LOKSANDESH

प्रशांत चंदनखेडे वणी  राज्य परिवहन महामंडळाच्या बसने दुचाकीला जोरदार धडक दिल्याने झालेल्या भीषण अपघातात दुचाकीस्वार महिला जागीच ठार झाल्याची घटना आज ३१ जानेवारीला दुपारी ४.३० वाजताच्या सुमारास वणी वरोरा मार्गावरील झोला फाट्याजवळ घडली. या अपघातात दुचाकी चालकासह अन्य एक महिला गंभीर जखमी झाली असून त्या दोघांनाही  उपचारार्थ ग्रामीण रुग्णालयात दाखल करण्यात आले आहे. दुचाकीला धडक दिल्यानंतर एसटी बसही अनियंत्रित होऊन दुभाजकावर चढली. अपघात घडताच या मार्गाने मार्गक्रमण करणाऱ्या नागरिकांनी घटनेची माहिती पोलिसांना दिली. पोलिसांनी तात्काळ घटनास्थळ गाठून घटनास्थळाचा पंचनामा करीत मृतदेह उत्तरीय तपासणी करीता ग्रामीण रुग्णालयात पाठविला.  एसटी महामंडळाची वणी-चंद्रपूर ही बस (MH १४ HG ८२२७) वणी वरून चंद्रपूरच्या प्रवासाला निघाली. दरम्यान झोला फाट्याजवळ बसची दुचाकीला (MH CE ३१२०) जोरदार धडक बसली. या अपघातात जयश्री शंकर उमाटे (४५) रा. भद्रावती ही महिला दुचाकी वरून खाली पडली, व बसच्या चाकाखाली चिरडल्या गेली. यात तिचा घटनास्थळीच मृत्यू झाला. तर दुचाकी चालवीत असलेला मृतक महिलेचा मुलगा प्रतीक शंकर...

प्रशांत चंदनखेडे वणी  यवतमाळ जिल्ह्यातील मार्क्सवादी कम्युनिस्ट पक्षाचे जेष्ठ नेते तथा शेतकरी, कष्टकरी व गोरगरिबांवर होणाऱ्या अन्यायाविरुद्ध सातत्याने आवाज उठविणारे कॉ. शंकरराव दानव हे काळाच्या पडद्याआड गेले आहेत. शासन व प्रशासनाच्या अन्यायकारक धोरणांवर तीव्र प्रहार करतांनाच आंदोलने उभारून अन्यायाला वाचा फोडणारे कॉ. शंकरराव दानव हे अनंतात विलीन झाले आहेत. आज ३१ जानेवारीला पहाटे ६ वाजता त्यांचं निधन झालं. २७ जानेवारीला व्ह्रदय विकाराचा तीव्र झटका आल्याने त्यांना चंद्रपूर येथे हलविण्यात आले होते. चंद्रपूर येथील रुग्णालयात त्यांच्यावर उपचार सुरु असतांना आज पहाटे त्यांनी शेवटचा श्वास घेतला, आणि मृत्यूशी सुरु असलेली त्यांची झुंज संपली. मृत्यू समयी त्यांचं वय ७६ वर्ष होतं. त्यांच्या जाण्याने शेतकरी, कष्टकरी व कामगारांचा हक्काचा आंदोलनकर्ता हरपला आहे. त्यांच्या अशा या अकाली निधनाने जनता दुःखसागरात बुडाली आहे. पक्ष नेते व कार्यकर्त्यांवर दुःखाचा डोंगर कोसळला आहे. त्यांच्या जाण्याने कम्युनिस्टांच्या चळवळीत एक मोठी पोकळी निर्माण झाली आहे.  कॉ. शंकरराव दानव हे सर्वांना परिचित व स्मरणात अ...

प्रशांत चंदनखेडे वणी  भरधाव ट्रक व कारची समोरासमोर धडक होऊन झालेल्या भिषण अपघातात एक जण ठार तर कार मधील सहा प्रवासी गंभीर जखमी झाल्याची घटना आज २४ जानेवारीला दुपारी १२.३० वाजताच्या सुमारास वणी यवतमाळ मार्गावरील निंबाळा फाट्याजवळ घडली. मारेगाव वरून चंद्रपूरकडे जात असलेल्या अर्टिगा कारला विरुद्ध दिशेने येणाऱ्या मालवाहू ट्रकची जबर धडक बसली. धडक एवढी जोरदार होती की, अपघातग्रस्त कार पार चक्काचूर झाली. या अपघातात कारचा चालक मालक असलेला शेख नवाज शेख मुजफ्फर (२७) रा. मारेगाव हा गंभीर जखमी झाला. त्याला रुग्णालयात हलविण्यात आले असता त्याचा वाटेतच मृत्यू झाला.  मारेगाव येथील कुटुंब आपल्या अर्टिगा कारने (MH १३ DE ७९०६) चंद्रपूर येथे जात होते. त्यांनी कार चालविण्याकरिता रोजंदारीने एका चालकालाही सोबत घेतले होते. मात्र कार चालकाला बाजूच्या सीटवर बसवून कार मालक हा स्वतःच कार चालवित होता. दरम्यान मारेगाव वरून चंद्रपूरकडे जात असतांना निंबाळा फाट्याजवळ कार व मालवाहू ट्रकची (MH ३४ BG १३३७) समोरासमोर जोरदार धडक झाली. या भीषण अपघातात कारचा चालक मालक असलेला शेख नवाज शेख मुजफ्फर याचा करून अंत झाला तर...

प्रशांत चंदनखेडे वणी  तालुक्यातील वांजरी येथील एका शेतातील बंड्यात साठवून ठेवलेले सोयाबीन अज्ञात चोरट्यांनी चोरून नेल्याची घटना १९ जानेवारीला घडली. या चोरी प्रकरणाचा स्थानिक गुन्हे शाखा पथकाने अतिशीघ्र छडा लावून अवघ्या २४ तासांत चोरट्यांना मुद्देमालासह ताब्यात घेतले. एलसीबी पथकाने त्यांच्या जवळून ६४ हजार ५०० रुपये किंमतीचे १५ क्विंटल सोयाबीन व २ मोटारसायकल असा एकूण १ लाख ३४ हजार ५०० रुपयांचा मुद्देमाल जप्त केला आहे. ही धडक कार्यवाही २१ जानेवारीला करण्यात आली.  मुळचे वांजरी येथील रहिवाशी असलेले व सध्या वणी येथे राहत असलेले विलास दत्तुजी देऊळकर (५०) यांनी कळमना (खुर्द) शेत शिवारातील टिनाच्या बंड्यात सोयाबीन साठवून ठेवले होते. भाव वाढीच्या आशेने त्यांनी सोयाबीनची विक्री केली नव्हती. १९ जानेवारीला ४ वाजता त्यांनी शेतातील बंड्याची पाहणी केली असता त्यांना बंड्यातून १५ क्विंटल सोयाबीन चोरीला गेल्याचे आढळून आले. अज्ञात चोरट्यांनी सोयाबीन चोरी केल्याची खात्री पटल्यानंतर त्यांनी २० जानेवारीला वणी पोलिस स्टेशनला तक्रार नोंदविली. शेतकऱ्यांचा शेतमाल चोरी करण्यापर्यंत चोरटे निर्ढावल्याचे पा...

प्रशांत चंदनखेडे वणी  एका विशिष्ट कारणावरून आईने मुलीला रागविल्याचा राग मनात धरून अल्पवयीन मुलीने टोकाचा निर्णय घेत शेतातील झाडाला गळफास घेऊन आत्महत्या केल्याची घटना काल २० जानेवारीला सायंकाळच्या सुमारास उघडकीस आली. अलपवयीन मुलीला जडलेल्या विशिष्ट सवयीमुळे आईने मुलीला रागविले. हा राग मनात धरून अल्पवयीन मुलीने शेत शिवारातील झाडाला गळफास लावून आपल्या जीवनाचा शेवट केला. शुल्लक कारणावरून आई व मुलीत झालेल्या वादातून मुलीने टोकाचे पाऊल उचलल्याने पालक वर्गात चिंतेचे वातावरण पसरले आहे. जोत्सना आत्राम (१४) रा. रासा ता. वणी असे या गळफास घेऊन आत्महत्या केलेल्या अल्पवयीन मुलीचे नाव आहे. तारुण्याच्या उंबरठ्यावर पाऊल ठेवलेल्या तरुण व तरुणीने एकाच दिवशी आत्महत्या केल्याच्या दोन वेगवेगळ्या घटना घडल्याने तालुका हादरला आहे.   रासा या गावात परिवारासह रहात असलेली ही अल्पवयीन मुलगी आठव्या वर्गाची विद्यार्थिनी आहे. शालेय शिक्षण घेत असतांना तिला विशिष्ट सवय जडल्याने आईने तिला रागविले. या कारणावरून नंतर आई व मुलीत चांगलाच वाद झाला. आईने रागविल्याचा राग मनात धरून तिने शेत शिवारातील झाडाला गळफास ल...

प्रशांत चंदनखेडे वणी  वणी तालुक्यातील शिवणी (जहागीर) या गावातील तरुणाने राहत्या घरीच गळफास घेऊन आत्महत्या केल्याची घटना काल २० जानेवारीला सायंकाळच्या सुमारास उघडकीस आली. घरी कुणी नसतांना या तरुणाने घराच्या छताला दोरीने गळफास लावून आत्महत्या केली. गुंजन अशोक राजूरकर (२१) असे या गळफास घेतलेल्या तरुणाचे नाव आहे. जिवनात आलेल्या नैराश्येतून युवा पिढी आत्महत्येसारखे टोकाचे निर्णय घेऊ लागली आहे. संकटांचा धैर्याने सामना न करता तरुण मृत्यूला कवटाळू लागले आहेत. मानसिक खच्चीकरणातून आत्महत्या करण्याचे प्रमाण प्रचंड वाढले असून एका पाठोपाठ होत असलेल्या आत्महत्यांनी तालुका हादरला आहे. कुटुंबाचा आधार असलेले तरुण आत्मघात करू लागल्याने पालकांच्या चिंता वाढल्या आहेत.  शिवणी (जहागीर) येथे परिवारासह वास्तव्यास असलेल्या गुंजन राजूरकर या तरुणाने घरी कुणी नसल्याची संधी साधून घराच्या छताला गळफास लावला. नैराश्येतून त्याने आत्महत्येसारखा टोकाचा निर्णय घेऊन आपली जिवन यात्रा संपविली. मृतक हा खाजगी नोकरी करून आपल्या कुटुंबाला हातभार लावायचा. त्याचा मोठा भाऊ देखील खाजगी क्षेत्रात कार्यरत असून त्याची आई पीठ ...

प्रशांत चंदनखेडे वणी  श्री रंगनाथ स्वामी अर्बन निधी लिमिटेडचे अध्यक्ष संजय खाडे हे एक दानशूर व्यक्तिमत्व म्हणून ओळखलं जातं. त्यांची दातृत्व भावना सर्वश्रुत आहे. त्यांनी गरजू गरिबांना नेहमी मदतीचा हात दिला आहे. सामाजिक उपक्रमांनाही त्यांनी नेहमी मदत केली आहे. सामाजिक संस्थांना त्यांनी वेळोवेळी देणग्या दिल्या आहेत. मुक्या जनावरांचाही त्यांना कळवळा राहिला आहे. त्यांच्या हातून नेहमीच मदतीचा ओघ वाहिला आहे. सडळ हाताने मदत करणाऱ्या संजय खाडे यांनी विद्यार्थ्यांच्या शैक्षणिक गरजाही भागविल्या आहेत. विद्यार्थ्यांचं शेक्षणिक भवितव्य घडवितांना परिस्थिती अडसर ठरू नये म्हणून त्यांनी गरजवंतांना आर्थिक संयोगही केला आहे. अभियांत्रिकी अभ्यासक्रमाला (इंजिनिअरिंग) प्रवेश मिळालेल्या साक्षी रंगूरवार या विद्यार्थिनीचे शिक्षण पूर्ण व्हावे म्हणूनही ते मदतीला धावून आले आहेत. आर्थिक परिस्थितीमुळे या विद्यार्थिनीचे शिक्षण थांबले होते. ही बाब त्यांना कळताच त्यांनी लगेच साक्षीच्या इंजिनिअरिंगच्या अभ्यासक्रमाकरिता आर्थिक सहकार्य करून तिच्या शैक्षणिक प्रवासातील आर्थिक अडथळे दूर केले. बुद्धीच्या विकासाकरिता उच्च श...

प्रशांत चंदनखेडे वणी  यवतमाळ जिल्हा मध्यवर्ती बँकेचे उपाध्यक्ष, माजी नगराध्यक्ष व शिवसेना नेते संजय देरकर यांचा वाढदिवस त्यांच्या निवासस्थानी सामाजिक बांधिलकी जपून साजरा करण्यात आला. कुठल्याही प्रकारची धामधूम व जल्लोष न करता अतिशय साधेपणाने त्यांनी आपला वाढदिवस साजरा केला. सामाजिक जाणीव ठेऊन कार्य करणाऱ्या व्यक्तिमत्त्वांचा त्यांनी आपल्या वाढदिवसानिमित्त आदर सत्कार केला. सेवाभावी कार्य करणाऱ्या महिला पुरुषांचाही त्यांनी यावेळी सन्मान केला. राजकीय व सामाजिक क्षेत्रात उल्लेखनीय कार्य करणाऱ्या प्रतिनिधींचा तथा लेखणीतून जनसामान्यांच्या प्रश्नांना वाचा फोडणाऱ्या वृत्तसंकलकांचाही त्यांनी आपल्या वाढदिवसाचे औचित्य साधून सत्कार केला. विविध क्षेत्रातील मान्यवरांनी त्यांच्या निवासस्थानी येऊन त्यांना भावी जीवनाच्या शुभेच्छा दिल्या. या प्रसंगी शिवसेनेच्या पदाधिकारी व कार्यकर्त्यांनीही मोठ्या संख्येने उपस्थिती दर्शविली होती.  आपला वाढदिवस हा त्यांनी जनसेवेसाठी झटणाऱ्या सर्वांसाठीच समर्पित केला. आरोग्य सेवेचा ध्यास घेतलेल्या आशा सेविकांचा त्यांनी आपल्या वाढदिवशी सत्कार केला. तसेच पळसोनी ग्रा...

प्रशांत चंदनखेडे वणी  दरवर्षी प्रमाणे यावर्षीही   वणी नगर वाचनालय येथे हेमंत व्यख्यानमालेचे आयोजन करण्यात आले आहे. आज १९ जानेवारीला सायंकाळी ७ वाजता नगर वाचनालयाच्या प्रांगणात ही व्याख्यानमाला आयोजित करण्यात आली आहे. यावर्षी यवतमाळ येथिल सुप्रसिद्ध वक्ते तथा संस्कृत भारतीचे जिल्हा संयोजक मोरेश्वर गजानन पुंडशास्त्री यांना आमंत्रित करण्यात आलं असून त्यांचं "त्यागमूर्ती भगवान श्रीराम" या विषयवार आधारित व्याख्यान वणीकरांना ऐकायला मिळणार आहे. विदर्भ साहित्य संघ वणी शाखेच्या वतीने प्राचार्य राम शेवाळकर यांच्या स्मृत्यर्थ ही व्यख्यानमाला आयोजित करण्यात आली आहे.  या कार्यक्रमाच्या अध्यक्षस्थानी आमदार संजीवरेड्डी बोदकुरवार हे राहतील. तर प्रमुख अतिथी म्हणून जिल्हा मध्यवर्ती बँकेचे माजी अध्यक्ष टिकाराम कोंगरे, श्रीराम शोभा यात्रा समितीचे अध्यक्ष रविंद्र बेलुरकर यांची उपस्थिती लाभणार आहे. वणीकर जनतेने या सुश्राव्य व्याख्यानाचा मोठ्या संख्येने लाभ घेण्याचे आवाहन वणी नगर वाचनालयाचे अध्यक्ष माधव सरपटवार, सचिव गजानन कासावार तथा सर्व संचालकांनी केले आहे.   

प्रशांत चंदनखेडे वणी  वणी तालुक्यातील पाथरी (गो.) येथे शिवशक्ती पदावली भजन मंडळाच्या वतीने भव्य पदावली भजन स्पर्धेचे आयोजन करण्यात आले आहे. येथिल हनुमान मंदिर परिसरात २० जानेवारीला ही भजन स्पर्धा होणार आहे. या स्पर्धेच्या उद्घाटन सोहळ्याला प्रमुख पाहुणे म्हणून सरपंच रविंद्र बदद्खल, उपसरपंच संध्या बोरडे, ग्रामसचिव एल.डी. पवार, पोलिस पाटील रविंद्र बोरडे, माजी सरपंच तथा ग्रा. स. राजेंद्र ईद्दे, ग्रा.स. संजय कुमरे, कलावती बोरडे, काशिनाथ घुगरुड, बाळकृष्ण बोरडे, दादाजी अकीनकार, भिवाजी कुमरे, नानाजी कुमरे आदी उपस्थित राहणार आहेत. या पदावली भजन स्पर्धेकरिता आकर्षक बक्षिसेही ठेवण्यात आली आहेत. या भजन स्पर्धेत नावाजलेल्या भजन मंडळांनी सहभाग घेतला आहे. पारंपरिक वाद्यातून भक्तीचा सूर छेडणारी ही भजन स्पर्धा भक्तिमय वातावरणात रंगणार आहे.  या भजन स्पर्धेत बक्षिसांची मोठी लयलूट होणार आहे. या स्पर्धेतील पहिलं बक्षिस १५०२१ रुपये, दुसरं बक्षिस १३०२१ रुपये, तिसरं बक्षिस ११०२१ रुपये, चौथं बक्षिस ९०२१ रुपये, पाचवं बक्षिस ७०२१ रुपये, सहावं बक्षिस ५०२१ रुपये तर सातवे बक्षिस ३०२१ रुपये राहणार आहे. तसे...

प्रशांत चंदनखेडे वणी  जिल्हा मध्यवर्ती बँकेचे उपाध्यक्ष, शिवसेना (उबाठा) नेते तथा वणी नगर परिषदेचे माजी अध्यक्ष संजयभाऊ देरकर यांना वाढदिवसाच्या खूप खूप शुभेच्छा ! राजकारण व समाजकार्याचा मेळ साधून जनहिताच्या कार्यांना प्राधान्य देणाऱ्या संजयभाऊ देरकर यांना यांच्या वाढदिवसानिमित्त उदंड आयुष्याच्या अनंत शुभेच्छा ! शुभेच्छुक :- संजयभाऊ देठे व भगवानभाऊ मोहिते तथा सर्व मित्र परिवार  

  प्रशांत चंदनखेडे वणी   जिल्हा मध्यवर्ती बँकेचे उपाध्यक्ष, शिवसेना (उबाठा ) नेते तथा वणी नगर परिषदेचे माजी अध्यक्ष संजयभाऊ देरकर यांचा आज वाढदिवस. त्यांना वाढदिवसाच्या मंगलमय शुभेच्छा ! संजयभाऊ देरकर यांनी आपला वाढदिवस नेहमीच सेवाभावी दृष्टिकोन ठेऊन अतिशय साध्या पद्धतीने साजरा केला आहे. समाजशील व्यक्तिमत्व म्हणून त्यांना ओळखलं जातं. राजकारणाबरोबरच समाजकार्यातही त्यांनी तेवढीच तत्परता दाखविली आहे. लोकहिताचे कार्य करण्यावर त्यांनी नेहमी भर दिला आहे. संयमी व्यक्तिमत्व म्हणून त्यांची वणी विधानसभा क्षेत्रातच नाही तर संपूर्ण जिल्ह्यात ओळख निर्माण झाली आहे. संयमी राजकारणी म्हणूनही ते ओळखले जातात. कसलाही उदोउदो न करता त्यांनी जनतेचे प्रश्न मार्गी लावले आहेत. नागरिकांच्या समस्या सोडविण्याला त्यांनी नेहमी प्राधान्य दिले आहे. गोरगरीब जनतेला वेळोवेळी मदतीचा हात दिला आहे. कास्तकारांवर होणाऱ्या अन्यायाविरुद्ध त्यांनी आवाज उठविला आहे. बेरोजगारांसाठी शांततापूर्ण पद्धतीने आंदोलनं उभारली आहेत. स्थानिकांना रोजगार मिळावा म्हणून ते नेहमीच प्रयत्नशील राहिले. येथील युवकांना रोजगार मिळावा, याकरिता त...

प्रशांत चंदनखेडे वणी  स्थानिक गुन्हे शाखा पथकाने मोटारसायकल चोरट्याच्या मुसक्या आवळल्या असून त्याच्या जवळून चोरीच्या पाच मोटारसायकल जप्त करण्यात आल्या आहेत. त्याने यवतमाळ शहरासह वेगवेगळ्या गाव शहरातून या पाचही मोटारसायकल चोरी केल्या आहेत. तो दुचाकी चोरट्यांच्या आंतरजिल्हा टोळीचा सदस्य असल्याचा संशय व्यक्त केला जात आहे. गणेश पांडुरंग कुडमेथे उर्फ गणेश भाऊराव घोडाम असे या एलसीबी पथकाने अटक केलेल्या दुचाकी चोरट्याचे नाव आहे. त्याने मारेगाव पोलिस स्टेशन हद्दीतुनही दुचाकी चोरी केल्याची कबुली दिल्याने त्याला पुढील कार्यवाही करीता मारेगाव पोलिसांच्या ताब्यात देण्यात आले आहे.  स्थानिक गुन्हे शाखेचे पथक यवतमाळ कार्यालयात हजर असतांना त्यांना यवतमाळ पांढरकवडा रोडवर असलेल्या किरण पेट्रोलपंप परिसरात एक व्यक्ती त्याच्या जवळील दुचाकी विक्री करण्याकरिता ग्राहक शोधत असल्याची खबऱ्यांकडून माहिती मिळाली. या माहिती वरून एलसीबी पथकाने तात्काळ तो परिसर गाठला. त्या परिसरात सदर इसमाचा शोध घेतला असता तो दुचाकी विक्री करीता ग्राहक शोधतांना संशयास्पद स्थितीत आढळून आला. एलसीबी पथकाने त्याला थांबवून त्याची...

प्रशांत चंदनखेडे वणी  काही महिन्यांवरच येऊन ठेपलेल्या लोकसभेच्या निवडणूका बघता पोलिस खात्यात जिल्हा बदल्यांचे सत्र सुरु झाले आहे. जिल्हयात ३ वर्षांचा कार्यकाळ पूर्ण केलेल्या पोलिस अधिकाऱ्यांच्या बदल्या करण्याचे आदेश प्राप्त झाल्यानंतर खांदेपालट करण्याची प्रक्रिया सुरु झाली आहे. त्यानुसार वणी पोलिस स्टेशनचे कर्तव्यदक्ष ठाणेदार अजित जाधव यांच्या बदलीचे आदेश आले आहेत. त्यांची अकोला जिल्ह्यात बदली झाल्याची प्राथमिक माहिती मिळाली आहे. ठाणेदार अजित जाधव हे सहा ते सात महिन्यांपूर्वी प्रशासकीय बदल्यांच्या काळात वणी पोलिस स्टेशनमध्ये रुजू झाले होते. तत्पूर्वी ते मुकुटबन पोलिस स्टेशन येथे सहाय्यक पोलिस निरीक्षक म्हणून कर्तव्यरत होते. त्यांच्या बरोबरच वणी उपविभागातील पीएसआय दर्जाच्या आणखी काही अधिकाऱ्यांच्या बदल्यांचेही आदेश आल्याचे सांगण्यात येत आहे.  वणी, शिरपूर व मुकुटबन ही पोलिस स्टेशन नेहमीच आव्हानात्मक राहिलेली आहे. जबाबदारीचे पोलिस स्टेशन म्हणून या तीनही पोलिस स्टेशनकडे पाहिले जाते. खनिज संपत्तीने नटलेला व आर्थिकदृष्टया संपन्न असलेला हा वणी उपविभाग असून प्रत्येक राज्यातील लोकं याठ...

प्रशांत चंदनखेडे वणी   गुन्हेगारी क्षेत्रावर बारीक लक्ष ठेऊन असलेल्या स्थानिक गुन्हे शाखा पथकाने पाटण पोलिस स्टेशन हद्दीत सुरु असलेल्या कोंबड बाजारावर धाड टाकून कोंबड्यांच्या झुंजीवर पैशाचा जुगार खेळणाऱ्या सात आरोपींना अटक केली आहे. तसेच घटनास्थळावरून पोलिस पथकाने २ लाख २५ हजार ८६० रुपयांचा मुद्देमाल जप्त केला आहे. ही धडक कार्यवाही १४ जानेवारीला सायंकाळच्या सुमारास करण्यात आली.  यवतमाळ गुन्हे शाखेचे पथक वणी येथे अवैध धंद्यांबाबत माहिती गोळा करीत असतांना त्यांना पाटण पोलिस स्टेशन हद्दीत येणाऱ्या कोडपा खिंडी गावालगत असलेल्या जंगल परिसरात मोठा कोंबड बाजार भरवला जात असल्याची गोपनीय माहिती मिळाली. एलसीबी पथकाने मिळालेल्या माहितीच्या आधारे कुणाला सुगावाही न लागू देता मोठ्या शिताफीने त्याठिकाणी धाड टाकली. तेथे कोंबड्याच्या झुंजीवर पैशाची बाजी खेळतांना काही इसम पोलिस पथकाला रंगेहात सापडून आले. कोंबडे भांडवून पैशाची हारजीत खेळणाऱ्या सात आरोपींना पोलिसांनी घटनास्थळावरून अटक केली. तसेच चार झुंजीचे कोंबडे व चार लोखंडी कांती पोलिसांनी जप्त केल्या आहेत.  एलसीबी पथकाने कोंबड्याच्या झुंज...

प्रशांत चंदनखेडे वणी   शहरातील आत्महत्यांचे सत्र थांबता थांबत नसल्याने चिंता व्यक्त होऊ लागली आहे. एका मागून एक होत असलेल्या आत्महत्यांनी तालुका हादरला आहे. आज आणखी एका युवकाने नैराश्येतून आत्महत्या केल्याची घटना घडली आहे. शहरातील महात्मा फुले चौक परिसरातील रहिवासी असलेल्या एका विवाहित युवकाने राहत्या घरी गळफास घेऊन आत्महत्या केल्याची घटना आज १५ जानेवारीला दुपारी १ वाजताच्या सुमारास उघडकीस आली. कृणाल पुरुषोत्तम मोडक (४३) असे या गळफास घेतलेल्या युवकाचे नाव आहे.  मृतक हा पेंटर होता. तो पेंटिंगची कामे करून आपला उदर्निवाह करायचा. त्याला दारूचे व्यसन असल्याचे सांगण्यात येते. आज दुपारी त्याने अचानक राहत्या घरी गळफास घेऊन जिवनाचा शेवट केला. घराच्या आड्याला असलेल्या लाकडी फाट्याला कापडी चिंधीने त्याने गळफास  घेतला. त्याने गळफास घेतल्याचे घराशेजारी राहणाऱ्या त्याच्या काकूच्या लक्षात येताच त्यांनी ही माहिती मृतकाच्या काकाला दिली. मृतक कृणाल मोडक याचे काका तात्काळ घरी पोहचले, व त्यांनी पुतण्याने गळफास घेतल्याची माहिती पोलिसांना दिली. पोलिसांनी घटनास्थळ गाठून घटनास्थळाचा पंचनामा करीत...

प्रशांत चंदनखेडे वणी   अज्ञात वाहनाच्या धडकेत पादचारी तरुण जागीच ठार झाल्याची घटना १३ जानेवारीला सायंकाळी ७.३० वाजताच्या सुमारास वणी घुग्गुस मार्गावरील लालगुडा चौपाटी येथे घडली. एमआयडीसी कडून घरी परततांना लालगुडा चौपाटीवर भरधाव वाहनाने त्याला मागून जोरदार धडक दिली. यात तो ट्रकच्या चाकाखाली आल्याने त्याचा घटनास्थळीच दुर्दैवी मृत्यू झाला. मंगेश ऋषिकेश बोरीकर (३७) असे या अपघातात ठार झालेल्या तरुणाचे नाव आहे. अपघाताची माहिती पोलिसांना मिळताच पोलिसांनी तात्काळ घटनास्थळाकडे धाव घेतली. घटनास्थळाचा पंचनामा करून मृतदेह उत्तरीय तपासणी करिता ग्रामीण रुग्णालयात पाठविला.  काही कामानिमित्त एमआयडीसी परिसरात गेलेला हा तरुण काम आटपून आपल्या घरी परतत होता. दरम्यान लालगुडा चौपाटी वरून रस्ता ओलांडताना त्याला अज्ञात भरधाव वाहनाने जोरदार धडक दिली. यात तो ट्रकखाली चिरडल्या गेल्याने त्याचा घटनास्थळीच मृत्यू झाला. मंगेशला ट्रकने धडक देताच आसपासच्या लोकांनी घटनास्थळाकडे धाव घेतली. परंतु ट्रक चालकाने सुसाट ट्रकसह घटनास्थळावरून पळ काढला होता. ट्रक चालकांच्या भरधाव व निष्काळजीपणे ट्रक चालविण्याने निष्पाप ...

प्रशांत चंदनखेडे वणी   शहरातील पंचशील नगर परिसरात असलेल्या नसिम टेक्सटाइल व सहारा बोअरवेल्स या दुकानांना काल मध्यरात्री भिषण आग लागली. या आगीत दुकानातील वस्तू व साहित्य पूर्णतः जळून खाक झाले. शॉर्ट सर्किटमुळे ही आगल्याचे सांगण्यात येत आहे. ही दोन्ही दुकाने एकमेकांना लागून आहेत. दुकानांना लागलेल्या या आगीमुळे दुकान मालकांचे प्रचंड नुकसान झाले असून नेमके किती नुकसान झाले हे मात्र अद्याप कळू शकले नाही. या दुकानांच्या सभोताल नागरिकांची निवसस्थानेही असून दाट लोकवस्ती असलेला हा परिसर आहे. अग्निशमन दल वेळीच घटनास्थळी पोहोचल्याने आग आटोक्यात आली व पुढील अनर्थ टळला. काल 12 जानेवारीला रात्री 12 वाताच्या सुमारास पंचशील नगर परिसरातील नसीम टेक्सटाइल व सहारा बोअरवेल्स या दोन दुकांना अचानक आग लागली. काही वेळातच या आगीने रौद्र रूप धारण करीत दोन्ही दुकानांना आपल्या कवेत घेतले. दुकानातील सर्व वस्तू व साहित्य आगीच्या भक्षस्थानी चढले. नसीम टेक्सटाइल मधील कपडे पूर्णतः जळून खाक झाले असून सहारा बोअरवेल्स या दुकानालाही आगीच्या झळा पोहोचल्याचे सांगण्यात येत आहे. सहारा बोअरवेल्स या दुकानातील महागड्या वस्तू ...

प्रशांत चंदनखेडे वणी   निराशावादी मानसिकतेतून आत्महत्या करण्याचे प्रमाण प्रचंड वाढले आहे. नैराशेतून आत्महत्येसारखे टोकाचे पाऊल उचलल्या जात असल्याने चिंता व्यक्त केली जात आहे. जिवनातील संकटांचा सामना न करता मृत्यूला कवटाळले जात असून वैफल्य भावनेतून आत्महत्या होतांना दिसत आहेत. जिवनाविषयीचा नकारात्मक दृष्टिकोन आत्महातेला कारणीभूत ठरू लागला आहे. सतत होणाऱ्या आत्महत्यांमुळे वणी उपविभाग हादरला आहे. आत्महत्या रोखण्यासाठी प्रशासनाकडून समुपदेशन व उपाययोजना करण्याची गरज निर्माण झाली आहे. विवंचनेतून आणखी एका युवकाने आत्महत्या केल्याची घटना आज १० जानेवारीला मारेगाव तालुक्यातील म्हैसदोडका येथे सायंकाळच्या सुमारास उघडकीस आली. या युवकाकडे चार एकर शेतजमीन असल्याचे समजते. घरी कुणी नसतांना त्याने राहत्या घरीच नायलॉन दोराने गळफास घेऊन आपली जीवन यात्रा संपविली. तात्याजी नारायण बोथले (४२) असे या गळफास घेतलेल्या युवकाचे नाव आहे. म्हैसदोडका येथे परिवारासह राहत असलेल्या या युवकाने राहत्या घरीच नायलॉन दोराने गळफास लावून आपल्या जीवनाचा शेवट केला. घरी कुणी नसतांना त्याने हे टोकाचे पाऊल उचलले. घरातील मंडळी स...

प्रशांत चंदनखेडे वणी  शहरात सध्या काँक्रीट रस्त्यांचे बांधकाम जोरात सुरु आहे. शहरातील प्रमुख रस्त्यांपासून तर अंतर्गत व गल्लीबोळातही काँक्रीट रस्त्यांच्या बांधकामाला वेग आला आहे. सिमेंट रस्ते बांधण्यालाच विकास संबोधण्यात येत आहे. रस्ते बांधकामाकरिता कोट्यवधींचा निधी खेचून आणल्याचा गवगवा करून आपली पाठ थोपटून घेतली जात आहे. रस्ते बांधकामावर खर्च करण्यात येणाऱ्या निधीतून सर्वांचंच चांगभलं होत असल्याने काही भागांत वरचेवर रस्ते बांधले जात आहे. रस्ते बांधकामाच्या निविदा काढण्यापासून तर कंत्राट मिळण्यापर्यंत मोठी आर्थिक उलाढाल होत असल्याने यातून सर्वांचाच हेतू साधला जात आहे. रस्त्यांच्या बांधकामाकरिता निधी मंजूर झाल्यानंतर रस्ते बांधकामाच्या निविदा काढून शासनाच्या निकषांवर कंत्रादाराला रस्ता बांधकामाचे कंत्राट देण्यात येते. परंतु नंतर कंत्राटदाराकडून सर्वांचेच हित साधले जात असल्याने रस्ते बांधकामाच्या गुणवत्तेकडे कुणीही लक्ष देतांना दिसत नाही.  मुख्य रस्त्यांबरोबरच अंतर्गत रस्त्यांचे अतिशय निकृष्ट दर्जाचे बांधकाम करण्यात येत असल्याचे निदर्शनास आणून दिल्यानंतरही कंत्राटदारावर कुठल्याह...

प्रशांत चंदनखेडे वणी   अनेक गंभीर गुन्हांमध्ये पोलिसांच्या रडारवर असलेल्या दोन अट्टल गुन्हेगारांचा शोध लावून गुन्हे शोध पथकाने त्यांच्या मुसक्या आवळल्या आहेत. या दोन्ही सराईत गुन्हेगारांवर वणीसह जिल्ह्यातील चार पोलिस स्टेशनमध्ये गंभीर स्वरूपाच्या गुन्ह्यांची नोंद आहे. त्यांना वर्धा जिल्ह्यातील आर्वी तालुक्यात येणाऱ्या पिंपळखुटा या गावातून डीबी पथकाने मोठ्या शिताफीने अटक केली. या दोन्ही आरोपींना अटक करून ९ जानेवारीला वणी पोलिस स्टेशन येथे आणून त्यांच्या कडून गुन्हे उघडकीस आणण्यात आले. अनिल विनायक येमूलवार (२२) व दिनेश रविंद्र मेश्राम (२०) दोघेही रा. खडबडा मोहल्ला असे या अटक करण्यात आलेल्या गंभीर गुन्ह्यातील आरोपींची नावे आहेत.  तालुक्यातील भालर वसाहत येथील रहिवासी असलेल्या सुभाष धोंडूजी येवले (५७) यांनी पोलिस स्टेशनला नोंदविलेल्या तक्रारी नुसार पोलिसांनी भादंविच्या कलम ३९७, ३९४, ३२४, ३४ नुसार गुन्हे दाखल करून आरोपींचा शोध सुरु केला. गुन्ह्यातील इतर आरोपींना पोलिसांनी अटक केली. पण अनिल येमूलवार हा पोलिसांना वेळोवेळी चकमा देऊन पसार व्हायचा. पोलिस त्याच्या मागावर होती. पोलिस त्याल...

प्रशांत चंदनखेडे वणी  श्री रंगनाथ स्वामी अर्बन निधी लिमिटेडचे अध्यक्ष संजय खाडे हे कापूस पणन महासंघाच्या संचालक पदासाठी झालेल्या निवडणुकीत वणी झोन मधून विजयी झाले आहेत. त्यांनी आपले प्रतिस्पर्धी शेखर धोटे यांचा पराभव केला. या निवडणुकीत संजय खाडे यांना ७ मते मिळाली. तर शेखर धोटे यांना केवळ ३ मतांवर समाधान मानावे लागले. ७ जानेवारीला पणन महासंघाची निवडणूक पार पडली. ९ जानेवारीला नागपूर येथे मतमोजणी झाल्यानंतर संजय खाडे यांच्या विजयावर शिक्कामोर्तब झाले. त्यांनी संचालक पदाच्या या निवडणुकीत दणदणीत विजय मिळविला. त्यांच्या विजयामुळे सहकार क्षेत्राला अनुभवी व कार्यशील व्यक्तिमत्व लाभलं आहे. पणन महासंघाच्या या महत्वाच्या समजल्या जाणाऱ्या निवडणुकीत त्यांनी विजय संपादन केल्याने त्यांच्यावर सर्वच क्षेत्रातून अभिनंदनाचा वर्षाव होत आहे. आज दुपारी ४ वाजता टिळक चौक येथे त्यांच्या स्वागताचा भव्य कार्यक्रम आयोजित करण्यात आला आहे.  प्रत्येकचं निवडणूक ही त्या क्षेत्रातील महत्वपूर्ण व प्रतिष्ठेची मानली जाते. संजय खाडे यांची राजकीय, सामाजिक व सहकार क्षेत्रातील वाटचाल प्रशंसनीय आहे. त्यांचा नुकताच ना...

प्रशांत चंदनखेडे वणी   शहरातील जैन ले-आऊट येथील माऊली मंदिर परिसरात आज ९ जानेवारीला सायंकाळी ७ वाजता सप्त खंजिरी वादक व समाज प्रबोधक सत्यपाल महाराज यांचा भव्य कार्यक्रम आयोजित करण्यात आला आहे. राष्ट्रसंत तुकडोजी महाराज व थोर संत गाडगेबाबा यांच्या पुण्यतिथी निमित्त "सत्यपाल महाराजांची सत्यवाणी" हा समाज प्रबोधन घडविणारा कार्यक्रम आयोजित करण्यात आला आहे.  सत्यपाल महाराज हे लहानांपासून तर थोरामोठ्यांपर्यंत परिचित असलेलं नाव आहे. सत्यपाल महाराजांचा कार्यक्रम म्हणजे सामाजिक प्रबोधनाची एक पर्वणीच असते. वास्तविकतेला प्राधान्य देणारं त्यांचं प्रबोधन मानवी दृष्टिकोन जोपासण्याची शिकवण देतं. ते आपल्या वाणीतून मानवतादी संकल्पना रुजविण्याचा प्रयत्न करतात. गेल्या अनेक वर्षांपासून त्यांनी समाज प्रबोधनाचा विडा उचलला आहे. मागील काही वर्षांत राज्यात अनेक महाराज उदयास आले, पण सत्यपाल महाराजांची सत्यवाणी आजही तेवढ्याच पोटतिडकीने ऐकली जाते. जीवनातील वास्तविकता दर्शविणारं त्यांचं प्रबोधन माणसाच्या मानसिकतेत बदल घडवून आणतं. समाजात मानवी विचारधारा पेरण्याचं काम त्यांनी आपल्या प्रत्येक कार्यक्रमातून क...

प्रशांत चंदनखेडे वणी  वेकोलिच्या कोळसाखानी व कोळसा वाहतुकीमुळे होणाऱ्या धूळ प्रदूषणाने मानवी आरोग्याबरोबरच शेत पिकंही धोक्यात आली असून रस्त्यालगत असलेल्या शेतातील पिकांचं मोठ्या प्रमाणात नुकसान झालं आहे. कोळसाखाणींमधून शेकडो ट्रक दिवस रात्र कोळशाची वाहतूक करीत असल्याने रस्त्यावर नेहमी धुळीचं साम्राज्य पसरलेलं असतं. कोळसा वाहतुकीच्या वाहनांमुळे उडणारी धूळ शेतपिकांवर साचत असल्याने उभी पिकं उध्वस्त झाली आहेत. त्यामुळे कास्तकारांचं अतोनात नुकसान झालं आहे. सतत उडणाऱ्या धुळीचे कण शेतपिकांवर साचून पिकं फळाफुलाला न आल्याने कास्तकारांनी शेतीची मशागत व लागवडीवर केलेला खर्च व्यर्थ गेला आहे. त्यामुळे शेती हेच उत्पन्नाचं साधन असलेल्या शेतकऱ्यांवर उपासमारीची वेळ आली आहे. धूळ प्रदूषणाने नुकसान झालेल्या शेत पिकांची नुकसान भरपाई मिळण्याकरिता शेतकऱ्यांना घेऊन तीव्र स्वरूपाची आंदोलनं व रस्ता रोकोही करण्यात आला. परिणामी वेकोलिने बाजारभावाने शेतकऱ्यांना नुकसान भरपाई देण्याचे मान्य केले. त्यानुषंगाने कास्तकारांना १ लाख ३६ हजार रुपये प्रति हेक्टर नुकसान भरपाई मिळणे अपेक्षित असतांना जिल्हाधिकारी यांच्या क...

प्रशांत चंदनखेडे वणी   भालर येथील सितानगरी येथे सुरु असलेले कबड्डी सामने बघतांना गावातीलच एका युवकाने शिवीगाळ करून दुसऱ्या युवकाला लोखंडी हातोडीने मारहाण केल्याची घटना ५ जानेवारीला रात्री १० वाजताच्या सुमारास घडली. याबाबत मारहाण झालेल्या युवकाने पोलिस स्टेशनला दिलेल्या तक्रारी वरून पोलिसांनी मारहाण करणाऱ्या आरोपीवर गुन्हा दाखल केला आहे.  भालर येथे रहात असलेला राजू प्रभाकर बोबडे (३८) हा सितानगरी येथे सुरु असलेले कबड्डीचे सामने पाहण्याकरिता गेला असता तेथे उपस्थित असलेल्या मंगेशने (१९) त्याला विनाकारण शिवीगाळ करणे सुरु केले. यावरून राजुने मंगेशला शिव्या का देतो, असे विचारले असता मंगेशने त्याच्याशी वाद घालत त्याला हातात असलेल्या लोखंडी हातोडीने मारहाण केली. राजुच्या डोक्यावर हातोडी मारण्यात आल्याने त्याच्या डोक्याला दुखापत झाली आहे. मंगेश हा दारूच्या नशेत नेहमीच शिवीगाळ करीत असल्याचे राजुचे म्हणणे आहे. मंगेश कडून मारहाण होत असतांना राजुने आरडाओरड केल्याने राजुचे मित्र त्या ठिकाणी धावून आले. त्यामुळे मंगेशने तेथून पळ काढला. राजुने झालेल्या मारहाणीबाबत पोलिस स्टेशनला तक्रार नोंदविल्...

प्रशांत चंदनखेडे वणी  सहारा इंडियामध्ये ग्राहकांनी गुंतविलेल्या पैशाची परतफेड करण्याच्या नावाखाली नुसत्या भूलथापा देण्याचं काम सुरु असल्याने गुंतवणूकदार चांगलेच वेठीस आले आहेत. सहारा इंडियामध्ये वणी उपविभागातील सर्वसामान्य जनतेसह हजारो गुंतवणूकदारांनी पैशाची गुंतवणूक केली आहे. परंतु मागील १० ते १५ वर्षांपासून ग्राहकांना त्यांच्या पैशाची परतफेड करण्यात आलेली नाही. न्यायालयीन प्रक्रिया सुरु असल्याचे तथा सेबीने पैशाच्या व्यवहारावर रोख लावली असल्याचे कारण सांगून सहारा इंडिया ग्राहकांच्या पैशाची परतफेड करण्यास टाळाटाळ करीत आहे. मागील अनेक वर्षांपासून सहारा इंडियाच्या अधिकाऱ्यांकडून एकच राग आलापला जात आहे. मात्र गुंतवणूकदारांचे पैसे परत करण्यावर अद्याप कुठलाही सकारात्मक तोडगा निघालेला नाही.  ग्राहक सहारा इंडियाच्या कार्यालयाचे उंबरठे झिजवून वैतागवाणे झाले आहेत. ग्राहकांनी सहारा इंडियाच्या वरिष्ठ अधिकाऱ्यांशीही वेळोवेळी संपर्क साधला. परंतु अधिकारी वर्ग पैशाची परतफेड करण्यासंदर्भात कुठलीही ठोस माहिती देतांना दिसत नाही. सहारा इंडियाच्या अधिकाऱ्यांकडून ग्राहकांचे केवळ बोळवण केले जात आहे...

प्रशांत चंदनखेडे वणी  भरधाव ट्रकने दुचाकीला मागून जोरदार धडक दिल्याने झालेल्या भीषण अपघातात दुचाकीस्वार महिला जागीच ठार झाल्याची घटना आज ५ जानेवारीला सकाळी ११.३० वाजताच्या सुमारास वणी यवतमाळ बायपास मार्गावरील वडगाव फाट्याजवळ घडली. छबूताई उत्तमराव भोंगळे (६०) रा. रविनगर असे या अपघातात ठार झालेल्या महिलेचे नाव आहे. तर त्यांचे पती उत्तमराव भोंगळे हे या अपघातात गंभीर जखमी झाले आहेत. ते दोघेही वरोरा येथे लग्नकार्यात सहभागी होण्याकरिता दुचाकीने जात होते. दरम्यान या दाम्पत्याच्या दुचाकीला मागून भरधाव येणाऱ्या ट्रकने जोरदार धडक दिली. यात दुचाकी वरील महिला ट्रकखाली चिरडल्या गेल्याने तिचा घटनास्थळीच मृत्यू झाला. तर महिलेचा पती गंभीर जखमी झाला आहे. पोलिसांनी अपघातास कारणीभूत ठरलेला ट्रक ताब्यात घेतला असून ट्रक चालकावर गुन्हा दाखल केला आहे.   वणी यवतमाळ बायपास मार्गाने वरोरा येथे लग्न समारंभात सहभागी होण्याकरिता दुचाकीने जात असलेल्या दाम्पत्याच्या दुचाकीला वडगाव फाट्याजवळ भरधाव ट्रकने (MH ३४ BG ३६४७) मागून जोरदार धडक दिली. त्यामुळे ते दोघेही रस्त्यावर खाली पडले. यात पत्नी ट्रकच्या चा...

  प्रशांत चंदनखेडे वणी  वणी शहरातील रविनगर येथील बंद घराला टार्गेट करून चोरट्यांनी सोन्याचांदीच्या दागिन्यांसह रोख रक्कम लंपास केल्याची घटना २ जानेवारीला उघडकीस आली. पोलिसांच्या रूट मार्च व गस्ती नंतरही शहरात घरफोडीच्या घटना घडू लागल्याने शहरवासीयांच्या मालमत्तेची सुरक्षितता धोक्यात आली आहे. कुटुंब देव दर्शनाला गेल्याने कुलूपबंद असलेले घर चोरट्यांनी फोडले. घरातील कपाटात असलेल्या सोन्याचांदीच्या दागिन्यांवर चोरट्यांनी हात साफ केला. सोन्याचांदीचे दागिने व १५ हजार रोख असा एकूण १ लाख ८९ हजारांचा मुद्देमाल चोरट्यांनी चोरून नेला. दुचाकी चोरीच्या घटनांबरोबरच आता घडफोडीच्या घटनाही घडू लागल्याने शहरात चिंतेचे वातावरण पसरले आहे. दाट वस्तीत धाडसी घरफोडी करून चोरट्यांनी पोलिसांना एक प्रकारे आव्हान दिले आहे. त्यामुळे या चोरी प्रकरणाचा छडा लावून चोरट्यांना जेरबंद करण्याचे आव्हान पोलिसांसमोर उभे ठाकले आहे. याबाबत पोलिस स्टेशनला तक्रार नोंदविण्यात आली असून पोलिसांनी अज्ञात चोरट्यांविरुद्ध चोरीचा गुन्हा दाखल केला आहे.  जितेशकुमार श्रीकृष्णमुरारी पांडे हे परिवारासह गुलाबराव मोरे यांच्या घर...

प्रशांत चंदनखेडे वणी   हिट अँड रन कायद्यातील तरतुदी अद्याप लागू झालेल्या नाहीत, वाहतूकदार संघटनांशी चर्चा करूनच यासंदर्भात निर्णय घेतला जाईल असे स्पष्टीकरण देत केंद्र सरकारने वाहतूकदार संघटनांना संप मागे घेण्याचे आव्हान केल्याने वाहतूकदार संघटनांनी संप मागे घेण्याची तयारी दर्शविल्याचे सांगण्यात येत आहे. हिट अँड रन कायद्यात बदल करण्यात आल्याने दोन दिवसांपासून वाहन चालकांनी संप पुकारला आहे. वाहन चालक संपावर गेल्याने वाहतूक सेवा पूर्णतः विस्कळीत होऊन त्याचा सर्व सामन्यांवर थेट परिणाम झाला. इंधनाचा तुटवडा निर्माण झाल्याने सर्वसामान्यांचे मोठे हाल झाले. पेट्रोलपंप बाहेर वाहनांच्या लांबलचक रांगा पहायला मिळाल्या. तर काही पेट्रोलपंप इंधनाअभावी बंद ठेवण्यात आले. पेट्रोल, डिझल व गॅस सिलेंडरच्या वाहतुकीवर वाहन चालकांच्या संपाचा मोठा परिणाम जाणवला. पाले भाज्यांचीही वाहतूक ठप्प पडल्याने भाजीपाल्याचे भाव कडाडले आहेत. कोळसा वाहतुकीवरही वाहन चालकांच्या संपाचा मोठा परिणाम झाला. वेकोलिशी अधिनस्त असलेल्या कंपन्यातील चालकांनीही संपात सहभाग घेतल्याने या कंपन्यांचे कामकाजही बंद पडले. आज स्कुलबस चालकांनी...