LOKSANDESH

प्रशांत चंदनखेडे वणी   घरात नविन पाहुण्याचं आगमन होणार असल्याचा आनंद त्यांच्या सांसारिक जीवनात ओसंडून वाहत होता. घरात नवीन पाहुणा येणार असल्याच्या गोड बातमीमुळे त्यांच्या सांसारिक जीवनात आनंदाचं भरतं आलं होतं. त्यांच्या संसार वेलीवर फुल उमलणार होतं. घरात पाळणा हलणार असल्याने संसारात आनंदाचं वातावरण होतं. बाळ जन्माला येणार असल्याचा आनंद गगनात मावेनासा झाला होता. इवलंसं बाळ कुशीत खेळणार असल्याच्या आनंदाने ते भारावून गेले होते. त्यांचं सांसारिक जीवन आनंदानं बहरलं होतं. बाळाच्या जन्माची त्यांना उत्सुकता लागली होती. बाळ जन्माचे डोहाळे लागल्याने त्यांचा आनंद शिगेला पोहचला होता. बाळ जन्माला येणार असल्याच्या आतुरतेत मायेच्या कळा सोसल्यानंतर अखेर बाळंतपणाची घटका आली. महिला प्रसूत झाली, पण आनंदमग्न असलेला परिवार मात्र दुःखी झाला. जन्माला आलेल्या बाळाची अवस्था पाहून पती पत्नी धाय मोकलून रडू लागले. बाळाची शारीरिक अवस्था फार विचित्र होती. बाळ शारीरिक दृष्ट्या अविकसित व विकलांग जन्माला आल्याने त्यांच्या आनंदावर दुःखाचं विरजण आलं. त्यांनी बाळ जन्माची रंगविलेली स्वप्न क्षणात चूर झाली. त्यांचा आनंद...

प्रशांत चंदनखेडे वणी   वणी शहरालगत असलेल्या व लालगुडा ग्रामपंचायत हद्दीत येणाऱ्या हिराणी ले-आऊट, पटवारी कॉलनी येथील एका राहत्या घरी चोरट्यांनी चोरीचा डाव साधत ८६ हजार रुपयांचा मुद्देमाल लंपास केल्याची घटना आज २९ ऑगस्टला सकाळी ५.३० वाजताच्या सुमारास उघडकीस आली. कुटुंबातील सदस्य घरातच झोपलेले असतांना अज्ञात चोरट्याने चोरीचा डाव साधला. याबाबत प्रवीण मुर्लीधर ताजने (३५) यांनी पोलिस स्टेशनला तक्रार नोंदविल्याने पोलिसांनी अज्ञात चोरट्यांविरुद्ध गुन्हा दाखल केला आहे. पहाटे २.३० ते ५.३० वाजताच्या दरम्यान चोरट्यांनी घरात शिरून चोरी केल्याचे प्रवीण ताजने यांनी तक्रारीत म्हटले आहे.  प्रवीण ताजने हे आपल्या कुटुंबासह हिरानी ले-आऊट, पटवारी कॉलनी येथे राहतात. ते वेकोलिच्या निलजई कोळसाखाणीत कार्यरत आहेत. ते रात्री कुटुंबासह घरातच झोपलेले असतांना अज्ञात चोरट्यांनी चोरीचा डाव साधला. ते पहाटे ५.३० वाजता मॉर्निंग वॉक करिता उठले असता घरात चोरी झाल्याचे त्यांच्या निदर्शनास आले. घराच्या मुख्य हॉल लगत असलेल्या बेडरूमचा दरवाजा खुला दिसल्याने ते बेडरूममध्ये गेले. बेडरूम मधील दृश्य पाहून त्यांना चांगलाच...

प्रशांत चंदनखेडे वणी  वणी पोलिस स्टेशन हद्दीत गुन्हेगारी कारवाया वाढू लागल्याने पोलिसांच्या कार्यक्षमतेवर प्रश्न चिन्ह निर्माण होऊ लागले आहे. गुन्हेगारी प्रवृत्ती प्रचंड वाढली असून गुन्हेगारांना पोलिसांचा जराही धाक उरला नसल्याचे चित्र पहायला मिळत आहे. पोलिसांच्या मैत्रीपूर्ण संबंधांमुळे अपप्रवृत्तीच्या लोकांचं मनोबल वाढू लागलं आहे. पोलिसांचा वचकच राहिला नसल्याने अपप्रवृत्ती डोके वर काढू लागली आहे. वाढत्या अपराधीक घटनांमुळे सुरक्षेचे प्रश्न निर्माण होऊ लागले आहेत. शहरात संघटित गुन्हेगारीही वाढली आहे. समूहाने येऊन मारहाण करण्याच्या घटना वाढल्या आहेत. शुल्लक कारणांवरून वादविवाद व मारहाणीच्या घटनांमध्ये मोठी वाढ झाली आहे. शहरात भाईगिरीला उधाण आले आहे. महिला व मुलींच्या विनयभंगाच्या घटनाही वाढल्या आहेत. टपोरी व अपप्रवृतीच्या युवकांकडून महिला व मुलींची छेड काढण्याचे प्रकारही वाढले आहेत. चोरी व घरफोडीच्या घटनांनी तर रान उठविले आहे. दुचाकी चोरीच्या घटना नित्याच्याच झाल्या आहेत. नागरिकांच्या किंमती वस्तू आता सुरक्षित राहिलेल्या नाहीत. नागरिकांच्या किंमती वस्तूंवर चोरटे डल्ला मारू लागले आहेत...

  प्रशांत चंदनखेडे वणी  वणी पोलिस स्टेशन हद्दीत सुरु असलेले सर्वच अवैध धंदे बंद करण्याचे वरिष्ठांचे आदेश असल्याने पोलिसांनी अवैध धंद्यांवर टाच आणणे सुरु केले आहे. शहर व शहरालगत असलेल्या गावांमध्ये अवैध धंद्यांना उधाण आले असून हे खुले व लपून सुरु असलेले अवैध धंदे उधळून लावण्याकरिता पोलिस प्रशासन सज्ज झालं आहे. पोलिसांनी २५ ऑगस्टला शहरातील आणखी एका मटका अड्ड्यावर कार्यवाही करून १० हजारांच्या मुद्देमालासह एका सट्टेबाजाला अटक केली आहे. आदिल खान रफिक खान (२४) रा. नारायण निवास जवळ वणी असे या अटक करण्यात आलेल्या आरोपीचे नाव आहे.  शहरातील अवैध धंद्यांबाबत माहिती गोळा करण्याकरिता पोलिस पथक शहारत गस्त घालत असतांना पो.हे.कॉ. विकास धडसे यांना सावरकर चौक परिसरातील नारायण निवास जवळ सार्वजनिक ठिकाणी मटका सुरु असल्याची माहिती मिळाली. त्यांनी तात्काळ त्या ठिकाणी जाऊन वरळी मटका खेळविणाऱ्या आरोपीला अटक केली. सदर इसम हा चिट्ठीवर मटक्याचे आकडे लिहून देतांना पोलिसांना रंगेहात सापडून आला. मटका पट्टी फाडून पैशाची उतारी घेणाऱ्या आदिल शेख रफिक खान याला पोलिसांनी अटक केली असून त्याच्यावर मजुका अंतर...

प्रशांत चंदनखेडे वणी  सताड उघड्या असलेल्या नाल्या व त्यांची नियमित साफसफाई करण्यात येत नसल्याने नाल्या जागोजागी तुंबल्या आहेत. नाल्या तुंबल्याने त्यात घाणपाणी साचून रहात असल्याने रोगराई पसरविणाऱ्या जीव जंतूंचा प्रकोप वाढला आहे. त्यामुळे नागरिकांना डेंग्यू व टायफॉईड (विषमज्वर) सारख्या गंभीर आजारांची मोठ्या प्रमाणात लागण होऊ लागली आहे. तसेच नाल्यांचे पाणी वाहून नेणारी गटारेही तुंबल्याने नागरिकांच्या घरासमोर घाणपाण्याचे डबके साचून रहात असल्याने परिसरात मोठी दुर्गंधी पसरली आहे. साचून राहणाऱ्या घाणपाण्यात आजार पसरविणाऱ्या जीव जंतूचे प्रजनन वाढून विषाणूजन्य आजारांमध्ये मोठी वाढ झाली आहे. तसेच परिसरात घाणीचे साम्राज्य पसरल्याने डासांचाही प्रकोप वाढला आहे. त्यातच शहरवासीयांना अशुद्ध पाणी पुरवठा होत असल्याने नागरिक डेंग्यू व टायफॉईड सारख्या आजारांनी फणफणू लागले आहेत. मात्र नगर पालिका प्रशासन शहरात साफसफाई, धूर फवारणी व शुद्ध पाणी पुरवठा करण्याकडे सपशेल दुर्लक्ष करीत आहे.  शहरात पसरलेली अस्वच्छता व होणाऱ्या अशुद्ध पाणी पुरवठ्यामुळे नागरिक विषाणूजन्य आजारांना बळी पडू लागले आहेत. शहरात अस...

  प्रशांत चंदनखेडे वणी  तालुक्यातील मारेगाव (कोरंबी) येथील विद्यार्थ्यांना वणी येथे शिक्षणासाठी करावा लागणारा प्रवास महाराष्ट्र नवनिर्माण सेनेचे तालुकाध्यक्ष फाल्गुन गौरकार यांनी सुलभ करून दिला आहे. विद्यार्थ्यांना शाळेच्या वेळेवर बस उपलब्ध नसल्याने त्यांच्या शैक्षणिक प्रवासात मोठे अडथळे निर्माण होत होते. बस सुविधेअभावी विद्यार्थ्यांचं शैक्षणिक नुकसान होत असल्याची गंभीर बाब फाल्गुन गौरकार यांच्या समोर येताच त्यांनी विद्यार्थ्यांना घेऊन सरळ वणी आगार प्रमुखांचं कार्यालय गाठलं. विद्यार्थ्यांना शाळेच्या वेळेवर बस उपलब्ध करून देण्याबाबत त्यांनी एसटी महामंडळाच्या वणी आगार प्रमुखांना निवेदन दिलं. त्यांच्या निवेदनाची दखल घेत आगार प्रमुखांनी सोमवार पासून शाळेच्या वेळेवर बस उपलब्ध करून देण्याचे आश्वासन दिल्याने विद्यार्थ्यांचा शिक्षणाचा प्रवास आता सुलभ होणार आहे.  ग्रामीण भागातील विद्यार्थ्यांना माध्यमिक व उच्च माध्यमिक शिक्षणाकरिता वणी येथे यावे लागते. गाव खेड्यातून शहरात शिक्षणाकरिता येणाऱ्या विद्यार्थ्यांकरिता बस सेवा उपलब्ध नसल्याने त्यांना शाळेत जाणे येणे करतांना मोठ्या अडचणी ...

प्रशांत चंदनखेडे वणी  ग्रामीण भागातील विकासकामे करतांना आर्थिक गौडबंगाल होत असल्याने ग्रामीण भागात अतिशय निकृष्ट दर्जाची कामे होतांना दिसत आहे. ग्रामीण भागात विकासकामे करतांना सर्वांचेच हित साधले जात असल्याने कामांची गुणवत्ता खालावली आहे. ग्रामपंचायते अंतर्गत मनमर्जी कामे होतांना दिसत आहे. सामान्य फंडाचा व शासनाच्या विकास निधीचा मोठ्या प्रमाणात गैरवापर होतांना दिसत आहे. अनावश्यक कामांमध्ये निधी खर्चिला जात असून आवश्यकता असलेल्या ठिकाणी कामेच केली जात नसल्याची ओरड ग्रामवासीयांमधून ऐकायला मिळत आहे. दर्जाहीन कामांची बिले अतिशीघ्र काढून सर्वांनाच आपापला वाटा दिला जात असल्याने कुणीही कुणाची तक्रार करण्यास धजावत नाही. वणी पंचायत समिती अंतर्गत येणाऱ्या विरकुंड ग्रामपंचायतेच्या बाबतीतही गाववासीयांमधून हीच प्रतिक्रिया ऐकायला मिळाली. पाच गावे मिळून विरकुंड ही गट ग्रामपंचायत आहे. विरकुंड या मुख्य गावातच समस्यांचा अंबार आहे. काही भागात अजूनही सिमेंट रस्ते झाले नाही. काही ठिकाणी भूमिगत नाल्या बांधण्यात आल्या, तर काही ठिकाणी नाल्यांचा पत्ताच नाही. नाल्यांवर टाकण्यात आलेले धापे अल्पावधीतच फुटले आ...

प्रशांत चंदनखेडे वणी  वणी पोलिस स्टेशन हद्दीत सुरु असलेले सर्वच अवैध धंदे बंद करण्याचे जिल्हा पोलिस अधीक्षकांचे आदेश असल्याने ठाणेदार अजित जाधव यांनी मटका जुगारावर कार्यवाहीचा बडगाच उगारला आहे. मटका अड्डे चालविणाऱ्यांवर धडक कार्यवाहीचे ठाणेदारांनी आदेश दिल्याने पोलिस पथकाने मटका अड्ड्यांवर धाडसत्रच अवलंबलं आहे. शहरात खुलेआम व छुप्या पद्धतीने मटका अड्डे चालविणाऱ्यांवर पोलिसांनी कार्यवाहीचा धडाकाच सुरु केला आहे. काल २३ ऑगस्ट व आज २४ ऑगस्टला शहर पोलिस व एलसीबी पथकाने तब्बल चार मटका अड्ड्यांवर कार्यवाही करून चार आरोपींना मुद्देमालासह ताब्यात घेतलं आहे. पोलिसांनी मटका अड्ड्यांवर कार्यवाहीची मोहीमच हाती घेतल्याने अवैध व्यवसायिकांचे आता चांगलेच धाबे दणाणले आहेत. शहरातील मटका अड्ड्यांबरोबरच शहरापासून ७ किमी अंतरावर असलेल्या गावातीलही मटका अड्ड्यांवर पोलिसांनी अशीच धडक कार्यवाही करावी, अशी अपेक्षा व्यक्त केली जात आहे.  पोलिसांनी काल २३ ऑगस्टला दीपक चौपाटी परिसरातील मटका अड्ड्यावर कार्यवाही करून मटका पट्टी फाडणाऱ्या वसीम फरीद शेख याला अटक केली. मटक्याच्या आकड्यांवर पैशाचा जुगार खेळवतांन...

प्रशांत चंदनखेडे वणी  शहरातील वातावरण प्रदूषित करणारे रेल्वेचे दोन्ही मालधक्के शहरापासून दूर हलविण्याची अनेक वर्षांपासून जीवतोड मागणी होत असतांना शासनकर्ते मात्र आश्वासन देण्यातच धन्यता मानत आहे. प्रदूषण वाढीस कारणीभूत ठरलेले रेल्वेचे हे दोन्ही माल धक्के रहिवासी वस्त्यांपासून दूर हलविण्यास शासन व प्रशासन उदासीनता दर्शवित असल्याने येथील रहिवाशी कमालीचे संतापले आहेत. शासन व प्रशासनाच्या उदासीन धोरणामुळे येथील नागरिकांचे जीवन धोक्यात आले आहे. प्रदूषित वातावरणात श्वास घेणाऱ्या नागरिकांचं आयुष्यमान घटू लागलं आहे. कोळशाच्या धुळीमुळे मानवी जीवनावर होणारे दुष्परिणाम लक्षात घेता विविध सामाजिक व राजकीय संघटनांनीही या कोळसा सायडिंग येथून हटविण्याची मागणी रेटून धरली आहे. एवढेच नाही तर कोळसा सायडिंगमुळे प्रदूषणात प्रचंड वाढ झाल्याची व्यथा केंद्रीय मंत्री भूपेंदर यादव यांच्याकडेही काही सामाजिक संघटनांनी निवेदनातून मांडली आहे. भारतीय जनता पार्टी वणी विधानसभा क्षेत्राच्या संयुक्त मोर्चा संमेलनात प्रमुख मार्गदर्शक म्हणून पर्यावरण व वने केंद्रीय मंत्री भूपेंदर यादव हे आले असता आमदारांनी स्वतः त्यांच...

प्रशांत चंदनखेडे वणी   तहसील कार्यालयामागील महसुल भवनाजवळ काल २१ ऑगस्टला संशयास्पद स्थितीत आढळलेल्या मृतदेहाचा पोलिसांनी अवघ्या काही तासांतच उलगडा केला असून सदर इसमाची हत्या झाल्याचे पोलिस तपासात निष्पन्न झाले आहे. त्या अनोळखी इसमाचा खून करणाऱ्या तीनही आरोपींना पोलिसांनी जेरबंद केले असले तरी त्या अज्ञात इसमाचे नाव व त्याचा ठाव ठिकाणा शोधण्यात मात्र पोलिसांना अद्याप यश आलेले नाही.  त्या अनोळखी इसमाचा खून केल्या प्रकरणी दोन युवकांसह एका महिलेला पोलिसांनी अटक केली आहे. अनिकेत दादाराव कुमरे (२१) रा. सिंधी ता. मारेगाव, मारोती लक्ष्मण कुळमेथे (३४) गणेशपूर, रोशनी कांचन भगत (२५) रा. पंचशील नगर राजूर (कॉ.) असे या अटक करण्यात आलेल्या आरोपींची नावे आहेत.  पोलिस स्टेशन पासून हाकेच्या अंतरावर असलेल्या महसूल भवनाजवळ एका ४५ वर्षीय अज्ञात व्यक्तीचा मृतदेह आढळून आल्याने शहरात एकच खळबळ उडाली होती. काल २१ ऑगस्टला सकाळी १० ते ११ वाजताच्या सुमारास नव्याने बांधण्यात आलेल्या महसूल भवनाजवळ अज्ञान इसमाचा मृतदेह आढळून आला. मृतदेह हा संशयास्पद स्थितीत असल्याने  घातपाताचा संशय बळावला होता. त्या...

प्रशांत चंदनखेडे वणी  शहरातील केशव नागरी सहकारी पतसंस्थेच्या व्यवहाराचे बनावट दस्तऐवज तयार करून पतसंस्थेत गैरव्यवहार झाल्याचा खोटा आरोप करून पतसंस्थेची बदनामी केल्या प्रकरणी अखेर चौकशीअंती केशव नागरी सहकारी पतसंस्थेचे माजी संचालक प्रा. महादेव गोविंदराव खाडे यांच्यावर पोलिसांनी गुन्हे दाखल केले आहे. केशव नागरी पतसंस्थेचे अध्यक्ष व मुख्य कार्यकारी अधिकारी यांनी पतसंस्थेवर भ्रष्टाचाराचे खोटे आरोप करणाऱ्या प्रा. महादेव खाडे यांच्या विरुद्ध ५ जुलैला पोलिस स्टेशनला तक्रार नोंदविली होती. अखेर प्रकरणाची सखोल चौकशी करून पोलिसांनी प्रा. महादेव खाडे यांच्यावर विविध कलमान्वये गुन्हे दाखल केले आहे.  केशव नागरी सहकारी पतसंस्थेचे अध्यक्ष व सदस्य राहिलेले महादेव खाडे यांनी २ जुलैला पत्रकार परिषद घेऊन केशव नागरी पतसंस्थेत मोठ्या प्रमाणात भ्रष्टाचार झाल्याचा आरोप केला होता. महादेव खाडे यांनी केशव नागरी पतसंस्थेचे मुख्य कार्यकारी अधिकारी नंदकिशोर दिकुंडवार यांच्यावरही पतसंस्थेच्या व्यवहारात घोळ करून रक्कमेत अपहार केल्याचा आरोप केला होता. त्यांनी केशव नागरी पतसंस्थेच्या ठेवी असलेले अन्य पतसंस्था ...

प्रशांत चंदनखेडे वणी  शासकीय कार्यालयांमध्ये अधिकारी वर्गाची राहणारी अनुपस्थिती चिंतेचं कारण बनली आहे. अधिकारी वर्ग कामाच्या वेळेत कार्यालयांमध्ये दिसत नसल्याने त्यांचं नक्षल्यांनी अपहरण तर केलं नसावं, या काळजीपोटी महाराष्ट्र नवनिर्माण सेनेचे नेते राजू उंबरकर यांनी पोलिस स्टेशनला तक्रार देऊन या अधिकाऱ्यांचा शोध घेण्याची मागणी केली आहे. वणी तालुका हा नक्षलग्रस्त जिल्ह्यालगत असल्याने नक्षलवाद्यांनी शासकीय अधिकाऱ्यांचे अपहरण केल्याचा संशय व्यक्त करून त्यांनी या अधिकाऱ्यांचा शोध घेण्याची मागणी पोलिस स्टेशनला दिलेल्या तक्रारीतुन केली आहे.  वणी येथील शासकीय कार्यालयांमध्ये अधिकाऱ्यांची रहात असलेली अनुपस्थिती कार्यालयीन कामांकरिता येणाऱ्या नागरिकांची डोकेदुखी ठरू लागली आहे. शासकीय कार्यालयांमध्ये बहुतांश अधिकारीवर्ग हा अनुपस्थित असतो. कार्यालयांमध्ये अधिकारीच रहात नसल्याने नागरिकांची महत्वाची कामे रखडली जातात. अधिकाऱ्यांच्या अनुपस्थितीमुळे कित्येकांची महत्वाची कामे व कागदपत्रे रेंगाळत पडली आहे. शासकीय कार्यालयातील अधिकाऱ्यांच्या कक्षात केवळ टेबल आणि खुर्चीच निदर्शनास पडते, अधिकारी मा...

प्रशांत चंदनखेडे वणी   तालुक्यातील मानकी गावातील तंटामुक्ती समितीच्या अध्यक्षपदी सलग तिसऱ्यांदा परशुराम पोटे यांची अविरोध निवड करण्यात आली आहे. १८ ऑगस्टला घेण्यात आलेल्या ग्रामसभेत सर्वानुमते त्यांना तंटामुक्ती समितीचे अध्यक्ष म्हणून घोषित करण्यात आले.  मानकी ग्रामपंचायतीचे सरपंच कैलास पिपराडे यांच्या अध्यक्षतेत घेण्यात आलेल्या ग्रामसभेत परशुराम पोटे यांची तंटामुक्ती समितीचे अध्यक्ष म्हणून निवड करण्यात आली. परशुराम पोटे हे २०१६ पासून तंटामुक्ती समितीचे अध्यक्ष आहेत. त्यांचे स्थानिक वादविवाद व तंटा निवारणाचे कार्य उत्तम असल्याने त्यांना त्यांच्या उल्लेखनीय कामगिरीच्या आधारावर तिसऱ्यांदा ही संधी मिळाली. परशुराम पोटे यांनी तंटामुक्तीचे कार्य करण्याची इतरांनाही संधी मिळावी म्हणून आपल्या अध्यक्ष पदाचा राजीनामा दिला होता. परंतु ग्रामस्थांनी त्यांनाच पसंती दर्शवून सलग तिसऱ्यांदा त्यांची तंटामुक्ती अध्यक्ष म्हणून निवड केली. तसेच तंटामुक्ती समितीच्या सचिवपदी पोलिस पाटील मीनाक्षी मिलमिले यांची तर तंटामुक्ती समितीचे पदसिद्ध सदस्य म्हणून सरपंच कैलास पिपराडे, उपसरपंच शंकर माहुरे, ग्रा.प. स...

प्रशांत चंदनखेडे वणी  वणी वडगाव मार्गावरील मॅकरून इंग्रजी माध्यमिक शाळा व पांढरकवडा तालुक्यातील सायखेडा येथील जिल्हा परिषद शाळेत स्वातंत्र्य दिन उत्साहात साजरा करण्यात आला. स्वातंत्र्य दीना निमित्त शाळेत ध्वजारोहण व विविध कार्यक्रम घेण्यात आले. यावेळी शाळेतील शिक्षक, शिक्षकेत्तर कर्मचारी व विद्यार्थी मोठ्या संख्येने उपस्थित होते. स्वातंत्र्य दिनाचे औचित्य साधून शाळेच्या माध्यमातून विविध उपक्रमही राबविण्यात आले.  मॅकरून या इंग्रजी माध्यमिक शाळेत स्वातंत्र्य दिन उत्साहाच्या वातावरणात साजरा करण्यात आला. शाळेचे उपाध्यक्ष पियुष आंबटकर, मुख्याध्यापिका शोभना यांच्या प्रमुख उपस्थितीत ध्वजारोहण करण्यात आले. यावेळी उपस्थित सर्व शिक्षक, शिक्षकेत्तर कर्मचारी व विद्यार्थ्यांनी राष्ट्रीय ध्वजाला मानवंदना दिली. स्वातंत्र्य दीना निमित्त शाळेत देशभक्ती गीत, देशभक्ती नृत्य आदी विविध सांस्कृतिक कार्यक्रमही घेण्यात आले. या कार्यक्रमाच्या अध्यक्षस्थानी पियुष आंबटकर होते. तर मुख्याध्यापिका शोभना या प्रामुख्याने उपस्थित होत्या. कार्यक्रमाचे सूत्र संचालन तनिषा लाल व सनया कठाने या विद्यार्थिनींनी केले...

प्रशांत चंदनखेडे वणी  जनतेच्या न्याय्य, हक्कांसाठी लढणाऱ्या लढा या संघटनेने शासन व प्रशासनाच्या अन्यायकारक धोरणांविरुद्ध सतत आवाज उठविला आहे. अन्यायाविरुद्ध आवाज उठविणारी संघटना म्हणून लढा या संघटनेकडे पाहिलं जात आहे. अंगणवाडी मदतनीस पदभरती प्रक्रियेतील प्राथमिक गुणवत्ता यादीत झालेला घोळ या संघटनेने चव्हाट्यावर आणून ती यादी नव्याने बनवून प्रकाशित करण्याची मागणी करतांनाच गुणवत्ता यादी नव्याने जाहीर न केल्यास बेमुद्दत उपोषणाला बसण्याचा अल्टिमेटमच प्रशासनाला दिला आहे. नुकताच या संघटनेने तेंदूपत्ता संकलन करणाऱ्या मजुरांचा प्रश्न उचलला आहे. तेंदूपत्ता संकलन करणाऱ्या मजुरांना मिळणारे बोनस वर्ष लोटूनही अद्याप मिळाले नसल्याने लढा ही संघटना प्रशासनाच्या अन्यायकारक धोरणाविरुद्ध आक्रमक झाली आहे. तेंदूपत्ता संकलन करणाऱ्या मजुरांवरील अन्याय खपवून घेतला जाणार नाही, ही स्पष्ट भूमिका लढा या संघटनेने जाहीर करीत वन परिक्षेत्र विभागाला (प्रादे.) निवेदन देऊन बोनसची रक्कम तेंदूपत्ता संकलन करणाऱ्या मजुरांच्या खात्यात त्वरित जमा करण्याची मागणी केली आहे.  वणी विधानसभा क्षेत्रातील जनतेच्या न्याय्य हाक...

प्रशांत चंदनखेडे वणी  मोटरसायकल चोरी प्रकरणात मुख्य आरोपी असलेल्या अट्टल दुचाकी चोरट्याला स्थानिक गुन्हे शोध पथकाने पुणे जिल्ह्यातील लोणी काळभोर या गावातून अटक केली आहे. तो चार महिन्यांपासून पोलिसांना हुलकावणी देत होता. अखेर त्याला अटक करण्यात पोलिसांना यश आले आहे. मोटारसायकल चोरी प्रकरणात मुख्य सूत्रधार असलेला गजानन मधुकर जाधव रा. मोहर्ली याला पोलिसांनी गुप्त माहितीच्या आधारे पुणे जिल्ह्यातून अटक केली. त्याला आज न्यायालयात हजर केले असता न्यायालयाने त्याला २१ ऑगस्ट पर्यंत पोलिस कोठडी सुनावली आहे. शहर व तालुक्यात मोटरसायकल चोरीचे सत्रच सुरु असल्याने नागरिक कमालीचे धास्तावले आहेत. मोटारसायकल चोरीच्या वाढत्या घटनांमुळे पोलिसांच्या कार्यप्रणालीवर प्रश्न चिन्ह निर्माण होऊ लागले आहे. मोटरसायकल चोरीच्या घटना रोखण्याचे आव्हान पोलिसांसमोर उभे ठाकले असतांनाच स्थानिक गुन्हे शोध पथकाने मोटरसायकल चोरीच्या घटनेचा छडा लावतांनाच मुख्य सूत्रधारालाच अटक केली आहे. शहरातील जैन ले-आऊट येथिल मनीष पुरुषोत्तम बोढे यांची २३ एप्रिलला सायं. ५.३० वाजता फेमस टेलर या दुकानासमोरून मोटरसायकल चोरीला गेली होती. त्य...

प्रशांत चंदनखेडे वणी  केळापूर तालुक्यातील दातपाडी या गावात स्वातंत्र्य दिन उत्साहाच्या वातावरणात साजरा करण्यात आला. स्वातंत्र्य दीना निमित्त घेण्यात आलेल्या कार्यक्रमामध्ये कोंघारा येथील कृषी कन्या देखील सहभागी झाल्या होत्या. जिल्हा परिषद कनिष्ठ प्राथमिक शाळेच्या शिक्षिका कविता वनकर, शाळा व्यवस्थापन समितीचे अध्यक्ष फुलसिंग राठोड, वनिता पवार यांच्या प्रमुख उपस्थितीत हा कार्यक्रम पार पडला. स्वातंत्र्य दिनाचे औचित्य साधून हर  तिरंगा व रुक्ष लागवड आदी उपक्रम राबविण्यात आले. यात कृषी कन्यांनी मोलाचे सहकार्य केले.  कार्यक्रमाची सुरुवात प्रतिमांचे पूजन व हारार्पणाने झाली. शाळा व्यवस्थापन समितीचे अध्यक्ष फुलसिंग राठोड यांच्या हस्ते राष्ट्रीय ध्वजाचे धजारोहण करण्यात आले. यावेळी शाळेतील सर्व शिक्षक, शिक्षकेत्तर कर्मचारी, विद्यार्थी, आशा वर्कर व गावकरी मोठ्या संख्येने उपस्थित होते. स्वातंत्र्य दिनाचे औचित्य साधून हर घर तिरंगा व वृक्ष लागवड हे उपक्रम राबविण्यात आले. यामध्ये कृषी कन्या शर्वरी दसोडे, वैष्णवी काळे, रासेश्वरी जुमडे, सृष्टी गायमुखे, वैष्णवी कोटकर यांनी विशेष सहभाग घेतला. ...

प्रशांत चंदनखेडे वणी  शहरातील सहकारी क्षेत्रात यशस्वी वाटचाल करणाऱ्या रंगनाथ स्वामी अर्बन निधी लिमिटेड व श्री लक्ष्मीनारायण नागरी सहकारी पतसंस्थेच्या वतीने स्वातंत्र्य दिनाचे औचित्य साधून मारेगाव येथील राष्ट्रीय विद्यालय तथा विज्ञान कनिष्ठ महाविद्यालयातील गरीब व गरजू विद्यार्थ्यांना स्कुल बॅगचे वाटप करण्यात आले. रंगनाथ स्वामी निधी अर्बन लि. चे अध्यक्ष संजय खाडे यांच्या हस्ते विद्यार्थ्यांना स्कुल बॅग वाटप करण्यात आल्या. यावेळी रंगनाथ स्वामी निधी अर्बन लि. चे संचालक ईश्वर खाडे, श्री लक्ष्मी नारायण पतसंस्थेचे संचालक धनंजय खाडे, पद्माकर एकरे, बी.एम. मोरे हे प्रामुख्याने उपस्थित होते. शिक्षण उपयोगी साहित्याचे वाटप करून अशा प्रकारचा सामाजिक उपक्रम राबविण्यात आल्याने विद्यालया कडून अध्यक्ष व संचालकांचे अभिनंदन करण्यात आले. स्वातंत्र्य दिनी गरजू विद्यार्थ्यांना स्कुल बॅगचे वाटप करून संजय खाडे यांनी स्तुत्य उपक्रम राबविला. राष्ट्रीय विद्यालय तथा विज्ञान कनिष्ठ महाविद्यालयात आयोजित या स्कुल बॅग वितरण सोहळ्याला विद्यालयातील शिक्षकवृंद, शिक्षकेत्तर कर्मचारी, विद्यार्थी तथा पतसंस्थेचे कर्मचारी...

प्रशांत चंदनखेडे वणी   रात्री शौचास गेलेल्या निळापूर या गावातील दोन व्यक्तींना भरधाव ट्रकने जोरदार धडक दिली. यात एक जन ट्रकखाली चिरडल्या गेल्याने त्याचा जागीच मृत्यू झाला. तर सोबतचा गंभीर जखमी झाल्याची घटना काल १६ ऑगस्टला रात्री १० वाजताच्या सुमारास वणी निळापूर मार्गावर घडली. निळापूर येथील कोल वॉशरीत कोळसा भरण्याकरिता सुसाट जात असलेल्या ट्रक चालकाने गावालगत शौचास बसलेल्या व्यक्तींवरच ट्रक चढविला. या अपघातात विनोद वारलू काळे (५५) हा जागीच ठार झाला. तर सुहास आत्राम (४०) हा गंभीर जखमी झाला आहे. त्याला उपचारार्थ ग्रामीण रुग्णालयात दाखल करण्यात आले आहे. निष्काळजीपणे व भरधाव वाहन चालवून निष्पाप जीवाचा बाळी घेणाऱ्या ट्रक चालकाला गावातील लोकांनी चांगलाच चोप दिल्याचे बोलल्या जात आहे. पोलिसांनी तात्काळ घटनास्थळी धाव घेत चालकाला जमावाच्या तावडीतून सोडविल्याने पुढील अनर्थ टळला. पोलिसांनी अपघातास कारणीभूत ठरलेला ट्रक ताब्यात घेतला असून चालकालाही अटक केली आहे.  निळापूर येथील विनोद काळे व सुहास आत्राम हे दोघेही गावालगत रस्त्याच्या कडेला शौचास बसले होते. दरम्यान निळापूर जवळील कोल वॉशरीमध्ये क...

प्रशांत चंदनखेडे वणी  वणी तालुका हद्दीतून वाहणाऱ्या वर्धा नदीत दोन वेगवेगळ्या ठिकाणावरून चार जन वाहून गेल्याने एकच खळबळ उडाली होती. वणी वरोरा मार्गावरील वर्धा नदी पात्रात आंघोळीकरिता गेलेल्या सहा जनांपैकी दोन जन पाण्याच्या प्रवाहाने वाहून गेले होते. तर तालुक्यातीलच जुनाड गावाजवळून वाहणाऱ्या वर्धा नदी पात्रात पोहण्याच्या नादात दोन युवक वाहून गेल्याने स्वातंत्र्य दिनाच्या आनंदी पर्वात दुःखाचे वातावरण पसरले. १५ ऑगस्टला दुपारच्या सुमारासच या दोन्ही घटना घडल्या. या दोन्ही घटनेतील तीन युवकांचे मृतदेह शोध पथकाच्या हाती लागले असून अन्य एकाचा युद्धपातळीवर शोध घेतला जात आहे.  वणी तालुक्यातील नायगाव (खु) येथे वास्तव्यास असलेले सहा युवक वणी वरोरा मार्गावरील वर्धा नदी पात्रात आंघोळीकरिता गेले होते. त्यातील दोन युवकांना पाण्याचा अंदाज न आल्याने ते आणखीच खोलात गेले. पाण्याचा प्रवाह तेज असल्याने सोबत असलेल्या चार युवकांच्या डोळ्यासमोर ते क्षणात वाहून गेले. तर आंघोळीकरिता नदी पात्रात उतरलेले चार युवक हे सुखरूप बाहेर पडले. सोबत असलेले प्रवीण सोमलकर (३५) व दिलीप कोसूरकर (४०) हे दोन युवक नदीत वाह...

प्रशांत चंदनखेडे वणी   शहरातील सिंधी कॉलनी येथील एका ढाब्यावर काम करणाऱ्या वेटरला ढाबा मालकाच्या मुलाने लाकडी दांडयाने बेदम मारहाण करून जखमी केल्याची घटना १४ ऑगस्टला रात्री १२ वाजताच्या सुमारास घडली. मारहाणी नंतर बेशुद्ध झालेल्या वेटरने १५ ऑगस्टला सकाळी ८ वाजता पोलिस स्टेशनला येऊन तक्रार नोंदविल्याने पोलिसांनी मारहाण करणाऱ्या युवकावर गुन्हा दाखल केला आहे. जखमी अवस्थेत पोलिस स्टेशनला आलेल्या वेटरला पोलिसांनी ग्रामीण रुग्णालयात उपचारार्थ दाखल केले असता डॉक्टरांनी त्याला चंद्रपूर येथे रेफर केले आहे.  सिंधी कॉलनी परिसरातील मोंटू का ढाबा या व्हेज नॉनव्हेज जेवणासाठी प्रसिद्ध असलेल्या हॉटेल मध्ये शुभम वसंत येडमे (२४) रा. वसंत जिनिंग जवळ हा वेटरचे काम करायचा. १४ ऑगस्टला रात्री ११.५० च्या सुमारास तो दुकानाबाहेर असलेल्या खुर्च्या व टेबल हॉटेलच्या आत ठेवत असतांना ढाबा मालकाच्या मुलाने त्याला शिवीगाळ करण्यास सुरुवात केली. तुला खुर्च्या व टेबल आत आणायला कुणी सांगितले असा प्रश्न करीत लाकडी दांड्याने बेदम मारहाण केली. हातावर व डोक्यावर लाकडी दांड्याने  मारहाण केल्याने वेटरला गंभीर दुखाप...

प्रशांत चंदनखेडे वणी  दुथळी भरून वाहत असलेल्या वर्धा नदीवर आंघोळ करण्याकरिता गेलेले दोघे जन नदीच्या प्रवाहात वाहून गेल्याची खळबळ जनक व तेवढीच दुर्दैवी घटना आज १५ ऑगस्टला दुपारी ४.३० वाजताच्या सुमारास घडली. नदीत वाहून गेलेले व्यक्ती हे वणी तालुक्यातील नायगाव (खु) व चंद्रपूर येथील रहिवासी असल्याचे समजते. सोबत असलेले सहा जन हे वर्धा नदीवर आंघोळ करण्याकरिता गेले होते. त्यातील दोघांना पाण्याचा अंदाज न आल्याने ते पाण्याच्या प्रवाहाने वाहून गेले. त्या दोघांचा अद्याप शोध लागला नसून नदीपात्रात त्यांचा शोध घेतला जात आहे. तर दुसऱ्या घटनेत वणी मुकुटबन रोडवरील मानकी जवळ असलेल्या २ नंबर पुलाच्या खाली एका अज्ञात इसमाचा कुजलेल्या अवस्थेत मृतदेह आढळून आल्याने एकच खळबळ उडाली आहे. या इसमाचे वय अंदाजे ३५ ते ४० वर्षे असून आज दुपारी ३.३० वाजताच्या सुमारास तेथून जाणे येणे करणाऱ्या लोकांना या अनोळखी इसमाचा मृतदेह आढळून आला. मृतदेहाची दुर्गंधी सुटल्याने ही घटना उघडकीस आली. हा इसम कोण व कुठला हे मात्र अद्याप कळू शकले नाही.  दुथळी भरून वाहत असलेल्या वर्धा नदी पात्रात काही हौशी आंघोळ करण्याकरिता गेले होत...

प्रशांत चंदनखेडे वणी   तालुक्यातील खांदला ग्रामपंचायत ही लोकहिताचे उपक्रम राबविणारी ग्रामपंचायत म्हणून नावारूपास येऊ लागली आहे. लोककल्याणकारी उपक्रमांना चालना देणारी ग्रामपंचायत म्हणूनही खांदला ग्रामपंचायत ओळखली जाऊ लागली आहे. अनेक आगळे वेगळे उपक्रम या ग्रामपंचायतेच्या माध्यमातून राबविण्यात आले आहे. असाच एक अनोखा उपक्रम या ग्रामपंचायतने सुरु केला असून तो १५ ऑगस्ट व २६ जानेवारीला काटेकोरपणे राबविला जात आहे. दहावी व बारावीतील गुणवत्ता प्राप्त विद्यार्थिनींना ग्रामपंचायत कार्यालयातील राष्ट्रीय ध्वजाच्या ध्वजारोहणाचा मान देऊन त्यांना गौरविण्याचा आगळा वेगळा उपक्रम ग्रामपंचायतेने हाती घेतला आहे. स्वातंत्र्य दीना निमित्त राष्ट्रीय ध्वजाचे ध्वजारोहण दहावीतील गुणवत्ता प्राप्त विद्यार्थिनीच्या हस्ते करण्यात आले. जान्हवी हरिदास ताजने या विद्यार्थिनीच्या हस्ते यावर्षी खांदला ग्रामपंचायतेतील राष्ट्रीय ध्वजाचे ध्वरोहण करण्यात आले. ही विद्यार्थिनी १० वी च्या परीक्षेत ९० टक्के गुण घेऊन गुणवत्ता यादीत झळकली होती. ग्रामीण भागातील मुलींमध्येही शिक्षणाची गोडी निर्माण व्हावी, व त्या गुणवत्ता यादीत झळका...

  प्रशांत चंदनखेडे वणी  हजारो वर्षाच्या गुलामगिरीतून देशाला स्वातंत्र्य मिळवून देण्याकरिता स्वातंत्र्य वीरांनी जीवाची बाजी लावली. आज आपण स्वातंत्र्य देशाचे पाईक आहोत हे त्यांच्या बलिदानाचं फलित आहे. देशात एकात्मता नांदावी व आपसात प्रेमभाव असावा ही त्यांची शिकवण आपण आत्मसात केली पाहिजे. एकमेकांना मदतीचा हात देणं ही आपली संस्कृती. चला तर या संस्कृतीचं जतन करूया. स्वतंत्र्य दिन जल्लोषात साजरा करूया.  बोलो भारत माता की जय ! स्वातंत्र्य दिनाच्या सर्व भारतीयांना हार्दिक शुभेच्छा ! शुभेच्छुक :-   रितेश ठाकरे, अध्यक्ष श्रमिक कोयल सभा, निलजई ओपन कास्ट माईन (डीप), वणी उपक्षेत्र,   सदस्य  ग्रामपंचायत निळापूर,  तथा सामाजिक कार्यात अग्रेसर असणारं व्यक्तिमत्व   

प्रशांत चंदनखेडे वणी  भारतीय स्वातंत्र्याचा हा उत्सव जल्लोषात साजरा करण्यात येत आहे. स्वातंत्र्य दीना निमित्त संपूर्ण भारतात आनंदच वातावरण निर्माण झालं आहे. या आनंदात आपणही सहभागी होऊया, चला स्वातंत्र्य दिन साजरा करूया, भारत मातेचा जयघोष करूया ! सर्व भारतीयांना स्वातंत्र्य दिनाच्या हार्दिक शुभेच्छा ! शुभेच्छुक :- आशिष भाकरे, ग्रामसचिव तथा सर्व सदस्यगण, ग्रामपंचायत विरकुंड 

प्रशांत चंदनखेडे वणी  देशाला स्वातंत्र्य मिळवून देणाऱ्या सर्व स्वातंत्र्य वीरांना नमन करून देशाचा स्वातंत्र्य उत्सव साजरा करूया, देशाच्या प्रगतीत आपलाही हातभार लावूया, चला गर्वाने भारत माता की जय बोलूया ! सर्व भारतवासीयांना स्वातंत्र्य दिनाच्या हार्दिक शुभेच्छा ! शुभेच्छुक :- सरपंच सौ. गीता सुधाकर उपरे, उपसरपंच निलेश लक्ष्मण कोरवते, ग्रामसचिव कैलास आर. जाधव, सदस्य मारोती बोढाले, अशोक उपरे, श्रीमती शारदा मेश्राम, सौ. वैशाली नगराळे, सौ. वंदना चामाटे, सौ. रत्नमाला चालखुरे, सौ. पूनम मंदे, सौ. विद्या पचकटे, ग्रामपंचायत लालगुडा 

प्रशांत चंदनखेडे वणी  संपूर्ण देशात स्वातंत्र्याचा जल्लोष साजरा होत असतांना आपणही स्वातंत्र्याच्या या जल्लोषात सहभागी होऊया, सर्व मिळून स्वातंत्र्य दिन साजरा करूया, बोला भारत माता की जय ! सर्व भारतीयांना स्वातंत्र्य दिनाच्या हार्दिक शुभेच्छा ! शुभेच्छुक :-  सौ. शीतल जयपाल गौरकार, उपसरपंच श्याम धुळे तराडे, ग्रामसचिव धनराज खंडरे, सदस्य वासुदेव येटे, सौ. सुषमा तेलंग, सौ. संगिता मेश्राम, सौ. सुवर्णा ताजने, भूषण पावडे, संदीप धाबेकर, सौ. कल्पना राजूरकर, ग्रामपंचायत वाघदरा 

प्रशांत चंदनखेडे वणी   स्वातंत्र्याचा उत्सव साजरा होत असतांना आपणही या उत्सवात रंगूया, भारताचा स्वातंत्र्य दिन जल्लोषात साजरा करूया. भारत माता की जय ! सर्व भारतीयांना स्वातंत्र्य दिनाच्या हार्दिक शुभेच्छा ! शुभेच्छुक :- सरपंच दिलीप मारोती महाकुलकार, उपसरपंच  सौ.रजनी किशोर बहादे, ग्रामसचिव जे.डी. गवारकर, सदस्य प्रवीण नगराळे, बाळकृष्ण चेडे, सौ. योगिता काळे, सौ. माधुरी बेसेकार, सौ. रेखा मत्ते, ग्रामपंचायत दहेगाव    

प्रशांत चंदनखेडे वणी   देशाप्रती आदर व सन्मान बाळगून प्रगतीचा मार्ग धरूया. प्रगतीच्या वाटेवर सर्वांना सोबत घेऊया. सर्वांचा साथ सर्वांचा विकास साधूया. चला एकात्मतेची गांठ घट्ट बांधूया. एकमेकांच्या सोबतीने स्वातंत्र्याचा उत्सव साजरा करूया. बोला भारत माता की जय ! सर्व भारतीयांना स्वातंत्र्य दिनाच्या हार्दिक शुभेच्छा ! शुभेच्छुक :- सरपंच वर्षा अनंता बोढे, उपसरपंच वंदना प्रशांत उपरे, ग्रामसचिव एल. बी. मुनेश्वर, सदस्य सौ. शुभांगी थाटे, विनोद मोहितकर, अनंता बोढे, सौ. हेमलता पोटे, सौ. वैशाली परसूटकर, सौ. कल्पना बोथले, निलेश उपरे, किशोर बोढे, ग्रामपंचायत मंदर 

प्रशांत चंदनखेडे वणी  देशाला स्वातंत्र्य मिळून ७६ वर्ष पूर्ण झाली. देश विविध क्षेत्रात प्रगती साधू लागला आहे. देशाच्या प्रगतीचे आपण साक्षीदार होऊया, देशात बंधुभावाने नांदूया, हातात हात देउनी घट्ट स्वातंत्र्याचा उत्सव साजरा करूया. चला तर एक सुरात म्हणूया भारत माता की जय !  स्वातंत्र्य दिनाच्या सर्व भारतीयांना हार्दिक शुभेच्छा ! शुभेच्छुक :- सरपंच सौ. रेश्मा शंकर आत्राम, उपसरपंच ऍड. रुपेश गुणवंत ठाकरे, ग्रामसचिव समंदर उस्मान शेख, सदस्य जीवन, अतकरे, राजेंद्र शिंदे, कु. प्रगती ठाकरे, सौ. मिनाक्षी घुंगरूड, सौ जया गोहणे, ग्रामपंचायत मुंगोली