LOKSANDESH

प्रशांत चंदनखेडे वणी  अल्पवयीन मुलीचा विनयभंग केल्या प्रकरणी पोलिस स्टेशनला गुन्हे दाखल झाल्यानंतर फरार झालेल्या आरोपीचा पोलिसांनी शोध लावून त्याला मोठ्या शिताफीने अटक केली आहे. अल्पवयीन मुलीवर जबरदस्ती प्रेम लादु पाहणाऱ्या या आरोपीने तिचा हात पकडून विनयभंग केल्याची तक्रार पोलिस स्टेशनला दाखल करण्यात आली होती. त्यानंतर पोलिस त्याला अटक करण्याकरिता गेले असता तो फरार झाल्याचे सांगण्यात आले. तेंव्हा पासून पोलिस त्याचा कसून शोध घेत होते. शेवटी तो राहत असलेल्या गावातूनच पोलिसांनी त्याला अटक केली आहे. संदेश तिखट (२५) रा. बोधेनगर, चिखलगाव असे या अटक करण्यात आलेल्या आरोपीचे नाव आहे. ११ फेब्रुवारीला आरोपी विरोधात पोलिस स्टेशनला तक्रार दाखल करण्यात आली होती. त्यानंतर तो फरार झाला. तेंव्हा पासून पोलिस त्याचा शोध घेत होते. शेवटी आज २९ फेब्रुवारीला सायंकाळी ५ वाजता पोलिसांनी चिखलगाव येथून मोठ्या शिताफीने त्याला अटक केली.  तालुक्यातीलच एका गावात राहणाऱ्या अल्पवयीन मुलीचा आरोपी संदेश तिखट याने विनयभंग केल्याची तक्रार मुलीच्या कुटुंबीयांनी पोलिस स्टेशनला नोंदविली होती. या तक्रारी वरून पोलिस त...

प्रशांत चंदनखेडे वणी  वणी वरोरा मार्गावरील संविधान चौक येथे विचित्र अपघात घडला. कोळसा वाहतुकीच्या दोन ट्रकांनी एकाचवेळी दोन वेगगवेगळ्या मोटारसायकलींना जोरदार धडक दिल्याने झालेल्या भीषण अपघातात एका दुचाकीस्वाराचा जागीच मृत्यू झाला. तर एक जण गंभीर जखमी झाला असून एकाला किरकोळ मार लागला आहे. परंतु दैव बलवत्तर म्हणून हे दोघेही थोडक्यात बचावले. एका अपघातात दुचाकी ट्रकखाली आल्याने दुचाकीचा पूर्णतः चेंदामेंदा झाला. मात्र दुचाकीस्वाराने समय सूचकता दाखवीत दुचाकीवरून उडी मारल्याने त्याचा जीव वाचला. तसेच दुसऱ्या अपघातात दुचाकीस्वार ट्रकच्या चाकाखाली चिरडल्या गेल्याने त्याचा घटनास्थळीच मृत्यू झाला. तर दुचाकीवरील अन्य एक जण गंभीर जखमी झाल्याने त्याला शहरातील एका खाजगी रुग्णालयात दाखल करण्यात आले आहे. ही घटना आज २८ फेब्रुवारीला दुपारी १.३० वाजताच्या सुमारास घडली. घटनेची माहिती पोलिसांना मिळताच पोलिसांनी घटनास्थळ गाठून मृतदेह उत्तरीय तपासणी करीता ग्रामीण रुग्णालयात पाठविला.  याबाबत मिळालेल्या माहिती नुसार वरोरा येथील पारस ऍग्रो प्रोसेस या कंपनीत कार्यरत असलेले दोन जण वणी येथे कंपनीच्या कामानि...

प्रशांत चंदनखेडे वणी   शिवबंधन बांधून शिवसेनेत जाहीर प्रवेश केल्यानंतर संजय देरकर यांच्या रूपाने वणी विधानसभा क्षेत्राला खंबीर नेतृत्व मिळालं. शिवसेना नेते म्हणून संजय देरकर यांनी वणी विधानसभा क्षेत्रातील अनेक समस्या व प्रश्न मार्गी लावले. बेरोजगार युवकांचे रोजगाराचे प्रश्न सोडविले. गरजू गरिबांना मदतीचा हात दिला. अनेक सामाजिक व सेवाभावी उपक्रम देखील राबविले. अन्यायाविरुद्ध प्रखरतेने आवाज उठविणारं कार्यतत्पर व्यक्तिमत्व म्हणून पक्षात त्यांचं स्थान निर्माण झालं. एवढेच नाही तर पक्ष बांधणी व पक्ष संघटन वाढविण्यावरही त्यांनी नेहमी भर दिला. वणी विधानसभा क्षेत्रात शिवसेनेचं प्राबल्य वाढविण्याकरिता त्यांच्या नेतृत्वात शिवसैनिक तयार होऊ लागले. संजय देरकर यांची पक्षाप्रती असलेली निष्ठा पाहून पक्षश्रेष्ठींनी त्यांच्यावर शिवसेना (उ.बा.ठा.) वणी विधानसभा प्रमुख पदाची जबाबदारी सोपविली आहे.   संजय देरकर हे वणी नगर पालिकेचे माजी नगराध्यक्ष असून त्यांना वणी विधानसभा क्षेत्राचाही दांडगा अनुभव आहे. त्यांनी अनेकदा वणी विधासभा क्षेत्राची निवडणूक देखील लढविली आहे. त्यांचा वणी विधानसभा क्षेत्रात...

प्रशांत चंदनखेडे वणी  वणी मार्गे प्रवासी रेल्वे सुरु व्हावी याकरिता प्रवासी संघटनांनी सतत रेल्वे विभाग व रेल्वे मंत्रालयाकडे पाठपुरावा केल्यानंतर नागपूर-मुंबई (व्हाया वणी, आदिलाबाद, नांदेड) नंदीग्राम एक्सप्रेस सुरु करण्यात आली. त्यानंतर वणी मार्गे काही साप्ताहिक रेल्वेही सुरु करण्यात आल्या. परंतु दैनंदिन प्रवासी वाहतूक करणारी नंदीग्राम एक्सप्रेस कोविड काळात बंद करण्यात आली. त्यानंतर कोविडची साथ निवळल्यानंतरही अद्याप नंदीग्राम एक्सप्रेस ही वणी मार्गाने सुरु करण्यात आलेली नाही. परंतु आता निवडणुकांचा काळ लक्षात घेता आदिलाबाद पर्यंत येणारी नंदीग्राम एक्सप्रेस ही वणी मार्गे बल्लारपूर पर्यंत वाढविण्याच्या हालचाली सुरु झाल्या आहेत. मात्र नंदीग्राम एक्सप्रेस ही पूर्ववत नागपूर वरून चालविण्याचा कुठलाही प्रयत्न आजपावेतो करण्यात आलेला नाही. नंदीग्राम एक्सप्रेस ही नागपूर वरून सुरु करण्याची प्रवाशांची मागणी असतांना नंदीग्राम एक्सप्रेसने लोकसभा क्षेत्र जोडण्याचा निरर्थक प्रयत्न केला जात आहे.  वणी वरून चंद्रपूरचे अंतर ५५ किमी एवढे आहे. वणी-चंद्रपूर मार्गाचे चौपारीकरणही झाले आहे. वणी वरून घुग्...

प्रशांत चंदनखेडे वणी  मद्यपींमध्ये दारू पिण्यावरून झालेला वाद विकोपाला गेला आणि युवकांच्या दोन गटांमध्ये जबर हाणामारी झाली. युवकांनी एकमेकांना हाणामारी करतांनाच बियरच्या शिश्या एकमेकांच्या डोक्यावर मारल्याने दोनही गटातील युवक जखमी झाल्याची घटना काल २२ जानेवारीला रात्री ११.३० वाजताच्या सुमारास वणी वरोरा मार्गावरील एका (व्ही) बियरबारमध्ये घडली. याबाबत दोन्ही गटातील युवकांनी परस्पर विरोधी तक्रार नोंदविल्याने पोलिसांनी दोन्ही गटातील युवकांवर गुन्हे दाखल केले आहे.  व्ही बियरबारमध्ये मद्य सेवन करण्याकरिता गेलेल्या युवकांच्या दोन गटांमध्ये दारू पिण्यावरून वाद उफाळून आला. वादाचे रूपांतर नंतर हाणामारीत झाले. या हाणामारीत दोनही गटातील युवकांनी बियरच्या शिश्या एकमेकांच्या डोक्यात हाणल्या. यात दोन युवक जखमी झाले. याबाबत शेख अजहर मो. शफी (३५) रा. शास्त्री नगर याने दिलेल्या फिर्यादीवरून तो व त्याचे मित्र बियरबारमध्ये बसून मद्य सेवन करीत असतांना तेथेच छोटू रॉय व त्याचे मित्र देखील मद्य सेवन करीत होते. काही वेळाने छोटू रॉय हा अजहर व त्याचे मित्र बसून असलेल्या टेबलकडे आला, व अजहरला दारू पाजण्य...

प्रशांत चंदनखेडे वणी  वणी शहरातील भव्य जत्रा मैदानावर मागील दोन दिवसांपासून शंकरपटाचा थरार सुरु असून शंकरपट पाहण्याकरिता शेतकरी बांधवांसह वणी उपविभागातील जनतेची जत्रा मैदानावर एकच गर्दी पहायला मिळत आहे. शंकरपटाचा थरार अनुभवण्याकरिता नागरिकांची पावले जत्रा मैदानाकडे वळतांना दिसत आहे. या भव्य शंकरपटाचा थरार अनुभवण्याकरिता उसळलेल्या नागरिकांच्या गर्दीने जत्रा मैदान फुलून निघालं आहे. शंकरपटातील बैलांच्या शर्यती बघण्याच्या उत्साहापोटी वणी शहर व आसपासच्या गावातून आलेले नागरिक भर उन्हातही शंकरपटाचा आनंद लुटताना दिसत होते. तब्बल २६ वर्षानंतर शहरात शंकरपटाचं आयोजन करण्यात आल्याने सर्वांचाच उत्साह शिगेला पोहचला होता. बैलगाडा हाकताना बैलांच्या सुसाट पळत सुटण्याचा थरार अनुभवण्याची उत्कंठा सर्वांनाच लागली होती. नागरिक शंकरपट सुरु होण्याच्या तारखेची आतुरतेने वाट पाहत होते. शेवटी २० तारीख उजाळली आणि शंकरपटाचा भव्य असा उद्घाटन सोहळा थाटात पार पडला. राज्य पणन महासंघाचे संचालक संजय खाडे यांच्या संकल्पनेतून २६ वर्षानंतर शहरात विदर्भ केसरी शंकरपट साकारला. शंकरपटाच्या (गावगाडा) या उद्घाटन सोहळ्याला विव...

प्रशांत चंदनखेडे वणी  एका गंभीर गुन्ह्यातील फरार आरोपीला अटक करण्यात पोलिस पथकाला यश आले आहे. मागील अनेक दिवसांपासून पोलिस त्याच्या मागावर होते. परंतु वेळोवेळी तो पोलिसांना हुलकावणी देत होता. पोलिस त्याच्या शोधात असतांनाच शेवटी तो पोलिसांना गवसला. त्याचा सुगावा लागताच शिव जयंतीचा बंदोबस्त आटपून पोलिस पथक चंद्रपूरला रवाना झालं. पथकाने चंद्रपूर जिल्ह्यातील दुर्गापूर येथून मोठ्या शिताफीने त्याला अटक केली. अनेक दिवसांपासून पोलिसांना गुंगारा देत असलेल्या या आरोपीवर अनेक गंभीर गुन्ह्यांची नोंद आहे. मागील ६ ते ७ महिन्यांपासून पोलिसांना तो चकमा देत होता. मात्र एपीआय माधव शिंदे यांनी कौशल्यपूर्ण पद्धतीने तपास करून त्याचा शोध लावला. आजम शेख बाबा शेख (२७) रा. दुर्गापूर जि. चंद्रपूर असे या पोलिसांनी अटक केलेल्या गुन्हेगाराचे नाव आहे. एपीआय माधव शिंदे यांनी तर्कशुद्ध पद्धतीने तपास करून अनेक गंभीर गुन्ह्यांचा छडा लावला आहे. तसेच अट्टल गुन्हेगारांना तुरुंगवारी घडविली आहे.  वणी शहरालगत असलेल्या एका गावातील अल्पवयीन मुलीला फूस लावून पळवून नेल्याची तक्रार पोलिस स्टेशनला करण्यात आली होती. पोलिसा...

प्रशांत चंदनखेडे वणी  शहरात घरफोडी व चोरीच्या घटना वाढू लागल्या आहेत. शहरातील सहारा पार्क येथे दिवसाढवळ्या घडलेली घरफोडीची घटना ताजी असतांनाच चोरट्यांनी वर्दळीच्या ठिकाणी असलेल्या एका घरात चोरीचा डाव साधला आहे. शेतकरी मंदिराजवळ राहत असलेल्या उपाध्ये भोजनालय मालकाच्या घरात चोरटयांनी धाडसी चोरी केल्याची घटना उघडकीस आली आहे. उपाध्ये कुटुंबं घरात झपलेलं असतांना मध्यरात्री चोरट्यांनी घरात प्रवेश करून सोन्याची माळ व रोख रक्कम लंपास केली. यावरून चोरटे प्रचंड निर्ढावले असल्याचे दिसून येते. धाडसी चोरी व घरफोडी करून चोरटे एकप्रकारे पोलिसांना आव्हान देऊ लागले आहेत. कुटुंबं घरात असतांना देखिल चोरटे चोरी करण्याचं धाडस करू लागल्याने शहरवासीयांमध्ये असुरक्षिततेची भावना निर्माण होऊ लागली आहे. एका पाठोपाठ एक चोरीच्या घटना घडू लागल्याने चोरट्यांच्या मुसक्या आवळण्याचे पोलिसांसमोर आव्हान उभे ठाकले आहे. शहरातील शेतकरी मंदिराजवळील उपाध्ये भोजनालयासमोर वास्तव्यास असलेल्या द्रौपदी विष्णू उपाध्ये (६५) यांच्या घरी अज्ञात चोरट्यांनी धाडसी चोरी केल्याची घटना आज १९ फेब्रुवारीला पहाटे ५.३० वाजताच्या सुमारास उघड...

प्रशांत चंदनखेडे वणी  शेतकरी शिक्षण संस्था तथा कला, वाणिज्य व विज्ञान महाविद्यालय मारेगावचे अध्यक्ष तसेच जगन्नाथ महाराज शिक्षण संस्थेचे संचालक जिवन पाटील कापसे यांचं दीर्घ आजारानं निधन झालं. आज १९ फेब्रुवारीला दुपारी ४ वाजता मारेगाव येथील त्यांच्या राहत्या घरून त्यांची अंत्ययात्रा निघणार आहे.  मारेगाव येथील प्रतिष्ठित व्यक्ती असलेले जीवन पाटील कापसे यांनी आपलं संपूर्ण आयुष्य समाजकार्यात घालवलं. राजकारणातही ते सक्रिय होते. काँग्रेस पक्षात त्यांनी आपली राजकीय कारकीर्द घालविली. राजकीय व सामाजिक क्षेत्रात त्यांनी उल्लेखनीय कार्य केलं. मारेगाव येथे  महाविद्यालयाची स्थापना करून त्यांनी विद्यार्थ्यांच्या महाविद्यालयीन शिक्षणातील अडचणी दूर केल्या. सामाजिक कार्यात नेहमी अग्रेसर राहिलेले जीवन पाटील कापसे यांचं अचानक दीर्घ आजारानं निधन झालं. त्यांच्या पश्चात मोठा आप्त परिवार आहे. दुपारी ४ वाजता त्यांचा अंत्यविधी होणार आहे. त्यांच्या राहत्या घरून त्यांची अंत्ययात्रा निघणार आहे. 

प्रशांत चंदनखेडे वणी  सुगंधित तंबाखूच्या विक्रीवर शासनाने बंदी आणलेली असतांनाही शहरासह तालुक्यात अवैधरित्या सुगंधित तंबाखूचा साठा करून चोरून लपून त्याची विक्री केली जात असल्याचे अनेकदा उघडकीस आले आहे. विविध शक्कली लढवून सुगंधित तंबाखूची तस्करी करणारे तालुक्यात सक्रिय आहे. सुगंधित तंबाखूच्या तस्करीतून मोठा आर्थिक लाभ मिळत असल्याने अनेकांनी तस्करीच्या या काळ्या धंद्यात उडी घेतली आहे. त्यामुळे सुगंधित तंबाखूच्या अवैध विक्रीचा हा गोरखधंदा तालुक्यात जोमात सुरु आहे. दूध वितरणाच्या वाहनातून सुगंधित तंबाखूचा साठा जप्त केल्याचे प्रकरण ताजे असतांनाच स्थानिक गुन्हे शाखा पथकानेही सुगंधित तंबाखूची तस्करी रोखून आरोपीला मुद्देमालासह ताब्यात घेतले आहे. मोटरसायकलने सुगंधित तंबाखूची तस्करी करणाऱ्या आरोपीला एलसीबी पथकाने सापळा रचून अटक केली. ही धडक कार्यवाही १७ फेब्रुवारीला पहाटे ३ वाजता करण्यात आली. १८ फेब्रुवारीला अन्न सुरक्षा अधिकाऱ्यांना पाचारण करून सुगंधित तंबाखूचा साठा तपासण्यात आला. नंतर त्यांच्या तक्रारीवरून आरोपीवर गुन्हा दाखल करण्यात आला. या कार्यवाहीत एलसीबी पथकाने १ लाख ८८ हजार १६० रुपयां...

प्रशांत चंदनखेडे वणी  महाराष्ट्रातील शंकरपटाची परंपरा सुरु ठेवतांना वणी येथे माजी खासदार दिवंगत बाळूभाऊ धानोरकर यांच्या स्मरणार्थ भव्य शंकरपटाचे आयोजन करण्यात आले आहे. श्री रंगनाथ स्वामी अर्बन निधी लिमिटेडचे अध्यक्ष तथा कापूस पणन महासंघाचे संचालक संजय खाडे यांच्या पुढाकारातून वणी येथिल शंकरपटाचा इतिहास पुनर्जीवित करण्यात आला आहे. तब्बल २६ वर्षानंतर याठिकाणी शंकरपटाचा थरार रंगणार असल्याने नागरिकांमध्ये उत्साह संचारला आहे. शंकरपटाचा थरार अनुभवण्याकरिता नागरिक उत्सुक झाले आहेत. २० फेब्रुवारी पासून शहरातील भव्य जत्रा मैदानावर हा शंकरपट भरणार असून तीन दिवस ही स्पर्धा चालणार आहे. या विदर्भ केशरी शंकरपट स्पर्धेत बैलांच्या चित्त थरारक शर्यती वणी विधानसभा क्षेत्रातील जनतेला पहायला मिळणार आहे. या शंकरपटात १५० ते २०० बैलजोड्या सहभागी होणार असल्याचं आयोजकांनी प्रसिद्धी पत्रकातून सांगितलं आहे. शंकरपटातील बैलजोड्यांच्या या स्पर्धेकरिता लाखोंची बक्षिसे ठेवण्यात आली आहे.  विदर्भ केशरी शंकरपट ही स्पर्धा दोन गटात विभागण्यात आली आहे. पहिल्या गटात पूर्ण वाढ झालेल्या बैलजोड्यांचा समावेश असेल, तर द...

प्रशांत चंदनखेडे वणी  शहरात टवाळखोर तरुणांनी अक्षरशः उच्छाद मांडला आहे. शाळा, महाविद्यालय व शिकवणी वर्गांना जाणाऱ्या मुलींचा पिच्छा पुरविणे, त्यांना हातवारे करणे, त्यांची छेड काढणे, अश्लील कॉमेंट करणे, त्यांना प्रपोज करण्याचा प्रयत्न करणे हा या टार्गट तरुणांचा नित्यक्रम बनला आहे. हे रोड रोमियो शाळा, कॉलेज व शिकवणी वर्ग असलेल्या मार्गावर झुंडीने उभे राहतात. आणि विद्यार्थिनींचा माग काढतात. मजनू बनून त्यांच्या मागेपुठे घुटमळतात. या सडकछाप मजनूंच्या उच्छादामुळे विद्यार्थीनींचं शिक्षण घेणं कठीण झालं आहे. त्यांच्या टवाळखोरीमुळे विद्यार्थिनी कमालीच्या भयभीत झाल्या आहेत. या टपोरी तरुणांचा बंदोबस्त करण्याची तक्रार घेऊन काही विद्यार्थिनींनी पोलिस स्टेशन गाठल्याची माहिती प्राप्त झाली आहे. विद्यार्थिनींच्या शिक्षणात अडथळे निर्माण करू पाहणाऱ्या या टवाळखोर तरुणांना पोलिसांनी अद्दल घडविण्याची खरोखरच गरज निर्माण झाली असल्याच्या प्रतिक्रिया व्यक्त होऊ लागल्या आहेत.  शहरात टवाळखोर तरुणांचे टोळके उच्छाद घालतांना दिसत आहे. हे टोळके नेहमी विद्यार्थिनींच्या मागावर असतात. विद्यार्थिनींचा माग काढून त...

प्रशांत चंदनखेडे वणी  दि बुद्धिस्ट सोसायटी ऑफ इंडिया (भारतीय बौद्ध महासभा) व यवतमाळ जिल्हा समता सैनिक दल यांच्या विद्यमाने त्यागमूर्ती माता रमाई व छत्रपती शिवाजी महाराज यांच्या जयंतीचे औचित्य साधून शहरातील भिमनगर येथे दोन दिवसीय समता सैनिक दल प्रशिक्षण शिबिराचे आयोजन करण्यात आले आहे. १८ फेब्रुवारीला सकाळी ९ वाजता ध्वजारोहण व प्रशिक्षण शिबिराचे उद्घाटन होणार आहे. या शिबिराला उद्घाटक व प्रमुख मार्गदर्शक म्हणून भारतीय बौद्ध महासभेचे जिल्हा अध्यक्ष (यवतमाळ पूर्व) भगवान इंगळे उपस्थित राहणार आहेत. तर शिबिराच्या कार्याध्यक्ष पदाची जबाबदारी भा. बौद्ध महासभेचे तालुकाध्यक्ष प्रविण वनकर हे पार पडणार आहेत. या कार्यक्रमाला प्रमुख अतिथी म्हणून जिल्हाध्यक्ष रवि भगत, संरक्षण उपाध्यक्ष गौतम माळखेडे, संरक्षण सचिव प्रा. डॉ. उत्तम शेंडे, प्रा. अन्ना मुन, प्रा. गोरखनाथ पाटील, शिक्षिका प्रतिमा रामटेके, शिक्षिका पुष्पलता बोंदाडे, मंगला इंगळे, सुमित्रा जंगले, कळंब तालुकाध्यक्ष नारायण बुरबुरे, झरी तालुकाध्यक्ष सुधाकर नरांजे यांची उपस्थिती लाभणार आहे. कार्यक्रमाचे प्रास्ताविक कें. शिक्षक मोरेश्वर देवतळे करत...

प्रशांत चंदनखेडे वणी  स्वराज्याची संकल्पना मांडणारे छत्रपती शिवाजी महाराज यांची ख्याती भारतात नाही तर संपूर्ण जगात पसरली आहे. शिवाजी महाराजांना आराध्य दैवत मानल्या जातं. त्यांची जयंती संपूर्ण जगात साजरी केली जाते. यावर्षी त्यांचा जयंती उत्सव भारतात धुमधडाक्यात साजरा करण्यात येत आहे. त्यांच्या जयंती निमित्त विविध कार्यक्रमांचं देखील आयोजन करण्यात आलं आहे. छत्रपती शिवाजी महाराज यांची जयंती देशभरात साजरी करण्यात येत असतांना वणी व झरी तालुक्यातील अडेगाव येथेही त्यांच्या जयंती उत्सवाचं भव्य आयोजन करण्यात आलं आहे. अडेगाव येथे मराठा सेवा संघ, संभाजी ब्रिगेड व शिवजन्मोत्सव आयोजन समितीच्या वतीने १८ व १९ फेब्रुवारीला शिवजन्मोत्सव सोहळ्याचे आयोजन करण्यात आले आहे. तर वणी येथे शिव स्वराज्य मंच द्वारा छत्रपती शिवाजी महाराज जन्मोउत्सव सोहळा आयोजित करण्यात आला आहे. शिवतीर्थ चौक येथे १९ फेब्रुवारीला शिवाजी महाराजांच्या जयंती निमित्त विविध कार्यक्रमांचे आयोजन करण्यात आले आहे.  वणी येथिल शिवतीर्थ चौक येथे आयोजित शिवजन्मोत्सव सोहळ्याच्या अध्यक्षस्थानी जय जगन्नाथ मल्टी क्रेडिट को-ऑप. सोसा. लि. वणी...

प्रशांत चंदनखेडे वणी  महाविद्यालयीन शिक्षण घेणाऱ्या एका अल्पवयीन मुलीशी ओळख वाढवून तिच्यावर अकाली मातृत्व लादणाऱ्या नराधमाविरुद्ध मारेगाव पोलिस स्टेशनमध्ये गुन्हा दाखल करण्यात आला आहे. महाविद्यालयात शिक्षण घेतांना झालेल्या ओळखीचा फायदा घेऊन त्याने तिला आपल्या प्रेमाच्या जाळ्यात ओढले. त्यानंतर विविध प्रलोभने व आमिषे दाखवून तसेच तिच्यात प्रेमाचा विश्वास जागवून त्याने तिच्याशी शारीरिक संबंध प्रस्थापित केले. त्याने वेळोवेळी मुलीसोबत शारीरिक संबंध ठेवल्याने तिला गर्भधारणा झाली असून ती चार महिन्यांची गर्भवती राहिली आहे. याबाबत मुलीच्या आईने पोलिस स्टेशनला दिलेल्या तक्रारी वरून पोलिसांनी अल्पवयीन मुलीला गर्भवती करणाऱ्या त्या नराधमाविरुद्ध विविध कलमान्वये गुन्हा दाखल केला आहे. ही घटना मोरगाव पोलिस स्टेशन हद्दीत उघडकीस आली आहे.  महाविद्यालयात शिक्षण घेणाऱ्या एका १७ वर्षाच्या मुलीशी ओळख वाढवून आरोपीने तिला आपल्या प्रेमाच्या जाळ्यात ओढले. नंतर त्याने तिच्याशी जवळीक साधत तिच्यासोबत शारीरिक संबंध प्रस्थापित केले. आई वडील कामधंद्याला गेले की, तो तिला भेटायला यायचा. प्रेमाची ग्वाही देऊन व ति...

प्रशांत चंदनखेडे वणी  वणी शहारालगत असलेल्या वागदरा गावाजवळून वाहणाऱ्या निर्गुडा नदी काठावरील रामघाट बंधाऱ्याच्या खालील भागात घनदाट झुडपात एका झाडाला गळफास घेतलेल्या अवस्थेत अज्ञात युवकाचा मृतदेह आढळून आल्याने एकच खळबळ उडाली आहे. सरपण गोळा करण्याकरिता जंगल शिवारात गेलेल्या महिलांना झाडाला दोरीने लटकलेल्या अवस्थेत युवकाचा मृतदेह आढळून आल्यानंतर हा उलगडा झाला. अशी चर्चा ऐकायला मिळत आहे. घनदाट झुडपात झाडाला लटकलेल्या अवस्थेत युवकाचा मृतदेह आढळल्याने परिसरात विविध चर्चेला उधाण आले असून नागरिकांमधून वेगवेगळे तर्क वितर्क लावले जात आहे. युवकाचा चेहरा स्पष्टपणे ओळखू येत नसल्याने तो कोण व कुठला हे अद्याप कळू शकले नाही. घटनेबाबत पोलिसांना माहिती देण्यात आली आहे.  वागदरा येथून वाहणाऱ्या निर्गुडा नदी काठावरील घनदाट झुडपात सरपण गोळा करण्याकरिता गेलेल्या काही महिलांना झाडाला गळफास घेतलेल्या अवस्थेत युवकाचा मृतदेह आढळून आला. नंतर ही वार्ता वाऱ्यासारखी संपूर्ण गावात पसरली. घनदाट झुडपात झाडाला दोरीने लटकलेल्या अवस्थेत मृतदेह असल्याने मृतकाचा चेहरा स्पष्टपणे दिसून येत नव्हता. त्यामुळे तो कोण व क...

प्रशांत चंदनखेडे वणी  शहरासह संपूर्ण तालुक्यात छोट्या व्यावसायिकांकडून घरगुती गॅस सिलिंडर वापरण्यात येत असल्याचा गंभीर प्रकार समोर आला आहे. व्यावसायिकांना १९ किलो वजनाचे गॅस सिलिंडर वापरणे अनिवार्य असतांना व्यावसायिक सर्रास घरगुती सिलिंडरचा वापर करतांना दिसत आहेत. व्यवसायात व्यावसायिक सिलिंडरचा वापर न करता घरगुती गॅस वापरला जात असल्याने घरगुती सिलिंडरचा तुटवडा निर्माण होतांना दिसत आहे. घरगुती गॅस सिलिंडरचा व्यवसायात वापर वाढल्याने या सिलिंडरच्या किंमतीही गगनाला भिडल्या आहेत. खाद्यपदार्थ विक्रीच्या दुकानांमध्ये खुलेआम घरगुती सिलिंडर वापरला जात असतांना संबंधित विभाग मात्र डोळ्यावर पट्टी बांधून बसला आहे. हॉटेल, रेस्टोरंट, चायनीज गाड्या तसेच चौकाचौकात खाद्यपदार्थ विक्री करणारे घरगुती गॅस सिलिंडरचा वापर करीत आहे. खाद्यपदार्थ विक्रीच्या दुकानांमध्ये अवैधरित्या घरगुती गॅस सिलेंडरचा वापर होत असतांना संबंधित विभागाचे अधिकारी मात्र उंटावर बसून शेळ्या हाकण्याचे काम करीत आहे. अशा संतापजनक प्रतिक्रिया आता शहरावासीयांमधून व्यक्त होतांना दिसत आहे. त्यामुळे व्यवसायात घरगुती गॅस सिलिंडरचा वापर करणा...

  प्रशांत चंदनखेडे वणी  शहरातील गुरुनगर येथे किरायाने राहत असलेल्या व मारेगाव येथिल महाविद्यालयात बीएस्सीचे शिक्षण घेणाऱ्या तरुणाने राहत्या घरी गळफास घेऊन आत्महत्या केल्याची घटना आज १६ फेब्रुवारीला पहाटे उघडकीस आली. विवेक उमेश बोंडे (१९) असे या गळफास घेतलेल्या तरुणाचे नाव आहे. मृतक तरुण हा मूळचा मेंढोली येथिल रहिवासी असून तो आपल्या बहिणी सोबत शहरातील गुरुनगर येथे खंदारे यांच्या घरी भाड्याने राहत होता. वणी येथे राहून तो मारेगावला शिक्षण घेत होता. दरम्यान बहीण गावाला गेल्याने तो घरी एकटाच होता. घरी कुणी नसतांना त्याने राहत्या घरीच ओढणीने गळफास लावून मृत्यूला कवटाळले. तरुणांच्या आत्महत्या करण्याने चिंता वाढली आहे. शहरात आत्महत्यांचं सत्रच सुरू असून तरुणवर्ग नैराश्येतून आत्मघाती निर्णय घेऊ लागल्याने पालकवर्गाच्या चिंता वाढल्या आहेत.  मुळचा मेंढोली येथिल रहिवाशी असलेल्या व पदवीच्या अभ्यासक्रमाकरिता वणी येथे भाड्याने राहत असलेल्या विवेकने राहत्या घरीच गळफास घेतला. मारेगाव येथिल महाविद्यालयात तो बीएस्सी द्वितीय वर्षाला शिक्षण घेत होता. शहरातील गुरूनगर येथिल खंदारे यांच्या घरी तो...

प्रशांत चंदनखेडे वणी  देशात जातीयता निर्माण होण्याचे अवास्तविक कारण समोर करून शासनकर्त्यांनी ओबीसींची कधी जातनिहाय जनगणनाच होऊ दिली नाही. ओबीसींना त्यांचं संख्याबळ कळालं तर ते आपले अधिकार मागतील व वर्षानुवर्षांपासून देशात असलेली आपली सत्ता संपुष्टात येईल. बहुजन समाजाची एकजूट होऊ न देण्याकरिता त्यांना धार्मिक अंधविश्वासात गुरफटून ठेवण्यात आलं. त्यांना शिक्षणापासून वंचित ठेवण्यात आलं. ओबीसी वर्ग उच्च शिक्षित झाला तर त्याला आपले हक्क व अधिकार कळतील. आणि तो संविधानिक मार्गाने आपल्या न्याय व हक्कांसाठी लढेल. त्यामुळे ओबीसींना धर्म व अंधविश्वासात गुंतवून ठेवण्यात आले. धर्माची मानसिक गुलामी त्यांच्यावर लादण्यात आली. वास्तवादी व पुरोगामी विचारांपासून पासून दूर ठेऊन त्यांच्यावर अध्यात्मिक विचार बिंबविण्यात आले. ओबीसींवर धर्म व अंधविश्वासाचा मोठा पगडा राहिल्याने ते नेहमीच शासनकर्त्यांच्या धार्मिक कटाचा शिकार झाले आहेत. ओबीसींना धर्माच्यानावावर भावनिक करून मूठभर लोकांनी अनेक वर्षांपासून देशावर आपली सत्ता गाजवली आहे. त्यामुळे आता ओबीसींनी जागं झालं पाहिजे. आपलं धेय्य धोरण निश्चित केलं पाहिजे. ...

प्रशांत चंदनखेडे वणी  वणी वरून भद्रावतीचे अंतर कमी व्हावे तथा या मार्गाने सहज व सोपा प्रवास करता यावा म्हणून जुनाड गावाजवळून वाहणाऱ्या वर्धा नदीवर मोठा पूल बांधण्यात आला. वर्धा नदीवरील पुलाचे बांधकाम पूर्ण होऊन तीन वर्षांचा कालावधी लोटला आहे. परंतु हा मार्गच अद्याप तयार करण्यात न आल्याने हा पूल केवळ शोभेची वस्तू बनला आहे. वणी वरून जुनाड मार्गे भद्रावातीला जाण्याकरिता रस्ताच बांधण्यात न आल्याने या मार्गाने अद्यापही वाहतूक सुरु झालेली नाही. त्यामुळे भद्रावतीला प्रवास करतांना अजूनही २० ते २५ किमीचा अतिरिक्त फेरा होत आहे. जुनाड लगत वर्धा नदीवर पूल बांधण्याकरिता कोट्यवधींचा निधी खर्च करण्यात आला. पण प्रवाशांना या मार्गाचा अद्यापही लाभ घेता आलेला नाही. त्यामुळे या मार्गाचे तात्काळ खडीकरण व डांबरीकरण करून प्रवाशांना प्रवासाकरिता हा मार्ग उपलब्ध करून द्यावा, अशी मागणी उकनीचे माजी सरपंच संजय खाडे यांनी उपविभागीय अधिकारी यांच्या मार्फत केंद्रीय रस्ते व महामार्ग मंत्री नितीन गडकरी यांना पाठविलेल्या निवेदनातून केली आहे.  वणी वरून भद्रावतीला जाण्याकरिता सरळ मार्ग नाही. भद्रावतीला जाण्याकरि...

प्रशांत चंदनखेडे वणी  दुधाची वाहतूक करणाऱ्या वाहनातून चक्क प्रतिबंधित सुगंधित तंबाखूची तस्करी करणाऱ्यांचा गुन्हे शोध पथकाने पर्दाफाश केला आहे. दूध वितरण करणाऱ्या वाहनात मोठ्या प्रमाणात सुगंधित तंबाखूचा साठा आढळून आल्याने सर्वच अवाक झाले आहेत. दूध वितरणाच्या आडून अवैध विक्रेत्यांना सुगंधित तंबूखाचा पुरवठा करणाऱ्या आरोपींना मुद्देमालासह डीबी पथकाने ताब्यात घेतले आहे. ही धडक कार्यवाही ११ फेब्रुवारीला करण्यात आली. या कार्यवाहीत डीबी पथकाने १४ लाख ८६ हजार २०० रुपयांचा मुद्देमाल जप्त केला असून दोन आरोपींना अटक केली आहे. त्यांच्यावर विविध कलमांतर्गत गुन्हे दाखल करण्यात आले आहे.  वणी येथे दुधाची वाहतूक करणाऱ्या वाहनातून प्रतिबंधित सुगंधित तंबाखूचा साठा आणला जात असल्याची गोपनीय व तितकीच खात्रीदायक माहिती ठाणेदार अनिल बेहरानी यांना मिळाली. त्यांनी लगेच डीबी पथकाला अलर्ट करून मिळालेल्या माहितीच्या आधारे दूध वितरण करणाऱ्या वाहनांची तपासणी करण्यास सांगितले. ठाणेदारांच्या आदेशावरून डीबी पथक प्रमुख माधव शिंदे यांनी अगदी सकाळीच शोध मोहीम राबवून दूध वितरण करणाऱ्या वाहनांची झडती घेणे सुरु केले....

प्रशांत चंदनखेडे वणी   कोळसा वाहतुकीच्या वाहनांमुळे वणी-उकनी मार्गाची अतिशय दयनीय अवस्था झाली असून वेकोलि कडून रस्ता बांधकामाचा मुहूर्त निघता निघत नसल्याने ब्राह्मणी ग्रामपंचायतीच्या सरपंच, सदस्य व गावकऱ्यांनी आज १० फेब्रुवारीला वेकोलिची कोळसा वाहतूक रोखून धरली. वेकोलिचे अधिकारी निव्वळ रस्ता बांधकामाचे आश्वासन देऊन वेळ मारून नेत असल्याने गावकरी कमालीचे संतप्त झाले आहेत. २ डिसेंबरला रस्त्याचे बांधकाम सुरु करण्याचे वेकोलि कडून लिखित आश्वासन देण्यात आले होते. परंतु अद्यापही रस्त्याच्या बांधकामाला सुरुवात झाली नाही. रस्त्याचे बांधकाम करण्यास वेकोलि कडून चालढकल करण्यात येत असल्याने संतप्त झालेल्या गावकऱ्यांनी आज वेकोलिची कोळसा वाहतूकच रोखून धरली. जोपर्यंत रस्ताच्या बांधकामाला सुरुवात होत नाही तोपर्यंत कोळशाची वाहतूक होऊ देणार नसल्याचा पवित्रा ब्राह्मणी गाववासीयांनी घेतल्याने चर्चेकरिता आलेल्या वेकोलि अधिकाऱ्यांना गावकऱ्यांच्या रोषाला सामोरे जावे लागले. वेकोलि अधिकाऱ्यांनी गावकऱ्यांची मनधरणी करण्याचा आटोकाट प्रयत्न केला. पण चर्चेतून कुठल्याही प्रकारचा तोडगा निघू शकला नाही. वेकोलि अधिकाऱ्...

प्रशांत चंदनखेडे वणी   तालुक्यात आत्महत्यांचे सत्र सुरूच असून एका पाठोपाठ होत असलेल्या आत्महत्यांनी चिंता वाढविली आहे. नैराश्य व विवंचनेतून आत्महत्या करण्याचे प्रमाण प्रचंड वाढले आहे. एक सरण विझत नाही तोच दुसरं सरण रचण्याचा प्रसंग ओढवला जात असल्याने तालुका हादरला आहे. कुटुंबाचा आधार असलेले तरुण आत्महत्या करू लागल्याने पालकवर्ग कमालीचा चिंतेत आला आहे. आज आणखी एका तरुणाने राहत्या घरी गळफास घेऊन आत्महत्या केल्याची घटना उघडकीस आली आहे. तालुक्यातील मंदर या गावातील उमेश प्रकाश पेंदाने (२५) या तरुणाने राहत्या घरी पंख्याला गळफास लावून आपली जीवनयात्रा संपविली. आज १० फेब्रुवारीला सकाळच्या सुमारास त्याने गळफास घेल्याचे सांगण्यात येत आहे.  वणी तालुक्यातील मंदर या गावात कुटुंबासह राहत असलेल्या उमेशने घरातील पंख्याला गळफास लावून आत्महत्या केली. उमेश हा नुकताच एका खाजगी कंपनीत कामाला लागला होता. तो कंपनीतील रात्रपाळीची ड्युटी आटपून घरी परतला, व नेहमी प्रमाणे आईला सांगून खोलीत झोपायला गेला. काही वेळानंतर कुटुंबीय त्या खोलीत गेले असता त्यांना उमेश हा पंख्याला गळफास घेतलेल्या अवस्थेत आढळून आला....

प्रशांत चंदनखेडे वणी  वणी नांदेपेरा रोडवरील सहारा पार्क येथे दिवसाढवळ्या घरफोडी झाल्याची घटना काल ८ फेब्रुवारीला दुपारी १२ वाजताच्या सुमारास उघडकीस आली. घरातील सदस्य काही कामानिमित्त घराबाहेर गेले असता चोरट्यांनी आपला डाव साधला. बंद घराचे कुलूप तोडून चोरट्यांनी घरातील ऐवज लंपास केला. दिवसाढवळ्या घरफोडीच्या घटना घडू लागल्याने शहरवासियांमध्ये भीतीचे वातावरण निर्माण झाले आहे. कुटुंबं काही कामानिमित्त घराबाहेर गेल्यानंतर कुलूपबंद घराला दिवसाढवळ्या टार्गेट करून घरातील मुद्देमाल चोरून नेण्याइतपत चोरट्यांच्या हिंमती वाढल्याने चिंता व्यक्त केली जात आहे.  सहारा पार्क येथे वास्तव्यास असलेल्या शंकर घुग्गुल (४०) यांच्या कुलूपबंद घराला भर दुपारी चोरट्यांनी टार्गेट केले. कुटुंबातील सदस्य काही कामानिमित्त घराबाहेर गेल्याने घराला कुलूप लागलं होतं. त्यामुळे घरी कुणी नसल्याची संधी साधून चोरट्यांनी चोरीचा डाव साधला. घराच्या दरवाजाचे कुलूप तोडून चोरट्यांनी आत प्रवेश केला. घरातील कपाटात ठेऊन असलेली सोन्याची ४ तोळ्याची पोत व रोख ५ हजार रुपये असा एकूण १ लाख ७३ हजार रुपयांचा मुद्देमाल चोरट्यांनी लंपा...

प्रशांत चंदनखेडे वणी  इतर मागासवर्गीयांची (ओबीसी) जातनिहाय जनगणना करण्यास सरकार उदासीनता दर्शवित असल्याने ओबीसी प्रवर्ग आक्रमक झाला आहे. मागील अनेक वर्षांपासून ओबीसी प्रवर्गाकडून जातनिहाय जनगणना करण्याची मागणी करण्यात येत आहे. परंतु सरकार मात्र टोलवाटोलवी करीत आहे. त्यामुळे बिहार राज्याच्या धर्तीवर महारष्ट्रातही ओबीसींची जातनिहाय जनगणना करण्याच्या मागणीला घेऊन ओबीसी (व्हीजे,एनटी,एसबीसी) समाज एकवटला असून ११ फेब्रुवारीला उपविभागीय कार्यालयावर ओबीसींचा विराट मोर्चा निघणार आहे. स्थानिक शासकीय मैदानावरून (पाण्याची टाकी) दुपारी १२ वाजता या ओबीसी एल्गार मोर्चाची सुरुवात होणार आहे. मराठा समाजाच्या आरक्षणाच्या मुद्द्यावरून सध्या रान पेटले आहे. मराठा समाजाला सरसकट कुणबी प्रमाणपत्र व आरक्षण देऊन त्यांचा ओबीसी मध्ये समावेश करून नये, ही देखील ओबीसी प्रवर्गाकडून मागणी करण्यात आली आहे.  सरकारने ओबीसींची (व्हीजे,एनटी,एसबीसी) जातनिहाय जनगणना करावी तसेच मराठा समाजाचा ओबीसीत समावेश करण्याचा घेतलेला निर्णय रद्द करावा या प्रमुख मागण्यांसह इतर १८ मागण्यांना घेऊन ओबीसी (व्हीजे,एनटी,एसबीसी) जातनिहाय...

प्रशांत चंदनखेडे वणी  वंचित बहुजन आघाडी वणी द्वारा भव्य कार्यकर्ता मेळावा आयोजित करण्यात आला आहे. १० फेब्रुवारीला सकाळी १२ वाजता स्थानिक खंडोबा वाघोबा सभागृह (पोलिस स्टेशन जवळ) येथे या मेळाव्याचे आयोजन करण्यात आले आहे. या मेळाव्याला वंचितचे जिल्हाध्यक्ष (यवतमाळ पूर्व) निरज वाघमारे प्रमुख मार्गदर्शक म्हणून उपस्थित राहणार आहेत.  बहुजन समाजातील वंचित घटकांना मुख्य प्रवाहात आणण्याकरिता हा मेळावा आयोजित करण्यात आला असल्याचे आयोजकांनी सांगितले आहे. बहुजन समाजात अनेक धडाडीचे कार्यकर्ते आहेत. त्यांना आपलं कार्य कौशल्य दाखविण्याची संधी मिळत नाही. या संदर्भात चर्चा घडवून आणण्याकरिता हा मेळावा घेण्यात येत आहे. देशातील आजची परिस्थिती लक्षात घेता बहुजन समाजातील शोषित व वंचित घटकांवर अन्याय व अत्याचार होऊ लागला. त्याचा प्रतिकार करण्याकरिता वंचित बहुजन आघाडीने कंबर कसली आहे. अन्यायायकारक परिस्थिती बदलण्याकरिता वंचित बहुजन आघाडी शिवाय दुसरा कोणताही पर्याय उरलेला नाही. त्यामुळे बहुजनांचे संघटन बळकट करण्याकरिता हा मेळावा आयोजित करण्यात आला असल्याचे आयोजकांनी सांगितले आहे. या मेळाव्याला वणी त...

प्रशांत चंदनखेडे वणी  तालुक्यातील निवली (सुंदरनगर) या गावातील तरुणाने शेत शिवारातील झाडाला गळफास लावून आपली जीवनयात्रा संपविली. ही घटना आज ८ फेब्रुवारीला सकाळी ६.३० वाजताच्या सुमारास उघडकीस आली. शुभम अरविंद खिरटकर (२५) असे या गळफास घेऊन आत्महत्या केलेल्या तरुणाचे नाव आहे. तो मालवाहू वाहन चालवायचा. त्याने नैराश्येतून आत्महत्या केल्याचे बोलल्या जात आहे.  निवली (सुंदरनगर) येथे परिवारासह वास्तव्यास आलेला शुभम हा ७ फेब्रुवारीला रात्री १० वाजता घराबाहेर पडला तो घरी परतलाच नाही. आज ८ फेब्रुवारीला गावालगतच असलेल्या शेतात त्याचे वडील सकाळी बैलांना पाहण्याकरिता गेले असता त्यांना शुभमची दुचाकी शेताजवळ उभी दिसली. त्यामुळे मुलगा शेतात असावा म्हणून वडिलांनी शेतात त्याचा शोध घेणे सुरु केले. मुलाचा शोध घेत असतांनाच अचानक त्यांना शेताच्या धुऱ्यावरील एका झाडाला शुभम गळफास घेतलेल्या अवस्थेत आढळून आला. मुलाने गळफास घेतल्याचे पाहून त्यांनी एकच हंबरडा फोडला. त्यांचा जोरजोरात रडण्याचा आवाज ऐकून आसपासचे लोक घटनास्थळाकडे धावून आले. त्यापैकी काहींनी शिरपूर पोलिसांना फोन करून घटनेची माहिती दिली. शिरपूर ...