या आंदोलनामुळे वेकोलिचे अधिकारी व वाहतूकदार कंपनी मालकांचे चांगलेच धाबे दणाणले. त्यांनी यापुढे चालकांवर कोणत्याही प्रकारचा अन्याय होणार नसल्याचे आश्वासन देत वाहन चालकांच्या सर्व मागण्या मान्य केल्या. आंदोलनाचा कुठलाही गाजावाजा न करता संजय देरकर यांनी खाजगी ट्रॅव्हल्स कंपन्यांकडून चालकांची होणारी पिळवणूक दूर केली. तसेच खाजगी ट्रॅव्हल्स कंपन्या व वेकोलि कडून चालकांच्या सर्व मागण्या मान्य करून घेतल्या. ट्रॅव्हल्स कंपन्यांनी वेकोलीशी वाहतुकीचा करार केला आहे. वेकोलिने खाजगी वाहतूक कंपन्यांना वाहतुकीचे कंत्राट दिल्याने वणी नॉर्थ क्षेत्रात खाजगी वाहनांच्या माध्यमातून प्रवासी वाहतूक सुरु आहे. वेकोलि कर्मचारी व शाळकरी विद्यार्थ्यांना ने-आन करण्याकरिता खाजगी ट्रॅव्हल्स भाडेतत्वावर लावण्यात आल्या आहेत. या ट्रॅव्हल्स कंपन्यांमध्ये येथीलच ...

प्रशांत चंदनखेडे वणी   वयक्तिक कर्ज देणाऱ्या एका फायनान्शियल कंपनीतील कर्मचाऱ्यांनीच या कंपनीत आर्थिक गैरव्यवहार केल्याची घटना उघडकीस आली आहे. याबाबत फायनान्शियल कंपनीच्या वरिष्ठ अधिकाऱ्यांनी न्यायालयात खटला दाखल केल्यानंतर न्यायालयाने संबधीतांवर गुन्हे नोंदविण्याचे पोलिसांना आदेश दिले. न्यायालयाच्या आदेशावरून पोलिसांनी फायनान्शियल कंपनीच्या शाखा व्यवस्थापकासह तीन जणांवर कंपनीच्या रक्कमेत अफरातफर केल्या प्रकरणी विविध कलमान्वये गुन्हे दाखल केले आहे. ही घटना १५ फेब्रुवारी २०२२ ते २५ एप्रिल २०२२ दरम्यान घडली. २७ व २८ डिसेंबर २०२३ रोजी देण्यात आलेल्या दोन वेगवेगळ्या तक्रारी वरून पोलिसांनी या अपरातफ़र प्रकरणात गुन्हे दाखल केले आहेत.  शहरातील एका अपार्टमेंटमध्ये भारत फायनान्शियल इंक्लूजन लिमिटेड या कंपनीचे कार्यालय आहे. ही फायनान्शियल कंपनी कर्जदारांना मर्यादित कर्ज वाटप करते. वयक्तिक कर्ज देणाऱ्या या फायनान्शियल कंपनीत तेथे कार्यरत असलेल्या अधिकारी व कर्मचाऱ्यांनीच आर्थिक घोळ केल्याचे प्रकरण समोर आले आहे. ही फायनान्शियल कंपनी ईडसइंड कंपनीची उपशाखा आहे. या फायनान्शियल कंपनीच्या शाखा ...

प्रशांत चंदनखेडे वणी   आमेर बिल्डर अँड डेव्हलर्सच्या वतीने जमीर खान यांच्या वाढदिवसानिमित्त सामाजिक उपक्रमांतर्गत २१ मुस्लिम जोडप्यांचा सामूहिक निकाह सोहळा आयोजित करण्यात आला आहे. स्थानिक आशियाना हॉल येथे ३० डिसेंबरला सायंकाळी ६ वाजता हा सोहळा होणार असून २१ जोडप्यांचा सामूहिक निकाह या सोहळ्यात लावून दिला जाणार आहे. जमीर खान यांच्या सामाजिक उत्तरदायित्वातून हा सामूहिक निकाह सोहळा आयोजित करण्यात आला आहे.  या निकाह सोहळ्याला राष्ट्रीय मागास आयोगाचे अध्यक्ष व माजी खासदार हंसराज अहिर, आमदार संजीवरेड्डी बोदकुरवार, म.रा. वक्फ बोर्डाचे अध्यक्ष वसाहत मिर्जा, आमदार प्रतिभा धानोरकर, माजी आमदार वामनराव कासावार, मनसे नेते राजू उंबरकर, शिवसेना नेते संजय देरकर, भाजपचे जिल्हाध्यक्ष तारेंद्र बोर्डे, भाजप प्रदेश कार्यकारणी सदस्य विजय चोरडिया, आम आदमी पार्टीचे नेते भाई अमन, वणी व्यापारी असो. चे अध्यक्ष राकेश खुराणा, श्री रंगनाथ स्वामी पतसंस्थेचे अध्यक्ष देविदास काळे, भाजपचे चंद्रपूर लोकसभा विस्तारक रवि बेलुरकर,  फारुख चिनी  यांची उपस्थिती लाभणार आहे.  आमेर बिल्डर्स अँड डेव्हलर्सचे...

प्रशांत चंदनखेडे वणी  राज्य सरकारने अंगणवाडी सेविका व मदतनिस यांच्या मानधनात नाममात्र वाढ करून त्यांची एकप्रकारे थट्टा केली आहे. राज्य शासनाने अंगणवाडी सेविकांची मनधरणी करण्याकरिता त्यांच्या मानधनात अत्यल्प वाढ केली असून तुटपुंज्या मानधनात त्यांना घर खर्च भागवणं कठीण झालं आहे. महागाईच्या या काळात त्यांना अतिशय कमी मानधनात राबवून घेतलं जात आहे. त्यांच्या मागण्यांना आश्वासनांची खैरात वाटली जात आहे. शासन वेळोवेळी आश्वासने देऊन त्यांचं बोळवण करतांना दिसत आहे. शासनाच्या या वेळकाढू धोरणामुळे अंगणवाडी सेविका व मदतनिसांमध्ये कमालीचा असंतोष खदखदू लागला आहे. शासनाकडून होत असलेल्या अन्यायामुळे अंगणवाडी सेविकांनी आपल्या विविध मागण्यांना घेऊन आज महाराष्ट्र राज्य अंगणवाडी कर्मचारी संघाच्या माध्यमातून जेलभरो आंदोलन केले. अंगणवाडी सेविकांनी शहरात आज भव्य मोर्चा काढून शासनाचा निषेध केला. हा मोर्चा छत्रपती शिवाजी महाराज चौकात आल्यानंतर तेथे राज्य शासनाविरोधात निदर्शने देण्यात आली. अंगणवाडी सेविकांच्या या आंदोलनाला मनसेचे नेते राजू उंबरकर यांनी जाहीर पाठिंबा दर्शविला. त्यांनी अंगणवाडी सेविकांना लवकरच...

प्रशांत चंदनखेडे वणी  वणीच्या क्रिकेट इतिहासातील सर्वात मोठी व लाखोंची अवाढव्य बक्षिस असणारी क्रिकेट स्पर्धा शहरात आयोजित करण्यात आली आहे. नवीन वर्षाच्या सुरुवातीला वणी वणीकरांना क्रिकेटचा थरार पहायला मिळणार आहे. २ जानेवारी पासून टी-१० चॅम्पियन लिग २०२४ (सिजन दुसरे) या स्पर्धेचा शुभारंभ होणार आहे. पारसमल प्रेमराज ज्वेलर्स यांच्या विद्यमाने ही वणीच्या क्रिकेट जगतातील भव्य स्पर्धा आयोजित करण्यात आली आहे. शासकीय मैदानावर (पाण्याची टांकी) या स्पर्धेचे सामने होणार आहे. तत्पूर्वी या स्पर्धेच्या उद्घाटन सोहळ्याची उत्सुकता सर्वांना लागली आहे. २९ डिसेंबरला सायंकाळी ७ वाजता टी-१० चॅम्पियन लिग स्पर्धेचा होणारा उद्घाटन सोहळा डोळ्याचे पारणे फेडणारा ठरणार आहे. या उद्घाटन सोहळ्याचं खास आकर्षण म्हणजे सुप्रसिद्ध नृत्यांगना व तरुणाईला वेड लावणारी गौतमी पाटील हा सोहळा गाजवणार आहे. गौतमी पाटील यांचा खास सांस्कृतिक कार्यक्रम या निमित्ताने आयोजित करण्यात आला आहे.  तालुक्यातील खेळाडूंमध्येही उत्तम खेळाडू होण्याची प्रतिभा दडलेली आहे. तालुक्यातूनही प्रतिभाशाली खेळाडू समोर यावे, व त्यांचं राज्यात नावलौ...

प्रशांत चंदनखेडे वणी   ग्रामीण भागातील तरुणांमध्येही प्रतिभावंत खेळाडू होण्याची क्षमता असून ग्रामीण भागातून अनेक प्रतिभाशाली खेळाडू घडले आहेत. ग्रामीण भागातील तरुण हे शारीरिक दृष्ट्या तंदुरुस्त व रांगडे असतात. त्यामुळे क्रीडा क्षेत्रातही ते आपली चमक दाखवू लागले आहेत. शेतातील कामातून वेळ मिळाल्यानंतर ते आपला खेळाचा छंद जोपासतात. ग्रामीण तरुणांमध्ये खेळाविषयी असलेलं आकर्षण बघता ग्रामीण भागातही खेळांच्या स्पर्धा मोठ्या प्रमाणात होऊ लागल्या आहेत. ग्रामीण भागात क्रीडा स्पर्धांचं आयोजन होऊ लागल्याने गाव खेड्यातील खेळाडूंची प्रतिभा समोर येऊ लागले आहे. शहरी भागाबरोबरच ग्रामीण क्षेत्रातही क्रिकेट प्रिमियर लिग सारख्या स्पर्धा आयोजित केल्या जात असल्याने ग्रामीण भागातूनही प्रतिभाशाली खेळाडू घडू लागले आहेत. त्यामुळे ग्रामीण भागात ठिकठिकाणी अशा स्पर्धा आयोजित करणं गरजेचं झालं असल्याचे मनोगत श्री रंगनाथ स्वामी अर्बन निधी लिमिटेडचे अध्यक्ष संजय खाडे यांनी व्यक्त केले. बोरगाव प्रिमियर लिगच्या बक्षीस वितरण सोहळ्यात ते अध्यक्ष म्हणून बोलत होते. राष्ट्रसंत तुकडोजी महाराज क्रिडा मंडळ बोरगाव (मे) द्वारा...

प्रशांत चंदनखेडे वणी  वेकोलिशी संलग्न असलेल्या ट्रॅव्हल्स चालकांना शासनाच्या नियमानुसार वेतन व अन्य सुविधा मिळत नसल्याने ट्रॅव्हल्स चालकांच्या मागण्यांना घेऊन २८ डिसेंबर पासून कामबंद आंदोलन करण्याचा इशारा एकता असोशिएशनच्या वतीने वणी नॉर्थ क्षेत्राचे क्षेत्रीय महाप्रबंधक यांना दिलेल्या निवेदनातून देण्यात आला आहे. या दरम्यान वेकोलि कर्मचाऱ्यांना व शाळाकरी विद्यार्थ्यांना जाणे येणे करतांना अडचणी निर्माण झाल्यास याची संपूर्ण जबादारी वेकोलि प्रशासन व ट्रॅव्हल्स मालकांची राहील, असा इशाराही निवेदनातून देण्यात आला आहे.  कोळसाखाणींमध्ये काम करणाऱ्या कर्मचाऱ्यांना कामावर जाणे येणे करण्याकरिता वेकोलि कडून खाजगी वाहनांची व्यवस्था करण्यात आली आहे. या करिता विविध ट्रॅव्हल्स कंपन्यांशी वेकोलिने करार केला आहे. तसेच शाळकरी विद्यार्थ्यांसाठीही खाजगी वाहनांची व्यवस्था करण्यात आली आहे. त्यामुळे वेकोलिशी अनेक ट्रॅव्हल्स कंपन्या संलग्न झाल्या आहेत. वेकोलिच्या वणी नॉर्थ क्षेत्रातील कोळसाखाणींमध्ये लावण्यात आलेल्या ट्रॅव्हल्सवर अनेक चालक कार्यरत आहेत. परंतु या चालकांना कोणत्याही प्रकारच्या सुविधा मिळ...

प्रशांत चंदनखेडे वणी  वेकोलीशी अधिनस्त असलेल्या हिलटॉप हायरोइन लिमिटेड या ओबी कंपनीत पोलिसांनी धाड टाकून बनावट डिझेलचा मोठा साठा जप्त केला आहे. ही कार्यवाही १८ डिसेंबरला करण्यात आली. कोलारपिंपरी कोळसाखाणीत कार्यरत असलेल्या हिलटॉप कंपनीत मातीची वाहतूक करणाऱ्या  व्होल्व्हो  वाहनांमध्ये द्रव्य मिश्रित डिझेल व बायो डिझेलचा वापर करण्यात येत असल्याची ओरड ऐकायला मिळत होती. याबाबतचे वृत्तही न्यूज मीडियातुन प्रकाशित करण्यात आले होते. मातीची वाहतूक करणाऱ्या वाहनांमध्ये द्रव्य मिश्रित डिझेल भरण्यात येत असल्याच्या चर्चा रंगू लागल्याने गुन्हे शाखा पथकाने या गंभीर बाबीकडे लक्ष केंद्रित केले. याबाबत सखोल माहिती मिळवून गुन्हे शाखा पथकाने हिलटॉप कंपनीत धाड टाकली, व कंपनीतील बोगस डिझेलचा पर्दाफाश केला. गुन्हे शाखा पथकाने घटनास्थळावरून ३६ लाखांचा मुद्देमाल जप्त केला असून एकाला ताब्यात घेतले आहे. या प्रकरणी ४ जनांवर गुन्हा दाखल करण्यात आला आहे.  कोलारपिंपरी कोळसाखाणीत मोठ्या प्रमाणात उत्खनन कार्य सुरु असून उत्खननाचे कंत्राट हिलटॉप हायरोइन लिमिटेड या हेवीवेट कंपनीला देण्यात आले आहे. भूगर...

प्रशांत चंदनखेडे वणी  संविधान जागर सन्मान मंच वणी द्वारा भव्य धम्मक्रांती मेळावा आयोजित करण्यात आला आहे. २४ डिसेंबरला स्थानिक एस.पी.एम हायस्कुलच्या भव्य पटांगणात आयोजित या मेळाव्याला प्रमुख मार्गदर्शक म्हणून भारतीय बौद्ध महासभेचे राष्ट्रीय अध्यक्ष डॉ. राजरत्न आंबेडकर यांची उपस्थिती लाभणार आहे. बौद्ध धम्माच्या प्रचार प्रसाराकरिता आपलं आयुष्य वेचणाऱ्या डॉ. राजरत्न आंबेडकर यांनी बौद्ध तत्वज्ञानापासून भरकटत चाललेल्या समाजाला बुद्धांच्या वाटेवर आणण्याचा एकाकी प्रयत्न चालविला आहे. देशात बुद्धांची विचारसरणी पेरण्याचा त्यांनी वसा घेतला आहे. या मेळाव्यातून ते बौद्धांची स्वतंत्र अर्थव्यवस्था निर्माण करणे या विषयावर मोलाचे मार्गदर्शन करणार आहेत. बुद्धाचं तत्वज्ञान देशात रुजविण्याकरिता त्यांनी चळवळ उभारली आहे. बुद्ध धम्माचं तत्वज्ञान अवगत करण्याची प्रेरणा देणारे त्यांचे तत्वनिष्ठ विचार ऐकण्याची संधी संविधान जागर सन्मान मंचाने उपलब्ध करून दिली आहे. या कार्यक्रमाला जनतेने हजारोंच्या संख्येने उपस्थित राहण्याचे आव्हान आयोजकांनी केले आहे.  २४ डिसेंबरला सायंकाळी ५ वाजता या धम्म क्रांती मेळाव्या...

प्रशांत चंदनखेडे वणी  तालुक्यात आत्महत्यांचं सत्र सुरूच असून आज आणखी एका तरुणाने नैराश्येतून आत्महत्या केल्याची घटना उघडकीस आली आहे. तालुक्यातील पठारपूर येथे वास्तव्यास असलेल्या तरुणाने शेतातील झाडाला गळफास लावून आपल्या जीवनाचा शेवट केला. ही दुःखद घटना आज २३ डिसेंबरला पहाटेच्या सुमारास उघडकीस आली. स्वप्नील संजय गारघाटे (३०) असे या गळफास घेतलेल्या तरुणाचे आहे.  स्वप्नील हा पठारपूर येथे आपल्या कुटुंबीयांसोबत रहात होता. त्याचे वडील हे शेतकरी असून त्यांची पठारपूर येथे शेती आहे. स्वप्नील देखील शेत कामात हातभार लावायचा. २२ डिसेंबरला तो नेहमी प्रमाणे शेतात गेला. परंतु बराच वेळ होऊनही तो घरी परतला नाही. रात्रभर तो घरी न आल्याने त्याचा सकाळी शेतात जाऊन शोध घेतला असता तो शेतातीलच झाडाला गळफास घेतलेल्या अवस्थेत आढळून आला. घरातील कर्त्या पुरुषाने असा हा आत्महत्येसारखा टोकाचा निर्णय घेतल्याने कुटुंबावर दुःखाचा डोंगर कोसळला आहे. उभरत्या वयात तरुण नैराश्येतून आत्महत्या करू लागल्याने पालकांच्या चिंता वाढल्या आहेत. कुटुंबाचा आधार असलेल्या तरुण मुलाने आत्महत्येचा मार्ग निवडल्याने कुटुंबं पुरतं ...

प्रशांत चंदनखेडे वणी   वणी यवतमाळ मार्गावरील रुखमाई कोल वॉशरी येथे भव्य आरोग्य तपासणी शिबीर घेण्यात आलं. या शिबिरात कोल वॉशरीतील कार्यालयीन कर्मचारी व कामगारांनी आपल्या आरोग्याची तपासणी करून घेतली. तसेच आसपासच्या गावातील नागरिकांनीही या शिबिराचा मोठ्या प्रमाणात लाभ घेतला. जवळपास १५० च्या वर  कर्मचारी, कामगार व नागरिकांनी या शिबिरात आपल्या आरोग्याची तपासणी केली. २२ डिसेंबरला सकाळी १०.३० ते सायंकाळी ५ वाजेपर्यंत हे आरोग्य तपासणी शिबीर घेण्यात आलं. सकाळी १०.३० वाजता या शिबिराचा उद्घाटन सोहळा पार पडला. यावेळी रुखमाई कोल वॉशरीचे डायरेक्टर दानिश अहमद, प्रमुख व्यवस्थापक ईश्वर बांडेबुचे, एच.आर. मॅनेजर किशोर जांगडे, कार्यकारी अधिकारी सुनिल भोंगाडे हे प्रामुख्याने उपस्थित होते.  आजच्या धकाधकीच्या जीवनात नागरिकांचं आपल्या आरोग्याकडे दुर्लक्ष होऊ लागलं आहे. जीवनातील व्यस्ततेमुळे नागरिकांना आपल्या आरोग्याची काळजी घेणं शक्य होत नाही. त्यामुळे त्यांच्यातील छोटे आजार गंभीर रूप धारण करतांना दिसतात. कोळसा क्षेत्रात काम करणाऱ्या व्यक्तींनाही अनेक आजार उद्भवतात. पण ते देखील कामातील व्यस्थतेम...

प्रशांत चंदनखेडे वणी  स्वावलंबी शिक्षण संस्थेद्वारा संचालित सुशगंगा ग्रुप ऑफ इन्स्टिट्यूशन अंतर्गत सुशगंगा पब्लिक स्कुल येथे राष्ट्रीय गणित दिवस साजरा करण्यात आला. महान गणिततज्ज्ञ रामानुजन यांचा जन्मदिवस राष्ट्रीय गणित दिवस म्हणून साजरा करण्यात येतो. या अनुषंगाने सुशगंगा पब्लिक स्कुल येथेही कार्यक्रम आयोजित करण्यात आला. गणित दिवसाचे औचित्य साधून शाळेत गणित प्रदर्शनी घेण्यात आली. कार्यक्रमाचे उद्घाटन शाळेचे प्राचार्य प्रविण दुबे यांच्या हस्ते करण्यात आले. तर शाळेचे संस्थापक प्रदीप बोनगिरवार व व्यवस्थापकीय संचालक मोहन बोनगिरवार हे या कार्यक्रमाला प्रामुख्याने उपस्थित होते.  विद्यार्थ्यांच्या बुद्धी कौशल्यात भर पडावी तथा विद्यार्थ्यांच्या बुद्धिमत्तेचा विकास व्हावा म्हणून सुशगंगा पब्लिक स्कुलमध्ये विविध बौद्धिक कार्यक्रम घेतले जातात. त्याचाच एक भाग म्हणून गणित दिवस उत्साहाच्या वातावरणात साजरा करण्यात आला. यावेळी गणित प्रदर्शनी देखील घेण्यात आली होती. इयत्ता दुसरीत शिकणाऱ्या विद्यार्थ्यांनी भूमितीय आकार व तिसरीतील विद्यार्थ्यांनी त्रिकोणमितीवर आधारित प्रतिकृती तयार केल्या. शाळेचे ...

प्रशांत चंदनखेडे वणी  वणी तालुक्यातील कायर ग्रामपंचायतीच्या सरपंचांना शासकीय जागेवर अतिक्रमण केल्याचा ठपका ठेऊन अपात्र ठरविण्याच्या जिल्हाधिकाऱ्यांच्या आदेशाला अमरावती आयुक्तालयाने स्थगिती देऊन त्यांना सरपंचपदी कायम ठेवल्याने विरोधकांची व्यूहरचना कुचकामी ठरली आहे. कायर ग्रामपंचायतीचे सरपंच नागोराव धनकसार यांच्या विरुद्ध रचलेली कटकारस्थानं आयुक्तांच्या स्थगितीच्या आदेशाने धुळीस मिळाली आहे. नागोराव धनकसार यांना सरपंच पदावरून हटविण्याकरिता विविध युक्त्या व शक्कली लढविण्यात आल्या. त्यांचे सरपंच पद घालविण्याकरिता मोर्चे बांधणीही करण्यात आली. त्यांनी शासकीय जमिनीवर अतिक्रमण केल्याच्या ताकदीने तक्रारी करण्यात आल्या. जिल्हाधिकारी यांच्याकडे तक्रारींचा पाढा वाचून नागोराव धनकसार यांना अपात्र ठरविण्याची मागणी रेटून धरण्यात आली. अखेर अतिक्रमण केल्याच्या कारणावरून जिल्हाधिकाऱ्यांनी त्यांना अपात्र ठरविले. पण त्यांनी वेळीच अमरावती आयुक्तालयात धाव घेतली, व आयुक्तांकडे रीतसर अपील केली. आयुक्तांनी अपीलधारकाच्या वकिलांचा युक्तिवाद ऐकून तथा सत्यता पडताळून जिल्हाधिकाऱ्यांच्या अपात्रतेच्या आदेशाला २१ डि...

प्रशांत चंदनखेडे वणी  वणी तालुक्यातील कोळसाखानी, सिमेंट कंपन्या, चुना भट्टे, खनिजांवर आधारित उद्योग व कारखान्यांमुळे मोठ्या प्रमाणात प्रदूषण होऊ लागल्याने मानवी आरोग्यावर त्याचा विपरीत परिणाम होऊ लागला आहे. धूळ प्रदूषणामुळे शेत पिकांचंही मोठ्या प्रमाणात नुकसान होऊ लागलं आहे. खनिज उत्पादक कंपन्या व उद्योगांचं प्रदूषण नियंत्रणाकडे अक्षम्य दुर्लक्ष होऊ लागल्याने प्रदूषणाने उचांकी पातळी गाठली आहे. तालुक्यात कुठेही प्रदूषण मापक यंत्र बसविण्यात आलेले नाही. राज्य प्रदूषण नियंत्रण मंडळ कागदी घोडे नाचवितांना दिसत आहे. प्रदूषण निर्माण करणाऱ्या कंपन्या व उद्योगांना नियम लावण्यात प्रशासन उदासीनता दर्शवित असल्याने खनिज उत्पादन कंपन्या व उद्योजकांची मनमानी वाढली आहे. प्रदूषण रोखण्याकरिता कोणत्याही प्रकारच्या उपायोजना केल्या जात नसल्याने प्रदूषित वातावरणात जीवन जगतांना येथील नागरिकांचा श्वास गुदमरू लागला आहे. वेकोलिच्या कोळसाखानी, खनिज उत्पादक कंपन्या व खनिजांवर आधारित उद्योगांमुळे प्रदूषणाच्या विळख्यात अडकलेल्या या तालुक्याला काळी नगरी ही उपमा देण्यात आली आहे. धूळ प्रदूषणामुळे मानवी आरोग्य व शेत...

प्रशांत चंदनखेडे वणी   चालत्या कारला अचानक आग लागून संपूर्ण कार आगीच्या भक्षस्थानी चढल्याची खळबळ जनक व हृदयाचा थरकाप उडविणारी घटना आज २० डिसेंबरला सकाळी १०.१५ वाजताच्या सुमारास वणी वरोरा मार्गावरील एका पेट्रोलपंप समोर घडली. अगदीच पेट्रोलपंप जवळ अचानक या कारने पेट घेतला, व क्षणात संपूर्ण कारला आगीने आपल्या कवेत घेतले. धु-धु करत संपूर्ण कार जळाली. घटनेची माहिती पोलिसांना मिळताच पोलिसांनी तात्काळ घटनास्थळ गाठून अग्निशमन दलाला पाचारण केले. अग्निशमन दल अगदी वेळेतच घटनास्थळी पोहचल्याने मोठा अनर्थ टळला. अग्निशमन दलाच्या कर्मचाऱ्यांनी पाण्याचा मारा करून आगीची धग शमविली. अग्निशमन दलाच्या कर्मचाऱ्यांनी शर्थीचे प्रयत्न करून पेटती कार विझविल्याने सर्वांनी सुटकेचा निःश्वास सोडला. तांत्रिक बिघाडीमुळे ही आग लागल्याचे सांगण्यात येत आहे. कार मधून धूर निघू लागताच प्रसंगावधान राखून कार मालक कारमधून बाहेर पडल्याने अनुचित प्रकार टळला.  राजुरा येथील रहिवासी असलेला शानू शेख हा कार दुरुस्तीकरिता वणीला येत होता. दरम्यान वजन काट्याजवळ असलेल्या पेट्रोलपंप समोर चालत्या कारने अचानक पेट घेतला. क्षणातच आग भ...

प्रशांत चंदनखेडे वणी   शेतकरी आत्महत्याग्रस्त जिल्हा म्हणून ओळखल्या जाणाऱ्या यवतमाळ जिल्ह्यातील झरी जामणी तालुक्यात एकाच दिवशी दोन शेतकऱ्यांनी आत्महत्या केल्याच्या घटना उघडकीस आल्याने तालुका हादरला आहे. आमलोन या गावातील शेतकऱ्याने गळफास घेऊन आत्महत्या केल्याच्या घटनेला काही तासांचा अवधी लोटत नाही तोच डोंगरगाव येथील शेतकऱ्याने विषारी द्रव्य प्राशन करून आत्महत्या केल्याची घटना घडल्याने तालुक्यात चिंतेचं वातावरण पसरलं झालं आहे. मुकुटबन पोलिस स्टेशन हद्दीतच या दोन्ही आत्महत्यांच्या घटना घडल्या आहेत. मुकुटबन पोलिस स्टेशन अंतर्गत येणाऱ्या डोंगरगाव येथील एका शेतकऱ्याने राहत्या घरीच विषारी द्रव्य प्राशन करून आत्महत्या केल्याची घटना १९ डिसेंबरला सायंकाळच्या सुमारास उघडकीस आली. बाबाराव विठ्ठल डोहे (५३) असे या विष प्राशन करून आत्महत्या केलेल्या शेतकऱ्याचे नाव आहे.  झरी जामणी तालुक्यातील डोंगरगाव येथे वास्तव्यास असलेल्या बाबाराव डोहे या शेतकऱ्याने घरी कुणी नसतांना विषारी द्रव्य प्राशन करून मृत्यूला कवटाळले. मृत्तक बाबाराव यांची पत्नी शेतातून घरी परतल्यानंतर तिला बाबाराव हा कुठलीही शारीरिक...

प्रशांत चंदनखेडे वणी  मुकुटबन पोलिस स्टेशन अंतर्गत येणाऱ्या आमलोन या गावातील एका कास्तकाराने राहत्या घरी गळफास घेऊन आत्महत्या केल्याची घटना आज १९ डिसेंबरला सकाळच्या सुमारास उघडकीस आली. आनंदराव शंकर मेश्राम (५०) असे या गळफास घेतलेल्या कास्तकाराचे नाव आहे. त्याच्या आत्महत्या करण्यामागचे कारण अद्याप गुलदस्त्यात आहे. झरी जामणी तालुक्यातील आमलोन या गावात परिवारासह वास्तव्यास असलेल्या आनंदराव मेश्राम या कास्तकाराने घराच्या आड्याला आयलोन दोराने गळफास लावून आपली जीवनयात्रा संपविली. कुटुंबातील सदस्य वणी येथे मुक्कामी असतांना त्याने हा टोकाचा निर्णय घेतला. घरी कुणी नसल्याची संधी साधून त्याने राहत्या घरीच गळफास घेत मृत्यूला कवटाळले. सकाळी ते गळफास घेतलेल्या अवस्थेत आढळून आल्याने याची माहिती मुकुटबन पोलिसांना देण्यात आली. मुकुटबन पोलिसांनी तात्काळ घटनास्थळ गाठून घटनास्थळाचा पंचनामा करीत मृतदेह उत्तरीय तपासणी करीता ग्रामीण रुग्णालयात पाठविला. कास्तकाराने आत्महत्येसारखा टोकाचा निर्णय का घेतला हे अद्याप कळू शकले नाही. मृतक आनंदराव मेश्राम यांच्या पश्चात पत्नी, मुलगा व एक विवाहित मुलगी असा आप्त पर...

प्रशांत चंदनखेडे वणी   वेकोलिच्या कोळसाखाणींमुळे निर्माण झालेल्या धूळ प्रदूषणाने नागरिकांचे आरोग्य धोक्यात आले असून सतत उडणाऱ्या धुळीने शेत पिकांचं मोठं नुकसान होऊ लागलं आहे. धूळ प्रदूषणाने मुख्य मार्गालगत असलेल्या शेतपिकांची हानी होऊ लागल्याने कास्तकार चांगलाच संकटात आला आहे. धूळ प्रदूषणाने नुकसान झालेल्या शेत पिकांची नुकसान भरपाई देण्याकरिता शासनाने धोरण ठरविणे अगत्याचे झाले आहे. तसेच प्रदूषणात भर घालणाऱ्या वेकोलिच्या कोळसा वाहतुकी करीताही नियम लावणे गरजेचे झाले आहे. धूळ प्रदूषणाने नुकसान झालेल्या शेत पिकांची नुकसान भरपाई देण्याबाबत शासन धोरण ठरविण्याची मागणी भाजप नेते व माजी जी.प. सदस्य विजय पिदूरकर यांनी महाराष्ट्र राज्याचे महसूल, पशुसंवर्धन व दुग्धविकास मंत्री राधाकृष्ण विखे पाटील यांना पाठविलेल्या निवेदनातून केली आहे.  वेस्टर्न कोलफिल्ड लिमिटेड नागपूर विभागाच्या माध्यमातून शेत जमिनी अधिग्रहित करतांना शेतकऱ्यांना अगदीच कवडी मोल भाव दिला जायचा. परंतु याबाबत वारंवार तक्रारी करण्यात आल्याने शासनाने मे २०१२ रोजी आदेश काढून शेत जमिनीचा एकंदरीत दर निश्चित केला. वेकोलि कडून शेत ...

प्रशांत चंदनखेडे वणी  खनिज संपत्तीने निपुण असलेला वणी उपविभाग औद्योगिक विकासाची कास धरू लागला आहे. वणी उपविभागात औद्योगिक क्षेत्र विकसित होऊ लागलं आहे. वणी उपविभागाची औद्योगिक प्रगतीकडे वाटचाल सुरु झाली आहे. उद्योगसमूह उद्योगांकरिता वणी उपविभागाकडे वळू लागले आहेत. खनिजांवर आधारित उद्योग निर्मितीकरिता वणी उपविभागाला प्राधान्य दिलं जात आहे. मोठमोठे उद्योग या ठिकाणी निर्माण होऊ लागले आहेत. अनेक कंपन्या व कारखानेही या परिसरात उभारण्यात येत असून उद्योग थाटण्याकरिता खनिज संपन्न असलेल्या वणी उपविभागाला पसंती मिळतांना दिसत आहे. उद्योग, कंपन्या व कारखान्यांच्या निर्मितीमुळे वणी उपविभागात रोजगाराच्या संधी उपलब्ध होऊ लागल्याने बेरोजगारीची झळ हळूहळू कमी होऊ लागली आहे. उद्योगधंद्यांच्या निर्मितीमुळे गावपातळीवरही विकासाची गंगा वाहू लागली आहे. उद्योग समूहांकडून गावात विकासकामे होऊ लागली आहेत. वणी शहरालगत उभारण्यात आलेल्या रॉकवेल मिलरल्स या कंपनीने भालर गावाच्या विकासाकरिता पुढाकार घेतला असून गावातील विकासकामांना मोठा हातभार लावला आहे. या कंपनीने स्वनिधीतून भालर या गावात ३ किमी पक्क्या रस्त्याचे ब...

प्रशांत चंदनखेडे वणी  अवैध दारू विक्री करीता राहत्या घरी देशी दारूचा साठा करून ठेवणाऱ्या एका अवैध दारू विक्रेत्याला स्थानिक गुन्हे शाखा पथकाने दारूच्या साठ्यासह ताब्यात घेतले आहे. ही कार्यवाही आज १४ डिसेंबरला मारेगाव पोलिस स्टेशन हद्दीत येणाऱ्या सराटी या गावात करण्यात आली. विशेष म्हणजे पोलिस स्टेशन हद्दीत अवैध धंदे फोफावू लागले असतांनाही पोलिस मात्र हितसंबंध जोपासण्याला महत्व देत असल्याने अवैध व्यावसायिक बिनधास्त झाले आहेत. पोलिसांच्या मधुर संबंधामुळे अवैध व्यवसायाला चांगलीच तेजी आली आहे. पोलिस स्टेशन हद्दीत अवैध धंदे सुरु असतांनाही पोलिस मात्र अजाणतेपणाचं पांघरून ओढून आहेत. अवैध धंद्यांवर कार्यवाही करण्याकडे पोलिसांचं दुर्लक्ष होऊ लागल्याने स्थानिक गुन्हे शाखा पथकाला पोलिस स्टेशन हद्दीतील अवैध धंद्यांची माहिती मिळवून कार्यवाहीचा बडगा उगारावा लागत आहे.   यवतमाळ गुन्हे शाखा पथक मारेगाव पोलिस स्टेशन हद्दीतील अवैध धंद्यांवर कार्यवाही करण्याकरिता तसेच फरार आरोपींचा शोध लावण्याकरिता पोलिस स्टेशन हद्दीत गस्त घालत असतांना त्यांना सराटी या गावात एका अवैध दारू विक्रेत्याने आपल्या ...

प्रशांत चंदनखेडे वणी  महाराष्ट्रातील विनोदी कीर्तनकार व समाज प्रबोधनकार इंदुरीकर महाराज यांचा कीर्तनातून समाज प्रबोधन करणारा कार्यक्रम वणी येथे आयोजित करण्यात आला आहे. गुरुदेव अर्बन नागरी सहकारी पतसंस्था व रेणुका इरिगेशन यांच्या संयुक्त विद्यमाने राष्ट्रसंत तुकडोजी महाराज यांच्या पुण्यतिथी निमित्त आज १३ डिसेंबरला शासकीय मैदान (पाण्याची टांकी) येथे सायंकाळी ७ वाजता प्रसिद्ध कीर्तनकार इंदुरीकर महाराज यांचा कीर्तनाचा कार्यक्रम आयोजित करण्यात आला आहे. लोकांनी चांगल्या विचारांचे आचरण करावे तथा समाजात वावरतांना लोकांनी चांगली वागणूक ठेवावी, याचा पाठ ते आपल्या कीर्तनातून गिरवतात. समाजातील कुप्रथांवर आपल्या विनोदी शैलीत ते शब्दांचा मारा करतात. अहमदनगर जिल्ह्यातील अकोले तालुक्यातील इंदोरी हे त्यांचे मूळ गाव. या गावाच्या नावावरूनच त्यांचं इंदुरीकर महाराज हे नाव पडलं. निवृत्ती काशिनाथ देशमुख हे नंतर इंदुरीकर महाराज म्हणून नावारूपास आले. त्यांनी कीर्तनाच्या माध्यमातून समाज प्रबोधन घडविण्याचं काम केलं. विनोदी कीर्तनकार म्हणून त्यांची सर्वत्र ख्याती आहे. तरुणांपासून तर वयोवृद्धांपर्यंत सर्वांनाच...

प्रशांत चंदनखेडे वणी  सतत होणाऱ्या आत्महत्यांनी तालुका हादरला असून एकापाठोपाठ एक आत्महत्या होऊ लागल्याने चिंता व्यक्त केली जात आहे. आज आणखी एका तरुणाने गळफास घेऊन आत्महत्या केल्याची घटना शास्त्री नगर येथे घडली. शास्त्री नगर परिसरात राहणाऱ्या एका २१ वर्षीय तरुणाने राहत्या घरी गळफास घेऊन आपल्या जीवनाचा शेवट केला. अनिकेत विजय आवारी (२१) असे या गळफास घेतलेल्या तरुणाचे नाव आहे.  नैराश्येतून आत्महत्या करण्याचे प्रमाण प्रचंड वाढले असून आज आणखी एका तरुणाने नैराश्येतून मृत्यूला कवटाळले आहे. शास्त्री नगर येथील अनिकेत आवारी या तरुणाने आज १२ डिसेंबरला रात्री ८ वाजताच्या सुमारास राहत्या घरी पंख्याला दुपट्याने गळफास लावून आत्महत्या केली. घरी कुणी नसतांना त्याने गळफास घेतला. त्याची आई कामावरून घरी आल्यानंतर तिला तो गळफास घेतलेल्या अवस्थेत आढळून आल्याने तिने एकच हंबरडा फोडला. तरुण मुलाने आत्महत्येसारखा टोकाचा निर्णय घेतल्याने कुटुंबियांवर दुःखाचा डोंगर कोसळला आहे. त्याच्या अशा या अकाली जाण्याने परिसरात हळहळ व्यक्त केली जात आहे. अंकित हा सुस्वभावी व मनमिळाऊ स्वभावाचा तरुण होता. त्याचे सर्वांशी...

प्रशांत चंदनखेडे वणी   वणी उपविभातील मुकुटबन येथील आर.सी.सी.पी.एल. सिमेंट कंपनीच्या व्यवस्थापकीय अधिकाऱ्यांकडून आसपासच्या गावांमध्ये विविध सोइ सुविधा पुरविण्याबरोबरच गावातील समस्यांचे निराकरण करण्याचा सर्वोतपरी प्रयत्न केला जात आहे. तसेच कार्यक्षेत्रातील गावांमध्ये जनहितकारी कार्य करून गावकऱ्यांसाठी विविध योजना राबविल्या जात आहेत. तसेच अनेक सामाजिक उपक्रम सुद्धा राबविले जात आहे. ग्रामवासियांच्या आरोग्याच्या दृष्टीने देखील अनेक महत्वकांक्षी उपक्रम या कंपनीकडून राबविण्यात येत आहे. आर.सी.सी.पी.एल. कंपनीच्या सामाजिक दायित्व विभागांतर्गत कंपनीचे युनिट हेड जयंत कंडपाल यांच्या मार्गदर्शनातून कार्यक्षेत्रात येणाऱ्या गावांतील आरोग्य सेविकांसाठी कुरखेडा जि. गडचिरोली येथे तीन दिवसांच्या अभ्यास दौऱ्याचे आयोजन करण्यात आले होते. या अभ्यास दौऱ्यातून त्यांना ग्रामिण भागातील आरोग्य विषयक समस्या व त्यावरील उपचार पद्धती या विषयी विस्तृत माहिती देण्यात आली. तसेच प्रात्यक्षिक सुद्धा करून दाखविण्यात आले.  ग्रामिण भागातील आरोग्याच्या समस्या लक्षात घेता त्याचे निराकरण करण्याकरिता आरोग्य सेविकांना योग...

प्रशांत चंदनखेडे वणी  वणी उपविभागात आत्महत्यांचं प्रमाण प्रचंड वाढलं असून एकापाठोपाठ एक होणाऱ्या आत्महत्यांनी उपविभाग हादरला आहे. जीवनात आलेलं नैराश्य व खचलेल्या मानसिकतेतून मृत्यूला कवटाळलं जात असून नैराश्यवादी दृष्टिकोनातून आत्महत्या होऊ लागल्या आहेत. नागरिकांमध्ये जीवन जगण्याचा सकारात्मक दृष्टिकोन निर्माण व्हावा याकरिता प्रशासकीय स्तरावर कुठल्याही प्रकारची समुपदेशन शिबिरं घेतली जात नाही. निराशावादी विचारसरणी नागरिकांच्या आत्महत्येस कारणीभूत ठरू लागली असून नागरिकांमध्ये जीवनाप्रती सकारात्मक दृष्टिकोन निर्माण करण्याची गरज निर्माण झाली आहे. नागरिकांचे मनोबल वाढविणारे कुठलेही उपक्रम हाती घेतले जात नसल्याने नैराशेच्या काळोखात जीवन गडप होऊ लागलं आहे. खचलेल्या मानसिकतेतून आणखी एका युवकाने मृत्यूला कवटाळल्याची घटना मारेगाव पोलिस स्टेशनतर्गत येणाऱ्या सुर्ला या गावात घडली. जीवनात आलेल्या नैराश्येतून त्याने जीवनालाच पूर्ण दिला. राहत्या घरी विषारी द्रव्य प्राशन करून त्याने आत्महत्या केली. अजय नामदेव कोडापे (३४) रा. सुर्ला ता. झरी असे या विष प्राशन करून आत्महत्या केलेल्या युवकाचे नाव आहे....