LOKSANDESH

प्रशांत चंदनखेडे वणी  वणी पोलिस स्टेशनचे ठाणेदार अनिल बेहेरानी यांची तडकाफडकी बदली करण्यात आली असून त्यांच्या जागी गोपाल उंबरकर हे वणी पोलिस स्टेशनचे नविन ठाणेदार म्हणून नियुक्त होणार असल्याची माहिती मिळाली आहे. आधी पुसद ग्रामीणला असलेले गोपाल उंबरकर हे वणी पोलिस स्टेशनचा लवकरच पदभार सांभाळणार असल्याचेही सांगण्यात येत आहे. वणी पोलिस स्टेशनमध्ये खांदेपालट होणार असल्याची चर्चा मागील अनेक दिवसांपासून सुरु होती. त्यातच ठाणेदार अनिल बेहेरानी यांची बदली झाल्याने या चर्चेला पूर्ण विराम मिळाला आहे. पोलिस अधिकाऱ्यांच्या जिल्हा बदली काळात अनिल बेहेरानी यांना वणी पोलिस स्टेशनमध्ये नियुक्ती मिळाली होती. मात्र दोन वर्षांचा कार्यकाळ पूर्ण होण्यापूर्वीच त्यांची उचलबांगडी करण्यात आली. ठाणेदार अनिल बेहेरानी यांच्या कार्यकाळात गुन्हेगारी प्रवृत्तीत झालेली वाढ व दीपक चौपाटी परिसरात शेकडो गोवंश जनावरांच्या झालेल्या हत्येचा ठपका ठेऊन त्यांची तडकाफडकी बदली करण्यात आल्याची चर्चा रंगली आहे. शेकडो गोवंश जनावरांच्या हत्या प्रकरणी गोसेवा आयोग समिती नेमण्यात आली होती. गोवंश आयोग समितीने गोवंश हत्या प्रकरणात स...

प्रशांत चंदनखेडे वणी   राष्ट्रपिता महात्मा गांधी यांची पुण्यतिथी संपूर्ण देशात शाहिद दिवस म्हणून साजरी केली जाते. त्यांच्या ७७ व्या पुण्यतिथी निमित्त त्यांना शहरातही अभिवादन करण्यात आले. वणी शहर व तालुका काँग्रेस कमिटीच्या वतीने महात्मा गांधी यांच्या पुण्यतिथी निमित्त गांधी चौक येथे अभिवादन सोहळा घेण्यात आला. यावेळी महात्मा गांधी यांच्या पुतळ्याला पुष्पहार अर्पण करून त्यांना श्रद्धांजली वाहण्यात आली. देशाच्या स्वातंत्र्य लढ्यात महात्मा गांधी यांचं महत्वपूर्ण योगदान राहिलं असून त्यांनी स्वातंत्र्यासाठी उभारलेल्या लढ्यातुनच देश स्वतंत्र झाला. सन १९४८ मध्ये महात्मा गांधी हे प्रार्थनेला जात असतांना त्यांची हत्या करण्यात आली. भारतीय स्वातंत्र्यासाठी त्यांनी दिलेल्या बलिदानाची आठवण म्हणून त्यांची पुण्यतिथी शाहिद दिवस म्हणून साजरी केली जाते.  वणी शहर व तालुका काँग्रेस कमिटीच्या वतीने शहरातील गांधी चौक येथे अभिवादन सोहळा घेऊन महात्मा गांधी यांना श्रद्धांजली वाहण्यात आली. यावेळी शहर काँग्रेसचे अध्यक्ष डॉ. महेंद्र लोढा, तालुका काँग्रेस कमिटीचे अध्यक्ष घनश्याम पावडे, वणी शहर सेवादलचे अध्...

प्रशांत चंदनखेडे वणी  वणी नगर पालिकेचा अजब कारभार पाहायला मिळत आहे. नगर पालिकेच्या उलट कारभारामुळे वेळ व पैसा व्यर्थ खर्च होत असल्याचे चित्र आता नेहमीचेच झाले आहे. रस्त्यालगत व शासकीय जमिनीवर अतिक्रमण होत असतांना नगर पालिका त्याकडे दुर्लक्ष करते, व नंतर लाखो रुपये खर्च करून अतिक्रमण हटाव मोहीम राबविते. आधी अतिक्रमण होऊ द्यायचं आणि नंतर हटाव मोहीम राबवून पाठ थोपटून घ्यायची, हा नगर पालिका प्रशासनाचा नेहमीचाच फंडा झाला आहे. यापूर्वीही नगर पालिकेने अनेकदा अतिक्रमण हटाव मोहीम राबविली. पोलिस बंदोबस्तात मुख्य रस्त्यांवरील अतिक्रमणे हटविली. परंतु काही दिवसांतच अतिक्रमण जैसे थे झाले आहे. त्यामुळे "आम्ही मारल्यासारखे करतो, तुम्ही रडल्यासारखे करा" हे धोरण नगर पालिकेने अवलंबले असल्याचे पाहायला मिळत आहे.  नांदेपेरा रोडवरील अतिक्रमण हटवितांना दुजाभाव करण्यात आल्याच्या अनेक तक्रारी झाल्या. मात्र नगरपालिका व सार्वजनिक बांधकाम विभाग मूग गिळून चूप बसला. या मार्गावरील काँक्रीट नालीने नागमोडी वळण घेतले. कारण येथे सोइ नुसार काम करण्यात आले. मुख्य रस्त्यांवर पक्के बांधकाम केले जाते.आणि नंतर रस्त्य...

प्रशांत चंदनखेडे वणी  युवा तडफदार नेतृत्व म्हणून उदयास आलेल्या ललित लांजेवार यांचे हृदय विकाराच्या तीव्र झटक्याने २९ जानेवारीला रात्री निधन झाले. राजकीय क्षेत्रात उभरते युवा नेतृत्व म्हणून ललित लांजेवार यांनी आपली एक वेगळी ओळख निर्माण केली होती. शिवसेनेचे (शिंदे गट) ते शहर प्रमुख होते. हसतमुख व सोज्वळ स्वभाव असलेल्या ललित लांजेवार यांचा मोठा चाहता वर्ग आहे. त्यांचे सर्वांशीच सलोख्याचे संबंध होते. राजकीय व सामाजिक क्षेत्रात त्यांचं महत्वपूर्ण कार्य राहिलं आहे. त्यांच्या आकस्मात एक्झिटने शहरातील राजकारणात एक मोठी पोकळी निर्माण झाली आहे. त्यांच्या अशा या अकाली जाण्याने मित्र परिवार व कुटुंबियांवर दुःखाचा डोंगर कोसळला आहे. त्यांच्या निधनाची वार्ता कळताच सर्वांनाच धक्का बसला. ते अचानक सर्वांना सोडून गेल्याने शहरात दुःखाची लाट पसरली आहे. विद्यार्थीदशेपासूनच त्यांना राजकारणाची ओढ होती. सामान्य कार्यकर्ता ते पक्षाचा पदाधिकारी हा त्यांचा राजकीय प्रवास राहिला. नागरिकांचे प्रश्न व समस्यांवर ते प्रखरतेने आवाज उठवायचे. जनतेच्या मदतीला धावून जाणारा कार्यकर्ता म्हणून त्यांची ओळख होती. जनतेचे प्रश...

प्रशांत चंदनखेडे वणी  वणी शहरासह तालुक्यात ठिकठिकाणी भारतीय प्रजासत्ताक दिन साजरा करण्यात आला. भारतीय राज्य घटनेचे शिल्पकार डॉ. बाबासाहेब आंबेडकर यांच्या पुतळ्याजवळ देखील ७६ व्या प्रजासत्ताक दीना निमित्त कार्यक्रम घेण्यात आला. यावेळी  उपस्थित सर्व मान्यवरांनी घटनाकाराच्या पुतळ्याला हारार्पण केल्यानंतर कार्यक्रमाला सुरवात झाली. देवानंद झाडे, उल्हास पेटकर, मनोज मोडक यांच्या पुढाकारातून डॉ. बाबासाहेब आंबेडकर चौक येथे हा प्रजासत्ताक दिनाचा कार्यक्रम घेण्यात आला. कार्यक्रमाला प्रमुख मार्गदर्शक म्हणून पी.के. टोंगे, प्रा. पुरुषोत्तम पाटील, गित घोष, नारायण गोडे, रफिक रंगरेज आदी मान्यवर उपस्थित होते. तर प्रमुख अतिथी म्हणून मोरेश्वर देवतळे, सुरेश रायपुरे, करुणा कांबळे, प्रिया लभाने, पुष्पा आत्राम, रमेश मडावी, राजू कांबळे, शिवाजी दुपारे, नईम अजीज, श्रीकृष्ण सोनारखन, हरिश पाते, डॉ. आनंद वेले यांची उपस्थिती होती. कार्यक्रमाचे प्रास्ताविक झिया अहेमद यांनी केले. सूत्रसंचालन कु. सिमा कुमरे यांनी तर आभार प्रदर्शन मनोज मोडक यांनी केले. कार्यक्रमाच्या यशस्वीतेकरिता कपिल मेश्राम, रविंद्र कांबळे, ...

प्रशांत चंदनखेडे वणी   त्यागमूर्ती माता रमाई भिमराव आंबेडकर यांच्या जयंती निमित्त शहरात सुप्रसिद्ध कव्वालकार व गायिका अंजली भारती यांचा प्रबोधनपर गीतांचा कार्यक्रम आयोजित करण्यात आला आहे. भिमकन्या व भिमाची वाघीण म्हणून संपूर्ण  महाराष्ट्रात ओळखल्या जाणाऱ्या अंजली भारती यांचा अलीकडच्या काळात वणी येथे पहिल्यांदाच कार्यक्रम होत असल्याने या कार्यक्रमाची सर्वांनाच उत्सुकता लागली आहे. बाबासाहेबांनी देशासाठी व देशवासियांसाठी दिलेलं योगदान कणखरपणे आपल्या पहाडी आवाजात जनतेपुढे मांडणाऱ्या अंजली भारती यांचे प्रबोधनात्मक गीत, गजल व शायरी एकूण धमन्यांतील गोठलेलं रक्तही उसळी मारायला लागतं. बहुजनांच्या उद्धारासाठी बाबासाहेबांनी केलेला संघर्ष व आज लोकशाही मार्गाने मिळालेले हक्क व अधिकार घेऊन गुरगुरणारी मानवी प्रवृत्ती कशी महापुरुषांच्या विचारधारेशी विसंगत होऊ लागली आहे, यावर अंजली भारती या आपल्या गीतांमधून थेट प्रहार करतात. महापुरुषांच्या विचारांचं प्रबोधन करणाऱ्या अंजली भारती यांच्या प्रबोधनपर गीत गायनाच्या कार्यक्रमाला महापुरुषांची शिकवण जोपासणाऱ्या सर्व नागरिकांनी मोठ्या संख्येने उपस्थित र...

प्रशांत चंदनखेडे वणी   महागाई प्रचंड वाढल्याने नागरिकांचं आधीच बजेट बिघडलेलं असतांना शासनाने एसटीची भाडेवाढ करून त्यात आणखी भर घातली आहे. निवडणूक आटोपताच शासनाने प्रवास दर व इतरही जिवनावश्यक वस्तूंच्या किंमती वाढविण्याचा सपाटा सुरु केला आहे. महागाई वाढवून सर्वसामान्यांचं कंबरडं मोडण्याचं काम शासनाकडून केलं जात आहे. महागाईचा आलेख प्रचंड वाढल्याने सर्वसामान्यांना कौटुंबिक गरजा भागविणे कठीण झाले आहे. वाढत्या महागाईमुळे सर्वसामान्यांसमोर उदरनिर्वाहाचे प्रश्न निर्माण होऊ लागले आहेत. महागाईचा भस्मासुर सर्वसामान्य नागरिकांना गिळंकृत करू पाहत असतांना शासन मात्र त्यांना आणखी महागाईकडे लोटतांना दिसत आहे. अशातच शासनाने एसटीच्या प्रवास भाड्यात वाढ करून नागरिकांवर आर्थिक बोजा लादला आहे. त्यामुळे शिवसेना (उबाठा) प्रचंड आक्रमक झाल्याचे पाहायला मिळाले. एसटी भाडेवाढीचा निषेध करीत शिवसेना वणी विधानसभा क्षेत्राच्या वतीने वणी आगारात चक्का जाम आंदोलन करण्यात आले. आमदार संजय देरकर यांच्या नेतृत्वात करण्यात आलेल्या या आंदोलनात शिवसेनेचे पदाधिकारी, महिला पदाधिकारी, व शिवसैनिक मोठ्या संख्येने सहभागी झाले ह...

प्रशांत चंदनखेडे वणी  नागरिकांच्या गर्दीने नेहमी गजबजून राहणाऱ्या तहसील कार्यालय परिसरातून तेथेच संगणक परिचालक म्हणून काम करणाऱ्या कर्मचाऱ्याची मोटारसायकल चोरीला गेल्याची घटना २७ जानेवारीला सायंकाळी ५.३० वाजताच्या सुमारास उघडकीस आली. त्याने दुचाकीचा तहसील कार्यालय परिसर व इतरत्र शोध घेतल्यानंतर दुचाकी चोरीला गेल्याची तक्रार पोलीस स्टेशनला नोंदविली. कर्मचाऱ्याच्या तक्रारी वरून पोलिसांनी अज्ञात दुचाकी चोरट्याविरुद्ध गुन्हा दाखल केला.  शहरातील तैलीफैल येथे वास्तव्यास असलेला धनंजय अशोक देशपांडे (२४) हा तरुण तहसील कार्यालय येथे कम्प्युटर ऑपरेटर म्हणून कार्यरत आहे. २७ जानेवारीला सकाळी १० वाजता नेहमी प्रमाणे दुचाकी तहसील कार्यालयासमोर उभी करून तो रेकॉर्ड रूममध्ये कर्तव्यावर गेला. सायंकाळी जेंव्हा कामाच्या तासिका पूर्ण करून तो घरी जाण्यास निघाला असता त्याला तहसील कार्यालयासमोर उभी केलेली मोटारसायकल आढळून आली नाही. त्यामुळे त्याला धक्काच बसला. त्याने दुचाकीचा तहसील कार्यालय परिसर व शक्य असलेल्या सर्वच ठिकाणी शोध घेतला. मात्र त्याला मोटारसायकल कुठेही आढळून आली नाही. शेवटी मोटारसायकल चोर...

प्रशांत चंदनखेडे वणी  भारत सरकारच्या जन्म व मृत्यू नोंदणी अधिनियमाला मूठमाती देत मारेगाव नगरपंचायतीच्या बेजाबदार अधिकाऱ्यांकडून अजब फतवा काढण्यात आला आहे. जन्म मृत्यूशी संबंधित शासनाच्या धोरणाला हडताळ फासून मारेगाव नगरपंचायत नागरिकांची लूट करीत आहे. नगरपंचायतीने जन्म मृत्यू कागद्पत्रांसंदर्भात नागरिकांच्या लुटीचा फतवा काढल्याने या अन्यायाविरोधात मारेगाव तालुका वंचित बहुजन आघाडीने आंदोलनाचं रणशिंग फुंकलं आहे. प्रजासत्ताक दिनाच्या आदल्यादिवशी पासून वंचितच्या कार्यकर्त्यांनी नगरपंचायत कार्यालयासमोर "जवाब दो", हे बेमुद्दत घंटानांद आंदोलन सुरु केलं आहे.  जन्म व मृत्यू यांच्या नोंदणीचे विनियमन करण्याबाबत व त्यांच्याशी निगडित असलेल्या संबंधित बाबींची तरतूद करण्यासाठी शासनाने घालून दिलेल्या जन्म व मृत्यू अधिनियमाला तिलांजली देण्याचं काम मारेगाव नगरपंचायतीने केलं आहे. जन्म व मृत्यू अधिनियम १९६९ च्या भारत सरकारच्या अधिनियमाचे उल्लंघन करीत मारेगाव नगरपंचायतीने जन्म व मृत्यू नोंदणी संदर्भात अजब फतवा काढला आहे. मारेगाव नगरपंचायत हद्दीतील नागरिकांची अक्षरशः आर्थिक लूट करणारा हा फतवा आहे. न...

प्रशांत चंदनखेडे वणी   वणी बार असोसिएशनची (वकिल संघ) २५ जानेवारीला निवडणूक पार पडली. या निवडणुकीत एकता पॅनलचे ७ तर विकास पॅनलचे ४ सभासद निवडून आले. पुढील तीन वर्षासाठी बार असोसिएशनच्या ११ सभासदांची निवड करण्यासाठी ही निवडणूक प्रक्रिया राबविण्यात आली. अंतिम मतदार यादीतील १०५ वकिलांपैकी १०२ वकिलांनी या निवडणुकीत मतदान करून आपल्या मतांचा कौल दिला. ऍड. विरेंद्र महाजन यांचे एकता पॅनल व ऍड. निलेश चौधरी यांच्या विकास पॅनलमध्ये चुरशीची लढत झाली. यात एकता पॅनलने बाजी मारली. दोनही पॅनलच्या प्रमुखांनी आपापल्या पॅनलचे सभासद निवडून आणण्याकरिता प्रचंड मेहनत घेतली. त्यांनी सर्व मतदार वकिलांच्या भेटीगाठी घेत त्यांना आपापली भूमिका पटवून सांगितली. तसेच घोषणापत्रातही त्यांनी दिवाणी व फौजदारी न्यायालयासंदर्भातील वकिलांचे अनेक महत्वाचे मुद्दे मांडले. तसेच वकिलांचे प्रश्न सोडविण्याकरिता कटिबद्ध असल्याचे आश्वासन देत दोन्ही पॅनलने निवडणूक लढविली. मात्र मतदारांचा कौल एकता पॅनलला मिळाला. एकता पॅनलचे ७ सभासद निवडून आले. निवडणूक निर्णय अधिकारी ऍड. शाम गायकवाड यांनी अतिशय पारदर्शकपणे ही निवडणूक प्रक्रिया पार प...

प्रशांत चंदनखेडे वणी  जन्मदात्या बापाला मुलाने लोखंडी रॉडने मारून जखमी केल्याची घटना शहरातील रंगनाथ नगर येथे २३ जानेवारीला रात्री ८.३० वाजताच्या सुमारास घडली. याबाबत वडिलांनी पोलिस स्टेशनला दिलेल्या तक्रारी वरून पोलिसांनी आरोपी मुलावर गुन्हा दाखल केला आहे.  रंगनाथ नगर येथे कुटुंबासह राहत असलेले किशोर मारोतराव राऊत (५६) हे रोजमजुरी करून आपला व आपल्या परिवाराचा उदरनिर्वाह करतात. त्यांना तीन मुले आहेत. त्यांचा मधवा मुलगा हा भांडखोर स्वभावाचा असून तो नेहमी वडिलांशी भांडत असतो. शुल्लक कारणांवरून वडिलांशी वाद घालून त्यांना शिवीगाळ करतो. २५ जानेवारीला तर त्याने हद्दच पार केली. रात्री जेवणाच्या वेळी भाजी वरून त्याने वडिलांशी वाद घातला. त्यांना शिवीगाळ करून बेदम मारहाण केली. एवढेच नाही तर लोखंडी रॉड वडिलांच्या डोक्यावर मारून त्यांना जखमी केले. पोटच्या मुलाने लाथाबुक्क्यांनी व विटेने जबर मारहाण करून घराबाहेर काढण्याची व जीवे मारण्याची धमकी दिल्याने किशोर राऊत यांनी पत्नीसह पोलिस स्टेशनला येऊन आपल्या मुलाविरुद्ध तक्रार नोंदविली. किशोर राऊत यांच्या तक्रारी वरून पोलिसांनी त्यांचा मुलगा स्व...

प्रशांत चंदनखेडे वणी  मोटारसायकल अपघातात युवकाचा दुदैवी मृत्यू झाल्याची घटना नांदेपेरा गावाजवळ घडली. दुचाकीवरील नियंत्रण सुटल्याने हा युवक रस्त्याच्या कडेला असलेल्या खड्ड्यात पडला. आणि यातच त्याचा मृत्यू झाला. असा अंदाज वर्तविण्यात येत आहे. २४ जानेवारीला रात्री उशिरा या युवकाचा अपघात झाल्याचे सांगण्यात येत आहे. २५ जानेवारीला पहाटे गावातील काही लोकांना दुचाकीसह हा युवक रस्त्याच्या कडेला पडून दिसल्यानंतर ही अपघाताची घटना उघडकीस आली. सचिन मधुकर मडावी वय अंदाजे ३८ वर्षे रा. वनोजादेवी असे या अपघातात मृत्युमुखी पडलेल्या युवकाचे नाव आहे.  मोटारसायकलने (MH ३४ AC ९४२४) वनोजादेवी या आपल्या गावाकडे जात असतांना मोटारसायकल अनियंत्रित होऊन सचिन मडावी हा युवक रस्त्याच्या कडेला असलेल्या खड्ड्यात पडला. रात्रीची वेळ असल्याने हा अपघातग्रस्त युवक कुणाच्याही दृष्टीस पडला नाही. त्यामुळे त्याला कुणाचीही मदत न मिळाल्याने रात्रभर जखमी अवस्थेतच तो पडून राहिला. आणि यातच त्याचा मृत्यू झाला. असा कयास वर्तविण्यात येत आहे. सचिन मडावी हा एसटी महामंडळात नोकरीवर असल्याचे समजते. मात्र मागील काही दिवसांपासून तो ...

प्रशांत चंदनखेडे वणी  ऑनलाईन फसवणुकीच्या घटना प्रचंड वाढल्या आहेत. सायबर चोरटे विविध शक्कली लढवून बँक खात्यातील पैसे उडवू लागले आहेत. त्यामुळे मोबाईलवर पाठविण्यात आलेल्या कोणत्याही अनोळखी लिंक ओपन करू नये किंवा अनोळखी नंबर वरून फोन करणाऱ्या व्यक्तीला आपल्या बँक खात्याबद्दलची माहिती, खाजगी माहिती अथवा ओटीपी नंबर सांगू नये. तसेच सुरवातीला १४० क्रमांक असलेला फोन कॉल आल्यास तो उचलू नये, असे आवाहन पोलिस विभागाकडून करण्यात आले आहे.  सायबर चोरट्यांकडून होणाऱ्या फसवणुकीपासून सावध राहण्याच्या सूचना शासन प्रत्येक माध्यमातून देत आहे. सायबर चोरटे मोबाईलवर फोन करून बोलण्यात गुंतवतात आणि वैयक्तिक माहिती जाणून घेण्याचा प्रयत्न करतात. तसेच लिंक ओपन करायला सांगून ओटीपी विचारात. ओटीपी सांगताच सायबर चोरटे बँक खात्यातील पैसे उडवितात. त्यामुळे अनोळखी कॉल करणाऱ्यांना बँक खात्याविषयी किंवा वयक्तिक अशी कुठलीही माहिती देऊ नये. सध्या सायबर गुन्ह्यांच्या घटनांमध्ये प्रचंड वाढ झाली आहे. सायबर चोरटे नागरिकांशी फोनवर संवाद साधून बँक खात्यातील रक्कम परस्पर उडवू लागले आहेत. त्यामुळे नागरिकांनी अनोळखी कॉल पास...

प्रशांत चंदनखेडे वणी  वणी तालुका हा रेती तस्करीचा हॉसस्पॉट बनला आहे. रेतीची तस्करी करून तस्कर तर गब्बर बनलेच आहेत. पण त्यांची पाठराखण करणारे अधिकारी व कर्मचारीही मालामाल झाले आहेत. खनिज तस्कर व अवैध व्यावसायिकांसाठी काळ्या पैशाचा स्रोत असलेला हा तालुका अधिकारी वर्गालाही आर्थिकदृष्ट्या समृद्ध करणारा ठरला आहे. झटपट श्रीमंत होणाऱ्यांसाठी वणी तालुक्यात अनेक अवैध धंद्यांचे मार्ग उपलबध आहेत. येथे अधिकारीही सहज दावणीला बांधता येतात, पैशाने सर्वांचीच तोंडं बंद करता येतात, ही या तालुक्याची ओळख बनली आहे. येथे अधिकारी बदलून येतात आणि प्रचंड कमाई करून जातात. कारण खनिज तस्कर व त्यांच्या पाठिराख्यांविरुद्ध कार्यवाहीची जोखीम पत्करण्याऎवजी ते हितसंबंध जोपासण्यावर भर देतात. त्यामुळे काळ्या पैशात त्यांचाही मोठा वाटा असतो. कार्यवाही करणारेच वाटेकरी झाल्याने तालुक्यात खनिज तस्करांना रान मोकळे झाले आहे.  तालुक्यात वाळू माफियाराज आल्याचं दिसत आहे. रेती घाटांवरून सर्रास रेतीची तस्करी सुरु आहे. रेतीची अवैध वाहतूक करणारे हायवा ट्रक शहरात राजरोसपणे रेती खाली करतांना दिसतात. रेती घाटांवरून चोरून आणलेली ...

प्रशांत चंदनखेडे वणी  मुंगोली या गावाच्या पुनर्वसनाचं अजूनही भिजत घोंगडं पडलं आहे. वेकोलि प्रशासनाच्या दुर्लक्षित धोरणाचा फटका या गावाच्या पुनर्वसनाला बसला आहे. वेकोलिने मूंगोली वासियांची जमीन अधिग्रहित करून उत्खनन व उत्पादनही सुरु केले. मात्र या गावाच्या पुनर्वसनाचा झालेला करार अद्यापही पूर्ण झालेला नाही. मूंगोली गाव वासियांच्या पुनर्वसनाकरिता निश्चित केलेल्या जमिनीवर ले-आऊट तर टाकण्यात आले. पण ते ले-आऊट मात्र अद्यापही विकसित करण्यात आले नाही. तसेच ले-आऊट मधील प्लॉटही गावकऱ्यांच्या नावावर करण्यात आले नाही. त्यामुळे पुनर्वसनाअभावी येथील रहिवाशांना मोठ्या समस्या व त्रास सहन करावा लागत आहे. वेकोलि अधिकाऱ्यांशी वेळोवेळी चर्चा करूनही ते वेळकाढू धोरण अवलंबित आहे. तेंव्हा वेकोलि अधिकाऱ्यांची कान उघडणी करून मूंगोली गाव वासियांच्या पुनर्वसनाचा प्रश्न मार्गी लावण्याची मागणी माजी जि.प. सदस्य विजय पिदूरकर यांनी उपविभागीय अधिकाऱ्यांना दिलेल्या निवेदनातून केली आहे.  वेकोलिने मूंगोली कोळसाखाणी करीता मूंगोली गाव वासियांची जमीन अधिग्रहित केली. जमीन अधिग्रहित करतांनाच गाव वासियांच्या पुनर्वसना...

प्रशांत चंदनखेडे वणी   कमी वयात स्केटिंग गोल्ड मेडलिस्ट ठरलेली मनस्वी ही बोटोणी ते वणी हे ३० किलोमीटरचे अंतर स्केटिंग करून गाठणार आहे. मनस्वीने बाल वयातच पराक्रमाचं उंच शिखर गाठलं आहे. तिने आपल्या पराक्रमाने गाव व तालुक्याचं नाव उंचावलं आहे. कुणालाही हेवा वाटावा असं कर्तृत्व तिनं केलं आहे. स्केटिंगमध्ये १०४ सुवर्ण पदकं पटकावणारी मनस्वी तरुण पिढीला संदेश देण्याकरिता व त्यांचा आत्मविश्वास वाढविण्याकरिता बोटोणी वरून वणी येथे स्केटिंग करीत येत आहे. तिच्या जिद्द व पराक्रमाचा सन्मान व्हावा म्हणून महाराष्ट्र नवनिर्माण सेना या बाल स्केटिंग पटूचं शहरात भव्य स्वागत करणार आहे. तिच्या स्वागताची महाराष्ट्र नवनिर्माण सेनेकडून जय्यत तयारीही करण्यात आली आहे. महाराष्ट्र नवनिर्माण सेनेचे राज्य नेते राजू उंबरकर यांनी हुरहुन्नरी व कर्तबगार मुलामुलींना यशस्वी वाटचालीकरता नेहमीच प्रोत्साहन दिलं आहे. मनस्वीने कमी वयात यशाचे उत्तुंग शिखर गाठल्याबद्दल तिचे अभिनंदन करतांनाच ती यशाचे नवनवीन शिखर गाठत राहावी, याकरिता राजू उंबरकर हे तिला शुभेच्छा देणार आहेत.  मनस्वी ही जिद्द, चिकाटी व सकारात्मक विचारांचं ...

प्रशांत चंदनखेडे वणी   शिवसेना पक्ष प्रमुख बाळासाहेब ठाकरे यांच्या जयंती निमित्त युवासेनेच्या वतीने आमदार संजय देरकर यांच्या मार्गदर्शनात २३ जानेवारीला सकाळी ७ वाजता छत्रपती शिवाजी महाराज चौक येथे भव्य मॅरेथॉन स्पर्धेचे आयोजन करण्यात आले आहे. ही स्पर्धा युवासेना उपजिल्हा प्रमुख अजिंक्य शेंडे यांच्या पुढाकारातून घेण्यात येत आहे.  ही मॅरेथॉन स्पर्धा दोन गटात घेण्यात येणार आहे. खुल्या गटात पुरुष व महिलांचा समावेश असेल. तर दुसरा गट १६ वर्षांखालील मुलामुलींसाठी राहणार आहे. या स्पर्धेसाठी आकर्षक बक्षिसेही ठेवण्यात आली आहे. प्रथम बक्षीस ३००० रुपये, द्वितीय बक्षीस २००० रुपये, तृतीय बक्षीस १५०० रुपये तर चतुर्थ बक्षीस १००० रुपये असणार आहे. तसेच प्रथम १० विजयी स्पर्धकांना मोमेंटो देऊन गौरविण्यात येणार आहे. तेंव्हा या मॅरेथॉन स्पर्धेत स्पर्धकांनी मोठ्या संख्येने सहभाग घेण्याचे आवाहन युवासेना उपजिल्हा प्रमुख अजिंक्य शेंडे यांनी केले आहे.  गोल्ड मेडलिस्ट मनस्वी पिंपरे हिचं भव्य स्वागत   याच दरम्यान स्केटिंग स्पेशालिस्ट मनस्वी पिंपरे हिचं युवासेनेकडून भव्य स्वागत करण्यात येणार आहे....

प्रशांत चंदनखेडे वणी तरुणाने राहत्या घरी गळफास घेऊन आत्महत्या केल्याची घटना मंगळवार दि. 21 जानेवारीला दुपारी 3.30 वाजताच्या सुमारास उघडकीस आली. मयूर संजय खापे (26) रा. गणेशपुर रोड वणी असे या गळफास घेतलेल्या युवकाचे नाव आहे. शहरातील गणेशपुर रोड वरील रंगारीपुरा परिसरत वास्तव्यास असलेल्या या तरुणाने नैराश्येतून राहत्या घरी गळफास लावून आत्महत्या केली. सदर तरुण हा खाजगी रुग्णालयात काम करायचा. तो आपल्या मोठ्या भावासोबत राहत होता. मोठा भाऊ कामावर गेल्यानंतर त्याने घराच्या आड्याला गळफास लावून जगाचा निरोप घेतला. त्याच्या आत्महत्येचे कारण अद्याप गुलदस्त्यात आहे. मात्र नैराश्येतून आत्महत्या करण्याचे प्रमाण प्रचंड वाढल्याने चिंता व्यक्त करण्यात येत आहे. त्याने गळफास घेतल्याचे शेजाऱ्यांच्या लक्षात येताच त्यांनी त्याच्या मोठ्या भावाला फोन करून ही माहिती दिली. नंतर ही माहिती पोलिसांना देण्यात आली. पोलिसांनी घटनास्थळाचा पंचनामा करून मृतदेह उत्तरीय तपासणी करीता ग्रामीण रुग्णालयात पाठविला. पुढील तपास पोलीस करीत आहे.

प्रशांत चंदनखेडे वणी   एचडी एन्टरप्राईजेस व गौरव जॉईंट वेंचर प्रा.लि. या कंपनीत काम करणाऱ्या ६५ कामगारांना कंपनीने अचानक कामावरून कमी केल्याने ते कमालीचे चिंतेत आले असून त्यांच्यापुढे कुटुंबाच्या उदर्निवाहाचे संकट निर्माण झाले आहे. कंपनी व्यवस्थापनाने कामगारांची अचानक कपात केल्याने कंपनीच्या भूमिकेविरोधात सर्व कामगार एकवटले असून २७ जानेवारी पासून हे कामगार कंपनी समोर उपोषणाला बसणार आहेत. या अन्यायग्रस्त कामगारांनी कंपनी विरोधात घेतलेल्या भूमिकेला कामगार नेते व वेकोलिचे टीएससी मेंबर संजय खाडे यांनी पूर्ण पाठिंबा दर्शविला आहे. कामगारांच्या न्याय व हक्कांसाठी आपण सदैव त्यांच्या पाठीशी उभे असल्याचे संजय खाडे यांनी वृत्त माध्यमांना दिलेल्या प्रसिद्धी पत्रकातून जाहीर केले आहे.  एचडी एन्टरप्राईजेस व गौरव जॉईंट वेंचर प्रा.लि. या कंपन्या वेकोलिशी संलग्न असून त्यांना वणी नॉर्थ क्षेत्रांतर्गत निलजई खुल्या कोळसाखाणीत ओबी उत्खननाचे कंत्राट मिळाले आहे. मागील ५ वर्षांपासून या कंपन्या वणी नॉर्थ क्षेत्रात ओबी उत्खननाचे काम करीत आहे. या कंपन्यांमध्ये शेकडो कामगार काम करतात. मात्र या कंपनीत...

प्रशांत चंदनखेडे वणी  शिवसेना प्रमुख बाळासाहेब ठाकरे यांची जयंती व वणी विधानसभा क्षेत्राचे आमदार संजय देरकर यांच्या वाढदिवसानिमित्त शहरातील शिक्षक प्रसारक मंडळ महाविद्यालयाच्या प्रांगणात महाआरोग्य शिबीर घेण्यात आलं. वणी मतदार संघातील जनतेने या शिबिराचा मोठ्या प्रमाणात लाभ घेतला. या महाआरोग्य शिबिरात रुग्णांची तपासणी व त्यांच्यावर उपचार देखील करण्यात आले. दुर्धर व गंभीर आजार असलेल्या रुग्णांना सावंगी मेघे येथील आचार्य विनोभा भावे ग्रामीण रुग्णालयात उपचाराकरिता पाठविण्यात आले. याठिकाणी रुग्णांवर शस्त्रक्रिया देखील करण्यात येणार आहे. तसेच काही गंभीर आजारांनी ग्रासलेल्या रुग्णांना नंदेश्वर देवस्थान येथे वेगवेगळ्या दिवशी बोलावून त्यांच्यावर तेथेच डॉक्टरांकडून उपचार केले जाणार आहेत.  आचार्य विनोबा भावे ग्रामीण रुग्णालय सावंगी मेघे, वणी तालुका आरोग्य विभाग व ग्रामीण रुग्णालय वणी यांच्या संयुक्त विद्यमनातून हे महाआरोग्य शिबीर घेण्यात आलं. आरोग्य शिबिराचं उद्घाटन आमदार संजय देरकर यांच्या हस्ते करण्यात आलं. कार्यक्रमाचे अध्यक्ष माजी नगराध्यक्ष विजय मुकेवार हे होते. तर प्रमुख अतिथी म्हणू...

प्रशांत चंदनखेडे वणी  इंग्रजी माध्यमिक शिक्षणात अग्रेसर असलेल्या मॅकरून शाळेत स्पोर्ट्स फेस्ट कार्निवल महोत्सव आयोजित करण्यात आला आहे. २० ते २४ जानेवारी पर्यंत हा फेस्टिवल चालणार आहे. या क्रीडा महोत्सवाचे आज २० जानेवारीला थाटात उद्घाटन करण्यात आले. विद्यार्थ्यांमध्ये क्रीडा गुण अवगत व्हावे, या दृष्टिकोनातून हा क्रीडा महोत्सव आयोजित करण्यात आला आहे. शिक्षणासोबतच मैदानी खेळातही विद्यार्थ्याची रुची निर्माण व्हावी या उद्देशाने शाळा व्यवस्थापनाने हा भव्य क्रीडा महोत्सव आयोजित केला आहे.  मॅकरून स्टुडंट अकॅडमी सीबीएसई शाळेत २० जानेवारी पासून स्पोर्ट्स फेस्ट कार्निवल महोत्सवाला सुरुवात झाली. २४ जानेवारी पर्यंत हा महोत्सव चालणार आहे. या क्रीडा महोत्सवात नर्सरी ते इयत्ता ५ विच्या विद्यार्थ्यांसाठी मनोरंजक खेळ, मैदानी खेळ, कवायती, रिले रेस, टपाल रेस, रनिंग, लेगन स्पून, बनी रेस, वाशिंग मशीन गेम, फुटबॉल या खेळांचं आयोजन करण्यात आलं आहे. तर इयत्ता ६ ते १० विच्या विद्यार्थ्यांकरिता सांघिक खेळांसह विविध क्रीडा स्पर्धा आयोजित करण्यात आल्या आहेत. विद्यार्थ्यांबरोबरच पालकांसाठीही या महोत्सवात व...

प्रशांत चंदनखेडे वणी  ऑटोतून पडून मजूर महिलेचा दुर्दैवी मृत्यू झाल्याची घटना १९ जानेवारीला सायंकाळी ६.३० वाजताच्या सुमारास वणी मारेगाव मार्गावरील सोनामाता मंदिराजवळ घडली. रंजना प्रवेश जंगमवार वय अंदाजे ४५ वर्षे रा. राजूर (कॉ.) असे या अपघातात मृत्यूमुखी पडलेल्या महिलेचे नाव आहे.  लालपुलिया परिसरातील कोलडेपोमध्ये मजूर म्हणून काम करणारी ही महिला सायंकाळी लालपुलिया येथून ऑटोने राजूर या आपल्या गावी जात असतांना सोनामाता मंदिराजवळ ती ऑटोतून खाली पडली. यात तिला जबर मार लागल्याने तिचा जागीच मृत्यू झाला. ऑटोत क्षमतेपेक्षा जात प्रवासी भरून भरधाव व निष्काळजीपणे ऑटो चालविले जात असल्याने अपघाताच्या घटना घडत आहेत. ऑटो चालक रहेमत रहीम खान हा प्रवासी घेऊन राजूरला जात असतांना हा अपघात घडला. ऑटोने प्रवासी वाहतूक करतांना प्रवासी व्यवस्थित बसले किंवा नाही, याची खबरदारी न घेतल्याने हा अपघात घडला. ऑटो चालकाने करकचून ब्रेक मारले आणि महिला ऑटोतून खाली पडली. मजुरी करून आपल्या कुटुंबाचा उदरनिर्वाह करणाऱ्या महिलेचा या अपघातात दुर्दैवी मृत्यू झाला. पतीच्या निधनानंतर लेकरांचा सांभाळ व त्यांचे पालनपोषण करणा...

  प्रशांत चंदनखेडे वणी  शहरातील आस्वाद हॉटेलमध्ये मद्यधुंद अवस्थेत धिंगाणा घालून वेटरला शिवीगाळ करतांनाच हॉटेल मालकाच्या पत्नीला मारहाण करणाऱ्या सहा जणांवर पोलिस स्टेशनमध्ये गुन्हा दाखल करण्यात आला आहे. ही घटना १८ जानेवारीला रात्री १० ते १०.३० वाजताच्या सुमारास घडली. हॉटेल मालकाच्या पत्नीला मानेवर ताकदीने थापड मारल्याने ती जमीनीवर कोसळली. त्यानंतर तिला रुग्णालयात दाखल करण्यात आल्याची माहिती पोलिसांकडून मिळाली आहे.  याबाबत सविस्तर वृत्त असे की, आस्वाद हॉटेलमध्ये रात्री काही जण जेवण करायला गेले. हॉटेलमध्ये काही वेळ बसल्यानंतर ते बाहेर गेले व आणखी परत आले. त्यांनी मद्य प्राशन केल्याचे तक्रारकर्त्याचे म्हणणे आहे. जेवणाचा ऑर्डर दिल्यानंतर त्यांना सेवा पुरविणाऱ्या वेटरला ते वारंवार आवाज देऊन त्रास देत होते. जेंव्हा वेटर त्यांच्या जवळ गेला तेंव्हा त्यांनी त्याला शिवीगाळ करण्यास सुरुवात केली. वेटरला शिवीगाळ करणाऱ्या व्यक्तींना जेंव्हा हॉटेलमध्ये उपस्थित असलेली हॉटेल मालकाची पत्नी समजवायला गेली तेंव्हा त्यांनी तिलाच दमदाटी करून तिच्या मानेवर ताकदीने थापड मारली. त्यामुळे ती जमिनीवर...

प्रशांत चंदनखेडे वणी  पांढरकवडा वन विभागांतर्गत वणी वनपरिक्षेत्रातील नियत क्षेत्रात ७ जानेवारीला एक पट्टेदार वाघ मृतावस्थेत आढळून आला. ही माहिती वन विभागाला मिळाल्यानंतर पांढरकवडा, वणी व मारेगाव वन विभागाचे अधिकारी घटनास्थळी पोहचले. घटनास्थळाचा पंचनामा केल्यानंतर वाघ करंट लागून मृत्युमुखी पडल्याचा प्राथमिक निष्कर्ष काढण्यात आला. मात्र वाघाची नखे व दात गायब असल्याचे वन अधिकाऱ्यांच्या निदर्शनास आले. त्यामुळे वन अधिकाऱ्यांनी वाघाची नखे व दात लंपास करणाऱ्या अज्ञात आरोपींवर गुन्हा दाखल करून त्यांचा शोध घेणे सुरु केले. वाघाच्या मृत्यू प्रकरणाचा विविध अँगलने तपास करणाऱ्या वन विभागाच्या टीमला तब्बल दहा दिवसानंतर आरोपींचा सुगावा लागला. आरोपी हे वेकोलि कर्मचारी असल्याचे वन पथकाच्या तपासातून निष्पन्न झाल्याने वणी व उकनी येथून चार आरोपींना मोठ्या शिताफीने अटक करण्यात आली. मात्र या चारही आरोपींना न्यायालयात हजर केल्यानंतर न्यायालयाने दोन आरोपींचा लगेच जामीन मंजूर केला. तर दोन आरोपींना वन कोठडी सुनावली. वन कोठडी सुनावलेल्या एका आरोपीने आत्महत्या करण्याचा प्रयत्न केल्याने चांगलीच खळबळ उडाली होती....

प्रशांत चंदनखेडे वणी  लावालावी करून नातेवाईकांमध्ये गैरसमज पसरविणाऱ्या व्यक्तीला जाब विचारायला गेलेल्या युवकालाच लाकडी राफ्टरने मारहाण करण्यात आल्याची घटना १७ जानेवारीला शिरपूर पोलीस स्टेशन हद्दीत घडली. लाकडी राफ्टर युवकाच्या डोक्यावर मारण्यात आल्याने त्याचे डोके फुटून डोक्यातून रक्तस्त्राव होऊ लागला. त्यामुळे युवकाने मारहाण करणाऱ्या व्यक्ती विरुद्ध पोलिस स्टेशनला तक्रार नोंदविली. युवकाच्या तक्रारी वरून पोलिसांनी आरोपीवर गुन्हा दाखल केला आहे.  तालुक्यातील नायगाव येथे वास्तव्यास असलेल्या सुनिल बापूराव जांभुळकर (४६) या युवकाचे आई वडील चारगाव येथे राहतात. चारगाव येथे त्यांची शेती आहे. मागील वर्षी युवकाचे आई वडील वाहन भाड्याने करून बाहेरगावी गेले होते. त्याच गावी सुनिल जांभुळकर या युवकाचे सोयरेही राहतात. वाहन चालक असलेल्या प्रकाश काळे याने त्यांच्या सोयऱ्यांकडे सुनिल बद्दल लावालावी केली. सुनिल हा आई वडिलांचा सांभाळ करीत नाही, त्यांची काळजी घेत नाही, असे प्रकाश काळे या वाहन चालकाने सुनिलच्या सोयऱ्याजवळ सांगितले. प्रकाश काळे याने त्याच्याबद्दल नातेवाईकांमध्ये गैरसमज निर्माण केल्याची...

प्रशांत चंदनखेडे वणी  वेकोलिच्या उकनी कोळसाखाण परिसरात जिवंत विद्युत तारांचा स्पर्श होऊन मृत्युमुखी पडलेल्या पट्टेदार वाघाची नखे व दात गायब करणाऱ्या चार आरोपींना वन विभागाने अटक केली आहे. ७ जानेवारीला उकनी कोळसाखाण परिसरातील आर.सी. कार्यालयाजवळील विद्युत डीपी जवळ एक पट्टेदार वाघ मृतावस्थेत आढळून आला होता. त्यानंतर ही वार्ता वाऱ्यासारखी तालुक्यात पसरली. वेकोलि अधिकाऱ्यांना ही माहिती मिलताच त्यांनी वनविभागाला कळविले. वनविभागाच्या अधिकाऱ्यांनी घटनास्थळ गाठून वाघाच्या मृतदेहाचा पंचनामा केला असता त्यांना वाघाची १२ नखे व ४ दात गायब असल्याचे दिसून आले. त्यामुळे वन विभागाने वाघाची नखे व दात गायब करणाऱ्या अज्ञात आरोपींवर गुन्हा दाखल करून त्यांचा शोध सुरु केला. आरोपींचा युद्ध पातळीवर शोध सुरु असतांनाच वन विभागाला आरोपींबद्दल माहिती मिळाली. वन विभागाने खात्री केल्यानंतर चारही आरोपींना अटक केली. त्यांना आज न्यायालयात हजर केले असता न्यायालयाने दोन आरोपींची न्यायालयीन कोठडीत रवानगी केली. तर दोन आरोपींना वन कोठडी सुनावली आहे. पांढरकवडा वन विभागांतर्गत येणाऱ्या वणी वनपरिक्षेत्रातील नियत क्षेत्रात ...

प्रशांत चंदनखेडे वणी  शिवशक्ती वाहतूक सेनेचे (उबाठा) विदर्भ संपर्क प्रमुख दिपंकर धर्मदत्त वनकर यांना वाढदिवसाच्या अनंत शुभेच्छा ! दीपंकर वनकर हे शिवशक्ती वाहतूक सेनेशी मागील अनेक वर्षापासून जुळले आहेत. शिवशक्ती वाहतूक सेनेच्या माध्यमातून त्यांनी अनेक कार्यही केले आहेत. त्यांचा जनसंपर्कही दांडगा आहे. आजही शिवशक्ती वाहतूक सेनेशी ते एकनिष्ठ आहेत. अनेक कार्यकर्ते त्यांच्याशी जुळले आहेत. त्यांना या क्षेत्राचा दांडगा अनुभव आहे. शिवशक्ती वाहतूक सेनेचा कार्यभार सांभाळतानाच त्यांनी या क्षेत्राशी संबंधित सर्वांशीच दृढ संबंध जपले आहेत. शिवशक्ती वाहतूक सेनेच्या वरिष्ठ नेत्यांशीही त्यांचे घनिष्ठ संबंध आहेत. दीपंकर वनकर यांचं शिवशक्ती वाहतूक सेनेचं कार्य निरंतर सुरु आहे. सर्वांशी स्नेश संबंध जपणाऱ्या दीपंकर वनकर यांचा आज वाढदिवस आहे. त्यांना वाढदिवसानिमित्त उदंड आयुष्याच्या अनंत शुभेच्छा !   शुभेच्छुक :- प्रशांत चंदनखेडे (जिल्हा संपर्क प्रमुख शिवशक्ती वाहतूक सेना), अक्षय चन्ने (जिल्हा प्रमुख शिवशक्ती वाहतूक सेना), गजेंद्र घरत, विक्रम कुलकर्णी, अक्षय चन्ने, अक्षय हेपट, राकेश माकडे, सागर मेश्...

प्रशांत चंदनखेडे वणी   वणी विधानसभा क्षेत्राचे तडफदार व लोकप्रिय आमदार संजयभाऊ देरकर यांना त्यांच्या वाढदिवसानिमित्त उदंड आयुष्याच्या अनंत शुभेच्छा ! मनमिळाऊ व्यक्तिमत्व व कुशल नेतृत्व म्हणून लोकप्रिय ठरलेल्या संजयभाऊ देरकर यांनी वणी मतदार संघातून दणदणीत विजय संपादन केला. जनतेने आपल्या हक्काचा लोक प्रतिनिधी म्हणून संजूभाऊ यांची निवड केली. संजयभाऊ देरकर यांनी लोकभावनेतून केलेल्या कार्याची पावती त्यांना मिळाली. त्यांनी लोकसांसाठी केलेल्या निस्वार्थ कार्याने प्रभावित होऊन जनतेने त्यांना आपला आमदार म्हणून निवडले. आमदार झाल्यानंतरही संजूभाऊ यांच्या मूळ स्वभावात तिळमात्रही बदल झाला नाही. ते आजही जनतेत मनमोकळेपणाने घुळमिळतात. त्यांच्या सुख दुःखात सहभागी होतात. त्यांचे सर्व हट्टाहासही पुरवितात. मतदार संघातील छोट्यात छोटया कार्यक्रमातही ते हिरीरीने सहभागी होतात. कुणालाही ते नाराज करीत नाही. कुणीही कुठेही आमंत्रित केले तरी त्यांनी नाही हा शब्द कधी उच्चारला नाही. आमदार झाल्यनंतरही त्यांचे जराही हावभाव बदलले नाहीत. आजही ते पूर्ण मतदार संघ पिंजून काढतात. नागरिकांच्या समस्या जाणून घेतात. त्या सो...