LOKSANDESH

प्रशांत चंदनखेडे वणी  शहरातील एका अपार्टमेंटमध्ये राहणाऱ्या दोन शेजाऱ्यांमध्ये शुल्लक कारणावरून झालेल्या वादाचे रूपांतर मारहाणीत झाले. एकाने दुसऱ्याला थापड, बुक्क्या व स्टील रॉडने मारहाण केली. स्टील रॉड हाताच्या बोटाला (तर्जनी) लागल्याने शेजारी जखमी झाला. याबाबत त्याने पोलिस स्टेशनला तक्रार नोंदविल्याने पोलिसांनी मारहाण करणाऱ्यावर गुन्हा दाखल केला आहे.  रविनगर येथील साई अपार्टमेंट मध्ये राहणाऱ्या विलीन वामनराव औंझे (४७) व अभय विठ्ठल होले (४०) या दोन शेजाऱ्यांमध्ये कचरा टाकण्याच्या कारणावरून शाब्दिक वाद झाला. वाद विकोपाला जाऊन वादाचे पर्यवसान मारहाणीत झाले. अभय होले याने विलीन औंझे यांना थापड बुक्यांनी मारहाण करतांनाच स्टील रॉडने त्यांच्यावर प्रहार केला. अभय होले याने विलीन औंझे यांना स्टिल रॉड मारल्याने त्यांच्या डाव्या हाताच्या बोटाला (तर्जनी) जबर दुखापत झाली आहे. एवढेच नाही तर अभय होले याने विलीन औंझे यांना बघून घेण्याची धमकी देखील दिली. विलीन औंझे यांनी झालेल्या मारहाणीबाबत पोलिस स्टेशनला तक्रार नोंदविल्याने पोलिसांनी आरोपी अभय होले याच्यावर बीएनएसच्या कलम ११८(१), ३५२, ३५१(...

प्रशांत चंदनखेडे वणी  मोटारसायकल चालकाचे मोटारसायकल वरील नियंत्रण सुटल्याने झालेल्या अपघातात एक जण ठार झाला. तर दुसरा गंभीर जखमी झाल्याची घटना २६ फेब्रुवारीला रात्री ९.३० वाजताच्या सुमारास वणी तालुक्यातील राजूर (कॉ) गावाजवळ घडली. तनय परशुराम पिंपळकर (२२) रा. वणी असे या अपघातात ठार झालेल्या तरुणाचे नाव आहे. तर त्याचा मित्र सुमित पांडुरंग मेश्राम (२४) रा. राजूर (कॉ.) हा या अपघातात गंभीर जखमी झाला आहे.  महाशिवरात्री निमित्त शिरपूर येथे मोठी जत्रा भरते. येथे शंकरजीच्या दर्शनाकरिता दूरवरून भाविक येतात. हे दोन्ही मित्र शिरपूर येथे शंकरजीच्या दर्शनाकरिता गेले होते. दर्शन करून परत येतांना त्यांच्या दुचाकीला अपघात झाला. यात एक मित्र मृत्युमुखी पडला. तर दुसरा गंभीर जखमी झाला. सुमित मेश्राम याच्या दुचाकीने (MH २९ CD १८९८) हे दोन्ही मित्र शिरपूर येथे गेले होते. दुचाकीवर मागे बसून असलेला तनय पिंपळकर हा या अपघातात मरण पावला. शिरपूर वरून रात्री ९.३० वाजता वणी मार्गे राजूर (कॉ.) येथे जात असतांना राजूर फाट्यापासून काही अंतरावर असलेल्या न्यू राजूर सिटी वळण रस्त्यावर दुचाकी चालक सुमित मेश्राम या...

प्रशांत चंदनखेडे वणी  चंद्रपूर येथे उपचारासाठी गेलेल्या घरमालकावर चोरट्यांनी परत सलाईन चढविण्याची वेळ आणली आहे. घरी कुणी नसल्याची संधी साधून चोरट्यांनी घरातील किंमती वस्तू व रोख रक्कमेवर हात साफ केला. कुलूपबंद घर हे चोरट्यांसाठी चोरीचं आमंत्रण देणारं ठरू लागलं आहे. बंद घर आणि घरफोडी हे आता चोरीचं समीकरणच बनलं आहे. चिखलगाव ग्रामपंचायत हद्दीत येणाऱ्या साफल्य नगर येथील कुलूपबंद घर फोडून चोरट्यांनी सोन्याचांदीच्या दागिन्यांसह रोख रक्कम असा एकूण १ लाख ६ हजार ५०० रुपयांचा मुद्देमाल चोरून नेला आहे. ही घटना २३ फेब्रुवारीला सकाळी १० वाजताच्या सुमारास उघडकीस आली. याबाबत पोलिस स्टेशनला देण्यात आलेल्या तक्रारी वरून पोलिसांनी अज्ञात चोरट्यांविरुद्ध गुन्हा दाखल केला आहे.  वणी शहरालगत असलेल्या चिखलगाव येथील साफल्य नगर येथे वास्तव्यास असलेले भारत वसंतराव ठाकरे (४७) हे १५ फेब्रुवारीला उपचारासाठी चंद्रपूर येथे गेले होते. दरम्यान कुलूपबंद घराला चोरट्यांनी टार्गेट केले. घरी कुणी नसल्याची संधी साधून चोरट्यांनी चोरीचा डाव साधला. कवाडाचा कुलूप कोंडा तोडून चोरट्यांनी आत प्रवेश केला. घरातील कपाटात ठेऊ...

प्रशांत चंदनखेडे वणी  तरुणपिढी ही देशाचं भविष्य आहे. तरुणाईवरच देशाची भिस्त उभी आहे. परंतु सध्या बेरोजगारीचे प्रमाण वाढत चालल्याने कळत नकळत युवावर्ग गुन्हेगारी प्रवृत्तीकडे वळू लागला आहे. त्यामुळे गुन्हेगारीचे प्रमाण वाढू लागले आहे. युवक दिशाहीन होत चालला आहे. त्यामुळे त्याला योग्य दिशेकडे वळविणे गरजेचे झाले आहे. हाच दृष्टिकोन डोळ्यासमोर ठेऊन यवतमाळ जिल्हा पोलिस दलाकडून "ऑपरेशन प्रस्थान" अंतर्गत शहरात भव्य रोजगार मेळावा आयोजित करण्यात आला. जिल्हा पोलीस अधीक्षक कुमार चिंता यांच्या संकल्पनेतून हा अभिनव उपक्रम साकार झाला. या स्तुत्य उपक्रमाला अप्पर पोलिस अधीक्षक पीयूष जगताप यांचे मार्गदर्शन लाभले. शेतकरी मंदिर येथे आयोजित या रोजगार मेळाव्याला १० नामांकित कंपन्यांच्या प्रतिनिधींनी उपस्थिती दर्शविली होती.   हा रोजगार मेळावा उपविभागीय पोलीस अधिकारी गणेश किंद्रे यांच्या अध्यक्षतेखाली संपन्न झाला. सर्वप्रथम त्यांनी रोजगार मेळाव्यात मुलाखती करीता आलेल्या उमेदवारांशी संवाद साधला. तसेच रोजगाराच्या संधी उपलब्ध करून देणाऱ्या ११ कंपन्यांच्या प्रतिनिधींचा त्यांनी परिचय करून दिला. त्यानं...

प्रशांत चंदनखेडे वणी  भरधाव वाहनाने दिलेल्या धडकेत एका युवकाचा दुर्दैवी मृत्यू झाल्याची घटना २२ फेब्रुवारीला दुपारच्या सुमारास वणी वरोरा महामार्गावरील दामोदर नगर जवळ घडली. विजय भदुजी आत्राम वय अंदाजे ४४ वर्षे असे या अपघातात मृत्युमुखी पडलेल्या युवकाचे नाव आहे. महामार्ग ओलांडताना त्याला वाहनाने धडक दिल्याची प्राथमिक माहिती मिळाली आहे.  वणी येथील टोल नाक्यावर काम करणारा हा युवक कामाच्या तासिका पूर्ण करून दामोदर नगर येथे आपल्या घरी परतत असतांना त्याचा अपघात झाला. दामोदर नगर जवळील फुटलेले दुभाजक असलेल्या ठिकाणावरून रस्ता ओलांडतांना भरधाव वाहनाने त्याला जोरदार धडक दिली. यात त्याचा दुर्दैवी मृत्यू झाला. अशी माहिती मिळाली आहे. विजय आत्राम हा काही वर्षांपूर्वी वाहन चालक म्हणूनही काम करायचा. सध्या तो वणी येथील टोल नाक्यावर कार्यरत होता. २२ फेब्रुवारीला कामाच्या तासिका पूर्ण करून तो पायीच घराकडे निघाला. दामोदर नगरकडे जाण्याकरिता रस्ता क्रॉस करतांना त्याला भरधाव वाहनाने धडक दिली. यात त्याचा दुर्दैवी मृत्यू झाला. विजय आत्राम हा कुटुंबाचा प्रमुख आधार होता. त्याचा अपघात झाल्याचे कळताच त्याच...

प्रशांत चंदनखेडे वणी  बाल विवाहावर कायद्याने बंदी आणली असतांना देखील कायद्याचे उल्लंघन करून अल्पवयीनांचे लग्न लावून दिले जात आहे. असाच एक बाल विवाहाचा धक्कादायक प्रकार वणी पोलिस स्टेशन हद्दीत उघडकीस आला आहे. एका १३ वर्षीय बालिकेचे चक्क आई वडिलांनीच लग्न लावून दिल्याचे प्रकरण समोर आले आहे. ही मुलगी बाळंतीण झाल्यानंतर तिचा बालविवाह झाल्याचे उघडकीस आले आहे. पालकांनी अल्पवयीन मुलीचे लग्न लावून दिल्याची माहिती पोलिसांना मिळताच पोलिसांनी या प्रकरणाची गंभीरतेने दखल घेतली. बालिकेच्या वयाचे व लग्नाचे सर्व पुरावे गोळा करून पोलिसांनी आई वडील व तिच्याशी लग्न करणाऱ्या युवकाविरुद्ध गुन्हा दाखल करून युवकाला अटक केली आहे. आरोपी युवकाला न्यायालयात हजर केल्यानंतर न्यायालयाने त्याची तुरुंगात रवानगी केली आहे.  वणी शहरापासून जवळच असलेल्या राजूर (कॉ.) येथे बाल विवाह झाल्याचा प्रकार समोर आला आहे. पाषाणहृदयी आई वडिलांनी (२३ जून २०२३) आपल्या अवघ्या १३ वर्षाच्या मुलीचे लग्न लावून दिले. खेळण्या बागडण्याच्या दिवसांत या बालिकेला बोहल्यावर चढविण्यात आले. तिच्याशी लग्न करणाऱ्या युवकानेही तिच्या वयाचं भान ठे...

लोकसंदेश वृत्तांकन  शहरात अतिक्रमणाचा विळखा घट्ट होत चालला आहे. खुल्या जागेवर व रस्त्यालगत अतिक्रमण करतांनाच आता अतिक्रमण धारकांनी चक्क रस्तेच काबीज करणे सुरु केले आहे. गौरकार कॉलनी (रेल्वे स्टेशन जवळ) येथे व्यावसायिक बांधकाम करणाऱ्या एका बांधकाम धारकाने डीपी रोडसाठी असलेल्या जागेवर मालकी हक्क सांगितल्याने येथील रहिवाशी संभ्रमात पडले आहेत. या व्यक्तीने डीपी रोडसाठी असलेल्या जागेवर पक्के बांधकाम केले आहे. गौरकार कॉलनी परिसरात रेल्वे विभागाची हद्द संपल्यानंतर जवळपास १०० फूट जागा खुली आहे. येथे डीपी रोड बनणार असल्याचे अनेक वर्षांपासून सांगण्यात येत आहे. मात्र आता गौरकार कॉलनी येथे व्यावसायिक बांधकाम करतांना बांधकाम धारकाने डीपी रोडसाठी खुल्या असलेल्या जागेवर मालकी हक्क सांगून पक्के बांधकाम केले आहे. त्यामुळे आता येथील नागरिकही डीपी रोडसाठी असलेल्या खुल्या जागेवर अतिक्रमण करण्याच्या तयारीला लागले आहेत.  अशातच डीपी रोडसाठी असलेल्या खुल्या जागेवर वयक्तिक प्लॉट असल्याचा दावा करून पक्के घर बांधलेल्या एका कुटुंबाने तर आता घरासमोरील जाण्यायेण्याच्या रस्त्यावरच आपला हक्क गाजवायला सुरवात ...

प्रशांत चंदनखेडे वणी  शहरातील दाट लोकवस्ती असलेल्या साधनकरवाडी येथील बंद घर फोडून लाखोंचा ऐवज लंपास करणारे चोरटे पोलिसांच्या जाळ्यात अडकले आहेत. वर्धा स्थानिक गुन्हे शाखा पथकाने चोरी प्रकरणात अटक केलेल्या चोरट्यांनी शहरातील साधनकरवाडी येथेही घरफोडी केल्याची कबुली दिली आहे. वर्धा पोलिसांनी याबाबत वणी पोलिसांशी संपर्क साधल्यानंतर ठाणेदार गोपाल उंबरकर यांनी डीबी पथक पाठवून वर्धा पोलिसांकडून या चोरट्यांची कस्टडी घेतली. या चोरट्यांना वणी पोलिस स्टेशनला आणल्यानंतर डीबी पथकाने त्यांची आणखी कसून चौकशी केली असता त्यांनी घरफोडीत सहभागी असलेल्या आपल्या अन्य एका साथीदाराचे नाव सांगितले. डीबी पथकाने त्याचा ठावठिकाणा शोधून काढत त्याला वर्धा जिल्ह्यातीलच अल्लीपूर पोलिस स्टेशन हद्दीतून अटक केली. या तीनही चोरट्यांनी साधनकरवाडी येथे घरफोडी केल्याचे निष्पन्न झाल्यानंतर पोलिसांनी तिघांनाही वणी न्यायालयात हजर केले असता न्यायालयाने तिघांचीही तीन दिवसांची पोलिस कोठडी मंजूर केली.  शहरातील साधनकरवाडी येथे वास्तव्यास असलेले प्रदीप चिंडालिया हे २५ जानेवारीला परिवारासह दूरच्या प्रवासाला गेले होते. घराला ...

प्रशांत चंदनखेडे वणी   मोबाईल शॉपीमध्ये गाणे वाजविण्याचा कारणावरून दोन भावंडांनी मोबाईल शॉपीमध्ये काम करणाऱ्या तरुणासोबत वाद घालत त्याला लाकडी दांड्याने मारहाण करतांनाच त्याच्यावर चाकूने हल्ला चढविल्याची घटना झरी येथे घडली. चाकूचा वार हाताने रोखल्याने तरुणाच्या हाताला दुखापत झाली आहे. याबाबत त्याने पोलिस स्टेशनला दिलेल्या तक्रारी वरून पोलिसांनी दोनही भावंडांवर गुन्हा दाखल केला आहे.  पाटणबोरी ता. केळापूर येथे वास्तव्यास असलेला जीत विनोद सोळंकी (२२) हा तरुण झरी येथील महाविद्यालयात बीएससीचे शिक्षण घेत आहे. त्याचा मित्र असलेल्या राहुल बोगावार याची झरी येथे मोबाईल शॉपी आहे. १९ फेब्रुवारीला जीत हा मोबाईल शॉपीवर काम करीत असतांना सायंकाळी ७.३० वाजता झरी येथे राहणारा गणेश हनुमंतु पस्तुलवार (२०) हा दुकानाजवळ आला व दुकानात गाणे का वाजवतो म्हणून त्याच्याशी वाद घालू लागला. तसेच त्याने जीतला शिवीगाळ करीत त्याला धक्काबुक्कीही केली. तुला पाहून घेतो, तुझी दुकान जाळतो, असे बरळत तो तिथून निघून गेला. नंतर काही वेळाने गणेश हा त्याचा भाऊ मोठा आकाश हनुमंतु पस्तुलवार (२४) याला सोबत घेऊन दुकानाजवळ आला...

प्रशांत चंदनखेडे वणी  मारेगाव व पाथरी गावातील विविध समस्या व प्रश्नांना घेऊन मारेगाव तालुका मार्क्सवादी कम्युनिस्ट पक्षाने आंदोलन छेडले आहे. मार्क्सवादी कम्युनिस्ट पक्षाचे ६७ वर्षीय नेते कॉ. पुंडलिक ढुमणे हे २० फेब्रुवारी पासून पंचायत समिती समोर आमरण उपोषणाला बसले आहेत. जोपर्यंत समस्या सुटणार नाही, तोपर्यंत उपोषण मागे घेणार नसल्याचा निर्धार त्यांनी व्यक्त केला आहे.  गावाच्या सन्मानात, आम्ही उतरलो मैदानात या घोष वाक्यासह लढेंगे तो जितेंगे, हा नारा देत कॉ. पुंडलिक ढुमणे यांनी पंचायत समिती समोर आमरण उपोषण सुरु केले आहे. मारेगाव व पाथरी गावातील समस्या जोपर्यंत निकाली काढण्यात येणार नाही, तोपर्यंत उपोषण सुरूच ठेवणार असल्याचा स्पष्ट इशारा त्यांनी यावेळी दिला आहे. त्यांच्या प्रमुख मागण्यांमध्ये पाथरी येथील स्मशानभूमीची जागा अतिक्रमण मुक्त करण्यात यावी, घरगुती स्मार्ट मीटर लावणे बंद करावे, बेशिस्त वाहतुकीला शिस्त लावावी, आठवडी बाजार रस्त्यावर न भरविता तो इतरत्र भरवावा आदी मागण्यांचा समावेश आहे. संबंधित अधिकाऱ्यांनी या समस्या सोडविण्याची तसदी न घेतल्यास उपोषण सुरूच ठेवण्याचा इशारा कॉ. ...

प्रशांत चंदनखेडे वणी  राज्य परिवहन महामंडळाच्या बसने गोवंश जनावराला चिरडले. एवढेच नाही तर गोवंश जनावर बसच्या मधोमध फसले. त्यामुळे गोवंशाला बाहेर काढण्याकरिता मोठी कसरत करावी लागली. क्रेनच्या सहाय्याने बसाखली अडकलेल्या गोवंश जनावराला बाहेर काढावे लागले. या अपघातात गोवंश जनावर मृत्युमुखी पडले असून एसटी बस दुर्घटनाग्रस्त होण्यापासून थोडक्यात बचावली. ही घटना शुक्रवार दि. २१ फेब्रुवारीला सकाळी १० ते १०.३० वाजताच्या सुमारास शहरालगत असलेल्या लालगुडा गावाजवळ घडली. वणी वरून घुग्गुस मार्गे चंद्रपूर जाणाऱ्या बसची (MH 49 BZ 4186) गोवंश जनावराला धडक बसली. धडक एवढी जोरदार होती की, गोवंश जनावर (गाय) अक्षरशः बसखली चिरडल्या गेले. एवढेच नाही तर ते बसच्या मधोमध फसले. सुदैवाने प्रवाशांनी भरलेली ही बस अपघातग्रस्त होण्यापासून बचावली. बसखाली अडकलेल्या गाईला बाहेर काढण्याकरिता मोठी कसरत करावी लागली. लालगुडा गावातील नागरिकांनीही चालक व वाहकाला गाईला बाहेर काढण्याकरिता आवश्यक ती सर्व मदत केली. शेवटी क्रेनच्या सहाय्याने गाईला बाहेर काढण्यात आले. मात्र मोकाट जनावरांमुळे मुख्य मार्गांवर अपघाताचा धोका निर्माण झ...

प्रशांत चंदनखेडे वणी   विधानसभा निवडणुकीत बंडखोरी केल्याने काँग्रेस मधून निलंबित करण्यात आलेल्या संजय खाडे यांचे निलंबन मागे घेण्यात आले असून त्यांना काँग्रेस पक्षाने पक्षाचं कार्य करण्याची परत एकदा संधी बहाल केली आहे. त्यांच्यासह त्याच्या सात सहकाऱ्यांचे काँग्रेस मधून निलंबन करण्यात आले होते. या सर्वांना परत काँग्रेस पक्षात सामावून घेण्यात आले आहे. संजय खाडे यांच्यासह आठही जणांचे निलंबन मागे घेण्यासंदर्भात खासदार प्रतिभा धानोरकर यांनी महत्वाची भूमिका बजावली आहे. त्यांच्या विनंती वरून काँग्रेस प्रदेशाध्यक्षांनी आठही पदाधिकाऱ्यांच्या निलंबनाचा आदेश रद्द करून त्यांना पक्षात कार्य करण्याचा आदेश जारी केला आहे. त्यानुसार काँग्रेसचे सरचिटणीस  (प्रशासन व संघटन) यांनी अधिकृत पत्र देऊन त्यांचे निलंब मागे घेतल्याचे जाहीर केले आहे.  नुकतीच पार पडलेली विधानसभा निवडणूक काँग्रेस, राष्ट्रवादी (शरदचंद्र पवार) व शिवसेना (उबाठा) या तीन प्रमुख पक्षांसह मित्र पक्षांनी एकत्रितपणे लढविली होती. महाविकास आघाडीच्या माध्यमातून लढविण्यात आलेल्या या निवडणुकीत जागा वाटप करतांना वणी विधानसभा मतदार संघ...

प्रशांत चंदनखेडे वणी   शहरासह तालुक्यात रेती तस्करीला अक्षरशः उधाण आले आहे. वाळू चोरी करण्यात चोरटे प्रचंड तरबेज झाले आहेत. महसूल अधिकारी व कर्मचाऱ्यांच्या नाकावर टिच्चून वाळू माफिया रेती तस्करी करीत आहेत. रेती घाटांवरून अवैधरित्या रेतीचा उपसा व वाहतूक करून ती सर्रास काळ्या बाजारात विकली जात आहे. आणि महसूल विभाग मात्र गपगुमान बसला आहे. महसूल अधिकाऱ्यांवर शिरजोर होऊन वाळू माफिया वाळूची तस्करी करीत आहेत. तर महसूल अधिकारी हतबल होऊन त्यांची मुजोरी खपवून घेत आहेत. नुकतीच एका वाळू चोरीच्या ट्रॅक्टरवर कार्यावाही करतांना येथील नायब तहसीलदारांवरच वाळू चोरटा भारी पडल्याची घटना उघडकीस आली होती. नायब तहसीलदारांना धक्का देऊन चोरट्याने त्यांच्या डोळ्यासमोर रेती भरलेला ट्रॅक्टर पळवून नेला होता. एवढ्यापर्यंत वाळू चोरट्यांच्या हिंमती वाढल्या आहेत. महसूल विभाग रेती तस्करांविरुद्ध कार्यवाहीचा बडगा उगारत नसल्याने ते प्रचंड निर्ढावले आहेत. प्रशासनापुढे "झुकेगा नही" ही तस्करांनी भूमिका घेतली आहे. त्यामुळे तस्करांऐवजी महसूल विभागाचेच धाबे दणाणत असल्याची चर्चा शहरात रंगली आहे. एसडीपीओ पथकाने मात्र र...

प्रशांत चंदनखेडे वणी  बेरोजगारीमुळे गुन्हेगारी क्षेत्राकडे वळू लागलेल्या तरुणांना रोजगाराची संधी उपलब्ध करून देण्याचा अभूतपूर्व उपक्रम जिल्हा पोलिस दलातर्फे राबविण्यात येत आहे. बेरोजगार तरुणांच्या फौजा तयार होऊ लागल्याने त्यांना सुरक्षा रक्षकांच्या फौजमध्ये भरती करण्याचं अनन्य साधारण कार्य जिल्हा पोलिस दलाच्या माध्यमातून करण्यात येत आहे. गुन्हेगारी क्षेत्राकडे वळणारी तरुणांची पाऊले रोजगाराकडे वळविण्याचा जिल्हा पोलिस दलाने हाती घेतलेला उपक्रम ही आज काळाची गरज बनली आहे. जिल्ह्यातील तरुणांना रोजगाराच्या संधी उपलब्ध करून देण्याची स्तुत्य संकल्पना जिल्हा पोलिस दलाकडून आखण्यात आली आहे. जिल्हा पोलिस दलाकडून ऑपरेशन प्रस्थान अंतर्गत वणी शहरातही रोजगार मेळाव्याचे आयोजन करण्यात आले आहे. २२ फेब्रुवारीला सकाळी ९ ते सायं. ५ वाजेपर्यंत हा भव्य रोजगार मेळावा आयोजित करण्यात आला आहे. शेतकरी मंदिर मंगल कार्यालयात हा रोजगार मेळावा होणार आहे.  शाळा कॉलेज सोडलेल्या तरुणांना विविध व्यावसायिक प्रशिक्षण देऊन त्यांना रोजगाराच्या वाटा उपलब्ध करून देण्याचा संकल्प जिल्हा पोलिस दलाकडून करण्यात आला आहे. सुर...

प्रशांत चंदनखेडे वणी  शहरातील सिंधी कॉलनी येथे राहत्या घरी पोलिसांनी धाड टाकून प्रतिबंधित सुगंधित तंबाखूचा मोठा साठा जप्त केला आहे. ही धडक कार्यवाही मंगळवार दि.१८ फेब्रुवारीला सकाळी ७.३० ते ८.१० वाजताच्या दरम्यान करण्यात आली. या कार्यवाहीत पोलिसांनी १ लाख ६ हजार ५१० रुपयांचा मुद्देमाल जप्त केला असून शासनाने प्रतिबंधित केलेल्या सुगंधित तंबाखूचा साठा करणाऱ्या आरोपीला अटक केली आहे. रोहित सुभाष तारुणा (२८) रा. गुरुनानक नगर, सिंधी कॉलनी असे या पोलिसांनी अटक केलेल्या तंबाखू तस्कराचे नाव आहे. त्याला न्यायालयात हजर केले असता न्यायालयाने त्याची न्यायालयीन कोठडीत रवानगी केली आहे. शहरात सुगंधित तंबाखूची तस्करी मोठ्या प्रमाणात केली जाते. सुगंधित तंबाखूचा साठा करून त्याची अवैध विक्री करण्यात येते. सुगंधित तंबाखू, सुपारी, गुटखा व इतर प्रतिबंधित पदार्थांची तस्करी करणारं एक रॅकेटच शहरात सक्रिय असल्याचं दिसून येते. महाराष्ट्र शासनाने प्रतिबंधित केलेला सुगंधित तंबाखू व गुटखा  शहरात मोठ्या प्रमाणात अवैधरित्या विक्री होत असल्याचे पाहायला मिळते. सुगंधित तंबाखूच्या तस्करी व अवैध विक्रीतून मोठा आर्थ...

प्रशांत चंदनखेडे वणी  विवाहित महिलेवर वाईट नजर ठेऊन तिच्याशी जवळीक साधण्याचा प्रयत्न करतांनाच तिला लग्नाचा प्रस्ताव देणाऱ्या एका पन्नास वर्षीय मजनूवर वणी पोलिस स्टेशनमध्ये गुन्हा दाखल करण्यात आला आहे. उतरत्या वयात रंगीन मिजाज ठेवणारा हा युवक एका विवाहित महिलेवर वाईट नजर ठेऊन होता. तिला आपल्या जाळ्यात अडकविण्याचे सर्व मनसुबे विफल ठरल्यानंतर त्याने सरळ तिच्यापुढे लग्नाचा प्रस्ताव मांडला. तू आपल्या पतीला व मुलीला सोडून दे, मी तुझ्याशी संसार थाटतो, असे निर्लज्यपणे त्याने त्या महिलेला म्हटले. विवाहित महिलेवर फिदा झालेल्या या युवकाने महिलेला भाळण्याचा हरसंभव प्रयत्न केला. मात्र महिलेने त्याला घास न टाकल्याने त्याने निर्लज्यपणाचा कळस गाठला. तो महिलेच्या २४ वर्षीय मुलीवर देखील डोळे ठेऊ लागला. तिला इशारे व डोळे मारण्याइतपत तो निर्ढावला होता. त्याची टपोरीगिरी वाढतच गेल्याने शेवटी त्याच्या अशा या निर्लज्य वागण्याला कंटाळून महिलेने सरळ त्याच्या विरोधात पोलिस स्टेशनला तक्रार नोंदविली. महिलेच्या तक्रारी वरून पोलिसांनी युसूफ खान सुबेदार खान रा. इंदिरा चौक याच्यावर विनयभंगाचा गुन्हा दाखल केला आहे....

प्रशांत चंदनखेडे वणी  दुर्मिळ होत चाललेल्या फुरसे जातीच्या सापाला सर्प मित्रांनी जीवनदान दिले. भारतातील मुख्य चार विषारी सापांपैकी एक असलेला हा साप सुंदरनगर येथील श्रीराम मंदिराजवळ आढळला. या सापाला एमएच २९, हेलपिंग हॅन्ड्स ग्रुपच्या सर्प मित्रांनी रेस्क्यू करून जंगल परिसरात सोडले.  सुंदरनगर येथील श्रीराम मंदिराजवळ नागरिकांना साप आढळून आल्याने त्यांनी सर्प मित्रांना फोन करून साप पकडण्याकरिता बोलाविले. सर्प मित्र क्षणाचाही विलंब न करता साप आढळलेल्या ठिकाणी पोहचले. तेथे त्यांना दुर्मिळ होत चाललेला फुरसे जातीचा साप आढळून आला. या सापाचे आवडते खाद्य हे विंचू आहे. विंचवाला भक्ष करतांना या सापाला अनेकदा विंचवाच्या दंशाचाही सामना करावा लागतो. परंतु विंचवाचे जहर पचविण्याची क्षमता या सापात आहे. इकडे विंचवांची संख्या कमी होत चालल्याने फुरसे जातीच्या सापांचीही संख्या घटू लागली आहे. मात्र  कोकणात विंचवांची संख्या जास्त असल्याने हा साप कोकणात मोठ्या प्रमाणात आढळतो. या सापाला इंग्रजीत SAW SCALED असे म्हटले जाते. SAW म्हणजे करवत. या सापाची त्वचा करवती सारखी असल्याने त्याला SAW  SCALE...

प्रशांत चंदनखेडे वणी   मद्यधुंद ट्रॅक्टर चालकाने भरधाव व लापरवाहीने ट्रॅक्टर चालवून एकाच वेळी तीन मोटारसायकलला धडक दिल्याची हृदयद्रावक घटना वणी यवतमाळ मार्गावरील राजूर रिंग रोडवर १७ फेब्रुवारीला रात्री ८ ते ८.३० वाजताच्या सुमारास घडली. या भीषण अपघातात एक जण ठार तर दोन जण गंभीर जखमी झाले आहे. दोघांचीही प्रकृती अत्यवस्थ असून एकाला चंद्रपूर येथे रेफर करण्यात आले आहे. तर एका जनावर शहरातील खाजगी रुग्णालयात उपचार सुरु आहे. राजूर (ई.) येथील रहिवाशी असलेल्या मारोती रासेकर या मद्यधुंद ट्रॅक्टर चालकाने राजूर रिंग रोडवर एकाच वेळी तीन मोटारसायकलला धडक दिली. सुधिर तोडेकर रा. राजूर (कॉ.) यांच्या मालकीचे हे ट्रॅक्टर असल्याचे सांगण्यात येते. ट्रॅक्टर चालकाने भरधाव व लापरवाहीने ट्रॅक्टर चालवून तीन मोटारसायकलला जोरदार धडक दिल्याने झालेल्या भीषण अपघातात एक वेकोलि कर्मचारी मृत्युमुखी पडला. तर दोन दुचाकीस्वार गंभीर जखमी झाले आहेत. भांडेवाडा कोळसाखाणीत कर्मचारी असलेले भारत हरी आवारी वय अंदाजे ४५ वर्षे रा. गुरुवर्य कॉलनी वणी हे आपले कर्तव्य आटपून घराकडे परतत असतांना त्यांचा या अपघातात दुर्दैवी मृत्यू झाल...

प्रशांत चंदनखेडे वणी   खातेरा (अडेगाव) येथील सधन शेतकरी आणि व्यावसायिक गजानन जोन्नलवार यांचं रविवार दि. १६ फेब्रुवारीला रात्री ११.३० वाजता दीर्घ आजारानं निधन झालं. मृत्यू समयी त्यांचं वय ७० वर्षांचं होतं. त्यांच्या पश्च्यात पत्नी, दोन मुलं व एक मुलगी असा आप्त परिवार आहे. त्यांच्या राहत्या घरून त्यांची अंतयात्रा निघणार आहे. आज दुपारी १२ वाजता खातेरा येथील मोक्षधाम येथे त्यांच्या पार्थिवावर अंत्यसंस्कार होणार आहे. गजानन जोन्नलवार हे सुस्वभावी व मनमिळाऊ स्वभावाचे होते. सर्वांशीच त्यांचे सलोख्याचे संबंध होते. आदरातिथ्य करणारा माणूस सर्वांना सोडून गेल्याने गावात हळहळ व्यक्त होत आहे. 

प्रशांत चंदनखेडे वणी   वणी येथील प्रसिद्ध व्यावसायिक व सामाजिक कार्यकर्ते मोरेश्वर उज्वलकर यांनी शिवसेना (उद्धव बाळासाहेब ठाकरे) पक्षात प्रवेश केला. शिवसेनेच्या स्वप्नपूर्ती सोहळ्यात यवतमाळ-वाशीम लोकसभा क्षेत्राचे खासदार संजय देशमुख व वणी विधानसभा क्षेत्राचे आमदार संजय देरकर यांच्या उपस्थितीत त्यांनी शिवसेना पक्षात प्रवेश घेतला. त्यांच्या पक्ष प्रवेशाची मागील काही दिवसांपासून चर्चा सुरु होती. त्यांनी शिवसेनेत (उबाठा) प्रवेश केल्याने या चर्चेला पूर्णविराम मिळाला आहे.  एस.बी. लॉन येथे पार पडलेल्या भव्य स्वप्नपूर्ती सोहळ्यात मोरेश्वर उज्वलकर यांनी खासदार संजय देशमुख व आमदार संजय देरकर यांच्या हस्ते शिवबंधन बांधून घेत दिमाखात पक्ष प्रवेश केला. मोरेश्वर उज्वलकर यांचं राजकीय व सामाजिक कार्य उल्लेखनीय आहे. त्यांनी विविध सामाजिक उपक्रम राबविले आहेत. राजकीय क्षेत्रातही ते नेहमी सक्रिय राहिले आहेत. राष्ट्रवादी काँग्रेस पक्षात त्यांनी अध्यक्ष पदावर काम केले आहे. त्यावेळी संजय देरकर यांच्या नेतृयत्वाखाली त्यांनी पक्षात निष्ठेने कार्य केलं होतं. तर आताही आमदार संजय देरकर यांच्या नेतृत्वावर...

प्रशांत चंदनखेडे वणी  मन चंगा तो कटोती मे गंगा हे बोलायला ठीक आहे, पण मानायला कुणी तयार नाही, कुणीही यावर अमल करायला तयार नाही. जोपर्यंत हे विचार कृतीत आणले जाणार नाही, तोपर्यंत वैचारिक चळवळीवर काम करता येणार नाही. संत रविदासांनी १५ व्या शतकात जे विचार मांडले. ते विचार बाबासाहेबांनी २० व्या शतकात राज्यघटना लिहितांना अधिकारात रूपांतरित केले. परंतु आपली अडचण हे होते की, आपण प्रतिकांमध्ये अडकलेली माणसं आहोत. आपण यावर अमल करायला तयार होत नाही. आम्ही प्रश्न विचारात नाही. आमचे आम्हाला प्रश्न पडत नाही. धाडसाने प्रश्न विचारणारा समुदाय तयार झाला पाहिजे. संत रविदासांचा विचार फक्त एका हॉलमध्ये बसून नुसताच बोलायचा एवढ्यापुरता सीमित होत नाही. तर त्यांनी मांडलेला प्रत्येक विचार अमलात आणतांना जर तसं घडत नसेल, आणि समाज व्यवस्थेत तेवढा सकारात्मक, सम्यक, सौरचनात्मक जर समग्र क्रांतीचा मार्ग गवसत नसेल, आणि तो बदल होत नसेल, तर इथल्या राज्यकर्त्यांना प्रश्न विचारण्याची ताकद, ती धमक आपल्या मंगटांमध्ये आली पाहिजे. माणसातील संवेदना जिवंत आहेत, हे दाखविण्याकरिता आपल्याला बोलावे लागेल, प्रश्न विचारावे लागतील...

प्रशांत चंदनखेडे वणी  घरासमोर विनाकारण शिवीगाळ करणाऱ्याला जाब विचारल्याने त्याने जाब विचारणाऱ्या तरुणालाच लोखंडी टॉमीने मारून जखमी केल्याची घटना शिरपूर पोलिस स्टेशन अंतर्गत येणाऱ्या ढाकोरी (बोरी) या गावात घडली. याबाबत पोलिस स्टेशनला देण्यात आलेल्या तक्रारी वरून पोलिसांनी आरोपीवर गुन्हा दाखल केला आहे.  तालुक्यातील ढाकोरी (बोरी) येथे राहणाऱ्या आकाश दादाराव आसुटकर (२५) याचा गावातील भास्कर रामचंद्र वासेकर (४७) याच्यासोबत जुना वाद होता. हा वाद उकरून काढत तो नेहमी आकाशला नकळत शिवीगाळ करायचा. १२ फेब्रुवारीला रात्री ९.३० वाजता आकाश हा घरसमोरील रस्त्यावर फोनवर बोलत असतांना भास्कर वासेकर हा त्याच्या घरासमोर येऊन विनाकारण शिवीगाळ करू लागला. माझं कोण काय करू शकतं, अशा वल्गना करीत तो अप्रत्यक्षपणे आकाशवर निशाणा साधू लागला. अशातच आकाशचा भाऊ आकाश जवळ आल्यानंतर त्याने तू कुणाला म्हणत आहे, असा जाब विचारताच भास्करने आकाशला दोन थापडा मारल्या आणि तो तिथून निघून गेला. नंतर आकाश व त्याचा भाऊ रस्त्याने समोर जात असतांना भास्करने त्यांना रस्त्यात गाठले व आकाशला लोखंडी टॉमीने मारहाण करण्यास सुरवात केली...

प्रशांत चंदनखेडे वणी  जिद्द, चिकाटी व परिश्रम हे यशाचे गुणसूत्र आहेत. जीवनात यशस्वी होण्याची जिद्द बाळगली की, कुठलाही प्रसंग व परिस्थिती अडथळा बनत नाही. शैक्षणिक भवितव्य घडविण्याच्या काळात कठोर मेहनत घेतली तर यशाला गवसणी घालता येते. विद्यार्थी दशेत विद्यार्जनाला महत्व दिले की, यशस्वी जीवन घडविण्याचा मार्ग मोकळा होतो. वणी शहरालगत असलेल्या लालगुडा या गावातील अशाच एका शैक्षणिक भवितव्य घडविण्याची जिद्द मनी बाळगणाऱ्या विद्यार्थिनीने महाराष्ट्र लोकसेवा आयोगाची स्पर्धा परीक्षा उत्तीर्ण करून यशस्वी जीवनाची मुहूर्तमेढ रोवली आहे. एमपीएससी (MPSC) स्पर्धा परीक्षेत उत्तुंग यश मिळविलेल्या या विद्यार्थिनीची महसूल सहाय्यक पदासाठी निवड झाली आहे. कु. अनुकंपा महेंद्र पाटील असे या स्पर्धा परीक्षेत यश संपादन केलेल्या होतकरू विद्यार्थिनीचे नाव आहे.  कु. अनुकंपा ही सर्वपरिचित असलेले सामाजिक कार्यकर्ते महेंद्र पाटील यांची मुलगी आहे. महेंद्र पाटील यांनी मुलीच्या शिक्षणात कुठलीही बाधा येऊ दिली नाही. कुटुंबीयांनी वेळोवेळी प्रोत्साहन दिल्याने अनुकंपाने स्पर्धा परीक्षेत यशस्वी भरारी घेतली. तिच्या यशात कुट...

प्रशांत चंदनखेडे वणी   संपूर्ण जिल्ह्यात चोरी व घडफोडीच्या घटना घडवून आणणाऱ्या चोरट्यांच्या टोळीचा स्थानिक गुन्हे शाखा पथकाने पर्दाफाश केला असून अट्टल चोरट्यांना चोरीतील मुद्देमालासह अटक केली आहे. या चोरट्यांनी संपूर्ण जिल्ह्यात धुमाकूळ घातला होता. कुलूपबंद मकान व दुकानांना टार्गेट करून हे चोरटे चोरीचा डाव साधत होते. चोरी व घरफोडीच्या घटनांमध्ये प्रचंड वाढ झाल्याने चोरट्यांचा शोध लावण्याचे पोलिसांसमोर आव्हान उभे ठाकले होते. तसेच चोरट्यांच्या मुसक्या आवळण्याकरिता पोलिसांवर दबावही वाढू लागला होता. त्यामुळे जिल्हा पोलिस अधीक्षकांनी चोरी व घरफोडींच्या घटनांचा छडा लावण्याचे आदेश दिल्यानंतर एलसीबी पथकाने चोरी व घरफोडीचे तब्बल ११ गुन्हे उघडकीस आणले आहेत.  या धडक कार्यवाहीत एलसीबी पथकाने ३४५.१ मिली ग्राम सोने व २०० मिली ग्राम चांदीच्या वस्तू चोरट्यांकडून जप्त केल्या आहेत. यात वणी व शिरपूर पोलिस स्टेशन हद्दीत घडलेल्या गुन्ह्यांचाही समावेश आहे. वणी नॉर्थ क्षेत्रातील वेकोलि कर्मचारी दोनदा घरफोडीचा शिकार बनला होता. चोरट्यांनी दिवसाढवळ्या वेकोलि कर्मचाऱ्याचे सुंदर नगर येथील क्वार्टर फोडून ...

प्रशांत चंदनखेडे वणी  वणी पोलीस स्टेशनमध्ये अनेक दिवसांपासून जप्तीत असलेल्या तीन दुचाकी व ४०० किलो लोखंडी भंगाराचा प्रथम श्रेणी न्यायालयाच्या आदेशाने १६ फेब्रुवारीला लिलाव करण्यात येणार आहे. सन २०२१ व २०२२ मध्ये विविध गुन्ह्यांमध्ये ताब्यात घेतलेली वाहने पोलिस स्टेशनच्या आवारात जागच्याजागी जिर्ण होऊ लागली आहेत. ही वाहने आता भंगारात जमा होऊ लागली आहेत. त्यामुळे या दुचाकी वाहनांचा व ४०० किलो लोखंडी भंगराचा लिलाव करण्यात येत आहे.  आरोपींनी गुन्ह्यांमध्ये वापरलेली वाहने किंवा कागदपत्र नसतांना पोलिसांनी जप्त केलेली वाहने वाहनधारकांनी न्यायालयात मूळ कागदपत्र सादर करून सोडवून न नेल्यास ती पोलिस स्टेशनमध्येच जमा होऊन राहतात. कुणीही मालकी हक्क सिद्ध करू न शकलेल्या बेवारस वाहनांनी पोलिस स्टेशनचे आवर पूर्णपणे व्यापले आहे. तसेच लोखंडी भंगारानेही मोठी जागा व्यापली आहे. पोलिस स्टेशन आवारात आता गुन्ह्यात जप्त केलेली वाहने लावण्याकरिता जागा कमी पडू लागली आहे. त्यामुळे नव्याने गुन्ह्यात जप्त केलेली वाहने कुठे ठेवायची हा पेच पोलिसांसमोर निर्माण होऊ लागला. पोलिस स्टेशन आवारात अनेक दिवसांपासून जप...

प्रशांत चंदनखेडे वणी  कोळसा वाहतुकीच्या ट्रकने मोटारसायकला दिलेल्या धडकेत दुचाकीस्वार जखमी झाल्याची घटना १३ फेब्रुवारीला ४.३० ते ४.४५ वाजताच्या सुमारास वणी घुग्गुस मार्गावरील ब्राह्मणी फाटा येथे घडली. अपघातात जखमी झालेल्या दुचाकीस्वाराला रुग्णालयात हलविण्यात आले आहे. दुचाकीस्वाराने प्रसंगावधान राखल्याने तो थोडक्यात बचावला. दुचाकी मात्र ट्रकच्या मागील चाकाखाली आली.  कोलारपिंपरी कोळसाखाणीतून रेल्वे सायडिंगवर कोळशाची वाहतूक करणारा ट्रक (MH २९ BE ९९८८) कोळसाखाणीत कोळसा भरण्यासाठी जात असतांना ब्राह्मणी फाटा वळण रस्त्यावर उभ्या दुचाकीला (MH २९ Z ५७८८) ट्रकने जबर धडक दिली. वाहन चालकाच्या बेजबाबदारपणे वाहन चालविण्याने झालेल्या अपघातात दुचाकीस्वार जखमी झाला आहे. त्याच्या पायाला दुखापत झाल्याचे सांगण्यात येते. मुख्य रस्त्याच्या कडेला दुचाकीसह उभा असलेला हा तरुण ट्रक चालकाच्या दृष्टीस पडू नये, याचेच नवल वाटते. वळण घेतांना ट्रकने दुचाकीला धडक दिल्याने दुचाकी ट्रकच्या मागील चाकाखाली आली. मात्र दुचाकीस्वार हा सतर्कतेमुळे थोडक्यात बचावला. दुचाकीस्वार हा भालर येथील रहिवाशी असल्याचे सांगण्यात ...

प्रेम विवाहाचा असा झाला शेवट  प्रशांत चंदनखेडे वणी  विवाहित युवकाने गळफास घेऊन आत्महत्या केल्याची घटना ७ फेब्रुवारीला घडली. सांसारिक जीवनातील कलह व पत्नी वारंवार माहेरी निघून जात असल्याने विवंचनेत आलेला हा युवक सासरी होणाऱ्या अपमानामुळेही प्रचंड दुखावला होता. पत्नी नांदायला तयार नसल्याने त्याच्या सांसारिक जीवनाचं गणित पुरतं बिघडलं होतं. पत्नी वाद घालून माहेरी निघून जायची. आणि मुलं केविलवाण्या नजरेने बघायची. पत्नीच्या सतत वाद घालण्याने मुलांवर त्याचा विपरीत परिणाम होऊ लागला. तसेच पत्नीला सासरी आणायला गेल्यास सासरची मंडळी युवकाला शिवीगाळ करून मारहाण करायची. त्यामुळे तो प्रचंड तणावात आला होता. अशातच मानसिक तणावातून त्याने गळफास घेऊन आत्महत्या केली. मात्र मृत्यू पूर्वी लिहून ठेवलेल्या सुसाईड नोटमध्ये त्याने त्याच्या मृत्यूस सासरच्या मंडळींना जबाबदार ठरविले आहे. त्यावरून त्याच्या बहिणीने पोलिस स्टेशनला दिलेल्या तक्रारी वरून पोलिसांनी सासरच्या मंडळींवर युवकाला आत्महत्येस प्रवृत्त केल्याप्रकरणी गुन्हा दाखल केला आहे.  वाहन चालक असलेल्या संदीप बंडू येरगुडे याचा गावातीलच मुलीबरोबर ...

प्रशांत चंदनखेडे वणी   महाराष्ट्राच्या लोकप्रिय गायिका व भीमकन्या कडुबाई खरात यांच्या प्रबोधनपर गीतांच्या रंगलेल्या मैफिलीला जनतेचा उदंड प्रतिसाद मिळाला. शासकीय मैदान प्रेक्षकांच्या गर्दीने फुललं होतं. भव्य मैदानावर उसळलेली गर्दी बाबासाहेबांच्या विचारांचं वादळ आजही जनमानसांत तेवढ्याच तिव्रतेने घोंगावत असल्याची साक्ष देत होती. कडुबाई खरात यांची बाबासाहेबांच्या संघर्ष व क्रांतीचा जागर करणारी गीते ऐकण्याकरिता शासकीय मैदानावर जनसमुदाय उमळला होता. भव्य शासकीय मैदान प्रेक्षकांनी केलेल्या गर्दीमुळे छोटं वाटत होतं. कडुबाई खरात यांची महापुरुषांच्या जीवन संघर्षावर आधारित क्रांतिकारी गीतं ऐकण्याकरिता प्रेक्षकांमध्ये प्रचंड उत्साह दिसून येत होता. कार्यक्रमाला उसळलेला जनसागर बघता कडुबाई खरात यांनीही एकापेक्षा एक सरस गीते गायली. मग प्रेक्षकही त्यांच्या गीतांवर मनसोक्त थिरकले. पुरुषांबरोबरच महिलांनाही थिरकण्याचा मोह आवरता आला नाही. घटनाकाराने देशात घडविलेली क्रांती आणि जनतेच्या न्याय, हक्क, अधिकारांना दिलेली बळकटी यावर कडुबाई खरात यांनी जबरदस्त प्रबोधन करणारी गीते गायली. त्यांच्या प्रत्येक गीताला...

प्रशांत चंदनखेडे वणी   वणी शहरापासून ७ किमी अंतरावर असलेल्या राजूर (कॉ.) येथील वापर नसलेल्या पडक्या विहरीत एका व्यक्तीचा कुजलेल्या अवस्थेत मृतदेह आढळून आला होता. विहिरीत मृतावस्थेत आढळून आलेल्या या व्यक्तीच्या मृत्यूचं रहस्य जवळपास एक वर्षांनी उलगडलं आहे. या व्यक्तीने आत्महत्या केली नसून त्याचा गावातीलच तीन जणांनी संगमत करून खून केल्याचे पोलिस तपासात निष्पन्न झाले आहे. अनैतिक संबंधातून हा खून झाल्याचे स्पष्ट झाले आहे. पोलिसांनी सदर व्यक्तीचा खून करून आत्महत्या भासविण्याचा प्रयत्न करणाऱ्या तीनही आरोपींना अटक केली आहे. एका व्यक्तीच्या खुनात हात रंगलेल्या या तीनही आरोपींवर पोलिसांनी खुनाचा गुन्हा दाखल केला आहे. सिद्धार्थ मारोती शेनूरवार (३४), दिवाकर शंकर गाडेकर (२८), पिंटु उर्फ प्रविण वामन मेश्राम (३९) तिघेही रा. राजूर (कॉ.) असे या  पोलिसांनी अटक केलेल्या आरोपींची नावे आहेत. त्यांना ११ फेब्रुवारीला अटक करण्यात आली.  राजूर (कॉ.) येथील रहिवाशी असलेल्या नामदेव पोचम्मा शेनूरवार (५०) याचा मागील वर्षी २५ मार्चला धुलीवंदनाच्या दिवशी कोळसा सायडिंग जवळ मस्जिद परिसरात असलेल्या एका पडक...